الجمعة، 2 يناير، 2009

أنا وجامع الزبالة وقعدة العرب


اولا كل سنه وانتو طيبين والسنه اللى جاية تبقو طيبين اكتر من السنه اللى فاتت...

ثانيا نتكلم فى موضوعنا .. فكرة البوست ده جاتنى من "جامع زبالة" زبّال يعنى.امبارح وانا ماشى فى الشارع لقيته بيقول ان وزراء خارجية العرب عاملين قعدة ( قعدة عرب يعنى )عجبتنى الفكرة وقلت اكتب عنها ... من قبل وزراء الخارجية ميعملو القعدة بتاعتهم والناس كلهم عارفين النتيجة بتاعة القعدة دى من قبل متتعمل والدليل " جامع الزبالة "فالحكاية وما فيها عمنا عمرو موسى مشكورا لم الرجالة وعملو القعده فى مصر كان هوه مفكر انهم اصحاب قرارات ولكن كل واحد من الوزراء المبجلين شجب وندب وندد وعدد ولطم وعمل اللازم وبعد المحادثات الثنائية والثلاثية والجماعية توصلو لصيغه رائعة الا وهى ان ابو مازن يروح مجلس الامن حتى يعرض القضيه عليهم فكرنا بمصطفى كامل ومحمد فريد اما كانو رايحين شبرا يعرضو القضية المصرية عليهم بس ده كان بسبب ان مكنش فيه تليفزيونات ولا رداوى ولا جرانين ولا حاجه يعنى اما دالوقتى فالقضية معروضة خلقه..يعنى احنا بنشكر السادة وزراء الخارجية وبنشكر جهودهم الجبارة فى تطليع الصيغة دى من رحم المعاناه " تمخض الفأر فولد فأراً " وكل سنه والسادة الوزراء فى نعيم...

هناك 43 تعليقًا:

البت المشمشية حلوة بس شقية يقول...

تمخض الفأر فولد فأراً
زبالة يعنى


ايه الموضوع ده
تقصد ايه بقه
قصدك ان الحكام العرب
0000000000000000
ولا قصدك ان الدول العربية00000000000000000
ولا بلاش اقول بقه
انا هبلغ عنك
وايه دخل الزبالة فى الموضوع ده حتى العرب انضف ناس حتى بيستحمو بلشاوراى والله

وكل حاجة مية مية
والقعدة اللى عملوها تمام وكل حاجة اتحلت
وابقى سلملى على عمو الزبال
وابقا اسالو هو بيشتغل ايه؟؟

البت المشمشية حلوة بس شقية يقول...

نسيت اكتب
اول تعليق
تيت تيت تيت
لولوللللللللللللللللللللللللللللللى

البت المشمشية حلوة بس شقية يقول...

اتمخترى ياحلوة يازينة

ياوردة من جوة جنينه
ياعود قرنفل ياعروسة



ايه براحتى
عايزة اغنى
انا واقفه فى ارض الحكومة

البت المشمشية حلوة بس شقية يقول...

اة نسيت

ازيك يا مسدس عامل ايه
كويس


طاااااايب

مسدس صغير يقول...

البت المشمشية
ايه يا بنتى دا انتى كارثة من الكوارث الطبيعية..اولا انا مقصدش ان الحكام العرب ....... زى مانتى قلتى انتى هتودينى فى داهية كده وانا عارف انهم بيستحمو يوم ويوم عشان البرد. وغير كده الارض دى ملكى انا مش ملك الحكومه يعنى ممنوع الغنا هنا عشان مش حلو ايه يا خارجه من باب التليفون وكل كارت عليه هديه ده؟؟ وانا كويس وبلغى الاهل والاصدقاء وعمو محمود فى طنطا وطنط ام هدى فى الزقازيق وخالو سيد فى العريش وكل الاهل والاصدقاء.. ونورتى

البت المشمشية حلوة بس شقية يقول...

انا بطلب اغنية
الاطلال لوحش الشاشة
تامر حسنى


وهغنى يعنى هغنى
وتيت تيت
اريال
اريال
او او

قلم رصاص يقول...

الله الله الله

هو ايه التهريج اللي بيحصل فيالفصل ده يا أستاذ مسدس

معادش هنا نظام ولا ايه
ده ضد نظام وسياسة وزارةالمدونات العالي

هرج ومرج
خصوصا اني ارى شقارة غير معهوده على فصلك يامسدس قصدي مدونتك

ههههههههههههههههه

موضوع هايل كالعادة

وانا مش هعلق عشان انا مش ناوي اشتي في طره السنة دي
ههههههههههههه

في حفظ الله

البت المشمشية حلوة بس شقية يقول...

انا بكلم ومبخفش وقلمى جرئ ومبيتقصفش
ههههههههههههههههههههههههه

انا بقولو اللى انا عيزاه مش زى ناس تانيه خوافه


وايييييييييييييييييييييييييييييييييييييييييييه

مسدس صغير يقول...

