الأحد، 1 فبراير 2009

يا مزور يا أكبر مزور


فاتورة الكهربا بجد انا شايف انها بقت عبئ على المواطن المصرى الكحيان ومش هو ده الموضوع بس . لأ الموضوع انك تلاقيها مرتفعة قوى وانت يدوب عندك لمبة الصالة ولمبة الحمام حتى اتحرقت. ربنا يحرقها عشان يرتاحو.. كتبت حاجه كده عن العداد قلت اعرضها عليكو.....
متعِد يا سيدى وقوللى
عديت وجرى اللى حصلى
ورجعت وقولت هصلى
وادعى عليك..
كداب والكدب ماليك
وحكاية كده وتلاكيك
غلطان فى العد تملى
..........
عداد ودا عد منين؟!!
وان عد ؟ طب ادام مين؟!!
وشريحتى فى عليين
وكأنى منور حارة
ومكنش ف بيتى انارة
حدايت يوم عشرين
..........
دا سخونة طالعة نازلة
عملالنا زى المكوه
وان جاتلى فاتورة عالية
ادفع بعدين الشكوى..
..........
عداد ومزور؟!! عد..
مخلاص البيت اتهد
شباكى معاد بيتسد
النور الربانى احسن
وأصرخ وأقول مش نورى
يرزعنى قلم ويقول اتسد..
..........

ويا خلق الله متقومو
كله ينشف ف هدومو
ولا غسالة ولا اريال
ولا برسيل ولا أومو
ولا سخان لا توشيبا
ولا ناشونال ولا أونو
ولا تلاجة ولا مكواة .
والتليفزيون مقفول
ع القبلة كده ومعدول.من يومو
والحمى فى البيت ؟ اشمعنا؟!
دا البحر يحب الخفية
وان خفيتو هتعومو
............
دى نصيحة ومش محتاجة كلام
ولا عايزين كهربا منكم ولا زفت
وان جالك ليل . ماتنام
اصلى صراحة منكو قرفت
دا الشمع انا اللى طافيه
لمّا الكهربا يلغوها؛
ان عزت شموع ..ودموع؟
بعنيّه انا الخدّام
وان غلو الشمع علينا؟؟
نلطم كلنا بايدينا
ونقول والكره مالينا
"يا خرابى على الايام"

"يا خرابى على الايام"
.............
يـــــــــارب تعجبـــــــــــكو

هناك 39 تعليقًا:

كيــــــــــــارا يقول...

هههههههههه ضحكتني عادي فاتوره الكهربا

اللي يغيظك انهم بيحطو 5 جنيه للزوباله واحنا اصلا عندا الكيرسيرفيس الخاص

حاتى حاتى

شفقة هانم واحسان بك يقول...

والله برافو عليك
انت لخصت الموضوع بخفة دم علشان تدارى على الهم
ربنا يرحمنا ويخفف من اعباءنا
تحياتى

البت المشمشية حلوة بس شقية يقول...

انا مش اول تعليق
هي هي هي هي

قلم رصاص يقول...

هههههههههههههه

عاوز تعرفنا يعني ان بتوع الكهرباء متقصدين بيتكم يعني .. ماهو كما تدين تدان يا اخي

شوف انت عملتوا ايه في بيوت الناس ..انتوا مبتغلوش الفواتير بس لالالالالالالالالا
انتوا بتزيلوا من الاساس هههههههههههههههههههههههههههه

واخد بالك انت هههههههههههه

موضوع هادف كالعادة ياصديقي العزيز والله .. أجزت وانجزت

ربنا يبارك لنا في قلمك وشخصك الجميل

على فكرة بقى

الحق روح اشتغل في البحث بتاعك عشان اخر معاد لقبول الخطة والبحث شخصيا هي نهاية فبراير الجاري

وابقى سمعني صوتك

تقبل مروري وتحيتي

البت المشمشية حلوة بس شقية يقول...

ههههههههههههههههههههه
والله انا موت على نفسى من الضحك
والله حلوة
بس بجد دى بقت مشكلة
وبتحصلنا كمان
تلاقى الفاتورة جاية مولعه على ايه مش عارفه

البت المشمشية حلوة بس شقية يقول...

هو انتا اكيد اللى بتعتلنا بتاع العداد يياخد فلوس كتير

EmY يقول...

حلوه اوي اوي
عايزين واحده كمان علي فاتورة التليفون و الاسعار عامة
هي الحاجه كل يوم بتغلي ليه ؟؟؟
و ليه المرتبات زي ما هي ؟؟؟

alshared يقول...

