الثلاثاء، 16 ديسمبر، 2008

نظراً لحبى للجزم


نظراً لحبى للجزم

وأكله حلوة على راس صاحبنا

فى بلاد ابونا اتعزم

يا بوش يا غازى!!

لو ميت(100) منصور؟ بالجزمه ! يبقى اتهزم

مولود بقالى زمان

ييجى ربع قرن قبل عام الجزم

عدى عليّه كتير

ومرت عليّه الجزم

( أسبانى وايطالى وصينى ومصرى)

لكن العراق فيها أم الجزم

******

يا حته من دجله

على الفرات واكله

ولفه ع النيل.

الضرب ما هو مستحيل. أبداً بالجزم

الدنيا تشهد وعنيه أول شاهد

وعملنا أحزاب للجزم

وكمان عملنا

رابطة محبى الجزم

والحاج كان بيدعيلى اموت عشان الجزم

يمكن دى دعوة حاج لسه راجع من الحرم

صارف فلوسه ع الحجاز

جايب هدايا الدنيا

للحبايب والعيال

ترتبع تلاف رابطة جزم

********

يا جزمة الوادى العتيق على راس العَلم

الكل مخروس من ساعتها

ولا اللى مضروب بالألم .

وانا اللى فرحان. وزعلان عشان جوز جزم

راحو هدر مع منتظراللى اكيد راح يتظلم

علشان يعوض جزمه

مضروب بيها صدام قبل ما يتعدم..

ونصيحه ليك يا بوش

قبل أى مؤتمر

تعمل جهاز لكشف الجزم....




هناك 27 تعليقًا:

mony يقول...

حلوة اوي


وليدة اللحظة ديه ولا ايه؟؟

حروف (دلو مرة ثانية وجرح ثاني سابقا) يقول...

حلوة يا مسدس يا صغير انت صغير بس ايه حكايه ههههههه
بجد جميل اللي انت كاتبة
وياريت تكون صديق البرنامج
وادعيلي اكبر ابئا كلمات بدل حروف متنتورة في كل حتة
اتصدق وتؤمن بالله انا بردوا الفت امبارح بتاعة كدة عن الجزمة بعد ماسمعت الابنودي وهو بيقول شعر في العراق والجزمة اة والله خدتتني الجلالة وكتبت بس الحجة عندي عملت احتجاج وقالت لا لتروحي جوانتناموا قلتلها ياحجة دية البي بي سي قالت دة تعبير عن راي قالتلي ولا بي بي سي ولا دابليو سي مفيش كتابة وانصعت الي الامر العسكري
هههههههههههه

حروف (دلو مرة ثانية وجرح ثاني سابقا) يقول...

انا مليش دعوة اة اية يعني تفهموها هي ومتفهمونيش انا وربنا اعيط واغرق المدونة لازم افهم وانا علقت الاول الحقوا فهموني لاحسن تغرقوا ف مدونة حعد يالا 1 2 يبقوا 3 ها ودامكم ل عشرة

fashkool يقول...

آآآآه كدا يا اخى .. دى الوقت اقدر آجى واتكلم واتبحبح .. كنت قافل المدونه على وانا عايز اجى لك عشان اكلمك وتكلمنى وكل ما آجى يقول انت غير مدعو .. وانا غلبان فى الكمبيوتى وحاولت ادخل اللينك بتاعى وهو ولا معبرنى .. قلت اعمل ايه .. عملت اعلان عندى وقلت انا مش عارف ادخل عند مسدس .. واتكلت على الله وسكت لحد انت ما جيت واعطيتنى اللينك .. اشكرك .. وانا حاتكلم فى الشعر .. بس المضمون مش حاتكلم فيه .. الكلمات حلوه وبسيطة والسجع كويس بس ابوك اللى جايب ثلاث تربع تلاف جزمه دى حيوديهم فين .. هو انت حسيت ان الجزم بقت سلاح اقوى من النووى قمت قلت لابوك يجيب لكشويه عشان تخزنهم وتتاجر فيهم قبل ما تشح الجزم وتبقى الجزمه بالشيئ الفلانى .. يعنى عايز تبقى غنى حرب .. لو جيت عندى الله يخليك بلاش تقطع فى زى الباقيين .. اصل انا لابد فى الخن اليومين دول من الزملاء اللى عمالين ونازلين فى نقد وعتاب وانا بقى وشى منهم والارض .. بس اعمل ايه دا رأىىىى
تحياتى يا مسدس

البت المشمشية حلوة بس شقية يقول...