قلم رصاص
صديقى العزيز الهرج والمرج ناتج عن مقتل عسكرى الحدود ادى الى دخول الكثير والكثير من المدونين فى غياب امن المدونه .هههههههههههه اشكرك ومتخاااااافش خليك راااااااااجل مالها طره؟!!!!!!ههههههههه ربنا يكفينا شرها

سحر*** حور- نور*** يقول...

ازيك يا مسدس
نشنت يا فالح
والله حكام العرب اخرهم زى ماانت قلت يجتمعوا ويشجبوا وينددوا ويعددوا ويصوتوا ويلطموا
وفى الاخر يروحوا لبيوتهم كأنهم قالوا اللى مش ممكن يتقال مش حاسين ان فى ازمة وفعلا محتاجين لحل
وانت يا عم ابقى خلى بالك من الطلقة الجاية وابعد عن الشر وغنيلة

حور نور

سحر*** حور- نور*** يقول...

اه اه نسيت
هوانتى بقى يا ست شوشو اخدتى التعليقات لحسابك
طيب بس لما اشوفك
اعذرنى يا مسدس
اصلها مدوخانى

مسدس صغير يقول...

حور نور
اشكرك على الزيارة الجميلة .. العرب لو معملوش كده يبقو مش عرب ... وغير كده البت المشمشية اخده المدونات كلها لحسابها عايزك تقرصى ودنها ... اشكرك ونورتينى

البت المشمشية حلوة بس شقية يقول...

ايييييييييييييييييييه
انتو كلكو عليا ولا ايه

لاء ده انا شمحطى بقه وبلطجى قديم اة

مسدس صغير يقول...

البت المشمشية
اخرتك معايا مش حلوة هخلى المدونين كلهم يمسكوكى يدولك علقه سخنه.ههههههههههه

smilyrose يقول...

طب والله كلام مظبوط يابنى

هما فعلا زى ما انت شبهتهم 00000000000

ومن غير خوف هههههههههههههههههههه

بس عارف حلوة الفأر فولدر فار

مصطلح علمى قوى

حسبى الله ونعم الوكيل فيهم

اللهم ارحمنا مما نحن فيهم

ومن اولات الأمر 00000000000000


تقبل مرورى

smilyrose

روح الحب الصادق

Nostor Azzuro يقول...

كل سنة وكل حاجة طيبة

صفـــــــاء يقول...

.
وجهه نظر كويسه جابت المهم من الاخر
.

mero-moory يقول...

السلام عليكم ورحمة الله وبركاته

البوست جامد بجد يا مسدس برغم انها اول زيارة تقريبا

بس بجد البوست جامد والمعنى اجمد ورائع تسلم ايدك

بس موش الدول العربية اللي كده لالالالا اللي ماسكينها ولو ع القعدات زمان كنت بحس بفرق لما اتفرج او اقرا في التاريخ واشوف الثورة بتعمل ايه ولا لما زعيم يروح يقابل الحاكم بيحصل ايه

دلوقتي ما شاء الله لو حد اتجرأ وفتح صوته هيرموه في الباسكت

كلام في سرك المعتقل ههههه

يعني اجبار وخرسة للجميع وياسلام لما تلاقيهم بعدها يطلعوا في التي في منشكحين

معاكي يا يدوله وهنمدك ونساعدك وقررنا نحن كذا ويامولاي كما خلقتني تعود ريما لعادتها القديمه وفي الاخر يطلع فنجري بؤ

بقولك ايه بنا يستر حليك بقى بس ايه ده ثحيح انت محامي ياعم يعني سلطه وحمايه م النائب العام ياثيدي هههههه

ربنا يوفقك

في رعاية الله

مقتطفات من حياة فتاة يقول...

موضوع حلو بس عن الزبال
ده اول زيارة ليا واتمنى انك ترديها

fashkool يقول...

مسدس صغير .. تحياتى
اصل وزراء الخارجيه العرب كانوا عايزين ينموا شويه على خالتك ام عدلات بتاعة الفجل والجرجير ومش لا قيين حته ينموا فيها وبعدين لقوها فرصه ان عمرو موسى داعيهم لقعدة نم وفرفشه جم ما صدقوا وقعدوا القعده .. وياريتهم نموا وعملوا حاجه .. دول يا عينى عليهم ما لقوش كراسى وكان موجود 9 كراسى وهم عشره يعملوا ايه .. قعدوا يلعبوا لعبة الكراسى الموسيقيه .. والاخر قعدوا يتخانقوا مين اللى يقعد قدام ومين اللى يقعد فى الخلف .. وجم قايلين بقين حلوين قدام الناس وروحوا بيوتهم وهما متخاصمين .. امك ولدت ايه ؟ .... يمامه .. خلاص .. ما تكلمنيش الا يوم القيامه

قلم رصاص يقول...

والانقح يا يامسدس انه القمم العربية بتنفرد بشيئ ليس له اخ في العالم كله

وهو انك بتلاقي احيانا أصحاب الفخامة والجلالة النمو ههههههههه
بتلاقيهم يقعدوا يلقحوا على بعض كلام ويشتموا بعض عيني عينك ..

