السبت، 27 ديسمبر 2008

إتفاقية الصمت العربى


اتفقت جميع الدول الاعضاء وعددهم 22 دولة " بأنه على مر الايام والدهور ومهما اختلفت السنون وتبادلت الازمان -اتفقنا باجماع الاراء - على صمت استراتيجى يؤدى الى نصر بعيد فى العالم الاخر ايماناً منا بأن النصر انما هو من عند الله لا من عند غيره لأنه تعالى قال"وما النصر الا من عند الله"وإيماناً منا بأن الله سينصر أهل غزة عاجلاً أو اجلا لانه تعالى قال"ألا إن نصر الله قريب" فهو وحده صاحب الحكمة فى تأخير النصر وهو وحده يعلم الحكمة من خطتنا العبقرية بعدم وجود أى تحرك عرضى أو طولى لأن التحرك سيضر القضية أكثر مما يفيدها.. هذا ولم ننس فى اتفاقيتنا أن نضيف بنداً للشجب والندب والاستنكار والتنديد بالواقعة.. هذا وقد أرسل كل عضو فى الاتفاقية 300 بطانية و2 طن أرز و3 طن دقيق ولم ننس مساحيق الغسيل معونات منا لشعب غزة المحاصر ولم ننس أن نرسل أكفان بقدر كاف لموتى غزة " الله يرحمهم" ..... انتهت الاتفاقية ووقعت الدول الاعضاء أمامنا نحن محضر محكمة الكرامة الابتدائية..

هناك 31 تعليقًا:

Unknown يقول...

اه

مسدس صغير يقول...

enjy
انا معاكى فى الاه بتاعتك دى معبره على فكرة هههههههههه ع العموم اشكرك على الزيارة

المـــفـــــــقــــــــوعـــــة مــرارتـهــا يقول...

العرب يوم مااتفقوا اتفقوا علي حاجة واحدة وهي ان مصر هي السبب في كل اللي بيحصل للفلسطينين
كل عربي قاعد وسط حريمه وجواريه وزعلان ان مصر بتتفرج علي الفلسطينين مش عارفين ان مصر استوت حروب وشافت اللي عمرهم ماشافوه
لو اتحدوا اكيد هانتحد معاهم مش هانسيبهم لكن احنا نتهور وهما بيتفرجوا يبقي خلينا قاعدين احسن

مسدس صغير يقول...

المفقوعة مرارتها
انا معاكى ان العرب عايزين يقدمونا كبش فدا بس بالرغم من ذلك لازم يكون لينا موقف ولو انسانى مع اهالى غزة .. اشكرك واشكر وجهة نظرك تقبلى تحيتى

فشكووول يقول...

يا عمنا : العجز هو سبب كل شيئ ونحن امه عاجزه اعجزها حكامها واصحاب الجلاله والفخامه والمعالى فاللبيت رب يحمه ولغزه رب يدافع عنها
استاذ مسدس صغير (بس مدفع)
زى ما الموت علينا حق .. برضه الخوف علينا حق وكمان الرعب علينا حق .. ومن خاف سلم .. مش كدا والا ايه؟
تحياتى

مسدس صغير يقول...

fashkoool
اولا انا بشكرك على التعليق وعلى الكلام الحلو ده ثانيا عمر الخوف ميحل قضية وانا عارف ان انت بتتريق وبتقول ان الخوف علينا حق وعلى فكرة والله التاريخ هيذكر هذه الفترة بأبشع الالفاظ وهيقول على العرب انهم كانو (...............) مش عايز اقول يلا ربنا يسامحنا . اشكرك يا استاذى العزيز

*^*AL.7aAzZeEnN*^* يقول...

جربت اطير بجناحى مطيرنيش


قولت اقصه قلبى مطوعنيش



فضلت عايش يا خسارة بجناح ميت



والقلب حى نفسه مره يطير ويعيش

*^*AL.7aAzZeEnN*^* يقول...

حسبي الله و نعم الوكيل

عالم ماريونت يقول...

عزيزي
انا ازود على الاه بتاعت انجي
============================
اه
واه كمان

رنا

قلم رصاص يقول...

