مطلوب الحب يصير تنفيذ
والشك ميفضل كده على حاله
ما انا اصلى مش عارف
غاوى الشخبطة ع التخته
تلميذ
وبخاف من نفسى ومن ضِلى
وكمان امى تخاف ضَلى
عاطيانى ف صدرى حجاب
تعاويذ
انا عارف انه ملوش لازمة
والحافظ ربك
يا أمى دا كلام
عواجيز
وان خفتى عليّه!
ودينى الكتّاب
تحفيظ
وان سمعت الصمدية
انا عايز عَجلة يا امى
تحفيز
وان جيتلك يوم اشكيك همى
مبلاش تخدينى احل معادلة لاقليدس
تعجيز
سامحينى وصالحينى
وخدينى على حجرك ضمينى
مش اخد على هجرك
ولبر الخير عدينى
يا أمى
يا حتة ف قلبى مش ممكن تتغير
يا شارع طول الدنيا
كله ذهاب مش ممكن يرجع
حب العالم دا قصاد حبى صغير
وان رحت ف شارع حبى !
دا طريق بيودى وبس
متخافش مش ممكن هتقابل حد أتغير
أو ممكن هتشوف يفطه هدى السرعة
أو هتبص وراك
أو ممكن تتحير
يا أمى ..
يا حب كفاية عليّه اشوف طيفه
يا شمس خريف
مش ممكن يوم هنشوف صيفه
يا أمى
ظبّط تردد قلبى على اشارتك
والرقم السرى معروف عندى وعندك
بمعدل ترميز
وهعيش طول عمرى على هواكى
تلميذ
علشان الحب يصير تنفيذ
هناك 53 تعليقًا:
ممممممم
الصراحة عاجبتني جدا و لا تعليق
لاني مش من هواة جميل و رائع و اوعي وشك :):):
ياااااااااااه تصور كنت مفتقده قصايدك ووحشتنى جدا حكايات فرحات وهنيه هى فينها من زمااااان؟
بس بجد مفيش تعليق يليق بالكلام ده
بس اللى لفت نظرى انك عاوز عجله لما تحفظ سورة الاخلاص ده انت داخل ع طمع بقى ههههههههههه
عموما مابعد حب الام لا كلام ولا تعليق
تقبل مرورى
لما اتكلم عن جمال اللي انت كاتبه ها اقول حاجة واحدة بس
تعجيييييييييز
معنديش مقطع احطه
ولا جزء احلى من اللي فوقه وتحته
كلها على بعضها روعة
تسلم ايدك
فعلا حب الام اعظم شىء مهما كتبنا عنه سطور ومجلدات لن تكفى لوصفه .....ولكن ما نثرته انت من كلمات عبرت عن قلب عاشق ومخلص وتتسابق كلماته ليعبر عن حبه لاغلى الناس.
سلمت يداك على ما كتبت لانها كانت طلقه حب وحنان من مسدس اعتقد انه لا يخرج سوى كل شىء رائع.