:)
بتفكرني بعمنا بيرم

رائع

دمت عزيزي بكل الود
أخوك

mony يقول...

ههههههههههههههههه

حلو اوي بجد


انا لسة دافعة فاتورة اد كده النهارده
ممكن ادعي معاك عليه

*** حور- نور*** يقول...

حقيقى ضحكت من قلبى حاجة حلوة والله
يعنى ازاى يكون لمبة الصاله والحمام وتيجى فاتورة اصلا
دى شركة الكهربا المفروض تعمل خصم له علشان يبتدى يركب لمب أكتر ينور الدنيا ماهو ببلاش يا حكومة

القلم السكندري يقول...

أما شعب مش عاجبه حاجة بصحيح

مش كتر خير فخامته أنه موصلكم كهربا ولسة معملش ضرايب علي الهوا؟؟

أنتوا بس اللي شعب مش حاسس بقيمة الراجل ده








الله يلعن فرعون وحفيد فرعوون




تحياتي

مسدس صغير يقول...

كيارا
اه حكاية الزبالة اللى بيلمو عليها فلوس دى والله عايزة موضوع لوحدها حاجة غريبة جدا.. اشكرك على الزيارة ونورتنى

مسدس صغير يقول...

شفقه هانم واحسان بك
اشكرك على الكلمات الجميلة دى .. دى حاجه بسيطه . سعيد انها نالت اعجابك.. نورتنى

مسدس صغير يقول...

البت المشمشية
تالت تعليق ؟؟ يا خسارة مكنش العشى..

مسدس صغير يقول...

قلم رصاص
اشكرك صديقى العزيز على الكلمات التى طالما اتحفتنى بها.. بالنسبة للكهربا انا عارف ان انتوقرايب الحكومة وما بيجلكوش فاتورة كهربا من الاساس ربنا يستر وغير كده انت عارف ان اللى بيكلمنا او نتضايق منه بنزيله من طريقنا ازاى.. وبالنسبة للبحث ها استقر على موضوع معين بعدين اكلمك..

مسدس صغير يقول...

البت المشمشية
يا سلام هتموتى على نفسك من الضحك بعيد الشر يا شيخة بلاش تضحكى اوى كده كويس انها عجبتك..ما بيعجبكش العجب ولا الصيام طول السنه....ههههههههههههه

مسدس صغير يقول...

EMY
فعلا كل حاجه بتعغلى والمرتب الحزين زى ما هو الظاهر انه اصيل وعمرهما هيتغير..
اشكرك على الزيارة والتعليق ونورتينى

مسدس صغير يقول...

الشارد
اشكرك اخى العزيزاولا على الزيارة ثانيا على تشبيهى بالشاعر العظيم بيرم التونسى وياليتنى رملة فى صحرائه..نورتنى

مسدس صغير يقول...

mony
ههههههههههههه يا ترى دفعتى كام ؟؟؟هههههههههه ودفعتى رسم نضافة وللا لأ؟ اقولك ادعى معايا وخلاص ... نورتينى يا مونى

مسدس صغير يقول...

حور-نور
اشكرك على الزيارة والتعليق وغير كده انا معاكى انهم المفروض يخللو الكهربا ببلاش عشان يزود لمبات ويعملهم دعلية فى بيته ههههههههههههه..نورتينى

مسدس صغير يقول...

القلم السكندرى
اشكرك على التعليق الذى اسعدنى وانت بتقول فيها خلاااص اهوه الهوا هيتفرض عليه ضريبه اذا كان المية عليها ضريبة وزمان قالو العلم كالماء والهواء يعنى الماء كان ببلاش . فهما حاليا باعو الماء فانتظر الهواء قريبا...نورتنى

أبو العريف يقول...

لاحسن مسدس
ضرب نار للصباح الباكر
فرد شديد
عيارطايش
ماسوره مزدوجه
جميل قوي العداد بتاعك ده
اعمل فيه زي مانا هعمل في تليفوني
اصله قارفني جدااا

الحرامي يقول...

ينفع كده يا عم الحج
العداد يدايقك وما تقوليش
انا بقي هريحك منه خالص
وهجي اسرقه

اللؤلؤة يقول...

السلام عليكم
عزيزى مسدس صغير:
طلقاتك دمها ظريف
وإختيارك للبوست رائع لأننا كلنانعانى من إرتفاع فاتورة الكهرباء وننتظر طلقات أخرى
ويسعدنى التواصل معك
و بالتوفيق دائما يا عزيزى

مسدس صغير يقول...

