الأربعاء، 18 فبراير 2009

مقطورات الصيادلة


اليومين دول حاصل اضرابين مختلفين لفئتين من الشعب المطحون المسكين (سواقين النقل-الصيادلة)
سواقين النقل معترضين على مادة فى قانون المرور الجديد بتلغى المقطورات ونستبدلها بما يعرف بالتريللا هما شايفين ان ده ظلم عليهم لانهم بالطريقه دى هيشحّتو المقطورات دى ومش هتتباع لعدم منفعتها لأى حد بعد الالغاء الا لأصحاب الخردة الشريفة..
انا مش عايز اتكلم فى الموضوع لأن دى مش قضيتى انما قضيتى الحقيقية فى مدى استجابة الحكومة لإضراب السواقين عن العمل..
يعنى مثلا كانت تصريحات المسئولين على الاضراب:

1- يضربو دماغهم فى الحيط

2-اللى مش عاجبه يشرب من البحر

3-اعلى ما فى خيلكم اركبوه

وهكذا..دون وضع حلول للأزمة أو مناقشة هؤلاء السواقين لوضع حلول مناسبة تضمن اقل خسائر ليهم....

--أما الصيادلة فمكانوش افضل حظ من السواقين وكانت تصريحات المسئولين:

1-اضربو دماغكو فى الحيط

2- اشربو الدوا اللى عندكو

3-اشربو من نهر النيل الملوث(وما اشده من عقاب)

4-اعلى ما فى حميركو اركبوه.

وهكذا..دون مناقشة الصيادلة فى مشكلة الضرائب التى تسببت فى اعتصامهم واغلاق صيدلياتهم..ووضع الحلول المناسبة التى ترضى الاطراف..

انا عايز اعرف احنا ليه بنهرب من مشاكلنا وما بنحاولش نحلها..

والاسلوب ده بيزيد الكره والعداء بين المواطنين والحكومة.

وطبعا الحكومة ما بتسيبش اى فرصة لوضع هذا الكره فى قلوب المصريين..


..................


موضوع مهم عايز اكلمكو فيه :

مدونة البت المشمشية ضااااااااااااااااااااااااااااااااااعت ضااااااااااااااااااااااااااااااااااعت ضااااااااااااااااااااااااااااااعت

وعملت نفس النسخة اللى كانت موجودة بس برابط جديد وهو o0mshmsh0o.blogspot.com
اى خدمة يا شوشو..

هناك 29 تعليقًا:

Sweet Violet يقول...

الصراحه انا عامله مقاطعه للاخبار و الحياه الحكومية نهائى

وعلى حد علمى ايام زمان لما كنت بتابع ان الحكومة بتضحك على الشعب بشويه كلام مفقوس انهم يعنى هيحلوا الازمة

بس من الواضح ان الحكومة بقت جريئة و مبقتش حتى تراعى الشعب و لا تضحك عليه

ماشاء الله

*البت المشمشية *حلوة بس شقية * يقول...

انا فعلا سمعت الموضوع فى التلفزيون
منقبل ماتكتبو طبعا
واستغربت ازاى ملاك رحمة يعمل كدة
ازاى عشان ايه
مهما كان
واجبهم ان الصيدلة تفتح 24 سنة دى اهم من الاكل كمان
حاجات غريبه بتحصل فى مصر
بس بدال بيحصل كدة اطمن
يبقا انتا اكيد فى مصر

*البت المشمشية *حلوة بس شقية * يقول...

بخصوص
الاعلان
بجد ييا صولاح
مش عارفه اشكرك ازاى
تسلملى كدة وعقبال ماوزع شربات فلاحك بايدى وادلقو ع البدلةبتاعتك

*البت المشمشية *حلوة بس شقية * يقول...

بجد والله شكرا اوى اوى اوىواوى اوى اوى اوىواوى اوى اوى اوىاوى اوى اوىواوى واوى اوى اوى اوىواوى اوى اوىواوى اوى اوى اوى اوىوااوى اوى اوىواوى وى اوى اوى اوىواوى

وردشان smilyrose يقول...

والله يابنى المشكله كلها فى الشعب

الغلبان دا يعمل ايه ويلاقيها منين ولا

منين من الصيادلة ولا من كذا ولا كذا

ولا كذا حكومة مكبرة دماغها ومش

فارقة معاها حاجة

يعيش الشعب ولا يموت يتعالج ولا

مش فارق ربنا يرحمنا برحمته

حلو البوست قوى وشقاوتك باينة فيه

smilyrose

روح الحب الصادق

dr_samarmar يقول...

بسم الله الرحمن الرحيم

احم احم

مين جايب فى سيرتنا هنا

كمية الاضرابات اللى بتحصل من كل فئات الشعب
عمال بقا و صيادلة و سواقين نقل و ميكروباص و معلمين و أطباء

أكبر دليل ان الحكومة فاسدة و لازم تتغير من التعليم للصحة للمااااااااااااااالية للمااااااااالية للمااااااااالية للنقل و المواصلات للراس الكبيرة

و ربنا يكون فى عوننا بقا :)

سلسبيل يقول...

