الاثنين، 31 مايو 2010

فزورة .. لأى دولة عربية هذا البيان؟؟


نحن ندد ونشجب ونستنكر 
ما فعلته دولة اسرائيل
من اقتحام واحتجاز أسطول الحرية 
وقد استدعينا السفير الاسرائيلى
من أجل توضيح ذلك له .
***
وكلنا يد واحدة من أجل فلسطين 
***
ونطالب بسرعة التفاوض
العربى الإسرائيلى حول
مبادرة السلام العربية 
***
وندعو لقمة عربية عاجلة
***
وندعو لإجتماع عاجل
لوزراء الخارجية العرب
***
وندعو دولة اسرائيل بتهدئة النفس
***
وفك الحصار حول غزة
***
وندعو الفصائل الفلسطينية 
بتهدئة النفس وسرعة التصالح .
***
وندعو مجلس الأمن الدولى 
للتحقيق فى الواقعة
وعقد جلسة طارئة
***
وندعو الجمعية العامة 
للأمم المتحدة لإجتماع طارئ
وسرعة التدخل لحل أزمة
السفن المحتجزة 
***
n.s


هناك 20 تعليقًا:

حلم بيعافر يقول...

ههههههههههه

انا مش هقول وهدى فرصة للى بعدى

كيــــــــــــارا يقول...

يالعبك :)

أسيرة اللوحة يقول...

حسبنا الله و نعم الوكيل

ندعو و ندعو و قابلني لو فعلو شئ مما يدعون له ,,

نحنا ندعو الله عليهم و على كل ظالم ,,
صحيح احنا ما نقدر نسوي شئ الان لكننا لسنا ضعفاء بايدينا الدعااااااء ,,

الله ينصرنا عليهم


اشكرك مسدس على الموضوع الرائع
دمت بخير ^^

خواطر شابة يقول...

انه بيان جوكر صالح للكل

قلم رصاص يقول...

وياريت تدعو بالمره الحكام العرب يصحوا من النوم بقى..........

اصل عدنا العصر والضرب دا كان الفجر....

^_^

saragebaly يقول...

ندعو ...
وندعو ...
وندعو ..
.
.
.
.
.
.
.
.

حتى تكتمل سلسة الدعاوى


ولا حياااااااة لمن تنادي

!!!

تحيااتي

e_emy يقول...

بجد انا مش عارفه اقول ايه..
بجد حاجة تحرق الدم
ومش عارفه ايه ردود الفعل والجبن ده

):

وربنا يستر ):

شويه كرامه يقول...

السلام عليكم ورحمه الله وبركاته

أهو كلام والسلام ولكن بالرغم من كونه كلام في كلام إلا إنه لم يصدر بيان مثل ذلك أبدا من أي دوله عربيه ! كل دوله بتاخد جزء منه وتقوله . فدوله تشجب وتدين ودوله تدعو لعقد قمه طارئه ودوله تدعو مجلس الامن لعقد جلسه طارئه ودوله تدعو لضبط النفس ... بجد انا إنقطع نفسي . اللهم آرنا في أنفسنا ما نستحق جزاء صمتنا وضعفنا .

في رعايه الله وأمنه

د. ياسر عمر عبد الفتاح يقول...

شفت بقى قد إيه التمازج والتواصل والتآخي بينا
مش قادرين نبين ده كلام مين من السادة الزعماء

ياااااااااه على الأخوة ,, يااااااه

Me7'o يقول...

آآآآآآآآآآآآآآآآآآآآآآآآآآآآآآآآآآآآآآآآآآآآآآميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين

فتاه من الصعيد يقول...

مفيش اختيارات :))

اصلها ممكن تكون مصر... او egypt مثلا ... او جمهوريه مصر العربيه:D

تحياتي

ويكا يقول...

الاجابه هى :

معموره المحطه


او

شبرا البلد


ياعم الحج ، انت اصلك مش واخد بالك

حاكم الجماعه الزعما بتوعنا دوووول ، محترفين جدا ، ودايما بيمشوا على الاصول ، وبيخدوا الاجراءات القانونيه خطوه خطوه ، وما بينطوش على خطوه قبل التانيه.

وبعدين انت نسيت كمان تكت انهم بيسجلوا مخضر تعدى فى قسم شرطة بولاق الدكرور الاول علشان يثبتوا حاله.

أبو العريف يقول...

بسم الله الرحمن الرحيم

الاجابه نيكاراجوا




الحدق يفهم

كلمات من نور يقول...

ونشجب ونستنكر وندين ونرجع ننام ونحلم وياريبت نصحى بقى

AhMeD RaDy يقول...

ايه السؤال الصعب دا .. انا اعرف ازاى بقى

فشكووول يقول...

ازيك يا صلاح
هى الدول العربيه لها حيله غير كدا
تشجب وتندد وتستدعى السفير وخلاص
حتى المره دى استدعوا السفير
ودى حاله نادره قوى
يعنى فيه تطور فى الموضوع
وكمان فتحوا معبر رفح
دا ايه الهنا اللى احنا فيه ده
تحياتى

سلسبيل يقول...

حسبنا الله و نعم الوكيل

فى اليهود ومن والاهم

ارجوا نا تتقبل مرورى

أم الخــلـود يقول...

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

كلمات من نور يقول...

نشجب ونستنكر ونندد

الكلمات دي درستها في دبلومة الترجمة اللي اخدتها من حوالي عشر سنوات أو اكتر ... أيامها المدرس بتاعنا كان يقولنا الجرائد العربية لا تخلو من هذه الكلمات الثلاث ....اللهم لا اعتراض

شوكولاتة يقول...

بوست جديد مهم عاوزين كل مدون معانا يساعدنا في مشروع مهم التفاصيل عندي في المدونة

http://chocolatah.blogspot.com/2010/07/blog-post_26.html

معانا ولا.......