السبت، 7 فبراير 2009

تاجين وأمرى لله


بقى يا اخوالنا مشمشة كانت زعلانه ان انا مبردش ع التاج بتاعها .. جاية فى عز الحرب على غزة وعايزانى ارد حقه ينفع؟؟؟ كلكو فى صوت واحد لأ مينفعش.. ايوة صح كده قولولها بقى..

اولا تاج مشمشة عشان متزعلش..


1-مبسوط من اسمك؟؟ ولو مش بتحب اسمك كان نفسك يبقى اسمك ايه؟؟
-مبسوط جدا جدا .. خلاص بقولك مبسوط
2-اهم حلم فى حياتك؟
- ابقى رئيس جمهورية
3-تتجوز البنت اللى بتحبها قبل الجواز وللا تتجوز وحده تانية مشيت مع غيرك؟؟
- هو مفيش الا النوعين دول وللا ايه ؟؟ اكيد فيه بنت حلوة وبنت ناس ومحترمة وممشيتش مع حد قبل الجواز ولا حتى قبل الطلاق..
4-لو نفسك تعمل مدونة تانية ممكن تكون بتتكلم عن ايه؟؟
- انا بالفعل كان نفسى اعمل مدونة عن الفضاء لأنى بحب المجال ده جدا وبعدين عملتها بالفعل انا وقلم رصاص وبستنا مشاركتكوalfadaa2.blogspot.com
5-انت ممكن تغفر لبنت انها كانت بتحب واحد تانى فى الماضى وتتجوزها؟؟
- صعب ..
6-لو فى ايدك تحكم مصر لمدة 24 ساعة تعمل ايه؟؟
- اعزل وزير التعليم العالى والواطى واعزل وزير الزراعة والبترول والتموين..
7-انت شايف الرئيس مبارك ازاى؟؟
- المنزه هو ربنا بس والمعصوم هما الانبياء بس .. وكل رئيس له سلبيات وايجابيات لازم تكون ايجابياته اكتر من سلبياته عشان يبقى رئيس كويس . هو احيانا كده واحيانا كده بس لازم ندعيله ربنا يعينه لفعل ما هو خير للشعب والامة..
8-ايه اكتر حاجة تخليك مبسوط فى الدنيا؟؟
- ان ربنا يبقى راضى عنى وامى وابويا وكل الناس اللى حواليا..
9-ايه اللى ممكن ينكد عليك حياتك فى لحظة؟؟
- صديق مش صديق وصاحب مش صاحب.
10-ايه رأيك فى البت المشمشية؟؟؟؟؟؟؟؟!!!!!!!!!!!!
يييييييييييييييييييييييييه. ليه السؤال ده بس .. حلوة.ههههههههههه

....................

تاج دكتورة سمر مدونة فكرة وقلم وحلم...


السؤال الاول بدأتِ التدوين إمتى؟؟ ودخلتِ العالم ده إزاي؟؟

بدأت فى شهر يونيو اللى فات..بصراحة كنت متابع مدونة اخف دم لأن اشرف كان فى نادى ادب الجامعة وانا فى نادى ادب الكلية وكنا بنتقابل كتير وكنت معجب بيه كشاعر ولما عرفت انه عامل مدونة تابعتها وعجبتنى جدا . قلت طب وايه المانع انى اعمل وحدة وعملت عن طريق جوجل حبيب قلبى ومرشدى الخاص.
السؤال التاني إيه كان إنطباعك ف البداية؟؟
كنت حاسس ان انا بكتب لنفسى بس مع الوقت كنت مستمتع جدا لحد ما فرجت .
السؤال الثالث: مين أكتر حد بتحب تعليقه عـ البوست الجديد؟؟
كل المدونين خير وبركة.. بس أخص قلم رصاص والبت المشمشية وايمى ودكتورة سمرمر طبعا وفشكول ومونى ..
السؤال الرابع: إيه أهــــم حاجة إتعلمتها في عالم التدوين؟؟
الابتكار والتدقيق فى الاحداث عشان لو انت كتبت حاجه عادية هتبقى عادى ولو كتبت حاجة مميزة ومبتكرة هتبقى مميز ومبتكر.
السؤال الخامس: إيه أكتر حاجة كرهتها؟؟
المدونات الموجهة بمعنى المدونات التى تعارض من اجل المعارضه من غير اى فكر ولا وجهة نظر .
السؤال السادس: حاسس إن التدوين ليه تأثير؟
طبعا على الاقل فيّه
السؤال السابع: تهدي التاج لمين؟؟
لقلم رصاص ومشمشة وايمى ومونى..

هناك 40 تعليقًا:

dr_samarmar يقول...

شكراااااااااا جداااااا ع الرد :)

اجاباتك جميلة ربنا يكرمك يارب

البت المشمشية حلوة بس شقية يقول...