انا قلت بما ان البوست بيتكلم عن ازمة الصيادلة..الاشقاااء.. فلازم بقي اتكلم مايصحش يعني
طبعا اللي الحكومة عملته دا شئ متوقع
ونظريه اضربو دماغكو ف الحيطه دي معروفه من زمان معانا..اقصد الشعب المصري بصفه عامة
ياجماعه ماتطبعوش مع اسرائيل
اضربو دماغكو ف الحيط
ياجماعه ماتصدروش غاز لاسرائيل
برضه اضربو دماغكو ف الحيط
يابشر بلاش مصنع اجريوم
قلنا اضربو دماغكو ف الحيط
وكمان الحكومة ترجع ف كلامها..زي بالظبط واحد بتلعب معاه دور دومينو فميعجبوش اللعب يقوم هادد كله ويقوللك لا م الاول
هههههههههههه بجد مش عارفه حاجه تضحك ولا تغيظ
ونفس الكلام مع سواقين المقطورات
تخيل ان السواقين المضربين شالو النمر اللي علي عربياتهم المركونه لان مباحث امن الدوله بتعدي تشوف النمر دي وتقبض علي اصحابها..ممكن افهم بالله عليهم واحد اضرب في صمت..يقبضو عليه باي تهمه؟؟
لا دا شئ فوق الفظيع
واللي يغيظ ف الموضوع ده كله ان يطلع مسئول كده يقول بكل ثقه
"ولاااا بيهمنا"
يعني الصيادله يتفلقو؟؟ مش فارقين معاكو؟؟
ولا سواقين النقل؟؟
طب ماحنا نمشي م البلد احسن بدل ماهي مش فارقه معاكم كده
مش قادره افهم ايه الالاطه اللي نازله ع المسئولين المصريين دي
حاجه غريبه
يلا انا برغي كتير
بس بصراحه البوست شدني
خالص مودتي

Kiara يقول...

واالله ماعارفه اقول ايه المشكله اننا بنعترض واول اما يتقال لا

بنقالم نفسنا علي كلمة لا ويمكن بناقلم نفسنا علي لا من قبل اما نعترض

maha zein يقول...

يا خراشتي
ضاعت
اذاي ضاعت
انا وربنا خايفة اضيع انا كمان
يا ناس حد يقولي اعل ايه
انا مبفهمش الحجات اللى بيعدوا ييقولوا عليها وورد بريس والجو ده
اروح فين واجي منين
يا خراشتييييييييييي
المهم ان فعلا نظرية اضربوا داغكم في الحيط دي تخلي العالم اللى مش عوزة تعند تعند
يعني ايه مش فاهمة
يعني احنا يعني بنروح نحط العالم دي في ناصبها عشان وقت ما نقلهم عندنا مشاكل يقوللنا اشربوا من الترعة
يلا خليها تخرب
وتولع
وخلي السواقين يضربوا
والصيادلة
وبتوع الفول
وام عماد بتاعه الخضار
يلا بلا بتاع بقه
دي العالم خلاص بتاكل في بعضها يا جدع

مسدس صغير يقول...

sweet violet
قاطع الحكومة تنقذ نفسك ...
شعارك ده انا عارف؟؟
هما ما عادوش بيضحكو على حد لانهم مش سائليين ..
ربنا يستر
اشكرك على التعليق ونورتينى

مسدس صغير يقول...

البت المشمشية
شكرا على التعليق اللى ملوش اى لازمه..
ههههههههه
لا طبعا انا بتفائل اما بتعلقى على موضوع لان الزباين بتيجى على حسك..

مسدس صغير يقول...

البت المشمشية
لا شكر على واجب
اى خدمة
جمايلنا كترت اوى
بصراحة مش عارف انتو هتردو الجمايل دى ازاى؟؟هههههههههه
نورتى

مسدس صغير يقول...

smily rose
اشكرك على التعليق الرائع.

طبعا الشعب بصراحة مش عارف يجيبها كده يجيلها كده هيه كده الحاجة الرخمة بيبسى..

اشكرك واشكر كلماتك..

مسدس صغير يقول...

dr samarmar

اولا انتو بجد حاجة تحير.

يعنى مثلا قالو الصيدليات تضرب عن الطعام وفى نفس ذات الوقت لقيت كل الصيدليات عندنا فاتحة من الفجر..
يللا ربنا يهديهم..

المهم انتو ابقو اتوصو فى الدوا شوية عشان خاطر الشعب الكحيان ده..هههههههه
وللا انتو معندكوش توصية؟؟؟

مسدس صغير يقول...

سلسبيل

نظرية اضربكو دماغكو فى الحيط نظرية قديمة قدم البنى ادمين المصريين منذ الازل..

