الخميس، 25 ديسمبر، 2008

اهم احداث 2008 من غير ترتيب


- فوز مصر ببطولة افريقيا للمنتخبات

- فوز الاهلى ببطولة افريقيا للأندية

- فوز باراك اوباما فى الانتخابات الامريكية وبقى اول رئيس اسود يسكن فى البيت الابيض

- تفجير الجدار الفاصل بين مصر وغزة
-حريق مجلس الشورى

- الازمة المالية العالمية

- انشاء مدونة مسدس صغير (ايه حد عنده اعتراض؟)

- مقتل سوزان تميم واتهام هشام طلعت مصطفى ومحسن السكرى فى القضية..

- انخفاض أسعار الحديد فى نهاية العام

- ارتفاع اسعار الحديد فى بداية العام وحتى قبل نهايته بشهور

- شيخ الازهر يهنئ شيمون بيريز على حصار غزة

- احداث المحلة

- اضراب 6 ابريل

- أسبانيا تفوز ببطولة اوروبا ( يورو 2008 )
-الحكم ببراءة الرجالة بتوع العبارة

- حادثة الدويقة الله يرحمهم

- استيراد علف حيوانى بزعم انه قمح من اوكرانيا ورومانيا

- بصراحة الذاكرة مش جايبة اكتر من كده بس فيه ناس هتقوللى انت نسيت حدث مهم جدا .أقول وانا اقدر انسى حاجه زى كده بردة..

بقى معقول بوش يضرب بالجزمة وانساها ..(جزمـــــــــــــــــــــــــــــــــــــة منتظر الزيدى فى رأس بوش)

يا ريت اللى فاكر حاجة يقولها فى التعليقات ونفكر بعضنا كده يمكن ربنا يفتحها فى وشى وفى وشّكو

هناك 14 تعليقًا:

dr_samarmar يقول...

أنا شايفة أهم حدث فيهم بجد حدث الحذاء

دا فى المفرح

و أكتر حدث هزنى بجد براءة ممدوح اسماعيل كمان .. دا من حيث الوحش


من أهم الأحداث بقا وا للى عملت صدى قوى عند الناس اضراب 6 ابريل
خوفهم مننا بجد أو يعنى نقول قلقهم

البت المشمشية حلوة بس شقية يقول...

لالالاء اهم حدث
قال ايه ياخوية
انشاء مدونة مسدس صغير
بص انا هسكت وهعمل نفسى مش واخدة بالى وهمشى
قال حدث هام قال
ههههههههههههههههههه
قولت اجى اسلم

وهروح اذاكر تانى

البت المشمشية حلوة بس شقية يقول...

اة
فيه حاجة كمان نسيت تقولها
اهم احداث 2008 انى دخلت عالم التدوين وجيت ا خم عليكو نسيت
تقولها دى

مسدس صغير يقول...

dr samarmar
اشكرك على التعليق الجميل وفعلا انا معاكى ان احسن واهم حدث السنادى هو حدث الجزمة. وبراءة ممدوح اسماعيل طبعا وجعتنى جدا ونسيت اكتبها وهكتبها حالا اشكرك ان انتى ذكرتينى.. لك منى التحية وربنما يذكرك دايما بالاحداث الحلوة دى. ونورتى البلوج

مسدس صغير يقول...

البت المشمشية
هههههههههه اشكرك اولا على الزيارة ثانيا انا فعلا شايف وكل الناس شايفة ان اهم حدث فى 2008 هو انشاء مدونتى الرائعة والاكثر من رائعة والرهيبه هههههههههه ومعلش نسيت اتكلم عن مدونتك اعذرينى نورتى البلوج وذاكرى عشان تنجحى.ها؟؟

fashkool يقول...

والله العظيم يا ابنى انت حكايه .. بس على فكره اهم حدث فى عام 2008 هو انشاء مدونة فشكول فى ابريل مش مسدس صغير .. على العموم حطهم فى ايدك وهزهم واللى يطلع الاول يبقى اهم حدث واهم حدث عالمى على الاطلاق كان مؤتمر الحزب الواطنى اللى بقى له شهر ونصف ده وزغردى يااللى ماانتش غرمانه

مسدس صغير يقول...

fashkool
اشكرك يا استاذ فشكول على المعلومة الرهيبة دى بجد كان رايحة من على بالى ونسيت اكتب مدونتك فى اهم الاحداث ان شاء الله نكتبها فى احداث القرن.ههههههه وطبعا مش هنسى اكتب مؤتمر الحزب الوطنى فى احداث القرن ودى تيجى.. عسل والله يا استاذ فشكول

قلم رصاص يقول...

هههههههههههههههه

مبدع كالهادة يامسدسي ياحبيبي

بس معاليك نسيت تكتب اهم الاحداث على الاطلاق .. الا وهو :

ان العبد لله لسه عايش ومماتش بالسكتة بسبب وقوع كلللللللللللللل هذه الأحداث في سنة 2008 م

هههههههههههههههههه

تقبل مروري مع التحية والمهلبيه

موناليزا يقول...

جميلة فكرة التدوينة

صفـــــــاء يقول...

.
لا وهو اكتر من كدة عازو تفتكر ايه تانى

دة كدة حلو اوى

ولو أستكفينا منهم بتهنئه شيخ الازهر تبقى تكفى وتزيد

كل سنه وانت طيب
.

مسدس صغير يقول...

قلم رصاص
اشكرك يا صديقى العزيز على التعليق الغالى جدا..وبعيد الشر عليك من الموت يا حبيبى وهيه دى سنة الحياة .. تقبلنى

مسدس صغير يقول...

موناليزا
اشكرك اختى الغالية على الزيارة الجميلة ونورتى المحكمه

مسدس صغير يقول...

صفاء
طالما انتى شايفه ان كده كفايه خلاص انا معاكى وهنكتفى بتهنئة شيخ الازهر الحلوة وكل سنه واحنا طيبييين

alerts يقول...

gucci vintage
gucci online
gucci fashion
gucci uk
gucci bags