السبت، 16 يناير 2010

تساؤلات بسيطة حول انفلونزا الخنازير ..





أنفلونزا الخنازير هل هى حقا خدعة كبرى ؟





ام هى وباء يجب الاحتراز منه؟؟




بجد يا جماعة انا عندى شوية تساؤلات نفكر فيهم سوا




اولا :- أين ذهبت أنفلونزا الطيور؟؟




مستخبية أما تعرف الخنازير هتعمل ايه؟!!




ثانيا :- هل انفلونزا الماعز تكملة للسلسلة؟؟




ممكن .




ثالثا :- لماذا لا نسمع بموت مصاب من المصابين الذين تعلن عنهم وزارة الصحة المصرية؟؟




مصر عندها جهاز طبى ووزارة صحة على أعلى مستوى ؟!




رابعا :- هل التاميفلو علاج لكل انواع الانفلونزا من طيور وخنازير وماعز ؟؟




أنا مش متخصص بس ده مجرد سؤال .




خامسا :- لماذا لا نعلم شئ عن وفيات انفلونزا الخنازير الا بعد وفاتهم؟؟




مبيصابوش بالفيرس الا بعد الوفاة ؟!




سادسا :- ولماذا لا يتم فحص الوفيات بعد الوفاة ؟؟




يعنى حد بيعرف همه بيدفونوهم ازاى اساسا ..




سابعا :- ولماذا لا يتم الاعلان عنهم وعن اسمائهم؟




عشان الفضيحة يمكن؟!

ثامنا :- ولماذ ا تصرخ منظمة الصحة العالمية وتنادى بالتحقيق لمعرفة صاحب اشاعة خطورة هذا الفيرس وكونه وباءً عالميا؟؟


فى احدث تقرير لمنظمة الصحة العالمية بيقولو ان الفيرس مش خطير ولا حاجة ده فيرس عادى جدا


تاسعا :- ولماذا تحارب امريكا والدول القليلة التى تصنع التاميفلو يحاربون اى دولة تدعى انها سوف تنتج هذا المصل بشكل أو بآخر؟؟


طالما فيرس ووباء عالمى سيبو الدول كلها تحاربه بأنتاج المصل محليا

عاشرا :- ولماذا لا يتم التحذير من التجمهر فى ملاعب الكرة والاستادات والسينمات؟؟


فى حين أن تجمعات المساجد والمدارس والحج تهدد البشرية بالانقراض إذا لم يتم الغائها ووصل الحال فى بعض الدول العربية الى الغاء الحج والعمرة







هناك 26 تعليقًا:

صبرني يارب يقول...

اقولك انا يا حبيبى

كل الفيروسات موجوده وهاتفضل موجوده

حتى فايرس الانفلونزا العاديه ممكن يموت

والانكت من كده ان كمان السرطان بيموت والسكر بيموت والفشل الكلوي بيموت وفيرس سي بيموت

والطرق بين المحافظات فى مصر بتموت

وحوادث القطارات والعبارات بتموت

والجووووووووووع بيموت

والمايه الملوثه والعقارب والتعابين فى المناطق العشوائيه بيموووووت

اشمعن يعنى الخنازير الى مستقصدنها

عشان يعنى المسحيين الى بياكلوها اه يا ارهابيين

هى دي وسائل الاعلام الى احنا بنسمعها حضرتك

فى مثل يا صلاح فلاحي بيقول ايه

اشغل الست لا تاكل ولا تشاكل

ودى سياسة الحكومه معانا احنا كشعب


انفلونزا الطيور شغااااااله الله ينور
امبارح خالوا بيقولي شغالين اعدام عندنا والفراغ سعرها علي تاني والزفت كله شغال

بس التطبيل الايام دي للخنازير يا ريس

التامي فلو مش علاج اكيد لكن بينفع فى بعض حالات

المصل ماشي اعمل مصل والفيرس يا حبيبى هايحور نفسه ويشتغل

امريكا بتحارب ؟
وتحارب ليه ما احنا بندفع ونشتري يا معلم هو حد يقدر يقول لا

المصل بيجيب شلل رباعي ؟؟

طب ايه ما يجيب مش مشكله نبقى ساعتها نلهي الشعب تاني ونقول ونعيد وزيد

هع هع هع

اااااااااااه يا بلد

Lady E يقول...