انتا بترتجل ولا ايه
محددش هيعرف يكلم معاك بعد كدة
لاء بجد تسلم ايدك على صنية البسبوسة دى قصدى القصيدة
سلام بقه عشاننازلة الكلية واخرتنى
سلالالاموز بلبلن

مسدس صغير يقول...

mony
اشكرك على التعليق وبقولك خليها فى سرك هيه فعلا وليدة الجزمه ...

مسدس صغير يقول...

حروف
انا بالفعل صديق البرنامج وان شاء الله تبقى كلمات متتنسيش بس انا بحذرك من الكلمات وبلاش تكتبى حاجه عن بوش احسن منظمة الدبليو سى سامعه كل حاجه واسمعى كلام الحاجه..اشكرك على التعليق اختى الغاليه

مسدس صغير يقول...

فشكول
اى خدمه خليك فاكر الجمايل دى لولايا مكنتش عرفت تدخل مدونتى .ههههه نورت المدونه وانا قريت رأيك ومش موافق عليه خالص. وقلت ياد بلاش تنقده كفايه عليه اللى نقدوه..تقبل تحيتى

مسدس صغير يقول...

البت المشمشيه
ازيك يا مشموشه فرحان بتعليقك وده ارتجال طبعا ومتخافيش انتى الوحيده اللى هبقى اكلمها بعد ما اطلع سلم المجد واقع من ع السطح.. بلاش البسبوسه خليها هريسه احسن.. وروحى الكليه هو انا ماسكك؟ تقبلى تحيتى

حمادة زيدان يقول...

يا عم المسدس

إيه الجمال والحلاوة دي

شدني اسم مدونتك بس لقيتك فنان جميل وارتجلت موضوع ما أجمله عن جزمة منتصر اللي بقيت جزمة الكرامة فوق دماغ بوش الغبي

سلمت اناملك وبالتوفيق يارب

مسدس صغير يقول...

حماده زيدان
اشكرك يا حبيبى يا غالى على التعليق والمرور والزيارة الكريمه لك منى عظيم التحيه ونورت المدونه والله

قلم رصاص يقول...

علمناهم الشعر
عملو له ألحان
وبوش وطى للصارمه
وطلع عيل وجبان

هههههههههههههههههههه

اه يامسدس ومن عمايلك
انا خايف عليك يابني لحسن تروح الدبليو سي وتتبهدل

هههههههههه

كلام جميل ياريس
بس اعمل حسابك معدتش تسرق مني شعر
حرام عليك كده كتير هههههههههههه

تقبل مروري بهذا التوكتوك

مسدس صغير يقول...

يا عم انا عارف والناس عارفه ان انت اللى معلمنى الشعر وان الشعر ده مسروق منك.. غير كده يا عم اللى جاى فى توكتوك انت مالك ومال الدبليو سى ." من النهارده مفيش دبليو سى آآآآآنى الدبليو سى"..هههههههه

صفـــــــاء يقول...

.
زجل و شعر شعبى رائع

أسلوبك ساخر وبارع

أرجو دوام الابداع

تحياتى
.

موناليزا يقول...

الا ياترى هى فين دلؤتى
اتصادرت ولا هيبيعوها فى مزاد:)

مسدس صغير يقول...

صفاء
اشكرك على الكلمات الجميلة اللى عبرتى بيها عن زجلى المتواضع ونورتى المدونه وربنا ميقطعلك زيارة ابداً قادر يا كريم..

