السبت، 1 مايو 2010

يا بلد من غير ظابط


عندما يكون الانسان المصرى بلا أى قيمة
ويصبح هو والعدم سواء بل إن العدم قد يصبح
ذى قيمة ويظل المصرى بغيرها .

- فعندما يأتى نشأت القصاص فيطالب بإطلاق النار على المتظاهرين والمعتصمين بكل جرأة على القوانين والدستور والأعراف -لا أقول فى مصر فلقد نسينا الاعراف المصرية بل فى العالم- فهنا يصبح المصرى بلا أى قيمة .

- عندما يجد الناس رؤوس الحمير والكلاب
 فى الاسكندرية ويبحث كل مواطن سكندرى
 فى مرتبه وهل أكل لحم فى خلال الآونة الأخيرة
 ليبحث فى بطنه عن لحوم الحمير والكلاب
ولا يفكر للحظة أنها ليست المرة الاولى
التى يذبح فيها حمير وكلاب
ولكنها المرة الاولى التى تكتشف فيها
 رؤوس الحمير والكلاب
 ولا يبحث المواطن المصرى فى غير الاسكندرية
 عن بطنه ولا فى مرتبه ظناً منه أنها الاسكندرية فقط .

- عندما يضرب مئات اللبنانين مصريا حتى يموت
 ويعلقوه فى عامود كهرباء ليمثلوا بجثته
(حتى وإن كان مخطئا)
 فهنا نعرف قيمة المصرى .

- عندما يترك المسئولون القمح المصرى
ويستوردون القمح الاوكرانى والروسى المسرطن
 لأنه رخيص الثمن فهنا نعرف قيمة الانسان المصرى .

- عندما يقول رئيس الوزراء أننا شعب (مش بنفهم فى السياسة ) وهوه بس اللى بيفهم فى السياسة هنا نعرف قيمة الانسان المصرى .
 
- عندما تأتى سفينة روسية وتلقى بمخلفاتها البترولية فى قناة السويس فهنا أيضا نعرف قيمة الانسان المصرى .
 
- عندما يخرج أحد المجرمين -الذى كان يحيا فى بلادنا فى حراسة الشرطة- يخرج سلاحه الالى فى أحد الافراح (جنبنا) ويطلق اعيرة نارية ويقتل (صالح) الذى لم يتجاوز الخامسة عشر من عمره ويهرب بكل سهولة من بين أيادى رجال الشرطة فهنا ندرك قيمة الانسان المصرى .

 
 

هناك 14 تعليقًا:

غير معرف يقول...

للاسف كل طلقاتك صحيحه ومؤلمه ..

ومع الاسف تلك قيمه المصري ...انه با قيمه

تحياتي

ستيتة يقول...

دي بلد بظابط بس
ومن غير اي فئة مساعدة
انت مؤكد بتهزر
هو احنا عندنا غير الظابط

غير معرف يقول...

سيبك انتا

حتة دين نتفة قفا

أبو العريف يقول...

كل اللي قلته ده كوم

وحكاية المصري اللي اتقتل ف لبنان دي كوم تاني

دي دليل علي اننا معندناش كرامه

معندناش قيمه

ملناش تمن

حاجه بجد نحزن

لا والله تقهر

انا حاسس بقهر

وحسبي الله ونعم الوكيل

قلم رصاص يقول...

مش عارف انا شوفت القفا دا فين قبل كدا؟!

^_^

وبعدين انت ازاي تقول بلد من غير ظابط ؟ هو احنا عندنا غير الظابط على رأي الدكتوره ستيته؟!

انت شكلك فعلا شارب شاي شاي بلبن !

أما نهاية البوست فشيئ فعلا يزعل وزاد عن حده اوي ولازم بقى واقفه جاده ضد الأشكال الضاله دي..

بس زي ما انت عارف وانا قايلك يوم ماكنا مع بعض اخر مره ، انه الشخص دا شغال لحساب لوز كبير على أرجح الأقوال ودي كلمة السر في حمايته طووووووول الفتره اللي فاتت!

ربنا يهدي

والبقاء لله وربنا يعوض أهل الفقيد عنه خير ويجعل مثواه الجنه

سلام ياصاحبي

خواطر شابة يقول...

لا أجد كلاما لاقوله غير ربي يصلح الاحوال
تحياتي وودي

غير معرف يقول...

الانسان المصرى

هو اى حاجة تانية مصرية الا انه يكون ان انسان

مفيش اى حاجة بتقول انه انسان لا المعاملة ولا الحياة والا اى حاااااااااجة

BNT ELISLAM يقول...

عندك حق فى كل اللى قلته

ويبقى انت كده
واكيد اكيد فى مصر

AhMeD RaDy يقول...

زالله انتى قولت كذا حاجة

وكل واحدة فيهم محتاجة تعليقات لوحدها

بس كلهم بيجتمعوا على انهم مصدر لكلمة ال اه

بجد الواحد خلاص اتوجع اوى اوى من اللى بيحصل وبيحصل وهيحصل

مش عارف بجد واخرتها ايه يا احنا .....!!!!؟

حلم بيعافر يقول...

انت بتجيب سيرة الانصارى؟


اعقل يابوصلاااااااااااح


على فكرة عسى ان تكرهوا شيئا وهو خير لكم


دى فرصة جامدة ان المنطقة كلها تنضف ونخلص من الشلة الوسخة دى وبالقانووووووووون

Tarkieb يقول...

انت لخصت كل الكلام في صورة القفا

غير معرف يقول...

عيد الراجحي
كلام مظبوط مليون الميه
بس بلاش موضوع القفا ده
وبلاش الانصااااااااااااااري

كلمات من نور يقول...

قيمة المصري!!!!!!!!!!!!!!!
-----------------------

والله المصري عاجبه طافح وساكت ..واكل وساكت سرطان ماشي فشيولا وماله مافيش طب بلا هم ............الخ

مسدس صغير يقول...

اشكركم جميعا على التعليق
فتاة من الصعيد
دكتورة ستيته هانم
مصرى اوى عم هانى
ابو العريف باشمهندس
قلم رصاص مبرى
خواطر شابة
ستار ان ذا سكاى
بنت الاسلام
احمد راضى
حلم بيعافر
tarkieb
عيد الراجحى
كلمات من نور