اول مرة الاحظ ان العرب نجحوا في اتفاق يا اخي والله ههههه

بجد الواحد حزين ومفهور من الحال اللي وصلنا ليه ده

طب تعرف احنا ممكن قريب جدا او بعيد جدا يتعمل فينا اكتر من اللي بيحصل في غزه ده

لأنها اسرائيل من يوم ماطلعت لنا في البخت كانت متنططه لحد ما كلت العلقة بتاعة حرب 73

انا مش بقول كده عشان نفسي نحاربها ..لالالالالالالالا..انا ضد الحرب ..لأن فوايدها اقل من اضرارها.. وانما ممكن نستخدمك حاجات تانية نردع بيها الكليان الصهيوني

زي قطع العلاقات الدبلوماسيه
ووقف تصدير الغاز الطبيعي

او يا اخي كان حد نشن جزمة محترمة على ليفني وزيرة خارجيتهم وهي في مصر ساعة المؤتمر الصحفي مع الوزير ابو الغيط..ولا مصر كمان معادش فيها جزم !

مشكور جدا جدا ياصديقي على فكرة البوست الأكثر من رائعه

في حفظ الله

مسدس صغير يقول...

القلب المنكسر
كلمات اكثر من معبرة تمتاز ببساطتها ووصولها الى القلب لانى على ثقه انها خارجة من القلب.. اشكرك وحسبنا الله ونعم الوكيل

مسدس صغير يقول...

يوميات نائمه فى الارياف
اشكرك اولا على التعليق ثانيا كلنا لازم نقول الاه دى لان هيه بس اللى فى ايدينا انا وانتى وانجى وكل المصريين كشعب لنا الله اشكرك يا رنا وحسبنا الله ونعم الوكيل

مسدس صغير يقول...

قلم رصاص
صديقى العزيز اشكرك على الكلمات الغاليه وفعلا فيه مقوله بتقول ان العرب اتفقو على الا يتفقوا مش عارف لامتى الاتفاق ده هيعيش جواهم وانا معاك ان الحروب بتدمر كتير بس لازم يبقى فيه موقف حتى ولو كان الموقف ده هو الحرب.. وبصراحة ناس كتير عايزين جزم زى بتاعة بوش ولو مشينا على الطريقة بتاعة الجزم دى هنخلص جزم العتبه كلها . اشكرك صديقى العزيز

القلم السكندري يقول...

اللهم إنا نبرأُ إليك من رؤوس الكفرِ من طواغيت العربِ وأولياءِ يهود

اللهم العنهم قبل يهود

وخذهم قبل يهود

اللهم من حال بين المسلمين وبين نصرة إخوانهم فاحبسه في أعضائه.. والعنه لعن فرعون

مسدس صغير يقول...

القلم السكندرى
لنا الله هو المعين وخير الكلام ان نقول اللهم اجعل كيدهم فى نحورهم واجعل الدائرة تدور عليهم والعنهم لعنا كبيرا. وحسبنا الله ونعم الوكيل فى احفاد القردة والخنازير

وردشان smilyrose يقول...

اخى الصغير

تلك اتفاقية بلهاء اتفقوا فيها

على الضياع على انهيار قيم واخلاق

نعم النصر من عند الله والثبر من عنده

ايضا ولكن هيهات على ما فعلوا

واه من ظلمهم واه من كل ظالم معتد

حسبى الله ونعم الوكيل


smilyrose

روح الحب الصادق

مسدس صغير يقول...

smilyrose
اشكرك على التعليق . وامرنا لله وحسبنا الله ونعم الوكيل.. وربنا ينصر غزة واهلها .. ان شاء الله عاجلا وليس اجلا....

ghorBty يقول...

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

مسدس صغير يقول...

ghorbty
جزاكم الله خيرا ونفع بكم..

Lady E يقول...

هي فعلا اتفاقية الصمت العربي لأن العرب وخصوصا مصر ميقدروش يعملوا الا كده

التبرعات والدعاء وبس مفيش عندهم قوة عسكرية للحرب !!