استهبال :) هي دي الكلمة الصحيحة

اصلا الانفلونزا العادية في بداية ما ظهرت كانت وباء وموتت الوف فبعض الناس استغلوا الرعب من اي وباء وعملوا موضوع وباء الانفلونزا ده للترويج لمنتجاتهم زي التاميفلو والامصال وغيرها

من وجهة نظري المتواضعة ان انفلونزا الخنازير دي خدعة

فتاه من الصعيد يقول...

علشان كده :)

ايه الاسئله الوحشه دي :)

منطق القوى والمال يفرض نفسه

تحياتي

خواطر شابة يقول...

انا ايضا قرأت موضوع تحقيق منظمة الصحة العالمية مع شركات الادوية ومع من جعلها ترفع حالة التأهب على المستوى العالمي الى الحالة القصوى وانا ايضا لم اعد افهم من علينا ان نصدق الحل في نظري ان نستودع أنفسنا لله الذي لاتضيع ودائعه ولانخاطر باخذ هذا المصل التجربة الغير المضمون النتائج
تحياتي لك

لمسة حنان يقول...

هتسأل علي ايه لا ايه .................... ربنا يسترها

قلم رصاص يقول...

"أنا مش متخصص بس ده مجرد سؤال"

طب لما انت مش متخصص بتسأل ليه ؟!
عموما انا باعتباري متخصص بقى فمش هرد عليك ههههههههههههههههههههه

أحييك على الطرح ياابوصلاح
بس انت ليه المره دي كاتب بالفصيح..انا عارف خطك حلو .. بس برضه ليه ؟ هههههه

____
اولا :- أين ذهبت أنفلونزا الطيور؟؟

الفيروس موجود لكن بمجرد مابيدخل جسم الانسان بيموت .. طبعا انا اقصد الانسان المصري لأنه لديه معده تفرم الأسمنت ويسلك سنانه بحديد عز .. زائد انه اصبح عنده جدار ناري ..قصدي جهاز مناعه أقوى من الغلاف الجوي للأرض
^_^
*********
ثانيا :- هل انفلونزا الماعز تكملة للسلسلة؟؟

السؤال ده يجاوبك عليه الماعز بشخص ذات نفسه ..فأهل مكه أدرى بشعابها!
*********

ثالثا :- لماذا لا نسمع بموت مصاب من المصابين الذين تعلن عنهم وزارة الصحة المصرية؟؟

انت بتشكك في الوزارة؟ واقعتك سوده
عموما هما مش بيعلنوا عشان مش فاضيين
والوزير وراه عيادته بعد الضهر

ال يموتوا ال

********

سادسا :- ولماذا لا يتم فحص الوفيات بعد الوفاة ؟؟

مش يابني اما يبقوا يفحصوا الناس اللي بتموت كل يوم ع الطرق .. او حوادث القتل الخطأ .. اللي عقوبتها زي ما انت عارف قاااااسيه وغير انسانيه بالمره .. 200 ج وست شهور حبس او اي من العقوبتين

وبعدين انت عندك زيادة سكانيه رهيبه مش موجودة في مكان من العالم وهي اللي معطله عملية التنمية .. فاللي يخف يعوم..دا مبدأ نظيف جدا

*******
تاسعا :- ولماذا تحارب امريكا والدول القليلة التى تصنع التاميفلو يحاربون اى دولة تدعى انها سوف تنتج هذا المصل بشكل أو بآخر؟؟

لأن الفيروس صناعه امريكيه صهيونيه ككجزء من الحروب البيولوجيه ..ودا ملهوش علاقه بقى بنظرية المؤامره .. احيانا زي ما انت عارف ياصاحبي بينقلب السحر على الساحر .. زي البلاوي اللي بيعملوها في افلام الرعب بتاعتهم.

*******
عاشرا :- ولماذا لا يتم التحذير من التجمهر فى ملاعب الكرة والاستادات والسينمات؟؟

والله العلامة الدكتور محمد سيد طنطاوي وزير الدفاع .. قصدي شيخ الأزهر هو اللي يرد على السؤال ده
ههههههههههههههههههههههه

طولت عليك انا عارف
عشان من زمان انت مبتكبتش فانا برد باعتبار ما كان من بوستات

منور ياابوصلاح

ومبروووووووك لمصر الفوز النهاردة اتنين صفر

وشكرن على البوست التمام ده

ستيته حسب الله الحمش يقول...