ابو العريف
اشكرك اخى العزيز على زيارتك وعلى تعليقك الذى اسعدنى.. واشكرك على كلماتك الجميلة..نورتنى

مسدس صغير يقول...

الحرامى
خلاص يا عم ادى انا بقولك اهوه .. يا ريت تريحنا من وزارة الكهربا بحالها .هههههههه اشكرك ونورتنى

مسدس صغير يقول...

اللؤلؤة
اشكرك اخى العزيز واشكر تعليقك الجميل .. وانا طبعا اللى ابقى سعيد جدا بالتواصل معاك .. اشكرك ونورتنى

حروف (دلو مرة ثانية وجرح ثاني سابقا) يقول...

موضوع جلو جدا ربنا يوفقك هو انتوا تبع الحي ولا ايه؟؟؟؟؟؟؟؟؟؟؟؟؟؟؟؟؟
بجد حلوة كلماتك
دمت اخي بالف خير وسلملي علي قلم رصاص

fashkool يقول...

ازيك يا مسدس
بجد الكهرباء بقت غاليه قوى وما حدش عارف هما بيحاسبونا ازاى .. ما هى الحكومه اليومين دول مش بتعرف تجيب فلوس الا من جيوب الناس
تحياتى

Beram ElMasry يقول...

الاخ العزيز . مسدس صغير
السلام عليكم ورحمة الله وبركاته
عفارم العداد والكهرباء والشركة القابضة اتقبضت روحهم ، كمان لمبة الكهرباء الى جانب سعرها المضاعف عمرها الافتراضى بقى شهر ، شفت الاجرام
لك تحياتى والسلام عليكم ، ولا سلام مع اليهود

mahasen saber يقول...

هيا فاتورة الكهربا بس اليى عبء
انا هقترح اقتراح
انتا تجيب مسدس الميه ده ونرش بيه على الفواتير رشه جريئه
يمكن ربنا يقلص فى عددها

مسدس صغير يقول...

fashkol
هههههه اشكرك استاذى العزيز على التعليق وهيه الحكومة كده عمرها ما هتتغير لو علقو فى ديلها حجر..

مسدس صغير يقول...

حرووووووووووووف
اشكرك يا غالية على الكلمات الحلوة دى واشكر تواجدك وقلم رصاص بخير اتمنى لك التوفيق والعريس..

مسدس صغير يقول...

بيرم المصرى
اشكرك استاذى العزيز على الزيارة الغالية جدا واشكر تعليقك الجميل .. واللمبة فعلا عمرها الافتراضى فى تراجع مستمر ربنا يستر.. نورتنى

مسدس صغير يقول...

mahasen saber
يا ريت ده يبقى الحل انى اجيب مسدس ميه وارش على الناس دى اذا كان الرصاص ما بيحوقش فيهم المية اللى هيحوق.. اشكرك على الزيارة ونورتينى

dr_samarmar يقول...

هههههههههههههه

حلوة تسلم اديك :)

هى الكهربة بس.. و التليفون وا لغاز و البواب و الزبالة . لامؤاخذة الرابيش :) و العيش

خلاص مرتب أى موظف حكومى خلص على كدا

يعيش و يعلم و يربى و ياكل و يشرب ازاى بقا... معرفش


المهم.. ليك عندى تاج تعالى خده :)

يارب ماتكونش من اللى بيزعلو م التاجات:D

تحياعتى :)

سلسبيل يقول...

هههههههه
حلوة اوي والله
عندك حق ف كل كلمه
خلاص اتخنقنا
وطبعا مفيش حد ممكن يراجع وراهم
نقول ايه
ربنا كبيييير وقاادر ينتقم منهم
يلا بقي مساء النور
ولا بلاش عشان الفاتورة مش ناقصه :)

مسدس صغير يقول...

dr samarmar
اشكرك يا دكتورة على التعليق الجميل ده هيه فعلا الناس هتلاقيها من ايه وللا من ايه؟ ربنا يستر..
بالنسبة للتاج انا عندى دين لمشمشة وكمان انتى هنعمل منهم الاتنين كوكتيل وننزلهم ان شاء الله..

مسدس صغير يقول...

سلسبيل
اشكرك يا سلسبيل على التعليق الجميل والزيارة الاجمل وانا فعلا معاكى فى كل كلامك حاجه يعنى فوق الحدود ربنا يهديهم ويهدينا..
مساء الخير احسن من النور اصل الخير مبيخدوش عليه فاتورة