- فيه سياسة أو بمعنى اصح ثقافه موجودة فى العالم كله الا مصر المحروسة... سياسة الاقالة والاستقالة... السياسة دى موجوده فى دول العالم كلها .. متقدمة ومتخلفة. عالم اول وتانى وتالت -ورقصنى يا جدع إلا مصر-.. يعنى مثلا سمعنا عن وزرا فى الصين استقالو وسمعنا عن وزرا فى اليابان استقالو ومبعوثين وسفرا وغيرهم فى امريكا .. ومثلا محمد مهاتير كان رئيس وزراء ماليزيا واستقال حتى الصومال سمعنا عن استقالة رئيس الوزرا ومن بعده الرئيس وخلافه كتير .. انا مش بحصرهم بس انا بضرب امثلة بس سواء فى الدول المتقدمة او المتخلفة .. حتى الاقالة منتشرة جدا يا جماعة فى دول العالم .. الا عندنا عمرنا ما سمعنا عن مسئول استقال أيا كان موقعه الجغرافى والتاريخى والوظيفى ولا حتى عندنا حاجه اسمها استقاله مع الناس دى . حتى فاروق حسنى يوم ما عمل حركة كده واستقال بعد حريق قصر ثقافة بنى سويف لقيناه تانى يوم قاعد على قلبنا بحجة ان استقالته متقبلتش هيه يعنى داخله كلية طب وجايبة 70% ورفضوها فى مكتب القبول؟!!!!!!! يمكن... ما علينا نفسنا والله نشوف الثقافة دى عندنا جدا جدا ... واعتقد ان لو حد اخطأ واعترف بخطأه يستقيل ولو معترفش بخطئه يقيلوه.... فكرة صح؟؟ احلام الفتى الطائر ...
- عايز اتكلم فى نقطة اعادة اعمار غزة.. ليس المهم من يعمر غزة ولكن الاهم والمهم أن تُعمّر غزة . ونفسى ان الفصائل الفلسطينية والسلطه وكل الجهات يسيبوهم من الخلافات ويفكرو فى بلدهم اهم من أى كرسى.....
- عايز اتكلم فى نقطة اعادة اعمار غزة.. ليس المهم من يعمر غزة ولكن الاهم والمهم أن تُعمّر غزة . ونفسى ان الفصائل الفلسطينية والسلطه وكل الجهات يسيبوهم من الخلافات ويفكرو فى بلدهم اهم من أى كرسى.....
هناك 20 تعليقًا:
حروف محلفانى احجز لها الرد الاول عقبال اما تيجى . محجوووووووووووز لحروف
ماشى يا حروف.. و ماله :)
أعتقد انها مش بتحصل عشان بيخافو... يعنى لو حد استقال أكيد تانى يوم هيتحاكم و يطلع بقا القديم و الجديد
ايشى هرب قد ايه و ايشى نهب و سرق قد ايه
علشان كدا ماينفعش يستقيلو
و بعدين فى مصر المحروسة بالذات المسئوليات و المناصب دى باب كبير أوى أوى للرزق :D
ألرزق اللى فى بنوك سويسرا طبعا
هيسيبو الرزق دا لمين
لو ثقافة الاقالة و الاستقالة قدرت تدخل مصر...يبقى من حقنا نحلم بمستقبل عدل للبلد دى
بحييك ع الموضوع دا أوى :)
بقا كدة بقه هيا الدنيا كدة
حروف
مااااااااااااااااشى
مااااااااااااااااااااااااااااشى
مااااااااااااااااااااااااااااااااااااشى
انتو بتهزرو على فكرة
طيب ايه رايك بقه
اول تعليق
تانى تعليق
تالت تعليق
ولعلمك محروم من المصروف لمدة 3 سنين
هومش احلام الفتى الطائر ده مسلسل لعادل امام
هو انتا منتج المسلسل ولا ايه
نخوش فى الجد بقه
الموضوع ده مهم ليه
قولى ليه
لان
المناصب دى بجد بقت وسيلة ان الواحد يقلب رزقو وحالو
وصراعات على الحفاظ على الكرسى والسلطة وبلاوى تانى كتير بتحصل عندنا وهدايا ورشاوى حاجات كتير وهوانا هقولك يعنى مانتا سيد العارفين
لو بقه فعلا عندنا السياسة دى الاقالة والاستقالة يبقى يمكن يبقى فى امل وسعاد ونفين وكل البنات الحلوين
من غير سلام
السلام عليكم يا مسدس صغير
عايز حد يستقيل فى مصر .. ياخى هووووه انت فاهم ان مصر دى بلد شويه .. لا دى بلد كبيره قوى قوى قوى .. ومغلبه الدنيا كلها ومغلبه ناسها كمان .. ما ينفعش فيه حد يستقيل او يقال عشان الاستقرار .. الاستقرار .. فلقونا بالاستقرار اللى بيقولوا عليه .. طب احنا مش عايزين الاستقرار الله يخرب بيت الاستقرار وسنينه .. امال ما ما كناش مستقرين وقاعدين على الكراسى ومستريحين كان حالنا بقى ايه .. كانت الغربان كلتنا ولا الديابه .. طب ما هى الديابه بتاكلنا .. الاستقرار .. طز فى ايى حاجه ويحيا الاستقرار ويعيش السمك فى الماء
dr_samarmar
اولا انتى فعلا نورتينى فى البلوج بتاعى ثانيا انا بشكرك على التعليق المطول الجميل الموضوعى ده . وفعلا لو كل واحد مسئول فكر التفكير ده امال بنوك سويسرا هتفتح لمين ؟ ليه؟؟؟؟ ههههههههههه يمكن..ليكى؟؟؟؟؟ ههههههههههههههههههههه يمكن
البت المشمشية
هيه كلمة واحده حروف حاجزة الرد الاول اصلها مسافرة . يبقى حاجزة لأن انا كلمتى متنزلش الارض ابدا..