عزيزي المسيو مسدس

يعني ايه حد يجاوبك
كله طق حنك مش اكتر
لأن ببساطة علشان حد يجاوبك صح
لازم يكون عنده قاعدة بيانات صح
ومش كلنا قاعدين نخمن لأن الحقائق مستخبية
لما الحقائق تستخبى
كلنا نشتغل ودن ورا الإشاعات
سواء كانت مطمئنة "ودي قليلة" او تجيب الهم والخراب ودي كتيرة

معرفش اجاوب يا صلاح لأني من شعب معندوش معلومات صحيحة
حسبي الله

تركي الغامدي يقول...

الحمد لله رب العالمين ... وللأسف مايشاع في الغرب يعد حقيقة مؤكده حتى يصبح هو الثابت ... والمثير للحنق والغضب أين العرب وإمكاناتهم من كشف مثل هذه الأمور ودحضها إن كانت كاذبة أو توعية الناس بالاحتراز منها .
بالتوفيق أخي الكريم .

عمــود نــور يقول...

بص ياعم الصلاح..
اصل انفلونزا الطيور موجود من زماااااان وكان بيوقلك لما الطيور تموت انها جتلها فيره

ثانيا موضوع الخنازير دا ممكن يكون حقيقى بس عملوله تصيت جااامد عشان يبيعوا عقار والعلاج.
انا حاسس انها لعبه من وزارة الصحة العالمية وشركات الادوية
والله اعلم

تأثير الفراشة يقول...

أسئلة فى محلها

بالنسبة لأنفلونزا الخنازير ، فهى فعلا وباء عالمى و لكن استخدام مصل لم يتم اكتمال مراحل اختباره من الممكن جدا أن يكون أسوأ من المرض نفسه، لأن أى دواء جديد أو مصل ، لابد أن يتم اختباره أولا على البشر من خلال تجارب اكلينيكية بشروط معينة لمدة ممكن تصل ل 10 سنوات أو ممكن 15 سنة قبل طرح الدواء فى الاسواق ، و حتى بعد ما الدواء بينزل السوق ، بيتم عمل دراسات ما بعد التسويق للتأكد من سلامة الدواء

فالمرض ممكن نحدد و نتوقع نتيجته بشكل ما ، و لكن استخدام مصل جديد و بشكل موسع بهذه الطريقة ، هو ما لا يمكن توقع نتيجته إلى الآن

و بالنسبة للتاميفلو فهو فعلا العلاج الموصوف لانفلونزا لطيور و الخنازير، أما بالنسبة للماعز ، فالحقيقة لم اجمع عنها معلومات كافية بعد

و لكن هو الموضوع كله غير واضح بنسبة 100 % ، و لذلك فأسئلة حضرتك فى محلها تماما، و لا نملك إلا أن نقول ..ربنا يستر

غير معرف يقول...

خالتك هنا ياواد ياصاصا
جيت بس امسى عليك واقولك
شو هى اخبارك وشو هى اخبار العيال
اتمنى تكون بخير
وموضوع الانف وزه وبطه ومعزه وفرخه وخنزير كبير وممكن نلاقى انف حمار وبقره وحصان
وممكن انف لوزا انسان
هههههههههههههههههه
استنى بلاش تزعقلى انا برده خالتك ومربياك ولاانت نسيت الشيكولاته والبسكوتات والحاجات والمحتاجات ياواد ياللى عامل زى القطط بتاكل وتنكر
ههههههههههههههههههه
طيب خلاص خلاص
هاقولك تعليقى على موضوعك
اهو طيب هاقول






معرفش
ومن قال لااعرف فقد افتى وانا م الاخر عاوزه ابقى المفتى
هههههههههههههههههه
سكره خالتك
اللى هى برده ساسوووو

وكيلة نيابه مع ايقاف التنفيذ يقول...

انت كان المفروض تروح للحكومه وتقولهم تسمحولى اسالكم واحرجكم وبعدين تقول الاسئله دى وساعتها بس صدقنى مكنتش رجعت بيتكم تانى وهنعيد قصة سيد عتمان المغازى فى مسلسل سوق العصر هههههه
وانا من رايى المتواضع انت تنزل الاسئله دى فى حلقات عمو كرومبو وهتلاقى هناك جمهور ملوش حل واللى يجاوب على الاسئله ياخد جايزة وهى عشر سنين فى معتقل مشابه لجوانتنامو
مزيد من الطلقات وربنا يستر علينا هههه

الشعب لابد له من حكومه تشكمه يقول...