تحياتى لك وتقبل مرورى
بجد حلوة اووووووووى
تسلم ايدك (:
الام سبحان الله مجرد ذكر الاسم ده بتحس بالدفء كنت قريت مرة مثل وحسيته أوي يقول المثل يظل الرجل طفلا حتى تموت امه فيشيخ فجأة
ربي يخلي لك والدتك ويخلي للجميع امهاتهم واللي اتحرم من امه ربنا يصبره
تحياتي لك
الله عليك يا ابوصلاح
احساس جميل يشعرنا جميعا بالدفء
ربنا يديمه عليك يارب
عجبني اوي طبعا الجزء ده:
"وان جيتلك يوم اشكيك همى
مبلاش تخدينى احل معادلة لاقليدس
تعجيز
سامحينى وصالحينى
وخدينى على حجرك ضمينى"
ياسلاااااام ..يعني من الاخر عديلي..وياريت ميت جنيه واديني
هههههههههههههههه
دا استغلال ياحبيبي للمدرسة ..طبعا انت عميري أصيل ومش محتاج توصيه هههههههههه
وليه اقليدس ..على فكره أرشميدس ممكن يزعل انك مذكرتوش في القصيدة ..^_^
---
"يا أمى
ظبّط تردد قلبى على اشارتك
والرقم السرى معروف عندى وعندك"
هنا بقى انا سقفت لك بجد ياابوصلاح
أبدعت كالعادة يافنان
تعرف ، دايما انا باشوف في شعرك الصورة بتبقى مكتمله ادامي وبحس إني شايف لوحه مرسومه بكل تفاصيلها ..المسألة عندك تختلف جدا عن غيرك ..غيرك كتير مبيعرفوش يرسموا صوره جماليه تتشاف ونتخيلها من الكلام وكأنها جزء من الحياه بنعيشه في لحظات قراءة كلماتك ..^_^
بتغيب وتطل علينا بحاجات تمام
دمت مبدعا ياصديقي
في حفظ الله
ياسلام عليك يا مسدس لما تنشن
اجمل كلام والله
الله يحفظ والدتك وامهات كل المدونين امين
روعة
ربنا يحفظك لها ويخليها لك
ازيك يا صاصا
من زمان ما زرتكش ولا استمتعت بكلماتك
الراقية
والله جميلة جدا .. ومشاعر دافئة جدا
بس فيها لمحة حزن
كل سنة وانت طيب
ويارب تكون بخير
عجبتي أوي القافية يا أبو صلاح
وبليييييز
كرر النوع ده
كل سنة وانت طيب
أسلوب جميل وكلمات بسيطة ومعانى كبيييييييرة
زى ما بيقولوا كدة السهل الممتنع
حلوه اوى ياصلاح بجد حلوه:
###يا أمى
يا حتة ف قلبى مش ممكن تتغير
يا شارع طول الدنيا
كله ذهاب مش ممكن يرجع
حب العالم دا قصاد حبى صغير
وان رحت ف شارع حبى !
دا طريق بيودى وبس
متخافش مش ممكن هتقابل حد أتغير
أو ممكن هتشوف يفطه هدى السرعة###
جبتها ازاى دى؟؟؟حلوه جدااااااااااااا..
فين فرحات ياصلاح ماله تقلان علينا كده ليه؟
هو علشان قولنا فى اللقاء اننا بنحبه يتقل كده؟؟؟
طبعا ملكش حلول
ولا حتى حل
كلمات جميلة
بس الاجمل هو الاختلاف اللى انت بتقدر تعمله
انت تصنع الفارق
دايما متجدد ياصلاح
روح ياد راضى عليك
.
الله..الله ..الله صقفة كبيييييييييييرة ليك يا ابو صلاح بجد تحفة تحفة وتشبهاتك حلوة قوووى متخيلك وانت بتقولها وقرتها زى ماشفتك بتقول شعرك فى لقاء المنصورة بجد تسلم ايديك
عجبانى قووووى:
وبخاف من نفسى ومن ضِلى
وكمان امى تخاف ضَلى
عاطيانى ف صدرى حجاب
تعاويذ
انا عارف انه ملوش لازمة
والحافظ ربك
يا أمى دا كلام
عواجيز
صايعة قووووووى:
"يا أمى
ظبّط تردد قلبى على اشارتك