بالنسبة للبوست اللي فات
- شيخ الازهر يهنئ شيمون بيريز على حصار غزة

انا كنت مضايقة جدا من صور شيخ الازهر لما سلم على شيمون لكن عرفت بعد كده ان رسالة الدكتوراة بتاعة شيخ الازهر كان عنوانها بنو اسرائيل في الكتاب والسنة يعني عارف نفسيتهم كويس وبيتعامل معاهم على اساس دراسته ليهم

مسدس صغير يقول...

lady E
اولا بشكرك على الزيارة الغالية ثانيا انا معاكى ان العرب ميعرفوش يعملو غير الشجب والندب والتهديد اقصد التنديد سورى احسن نروح فى داهية .. وغير كده شيخ الازهر هو حر ان شالله يسلم على ابليس احنا مالنا..

*** حور- نور*** يقول...

أصلا انا عمرى مااصدق ان الدول ال22 يجتمعوا على رأى واحد
إنت أكيد كنت بتحلم بتوحد العرب ونمت من غير غطا
خير اللهم اجعله خير

متزعلش منى ده من يأسى
تقبل مرورى

البت المشمشية حلوة بس شقية يقول...

تصدق والله اول مرة يتفقو على حاجة
ويوم ماتفقو اتفقو علينا احنا
اتفققو على بعض يعنى
يادى الوكسة ويادى الخبية

واه

مسدس صغير يقول...

سحر -حور -نور
ههههههههه فعلا انا فى اليوم ده نمت من غير غطا بس صدقينى دى الحاجه الوحيده اللى اتفقو عليها اتفاقية الصمت المشترك... اشكرك على الزيارة الغالية

مسدس صغير يقول...

يادى الوكسه ويادى الخيبه .. هههههه فعلا هما اتفقو مع بعض علينا السادات كان بيقول " اتفقوا على الا يتفقوا" والبت مشمشه برده قالت كده . فعلا انتى بتقولى عبر بس احسن تروحى تذاكرى عشان الامتحانات فاهمه؟

maha zein يقول...

ههههههههههههههه
طب اقولك ايه
ضحكتني وانا مليش نفس
دي مش ضحكة قهقهة وسعادة
دي ضحكة هم
بجد تسلم ايدك
بوست قمة في الجمال
وبيحمل جواه كل المعاني
ببراعة قدرت ترسم الواقع الاليم
لقد اتفق العرب الا يتفقوا
صح بس انت بررت سكوتهم ده
اول تبرير منطقي يدخل دماغي

بقولك ايه كل سنة وانت طيب
نسيوا علي فكرة يبعتوا بمامبرز للعيال

مسدس صغير يقول...

maha zain
ههههههههه اشكرك على الرد الجميل جدا وعلى الكلمات الجميله ونورتى المدونه والعرب فعلا اتفقو على الا يتفقو وان شاء الله فى الاتفاقية الجاية نزود البامبرز لان بصراحة دبلوماسية احنا نسيناه فى الاتفاقيه دى..

Beram ElMasry يقول...

ابنى العزيز . مسدس صغير
مع انى لم احلف على شئ ولكن المعنى انى ارجوكم الانصات لى ومع ذلك حاضر سمعا وطاعة وشكرا على التنبيه
كلنا نبدا صغار وبالاجتهاد والمثابرة نصل الى الهدف
تمنياتى بالتوفيق لك

مسدس صغير يقول...

والله انا لا اقصد اى تقليل فانت على عينى ورأسى ولكن ذلك لأنى احبك .. ونورت المدونه والمدونه اتكتب لها عمر جديد..

صمت المشاعر يقول...

اصبت عندما اطلقت عليها اتفاقية الصمت العربي فعلا دا صمت وصمت قاتل
ممكن يبقوا يتكلموا اما اسرائيل تيجلنا مصر دا ان لحقوا يتكلموا
ازاي شيفين اطفال ونساء وشيوخ بيستنجدوا بيهم كدا وهما ساكتين

حرااااااااااااااام عليكم فوقوا من الغيبوبه دي

مسدس صغير يقول...

فعلا هيه اتفاقية للصمت العربى اشكرك يا صمت المشاعر على الزيارة ونورتينى