فاكر زمان لما الاخوان صيتهم على شويه وقعدوا يقولوا انهم عاملينهم فزاعه,
فاكر مصطلح فزاعه؟؟
اهو احنا عندنا دلوقتى دى الفزاعه.

بس المشكله ان فى فعلا اصابات:(
بس محدش فاهم حاجه كله فاتح بقه وبيقول هه...

يعنى فى ايه منظمه الصحه رفعت درجة الاستعداد ل 5 فى البدايه ودلوقتى تقولك لا مفيش حاجه؟

ويعنى ايه مصر كل يوم تعلن 5 ماتو ويقولك مفيش خطر؟
امممممممممممممممم زيك انا مش فاهمه حاجه برضه:(

ليس فقيرا من يحب يقول...

ممكن تخدونى جنب اللى مش فاهمين حاجه

ههههههههههههه احنا عايزين واحد من

المسائيل الفاهمين

يرد على هذه التساؤلات المنطقيه

يا مسدس يا اخويا

daloo3a يقول...

اصلاا كلهم يستهبلون والله
و بعدين كيف صار ينتشر في الدول العربيه أكثر من الدول الأجنبيه معدنه نحن ما عندنا خنازير و لا وسخييييين و قذريييين نفسهم

و بعدين شو يعني هالمرض
انا الصراحه ما صدقت و لا اهتميييت ولا شي

بييني أهلا و سهلاا تراه قدر

والله ما روح العمره بس عشان ما امرض هع

بعدين بيطلعون انفلونزا السمك
يعني شو راح تآكل لا سمك و لا لحم و تراه انفلونزا الطيور و طلع

بقولكم قصة الفلم الهندي

بداية الفلم انفلونزا الطيور
بعده انفلونزا الخنازير
انفلونزا الخرفان
انفلونزا الأسماك
انفلونزا الخضار
انفلونزا الفواكه
انفلونزا الماي
نهاية الفلم كل العرب يموتون و هم ساكتييين

والله الأمريييكييين يستهبلون على عمارهم و علينا

صاحب رأى يقول...

كل دى وسائل بتلهينا الدول بيها وخصوصا مصر وادارتها الحكيمة عايزنا دايما مرعوبين وخايفين وناسيينهم عشان يقدروا ينهبوا براحتهم
انا رأيى مفيش اى حاجه من دى حقيقية
وكل الاعداد اللى بتموت دى كانت بتموت قبل كدا عادى خالص
مفيش حاجة اسمها انفلونزا خنازير ولا هبل من دا

صاحب رأى يقول...

كل دى وسائل بتلهينا الدول بيها وخصوصا مصر وادارتها الحكيمة عايزنا دايما مرعوبين وخايفين وناسيينهم عشان يقدروا ينهبوا براحتهم
انا رأيى مفيش اى حاجه من دى حقيقية
وكل الاعداد اللى بتموت دى كانت بتموت قبل كدا عادى خالص
مفيش حاجة اسمها انفلونزا خنازير ولا هبل من دا

كلمات من نور يقول...

أسئلة جاوبت نفسها ..أمريكا عملت اللعبة دي أو الفيروس داه علشان تبيع العقار والمصل والدول تشتري و بكده تعمل شوية توازن في ميزانيتها ...أمريكا لم تقم بغلق مدارس ولا تجمعات ..أمريكا لم تقم بعمل رعب بين مواطنيها و أخيرا أمريكا لم تقم بتطعيم أي مواطن أمريكي ...والعبرة لمن يعتبر

Sharm يقول...

فيروس انفلونزا الخنازير ضعيف جدا جدا و يعتمد في المقام الاول على مناعة الجسم الطبيعية ..

و لك ان تعلم ان المتوفين بانفلونزا الخنازير في عام يقل كثيرا عن المتوفين بفيروس الانفلونزا العادية !!

و لكن الخطورة تكمن في سرعة تحور هذا الفيروس

العزة فى طاعة الله يقول...