والرقم السرى معروف عندى وعندك"
الله عليك يامتر كده تبقى مترين واكتر
وبعدين مالك واقليدس لاحسن اوديك للعيلة كلها جميييييييييييييييييييل
بس
اصل دي اول زيارة اخاف اطول
جيت تاني لاني ملقيتش حد هناك رائع يابو الصلح.. غير معروف
يا حتة ف قلبى مش ممكن تتغير
يا شارع طول الدنيا
كله ذهاب مش ممكن يرجع
حب العالم دا قصاد حبى صغير
جامده بجد يا صاصا
كل سنه وانت طيب يا باشا
أخبارك إيه يا أستاذ مصطفى؟
يارب تكون بألف خير وتكون السنة الجديدة سنة سعيدة عليك إن شاء الله
بوست ماشاء الله رائع
تحياتي
جميله واروع ما فيها
ان كلماتها مختلفه
وان جيتلك يوم اشكيك همى
مبلاش تخدينى احل معادلة لاقليدس
تعجيز
حلوة جدا
تسلم ايديك يا ابو صلاح
جميلة اوى يامصطفى
ربنا يكرمك ويسعدك دايمااااااا
والله العظيم مابعرف اعلق ع الجمال ده ابدا
بس والله فكرتني بماما اللي وحشتني اوووووووووي
:)
عادل
اشكرك يا دولا على الكلام الحلو ده
بجد سعيد بتعليقك
نورتنى
وكيلة نيابة
بجد انا سعيد بكلامك
اشكرك عليه
وانتظرو هنية قريبا
اشكرك على التعليق
نورتينى
ستيتة
تعجييييز؟؟
بجد يا دكتور تعليقاتك دى وسام على صدرى
اشكرك على الكلام الحلو ده
اشكرك على التعليق
نوريتنى
ابو على
اشكرك على التعليق اخى العزيز
بجد سعيد بمرورك
نورتنى
ايمى
ميرسى اوى
اشكرك على التعليق
نورتينى
خواطر شابة
امين يارب
يخليلنا امهاتنا
ويبارك فيهم
اشكرك على الدعاء والتعليق
نورتينى
السلام عليكم
عيد الراجحي
اخبارك يا ابو صلاح
زعلان زعلان زعلان منك يا صلاح
والزعل علني يعني فضايح بجلاجل
اولا بعتلك رساله لحضور الافتتاح طنشت
قلنا ماشي الراجل احنا مش اد المقام
ثانيا كان فيه اتفاق بينا بخصوص المدونه وادخل صدفه النهارده الاقي بوست جديد قلت مااااااااشي اقرا يا بني وخلاص
لي عندك حق عرب بس انا مسامح فيه
سامحينى وصالحينى
وخدينى على حجرك ضمينى
مش اخد على هجرك
ولبر الخير عدينى
انا كنت نسيت انك بتكتب شعر يا راااااااجل خلينا ف الشعر احسن من وجع القلب التاني
احسنت واجدت رغم اني زعلان منك بس بردو الحق يقال
قلم رصاص
يا حبيبى انت محسسنى ان انا احمد بن على المتنبى
حلوة دى؟؟
احمد بن على مين
هههههههههه
بجد اشكرك على الكلام الحلو ده
ياريت 100 جنيه تدينى
هيه او غيرها
والكلام ليك يا جاره
ههههههه
اما بقى اقليدس وللا ارشميدس
انت زعلان ليه يا عم؟؟
انا جبت سيرة حد من بلدكو؟؟
هههههههه
يلا
اشكرك على التعليق الجميل
دمت مبدعا فى تعليقاتك
اسف على التقصير
نورتنى
سارة
ربنا يخليكى يا غالية
ويخلى امك ويبارك فيها وامهاتنا جميعا
اشكرك على التعليق
بجد نورتينى
ماما امولة
ربنا يخليكى يارب
فينك؟
يارب تكونى بخير
اشكرك على التعليق
نورتينى
القدر وانا
الله يسلمك
فينك؟
يارب تكونى بخير
نورتينى والله
ولا حزن ولا حاجة
ربنا يسعدك ويسعدنا
اشكرك على التعليق الجميل
نورتينى
ميمايا
ان شاء الله اكررها