البت المشمشية
غير كده ايه البلطجة اللى انتى سايقاها فى المدونات دى؟؟؟ طلعى الموس اللى فى بقك يا بت.... ههههههههههه اشكرك على الرد التزوق متزوقينى يا ماما ما عروستى هاتخدنى.. بالسلامة يا ماما وابقى سلميلى على مشمشة...
فشكول
"اللهم ارزقنا استقرارا ليس فيه استقاله واتبعه باستقرار ليس فيه اقالة " دعاء المسئولين
اشكرك على الزيارة التى اسعدتنى استاذى العزيز الموقر
مش عيب لما تفكر فينا كده بقي احنا نستقيل ده كلام يا راجل
هنا المسؤل بيلزق في الكرسي و مايطلعش منه غير و هو ميت هو ده سلو بلدنا غير كده تبقي عيبه في حقنا
السلام عليكم
المدونة جميلة والبوست مميز، أحييك أيها المحامي والشاعر
وأتفق مع د. سمرمر في كل ما قالت.
وربنا يجعل كلامنا خفيف عليهم هههههههه
Emy
اشكرك عى الزيارة الى اسعدتنى. وطبعا اغراء الكراسى بالغيرة اللاصقة بيخلى الناس دى متقدرش تفارق الكراسى.. يعملو ايه يعنى مهو غصب عنهم.. نورتينى
الودة البيضا
اشكرك على كلمات الاطراء والمجاملة وانا سعيد جدا ان المدونة عجبتك ايتها الوردة البيضا وانا برده معاكى انتى وسمرمر وربنا يجعل كلامنا خفيف عليهم..هههههه. نورتينى
ان كنت فاكر ان المسدس بتاعك هيحميك منهم تبقى غلطان ههههههههههههههه
وبعدين فيه مبدأ بيقول : بريق الكراسي يفقد العقول صوابها
وبعدين تعالى هنا ياد ، انت مفكر انك لما تتعيين وزير مش هتتعدى بنفس البتاعة اللي بتقول عليها دي لالالالالالالالا انسى ياعمرو ههههههههههههههههه
وحياتي عندك كلكم زي بعض ههههههههههههه
مفيش غير واحد بس اللي ممكن يستقيل ، وهو العبدلله ..مسكوني بس الوزارة شهرين ..هقلب لكم البلد وبعدين هرميهالكم في وشكم الحتة الورقة دي ياعم الحاج هههههههههههه
بوست هادف جدا كعادتك الجميلة يارفيق الدرب والكفاح المسلح
خد بالك من نفسك كويس ، انا مبدخلش نت كتير اليومين دول ، وانا سامع ان الولاد بيتخطفوا من على ابواب المدونات اليومين دول زي انابيب الغاز اللي بتتسرق من بلدنا ههههههههههه
في رعاية الله ياصديقي
تقبل تحيتي
قلم رصاص
اولا بشكرك على التعليق ثانيا انا عارفك لو لبدت فى حاجه مش هتسيبها ابدا وعمرك ما هتستقيل بتاتا غير كده انا مستحيل اديك وزارة لان ممكن تضحك عليه ومتستقلش بعد شهرين زى ما بتقول يبقى ورطتنا فخليك بعيد احسن..غير كده ايه حكاية الانابيب اللى بتتسرق من بلدكم دى ؟؟ بلد بتاعة سرقات صحيح...ههههههههه
إرسال تعليق