من زمااااااان زمااان اوي
شفت فيلم اجنبى اسمه

نظرية المؤامرة

عارفه ؟؟

الفيلم دا زى ما تكون جبت ازميل و حفرته فى ذاكرتي ..
و اى حاجه
اى حاجه بتحصل فى الدنيا
بطبق النظرية دى عليها بلاإرادية

فتش عنها خيوطها و اركانها و مجموعات الحل فيها

انا فقدت الثقه فى كل البشر
ربنا يستر

( لو مش فاهمنى .. قولى اوضحلك اكتر )

مجرد حلم... صغنتوت يقول...

انفلونزا الطيور لسه موجودة مختفتش ولا حاجة

انفلونزا الماعز دي معرفش حاجة عنها لسه

التاميفلو مضاد للفيروسات بيشتغل بطريقة معينة... حسب اللي درسناه ملوش علاقة بنوع الفيروس اللي قدامه لأن الطريقة دي بتعتمد على حاجة في تركيب اي فيروس

دي الحاجات اللي عرفت أرد عليها
غير كده اللي اعرفه ان الفيروس ده عموما مش قوي.. مشكلته لو جه لحد تعبان اساسا من حاجة تانية
والخوف الرئيسي من انه يجتمع فيروس انفلونزا الطيور مع فيروس انفلونزا الخنازير لأن ده ممكن يطلع طور جديد من الفيروسات هتبقى اقوى بكتير... ربنا يستر

انا برده مش مقتنعة بموضوع انهم يتكلمو في إلغاء الحج وفي نفس الوقت الحفلات والماتشات شغالة زي الفل.. على اساس ان اللي رايحين يرفهو عن نفسهم مش هيحصلهم حاجة انما اللي رايحين يعبدوا ربنا هم اللي هيحصلهم
ربنا يهدي

تسلم على الموضوع يا صلاح

شمس النهار يقول...

يانهار ابيض !!!
كل دي اسألة
طيب دول كلهم اختياري والا اجباري

طمني بس ؟؟؟؟؟

انت عايز كونصولتو خبراء يجاوب علي الاسألة الخطيرة دي

بس هقول لك حاجه

انا سافرت مرتين برة مصر اثناء الهوجة دي

والا مطار رحتة حد قال لي بم والا حد لابس ماسك علي وشة

والا اي حاجة في اي حاجة اصلا

اعتقد ان الموضوع في انة وانة كبيرررررررة

اتشرفت بمعرفتك النهاردة

وكنت سعيدة جدا جدا

شكرا

سلامي

MaNoOoSh يقول...

صلاح باشا كلاشنكوف
اللى متخفي في اسم مسدس صغير

اتشرفت جدا جدا بمعرفتك والقعدة معاك امبارح في اللوقاء
والف مبروك ليك


بالنوسبة بقى للأسئلة كلها اللى بتسألها عن أنفلونزا الخنازير إجاباتك عليها تحفة وخصوصا اللي مبيصابوش بالفيرس الا بعد الوفاه
انا سخسيا معنديش اى إجابة على ولا سؤال
بس ربنا يسترها علينا

غير معرف يقول...

السلام عليكم
عيد الراجحي
اخبارك يا ابو صلاح
انفلونزا الخنازير والقطط والمعيز
ولسه
انا حاسس انها سبوبه وناس كتير بتاكل من وراها عيش
واستمرارها مفيد
علي الرغم ان وفيات انفلونزا البرد العاديه اكتر من وفيات انفلونزا الخنازير وكمان بتنقل اسرع
المستفيد الاول وزاره الصحه ( القيادات طبعا) والمحليات وغيرهم
لان الوزير مش هيمشي ما دام فيه خطر زي انفلونزا الخنازير وغيره
الموضوع مهم يا ابو صلاح بس سامحني لاني فعلا مش مركز و مواضعيك دايما عايزه تركيز
والف ( ) مش عايز انشر الخير

مسدس صغير يقول...

اشكرالجميع على التعليق
معلش أنا اسف على التقصير
لكن ان شاء الله اكون معاكو فى الفترة القادمة

أسيرة اللوحة يقول...

قل لن يصيبنا الا ما كتب الله لنا ,,

لا خنازير و لا بعير يركبوه و يأخذهم على جهنم ,,

الله يحمينا و صحي كلامك فين الإنفلونزا و الا هي مجرد دعاية عالمية للقاح ,,

شكرا لك ^^