الثلاثاء، 23 ديسمبر، 2008

سلك النت


هو النت اللى جاى من ايطاليا ده جاى فى سلك وللا ايه؟؟ اكيد فى سلك كل ما سمكة تعدى جنبه يتقطع. كل ما سفينه تعدى من فوقه بأميال يتقطع هو احنا بنهرج وللا ايه؟ هو السلك ده متوصل من بتاع الوصلة اللى جنبنا وللا ايه؟ وجاى وزير اللاتصالات قال كلام كبيييييير اوى عن سبب قطع الكابل اقصد السلك بتاع النت بيقول تمدد فى القشرة الارضية ادى الى وجود انصهارات داخلية وخارجية ادت الى ضربة جوية هزت الصحف العالمية ... المهم اهو بيقول كلام منفهموش وخلاص . بس انا عايز اتكلم عن نتايج قطع النت ده على المستوى الشخصى . ادى الى عدم تدوينى اى تدوينه فى هذه الفترة الزمنية التى تقدر بأربعة أيام مما انعكس بالسلب على الشبكة العنكبوتية مما ادى الى تدهور بورصة المدونات العربية .اه اه اه هو انتو مش معايا وللا ايه..؟؟ ممكن؟ ما علينا . وبعد عودة النت الى ارض الوطن واستقبلناه فى المطار بنقوله حمد الله على سلامتك يا حبيبنا كلنا كفاية ان انت عرفتنا ع الناس الحلوين اللى بيتابعونا دول.... ونتابع

هناك 10 تعليقات:

mostafa rayan يقول...

حمدلله على سلامتك وسلامةالنت يا جميل

مسدس صغير يقول...

mostafa rayan
الله يسلمك يا باشا اشكرك على الزيارة ونورت المدونة..

بسبوسة يقول...

ان شاء الله مش يتقطع تانى
*********************
علشان علطول نشوف حضرتك حمد الله على سلامتك

مسدس صغير يقول...

بسبوسة
ربنا يبارك فيكى وميحرمنى من جميع المتابعين والمدونين . ونورتى البلوج كله يا بسبوسة..

سنووايت يقول...

ربنا ما يقطع لنا كبل ولا يوقع لنا شبكة تاني
بجد بيفرق كتيييييير

مسدس صغير يقول...

سنووايت
هههههههه ربنا ميقطعلكو كابل.هههههه حلوة اشكرك على الزيارة الغالية

fashkool يقول...

يوم الجمعه صحيت الصبح عشان اقعد على النت واعمل تدوين ببص لقيت النت مش عايز يلفق معايا خالص .. زهقت وقفت الكمبيوتر ورحت قعدت قدام التليفزيون ببص لقيت فى شريط اخبار البى بى سى ان سلك النت مقطوع عن مصر وقطر او الامارات مش فاكر .. اسقط فى يدى وسلمت امرى لله .. وما قعدتش على النت خالص يوم الجمعه .. متهيأ لى انهم جايبين سلك من النت اللى جنبنا هوائى كل يوم يتقطع .. مش كابل بحرى وقال سفينة صيد هى اللى قطعته .. يا اخى انههه .. بيضحكوا علينا واحنا بنصدق

مسدس صغير يقول...

fashcoool
اخى العزيز فشكول ربنا ميحرمك من النت ابدا انا عارف ان النت اصبح بالنسبه لنا جهاز تنفس اشكرك على الزيارة الكريمة. ونورت البلوج

قلم رصاص يقول...

هههههههههههههههههه

معقوله النت قاطع عندك ياواد
لالالالالالالالالالالالالالا

النت يقطع عندي او عند عمنا فشكول او عند اي حد تاني ماااااااااااااشي

غلابه يابيه ومفيش غير كده وان كان عاجبنا

انما انت ..انت ..يقطع عندك ازااااي ؟!

امال القمر الصناعي ايه لازمته الساعة دي ياعم الحاج انت هههههههههههههههههههههههههه

منور النت بتاعنا ياريس

تقبل مروري

googler يقول...

louis vuitton handbag
louis vuitton handbags
vuitton
louis vuitton bags
louis vuitton bag