الاثنين، 10 مايو، 2010

هل هناك وجه شبه بين مصر وجهنم؟


هل حقاً هناك وجه شبه بين مصر وجهنم؟
-السؤال بصيغة تانية-
هل هناك وجه شبه بين علم مصر وجهنم؟
-السؤال بصيغة تالتة-
هل هناك وجه شبه بين مصر والنار؟
سمعت حديث لرسول الله صلى الله عليه وسلم
وسمعته كثيرا من قبل 
ولكنى لم ألاحظ هذه الملاحظة الا قريباً
وهو حديث أن النار أُوقد عليها ألف عام حتى احمرت
 وألف عام حتى ابيضت وألف عام حتى اسودت
 أو كما قال الرسول صلى الله عليه وسلم
والمقام هنا ليس مقام تأويل فحاشا لله
أن أتكلم فيما ليس لى به علم
ولكنى اتسائل ما سر هذا التوافق الغريب؟!
 فبنفس ترتيب الألوان الموجودة فى النار
وهى الأحمر ثم الأبيض ثم الأسود
 نجد عَلم مصر يعلو فى سماء البلاد شرقاً وغرباً
الأحمرثم الأبيض ثم الأسود

 وهذا النسر المقيد الحركة ذو الأجنحة المضمومة
- الذى أعتقد أنه لا يستطيع الطيران -
 يقبع فى وسط هذه النيران أقصد الألوان
فهو فى مرحلة وسطى - بعد الإحمرار يأتى الأبيض . ولم يأت الأسود بعد -
ولكن هل نحن على وشك قدوم الأسود؟
فكم عام مر من الألف الثانية
وكم عام يبقى على قدوم الألف الثالثة؟
أرى هذا النسر هو المواطن المصرى
 الذى يقبع ساكنا فى وسط هذه النيران
 - أقصد الألوان -
لا منها يخرج ولا فيها يحترق .

فلو خرج نجا
 ويكون بذلك من أهل الجنة ذات الألوان الخضراء
 "وهو لون العلم القديم "
ولو احترق فى نارها وحرها بذلك ينجو أيضاً
 من أى ألم نفسى أو مادى
وكلاهما حسن
أما أن يبقى هذا النسر هكذا
 ( فى الاوفسايد على رأى أطاطا )
 مش طايل عنب الشام ولا بلح اليمن!!
 فلا أقول غير لنا الله
مجرد ملاحظة ليس أكثر
n.s

هناك 21 تعليقًا:

قلب ارهقته الاحلام يقول...

اوووووووول تعليق يااااااااه من زمان محصلتش ههههههههه

قلب ارهقته الاحلام يقول...

بص هي ملاحظة غريبه جدا يعني بالرغم من انها تعتبر تحليل واقعي للحالة العامة ال احنا فيها فعلا

بس انا شايفه انها تفكير فلسفي بحت مالوش علاقة بالدين من قريب او من بعيد

بالمصادفة الالوان دي اتجمعت بالشكل ده

بس ال لازم نعرفه ونسأل نفسنا عليه هو لأمتي النسر هيفضل مستني الالف التالته عشان يتحرق ؟

نصيحه مني ياخد كورس ف الطيران :)) او يركب جناحات ورق علي الاقل يكفيه شرف المحاولة
وع فكرة نسيت اقول اني نفسي اوي ف بلح اليمن :D

دمت بخيرررر

تحياتي ,,,,

دندنة قيثارة الوجد يقول...

وجهة نظر صائبة وقد تكون محلها فمر والمصرين أصبحوا يغلو كنار جهنم من كتر الظلم والفساد .. ربنا يستر لو بقت النار وقادت وحرقت كل العالم العربي.

خواطر شابة يقول...

سؤال صادم وتفسير قاسي بدرجة كبيرة
تعرف يوم امس كنا نجلس في البيت وابنة اخي الصغرى اخذت علم وبدأت ترفرفه فدار بيننا نحن الحاضرين نقاش حول احساسنا بالعلم كلنا اتفقنا على ان نظرتنا له لاتشبه ابدا نظرتنا لاي شئ غيره والاحساس الذي يحركه فينا جياش وكبير.
تعرف قد نختلف مع النظام قد نختلف مع الحكومة لكن الوطن والعلم شئ مقدس
والاختلاف في الرأي لايفسد ابدا للود قضية

د. ياسر عمر عبد الفتاح يقول...

حبيب قلبي
عامل إيه يا صلااااااااااااح
واحشني والله

بقولك إيه
الحديث ده مش صحيح
تقريباً كده حديث منكر أصلاً

موناليزا يقول...