بجد سعيد بمرورك وتعليقك يا ميمى
اشكرك
نورتينى
ام بوبه
تعليقك السهل الممتنع بردة
اجزتى وانجزتى
اشكرك على التعليق
نورتينى
شيما
كويس انها عجبتك
لا بيعجبك العجب ولا الصيام فى رجب
هههههههه
بجد سعيد بتعليقك
ويا ستى انتظرو فرحات فى ثوبه الجديد قريبا وحصريا
ههههههه
جبتها من السوبر ماركت
اجيبلك؟؟
ههههههه
اشكرك على التعليق
نورتينى
اللى موش عارف يتغير
هههههههه
ربنا يخليك ليا يا بيبو
وحشتنى ياد
انا اصنع الاختلاف؟؟
ماشى
هههههه
اشكرك على التعليق يا حبيبى
نورتنى
عمود نور
بجد انا سعيد اوى اوى بتعليقك
وانا اسف مقصر معاك اوى ومع الجميع والله
ومبسوط انها عاجباك
وحشتنى والله
ربنا يكرمك يارب
اشكرك على الكلام الحلو ده
اه فعلا الحتة دى صايعة
هههههههه
اشكرك
نورتنى
غير معروف
طب مين طيب؟
هههههه
العيلة مالها؟؟
مدرسين رياضيات؟؟
ههههه
لا خد راحتك
البلوج بلوجك
اشكرك على التعليق
نورتنى
غير معرف
طيب دور كده على حد هناك قبل مترجع
هههههه
اشكرك
نورتنى
ابو العريف
كل سنة وانت طيب يا حبيبى
بجد ببقى سعيد اما بشوفك
متحرمناش منك
وربنا ميحرمنا منك
اشكرك على الكلام الحلو ده
نورتنى
شوكولاتة
اه مصطفى كويس
انا قلتله شوكولاتة بتسأل عليك قالى يا صلااااااااح سلملى عليها
هههههههه
كل سنة وانتى طيبة
ربنا يسعدك وتحققى اكتر من اللى بتتمنيه
اشكرك
نورتينى
ليس فقيرا من يحب
اشكرك على الكلام الحلو ده
بجد سعيد بمرورك
نورتينى
محمد غالية
اة منا بردة قلت لمصطفى هيه جميلة اوى قالى تسلم ايدك يا صلاااااااااح
هههههههه
اشكرك على التعليق
نورتنى
مونى الشريف
فينك يا بنتى؟؟
يارب تكونى بخير
وتشوفى ماما عن قريب ان شاء الله
اشكرك على التعليق الحلو ده
نورتينى
عيد الراجحى
معلش يا باشا والله كان عندى ظروف كده
لو عرفتها هتعذرنى
انا اسف والله
بس هجيلك اباركلك طبعا
والف الف مبروك
على الافتتااح
اشكرك على الكلام ده والمتابعة
بجد سعيد بمرورك
نورتنى
ههههههه بتكتبوها اداي شكرا علي الرد يابو الصلح بس دوس على الرابط وانت تخش عش الرياضيات رووووح ناجح ان شاء الله
البوست ده نزل امته
ما شوفتووووووووش
اكيد يوم الحادث الاليم
يلا ما علينا
حلو اوي يا صلاح فكرنى لما اشوفك اسمعه منك عشان انت القائك بيدي طعم تاني للحاجه بجد
اه وفكرني انا اصور اصل بدراوي مصور فيديو يجيب الضغط على فكره
ههههههههههههههه
مختفي فين كده
ايه يا ابو صلاح يا جامد
قبل مكنت اعمل مدونه وانا بدخل عندك
سيبك انت احساسك عاالي
والكبير كبير
بجد قشطه عليك يا ابو صلاح
الأم دي الدنيا لينا بجد ربي يخلي لينا أمهاتنا كلنا ويصبر كل من حرم هذه امنحة الربانية.تسم إيدك يا مسدس صغير
وهعيش طول عمري علي هواكي
بجد روعه
مفيش ارقي ولا اسمي ولا اعظم من حب الام
لان حبها بدون مقابل
ومفيش حد هيحبنا اكتر منها ولا زيها ولا هيستحملنا
ربنا يخلي لكل انسان اعظم ست ليه في الوجود
إرسال تعليق