اللى مش عاجبه كان بيشرب من النيل بس النيل كانت ميته تنفع للبنى ادمين اما دالوقتى هيشرب منين بعد شيرين ما قالت :

ما شربتش من نيلها...
.....

تحيتى ومودتى ونورتينى

مسدس صغير يقول...

كيارا
فعلا لا هيه اسلم حل بس تكون فى سرنا لأن لو كانت جهرية يبقى سنتكو مش معدية..
ربنا يستر.
وسلميلى يامّا
على الايس كريم(اللى بالى بالك)
نورتى

مسدس صغير يقول...

maha zain
اشكرك على التعليق.
مدونة البت المشمشية خلقه كده ضاااااااااااااااااعت
ضاااااااااعت
.ههههههه
ربنا يستر علينا فى الدنيا والاخره.
اما سياسة اضربو دماغكو فى الحيط فأعتقد انهم هيفرضو عليها ضريبة فى الايام القادمة لأن الطوب سعره ذاد بعد اضراب العربيات النقل.
ويجعله عامر
نورتينى

حروف يقول...

مممممممممممم موضوع يستحق الدراسه
ومشمشة ضاعتتتتتتتتتتتت هية هية ضاعت وحنرتاح اية دة رجعت تاني احنا مصدقنا كانت بتدخل تعمل فرح ومراجيح يالا اهو كله بثوابه ويا فاعل الخير ثوابك عند الله ويا محسنين لله
"وش بيكركر"
موضعاتك كلها مهمة بتجيب الاخبار دية منين؟؟؟؟؟؟؟؟؟؟
وكان هذا هو السؤال كانت معكم حروف الدلو القاهرةةةةةةةةةةةةةةةة

مسدس صغير يقول...

حروف
طبعا محدش بياخد من الدنيا كل حاجه .
مصدقنا مشمشة تضيع اذ فجأة يلاقوها مولعة فى المولد اللى كانت ضايعة فيه.
ربنا يستر علينا.
اشكرك على التعليق الجميل. واشكر تواجدك.
"وش مش عارف يقول ايه"
هههههههههه
سلام بالموز

dr_samarmar يقول...

هههههههههههه

و الله احنا خلاص قربنا نشحت من كتر النق :d

كل ماحد يكلمنى يقولى أيوة يا عم صيدلة الفلوس بتجيلكو م الهوا :D

عموما انا لسة طالبة أوعدك لما أخلص اذا ربنا كرمنى كدا و فتحت ثيدلية...
يبقى بيزنس از بيزنس و اللى ماعاهوش مايلزموش
هههههههههههه

على فكرة انا ماشوفتش صيدليات قافلة بردو :D

saragebaly يقول...

للأسف هو دة حال بلدنا

وهي دي ردود حكومتنا

اما المواطن الغلبان

مش بأيده غير انه يرضى بالأمر الواقع

او يخبط راسه بالحيط

تحياتي لك كل التحية

سارة

مسدس صغير يقول...

dr samarmar
ايوا يا عم ماشية معاكو طالع واكل نازل واكل..

حد بياخد فلوس من العيان غيركو؟؟
لا طبعا..

ربنا يستر منكو وربنا ما يحوجنا ليكو ابدا ..ههههههههههه

اشكرك على التعليق ونورتى.

مسدس صغير يقول...

sara gebaly
اشكرك على التعليق والاهتمام.
فعلا هيه دى سياسة البلد" اخبطو دماغكو فى الحيطة"
والسياسة دى هيه السبب فى انتشار الصداع المزمن عند معظم الشعب وده بيخللى الصيادلة والدكاترة شغااااااااااال يونيفرسال..
تحيتى ونورتى

الحرامي يقول...

يا عم الحج دول ما خلوش فئه من الشعب الا لما ظلموها
من الصيادله
لسواقين النقل
لسواقين القطارات
لموظفي الضرائب الغقاريه
للقضاه
للمحامين ( عنهم مشاكل اليومين دول )
للمهندسين ( فارضين الحراسه علي نقابتهم )
وهلم جررررا

مسدس صغير يقول...

الحرامى
يا عم انت مالك ومال السياسة والنقابات خليك فى السرقات اللى انت فيها دى احسن تتعب.
ههههههههههه
تحيتى الغالية. ومودتى

Lady E يقول...

تصدق مش عارفه اقول ايه

بالنسبة لمية النيل الملوثة فهو عقاب عقاب فعلا

مسدس صغير يقول...

lady E

فعلا ما اشده من عقاب .

عقاب قاسى جدا.

اشكرك على التعليق والتواجد

سلامى ونورتينى

موناليزا يقول...

وكان ايه لازمة الاضراب اصلا اذا كان مفيش منه نتيجة

مسدس صغير يقول...

موناليزا

فعلا ملوش اى لازمة

طالما مأثرش ع الازمة

واخدو "سورى يعنى" بالجزمة