الأربعاء، 19 مايو 2010

ابن الدايرة ..


هل حقاً عندما يقول مرشح مجلس الشورى أنه
 "ابن الدايرة"
بذلك يستجلب عطفنا ويستجلب أصواتنا
التى لا أراها - أى الأصوات - تحسم انتخابات بعد اليوم !
 (لا وألف لا)
لأننا وبكل صراحة قد مللنا الشعارات والكلام الفاضى
**
 فعندما يقول أحد المرشحين أنه ابنكم البار .
 بار بمن؟؟
 لم أسمع عنه يوما قبل ترشحه للإنتخابات
 حتى أعرف أنه بار من عدمه وعدمه أحسن . 
**
وعندما يقول آخر أنه رجل الإنجازات .
 أى إنجازات قد أنجزها هذا المنجز ؟
فلم نعهد عليه تأميم القناة
 ولم نعهد عليه تحرير الأقصى
 ولم نعهد عليه إنجازاً نعرفه
 ولا أعتقد أن فى تاريخه إنجازاً لا نعرفه .
**
ويقول آخر نعم لاستكمال مسيرة العطاء .
 أى عطاء هذا الذى يذكر؟؟
 فلم أره يوما يضع فى يد فقير أى عطاء
 ولا حتى نص جنيه كصدقه قليلة تمنع بلاوى كتيرة .
**
فلقد سمعت من يقول أعاهد الله ثم أعاهدكم
على أن أخدم الفقير قبل الغنى
 وأن أخدم الصغير قبل الكبير ..
وكذلك عاهدنا من قبلك كثير !!
 ولم نعرف هل هم نسوا العهد؟؟
 أم أنهم عاهدوا على خدمة "دايرة أخرى" !!
***
ولكنى على قناعة تامة وكاملة
(أن من يستحق هذا الكرسى لم ولن يرشح نفسه أبداً)
***
*

هناك 10 تعليقات:

غير معرف يقول...

ده اكلاشيهات بيحاولوا يداروا بيها على التزوير والرشاوي بتاعت الانتخابات

كل سنه وحضرتك طيب موسم بقا :)

تحياتي

خواطر شابة يقول...

هل تعلم انه في عهد الرسول صلى الله وعليه وسلم وفي عهد خلفائه الراشدين كان المسؤول يتولى المسؤلية بالاجبار لانهم كانوا يعرفون انها امانة ثقيلة يسألون عنها امام الله اما الان فالحال انقلب واصبح الناس من يسعون للمناصب ليس لخدمة الناس حاشامعاذ الله انما لخدمة انفسهم وتكوين ثرواثهم اما حساب الله وعقابه فأنه في اخر اولوياتهم
تحياتي

قلم رصاص يقول...
أزال المؤلف هذا التعليق.
قلم رصاص يقول...

على رأي فتاه من الصعيد

موسم بقى

فعلاابن الدايره صحيح

هههههههههههه

القدر و انا يقول...

ازيك يا صاصا
واحشنا يا راجل
جبتها من الاخر يا جميل
ولان القسم ناقضه فقرة
أعاهد الله ثم أعاهدكم على أن أخدم الفقير قبل الغنى وأن أخدم الصغير قبل الكبير بعد ان احقق كل مصالحى واحقق كل اطماعى وامالى... لو فضل وقت او مال...........

غير معرف يقول...

السلام عليكم
عيد الراجحي
ايه ده يا قلم يا رصاص يبئ تسيبني اكلمك وانت بتعلق هنا
مفيش حد مخلص اليومين دول يا اخي بتفكرني بثانويه عامه
المهم
والله عندك حق
الشعارات دي ساذجه اوي وبردو مصممين يقولو الكلام ده
احلي جمله ان الاصلح لن يترشح
صدقت يا مسدس

د. ياسر عمر عبد الفتاح يقول...

حبيب قلبي يا صلاح بيه
عامل إيه؟


كلامك مظبوط والله
وده سبب خرابنا
أن تولى أمرنا
أراذل وقمنا

غير معرف يقول...

معلوماتي ان ابن الدايره دي ستيمه ابيحه أوي

ولا ايه؟

أبو العريف يقول...

اشطه

كلامك مظبوط

احنا يوسف والي فضل ابن الدايره عندنا

وفضل يواصل الانجازات

وفضل ابننا البار

وفضل


وفضل

ومكنتش بشوفه غير ف الانتخابات



اللي يغيظك بقي
ان لما سقط وانتاخبنا بداله واحد م الاخوان


برضك عمرنا ما شفناه

افروديت يقول...

اشاعات..هما بيقولوها ويرددوها وبعدين هما بنفسهم بيكدبوها بس لما يتأكدوا ان الكرسي في جيبهم "شغل نصابين يعني"تقبل مروري