اول تعليق
اهو كدة بقه رخامة

البت المشمشية حلوة بس شقية يقول...

تانى تعليق عشان التاج تاجى بقه

البت المشمشية حلوة بس شقية يقول...

ايه اللاجابات دى
صفر من عشرة ازاى اهو كدة وخلاص
وبعدين ايه رايك فيا انى حلوة
مانا عارفه
قول حاجة جديدة

البت المشمشية حلوة بس شقية يقول...

وكمان بخصوص المدونة التانيه
بتاعتك
هيا بصراحة خطيرة
مفهمتش منها اى حاجة

مسدس صغير يقول...

dr samarmar
دا واجب علينا نرد على تاج سيادتك واشكرك ان انتى افتكرتينى بالتاج ده ..

مسدس صغير يقول...

البت المشمشية
تانى تعليق .. خليكى دقيقه

مسدس صغير يقول...

البت المشمشية
مالها الاجابات مش عاجباكى عشان انا قلت رأيى بصراحة ؟؟!! خلاص يا ستى مشمشية دى وحشة اوىىىىىىىىىىىىىىىىىىىى..هههههههههه

مسدس صغير يقول...

البت المشمشية
بخصوص المدونة التانية بتاعتى مش مهم انتى تفهمى المهم ان انتى تكتبى تعليقك وبس..ههههههههه

*** حور- نور*** يقول...

أجابات رائعة وبالذات على تاج زى بتاع البت المشمشية
بس كان نفسى تاخد قرار مهم جدا فى حقها
يلا مش مهم المرة الجاية بقى

البت المشمشية حلوة بس شقية يقول...

ههههههههههه
وايه التدبيسة دى فى التاج
دة انا عليا تاج ولسه محلتوش
حاضر السنة الجاية بقه
هههههههههههههههه

كيــــــــــــارا يقول...

اجاباتك جميله

بس ايه حكايه ان صعب تغفر لبنت كان ليها قصه حب في الماضي افهمها دي ؟؟؟

موناليزا يقول...

جديدة اسئلة التاج الاول
وطلعنا بلديات:)

مسدس صغير يقول...

حور نور
اشكرك على التواجد وبالنسبة للقرار اللى هخده تجاه البت المشمشية .. قريبا جدا هتسمعى عنه فى الجرايد وفى صفحات الحوادث..هههههه

مسدس صغير يقول...

البت المشمشية
كما تدين تدان.. تاجك يا بطل..

مسدس صغير يقول...

كيارا
اشكرك على التعليق .. بس بجد انا عارف ان كل واحد بيمر بالتجربة دى.. بس انا كده..يمكن يكون ده عيب فيه او عدم واقعية مش عارف..

مسدس صغير يقول...

موناليزا
طبعا البت المشمشية تاتى بكل ما هو جديد.. اشكرك على التعليق ويحصلى الشرف ان احنا بلديات بس ازاى؟

e_emy يقول...

اجاباتك جميلة

والبلوج حلووووو

ربنا يوفقك (:

ضد التيار يقول...

اجابتك حلوة

لكن مش نموذجيه .. يعنى قلبتها بقى من الاخر وبالاخص بتاع مشمشية

(معلش بهدى النفوس مش اكتر ) D:

مش انت عينك فى الايس كريم بتاعى انا و البت كيارا

استلم بقى .. كل مرة اهدى النفوس عندك فى المدونة D:

البت المشمشية حلوة بس شقية يقول...

اهى ضد التيار قالتلك اهى
اخس عليك

البت المشمشية حلوة بس شقية يقول...

وكمان هتنزل اسمى فى اخبار الحوادث بعدما اقتلك

fashkool يقول...

المدفع الكبير .. تحياتى
انا شاكر جدا لك ثقتك فى وانك بتحب تعليقى عندك .. وارجو ان اكون عند حسن ظنك
تاجك جميل وانا خدت اللينك بتاع الفضاء ولو ان عارف مكانها واحيانا اما اكون فاضى ادخل عليها وهى مدونه جميله جدا خصوصا ولى قراءات عن الفضاء كتيره .. لكن يا اخى كل الواحد ما يقرأ عن الفضاء يلاقى نفسه جاهل فيه .. قراءات لا تسمن ولا تغنى من جوع
انت كنت بتقول منتظر مشاركتوا فيه .. ازاى .. لو حبيت قول بالتفصيل واعمل ايه واحد واحده
تحياتى بقى .. البت المشمشيه دى شقيه فعلا

مسدس صغير يقول...

e-emy
اشكرك على التعليق والزيارة الكريمة التى اسعدتنى .. نورتى

مسدس صغير يقول...

ضد التيار
ليه كده بس يا ضد بتوقعى بينى وبين مشمشية ؟؟ منك للى كلت دراع جوزها..هههههههههه ربنا يسامحك ع العموم مليش دعوه انا عايز ايس كريم وبس..