فاكر انت الكلام ده اما كان حصل بين القذافي والملك عبدالله السعودي في احدى القمم العربية وكانت مسخره على الهواء مباشرة وعلى مرأي العالم ومسمعه

ههههههههههههه

احنا بجد عندنا حاجات في الوطن العربي مش هتقدر تغمض عنيك ههههههههه

سلام ياصاحبي

حروف (دلو مرة ثانية وجرح ثاني سابقا) يقول...

اولا بوسترائع يا مسدس جدا وحلو فارر فولدر فار انا قعدت مدة عقبال مفهم فحوا الرساله حلوة فحوة والبت المشمية بجد هلكتني من الضحك وسيبها يعم تغني بدل الكبت اللي جواها

مسدس صغير يقول...

smily rose
كلامى وكلامك مظبوط هما من غير خوف تيييييييييييييييييييييييت زى مانتى فاهمه .. اشكرك على الزيارة الكريمه وربنا ميقطعلك عاده حلوة.. نورتينى

مسدس صغير يقول...

nostor azzoro
كل عام وانتم بخير واشكرك على المتابعه ..

مسدس صغير يقول...

صفاء
اشكرك على كلماتك وتقبلى تحيتى ونورتينى..

مسدس صغير يقول...

mero-moory
اشكرك اختى العزيزة على الزيارة وبصفتها اول زيارة انا بقولك نورتينى وكمان دخلتى التاريخ من اوسع ابوابه.هههههه. انا معاكى ان الخرسة اللى احنا فيها دى لسه هتطول ربنا يستر وتروح قبل ما نموت.. نورتينى وكل سنه واحنا اطيب من كده

مسدس صغير يقول...

مقتطفات من حياة فتاه
ع العموم نورتينى واكيد هنردلك الزيارة بس جهزى الشاى عقبال مانيجى..

مسدس صغير يقول...

فشكول
اشكرك على الزيارة وانا عارف ان الست عدلات حاصل ليها ازمة رهيبه بعد الازمة المالية العالمية ومما زاد الطين بله الحرب على غزة .. ربنا يفك ازمتها والساده الوزرا يبطلو لف حول الكراسى الموسيقيه.ههههههههه اشكرك استاذى العزيز

مسدس صغير يقول...

قلم رصاص
صديقى العزيز كل كلامك صح وفاكرين كلنا طبعا الحرب بين القذافى والملك عبد الله ايام مكان ولى العهد .. اصحاب الفخامة والجلاله والسمو والرفو والعلو والهدو والشدو والنمو.ههههههه اشكرك صديقى

مسدس صغير يقول...

حروف
يااااه انتى فين من زمان .. اشكرك على التعليق والكلمات الجميلة وبالنسبة للبت المشمشية اعمل فيها ايه يعنى اولع فى نفسى يعنى ؟ هههههه تقبلى تحيتى وكل سنه واحنا طيبين

البت المشمشية حلوة بس شقية يقول...

ليك تاج عندى
روح حلو

حروف (دلو مرة ثانية وجرح ثاني سابقا) يقول...

انت اللي فين؟؟؟؟؟؟؟؟؟؟؟

موناليزا يقول...

امال يعنى الفار هيولد ايه طبيعى فار برضه

alshared يقول...

يا صديقي

من تعود الذل من الصعب عليه تذوق الكرامه


ولا تعليق

مسدس صغير يقول...

البت المشمشية
ماشى يا ستى احلو محلوش ليه مذاكرتش يعنى؟ بس المشكله ان النت عندى فيه مشكله ومش عارف احلها اما احلها احل التاج..

مسدس صغير يقول...

حروف
انا موجود وانتظر تعليقاتك وتقبلى تحيتى ونورتى

مسدس صغير يقول...

موناليزا
ممكن الفار يولد كلب بس مش فى كل الاحيان ..تقبلى تحيتى

مسدس صغير يقول...

الشارد

من تعود الذل من الصعب عليه تذوق الكرامه.. كلمات جميلة وواقعية تقبل تحيتى

م/ الحسيني لزومي يقول...

لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

***

مسدس صغير يقول...

م/الحسينى لزومى
اشكرك على النصائ الغالية وعلى القائمة البسيطة بأسماء بعض البضائع الامريكية ةوالاسرائيلية برغم انى ليه تحفظ على موضوع المقاطعه الا انى لا املك الا ان اقول لك جزاكم الله خيرا

صمت المشاعر يقول...

شكراا ليك هذه اول زياره للمدونه واحييك علي هذا البوست الرائع وفعلا الفار لا يلد الا فارا

والجميل بقي في موضوع العرب ان كل رئيس عربي يطلع بكل نرفزه ويقولك فين العرب اين انتم يا عرب هو انت مش عرب والا ايه كلهم قاعدين يدوروا علي نفسهم والله حاجه تضحك

مسدس صغير يقول...

صمت المشاعر
اشكرك على الزيارة وارجو ان ربنا ميحرمنا منك ابدا وتزورونا دايما ...

jacker يقول...

balenciaga handbag
balenciaga handbags
balenciaga
balenciaga bags