كنت هقول لأ خالص مفيش شبه وبعدين فاجئتنى بملاحظتك بجد

Me7'o يقول...

"هل هناك وجه شبه بين مصر وجهنم؟"

هو بعد اللى إنت قلته ده فى كلام تانى يتقال!!!!

Haytham Alsayes يقول...

علي فكرة بالرغم اللي احنا مخنوقين وحاسين بالكلام اللي انت بتقوله بس ممكن المرة دي اخالفك الرأى علمنا مقدس والحكاية مش علم ورمز الحكاية اكبر من كدة انتمااااااااااااااء بس دى وجهة نظرك وان بحترمها جدا

وربنا يفك كربنا ويخلصنا من اللي كرهنا في البلد والعلم

تحياتي وتقديرى

أبو العريف يقول...

هههههههههههههه

ملاحظه خطيره تودي ف داهيه


مش ملاحظ ان نص الاعلام العربيه نفس الالوان

مثلا العراق و سوريا والاردن واليمن


اشطه

Tarkieb يقول...
أزال المؤلف هذا التعليق.
Tarkieb يقول...

الحديث ضعيف مرفوع وموقوف ودا الفرق التاني شعبنا مرفوع وموقوف عليه الزمن تحياتى

daloo3a يقول...

لا تعليق :S

غير معرف يقول...

السلام عليكم
عيد الراجحي
اخبارك يا ابو صلاح
ايه ده؟ ايه الدماغ الجامده دي
الملحوظه دي جتلك ازاي
مع ان العلم حافظينه والحديث عارفينه
بس اول مره اخد بالي
كل ال انا فاكره وعارفه اننا ف اللون التالت الاسود الشيك ده
مفيش ايام هتبئ اسود من كده يا ابو صلاح والحمد لله علي نعمه الستر والصحه

هههههههه بلاش تدخل اعلام الدول ف اوضاعها
عندك مثلا علم لبنان الحياه حلوه وبيضه بس عندهم لمؤخذه ( شجره مدببه) ف وسط العلم
حلل بئ العلم ده واربطه باوضاع لبنان

فاطمة يقول...

رائع يا أخي الذي وجدته دون قصد..لعلك تعلم أن للعلم السوري الألوان نفسها، لكن هناك نجمتان في اللون الأبيض.. ترى بمن أو ماذا نشبههما؟

بارك الله قلمك

احاسيس آيوشه يقول...

ياااااااه ايه الدماغ دى والملاحظات دى
على الرغم اللى وصلنا ليه فعلا والحال اللى ربنا ما علم الا بيه بس لسه جوايا امل ان دا يتغير باذن الله قريب جدا
ربنا يصلح الاحوال وباذن الله مش نوصل لمرحلة الاسود

خواطر شابة يقول...

الرجاء الاطلاع على اخر تدوينة عندي

قلم رصاص يقول...

ياملاحظاتك ياابوصلاح
هههههههههههههه

ودي عرفتها لوحدك ولا ايه

وعرفتها كام مره ف اليوم هههه

بس بجد ملاحظه ذكيه جدااااااااا
احييك عليها
حتى لو كان الحديث ضعيف او من الاسرائيليات الا ان ملاحظتك في حد ذاتها رائعه

أيوا كدا
ارجع لأرضك وبهايهمك
مينفعش كدا

________

اتمنى تشارك في الموضوع دا

http://2lamrosas.blogspot.com/2010/05/blog-post_16.html

سلام

اسامة يقول...

بغض النظر عن المطابقة من عدمه.. وان كانت مصر سجن كبير لشعب بائس... فإن هذا العلم من حيث الشكل قبيح ... ليس فيه اي روح... تماما مثل المرحلة التي انتجته...
وهو شكل الواقع الذي نحياه...
بقي ان اشيد بهذا الربط السيريالي الطريف الذي قمت به... فهو ينم عن نفس مبدعة...
دمت بكل ود..
خالص تحياتي

فتاه من الصعيد يقول...

هههههههههه

نعمل جروب ونطالب تغيير جهنم دي :)

ملاحظه ذكيه

تحياتي

(ست* جنى* الحسن) يقول...

سلامو عليكو ..
اتمنى يكون تشبيه بعيد والا يبقى فال شؤم وماتنساش ان مصر ذكرت فى القران اكتر من مرة
برجاء قبولى صديقة للمدونة

























مصرذ

wael يقول...

اخيرا النسر طار واتحرر