مسدس صغير يقول...

البت المشمشية
اوعى تصدقى اى حد ..
الناس دى عايزة توقع بينا ..
مش عشان ميه وقعت من بلكونة مواطن لبلكونة المواطن اللى تحتية " والمية كانت مش ولابد يعنى" تحصل فتنه تدوينية على يد ضد الموقعاتية..هههههههههه

مسدس صغير يقول...

استاذى العزيز فشكول
اشكرك على التعليق والزيارة ..
ودى حاجه بسيطة انت هرم من اهرامات المعادى..ههههههه ربنا يخليك للمدونين.. وعلى فكرة انا قدامى كتير عما ابقى مدفع..هههههههه تقبل تحيتى

قلم رصاص يقول...

رائع ياصديقي العزيز

تاجين حلوين جدا

بارك الله فيك وفي ردودك العبقرية

وكويس انك بتحل تاجات بتجيلك

انا بقى فاشل وعلي تاجين من الاختين (ايمي والبت المشمشية ) ومقصر جدا اني مقدرتش احلهم

لكن ان شاء الله لما حالتي النفسية تتظبط هنرجع لكم تاني يا اطيب ناس

عديني بقى لو سمحت عشان عاوز اروح
هههههههههه

تقبل تحيتي

ضد التيار يقول...

بردو عايز الايس كريم .. و كمان انا ضد الموقعاتية ..ماااااااااااشى


على فكرة بقى هو باين قوووى ياراجل انك قلبتها فى التاج

طيب عد كام حرف انت كتبتهم هيتعدو على اصابع اليد (على فكرة دى معلومة قديمة جدااا )

انا مش بوقع ولا حاجه انا بس بهدى النفوس و فى فرق مابين التالته على فكرة D:

لسه بردو عايز الايس كريم ؟؟

مسدس صغير يقول...

قلم رصاص
اشكرك صديقى العزيز المعقد على تعليقاتك الرائعة دائما .. وربنا يعينك على سداد دينك لمشمشة وايمى..
تقبل تحيتى يا قلم الاقلام..

مسدس صغير يقول...

ضد التيار
يت ستى انا عارف ان انتى بتهدى النفوس.. ولو كان الايس كريم هيخليكى تحاربينى فى المجتمع الدولى؟ فانا اسف يا ستى ومش عايز ايس كريم..ومين ده اللى قال عليكى موقعاتية ؟؟ قطع لسان شارون ان كنت قلت..ههههههههههه

قلم رصاص يقول...

أي خدمة !
(((((((( ))))))))
(((((((( ))))))))
0
0
0
0
0
===
===
===

hasona يقول...

السلام عليكم
جميلة جدا أجاباتك
والاجمل احلامك
واصرارك

أتمني لك التوفيق

تحياتي

صفـــــــاء يقول...

.
التاجين جداد ومختلفين

وطبعا اجباتك عليهم بتوضح حاجات

مهمه عن شخصيتك

وربنا يوفقك وتبقى رئيس جمهوريه

قبل ما الشعب يخلص
.

مسدس صغير يقول...

قلم رصاص
أى خدمة؟؟





ماشى...

مسدس صغير يقول...

hasona
اشكرك اخى العزيز على تعليقك وزيارتك واتمنى لك التوفيق واشكرك على كلماتك الجميلة..

مسدس صغير يقول...

صفاء
تاجين جداد الفضل يرجع لاصحابهم الرئيسيين مشمشة والدكتورة سمر..
اما بالنسبة لرئيس جمهورية .. عادى اما ابقى رئيس جمهورية نفسى على رأى واحد مدون فى الكار..مفيش مشكلة ..
اشكرك ونورتينى كالعادة

Beram ElMasry يقول...

الاخ العزيز . مسدس صغير
السلام عليكم ورحمة الله وبركاته
شكرا جزيلا للزيارة والاطراء ، ودخلت مدونتك كعادتى للرد على زوارى وتعليقاتهم بالتعليق على مدوناتهم ، غير انى فررت هاربا فزعا من رؤية التاج الخبيث ، انه خدعة انه تاج الجزيرة يعنى السلطنية
لك تحياتى والسلام عليكم ، ولا سلام مع اليهود

مسدس صغير يقول...

بيرم المصرى
اشكرك شكرا كبيرا جزيلا عظيما على التعليق وهذه الكلمات..
ونورتنى يا استاذى العزيز

صمت المشاعر يقول...

اجاباتك علي التاج اجابات منطقيه جداااا

الي الامام دائما وربنا يوفقك

مسدس صغير يقول...

صمت المشاعر
اشكرك على التواجد
والزيارة والتعليق
دتحيتى وخالص مودتى
ونورتى