مسدس صغير يقول...

موناليزا
اشكرك على التعليق ونورتى البلوج بتاعنا والبلوجات اللى جنبنا وبالنسبة للجزمه راحت تلف فى متاحف اوروبا وامريكا تهديد للحكام..

alshared يقول...

عفوا عزيزي

لست أتفق معك

بعيدا عن روعة القصيده

ليس هذا هو أسلوب المواجهه

هذا الأسلوب دليل علي أضمحلال الهويه الثقافيه بلاش الثقافيه خليها هويتنا الحضاريه فكما يقال نحن شعب متحضر

ما عدنا نستخدم قط لغة الحوار

ما عدنا نمسك بالقلم ونشعل منه النار

ما عدنا نستخدم العقل سوي في لعب القمار

....

أصبح من السهولة أستخدام الايدي والأقدام
دوناً عن سائر الخلق
دونا عن جميع الأنام

ما زال فينا من أبي جهل وفلسفة القطيع
قطيع الأغنام

...........

بعيدا عن الأختلاف في الرآي الذي أعتقد أنه لا يفسد للود قضيه

القصيده روعه


دمت بكل الود

مسدس صغير يقول...

alshared
اولا اشكرك على التعليق الجميل والرائع والفكر المستنير الذى يشع من خلال الكلمات.
ثانيا انا اختلف معك قليلا فى الرأى فلقد رأينا الكلمات الصادرة من الاقلام ولطالما رأيناها ولم تهز رملة فى هذا التل ورأينا الاعلام وكثيرا ما حكى لنا واقعنا الاليم اكثر مما يحكى لهؤلاء ظلمهم لنا . كل هذا ولم نر رملة تهتز ولما رأينا منتظر الزيدى يهز بحذائه واحده تلو الاخرى صوب الرئيس الامريكى وجدنا صحف العالم واعلام العالم ورؤساء وحكام العالم وقد عرفو اننا نرفض هذا الوجود الامريكى فى العراق الذى لطالما كتبت عنه صحفنا اليوميه والاسبوعيه والشهريه والسنويه والعقديه والقرنيه الى مالا نهايه تقبل تحيتى وانا احترم رأيك جدا اخى العزيز واشكرك على التعليق .. ونورت مدونتى .

القلم السكندري يقول...

لله در منتظر..

لكم انتظرته المشاعر المحترقة تحت نيران الطاغوت الأمريكي ليحرك سواكنها بعواصف شجاعته وجرأته

مسدس صغير يقول...

القلم السكندرى
اشكرك على الزيارة الكريمه واشكر كلماتك الممتلئة بالحب لهذا الوطن وهذا الموقف الشجاع من منتظر الزيدى.

alshared يقول...

عزيزي الجميل

خبر عاجل من قناة العربيه

أن منتظر الزيدي يعتذر عن

رميه الحذاء بإتجاه الرئيس بوش..( قناة العربية )

ملحوظه صغننه

من المفترض أن يكون القلم هو محرك الثوره أو هو محرك الشعوب للأنتفاض
وإذا كان الحادث عكس هذا فهذا ليس عيبا في القلم بل في من يكتب ومن يقرأ


دمت صديقي بكل الود

مسدس صغير يقول...

alshared
صديقى العزيز لابد ان تكون دقيقا. منتظر الزيدى لم يعتذر لبوش ولكنه يعتذر لنورى المالكى رئيس دولته.وبالفعل لقد رأينا الحذاء المتطاير هذا الحقير وطارت معه انتفاضه الاخبار التى اعتقد انها لن تهدأ قريبا ليوصل للعالم ان الامه العربية ترفض الوجود الامريكى فى العراق وهذا ما لم نر الاقلام قد فعلته ولا نعيب الاقلام فماذا تفعل الاقلام اكثر مما هى فيه الان... تقبل تحيتى واحترامى لشخصك الكريم

قلم رصاص يقول...

الله ينور

الجماهير ماليه الاستاد ع الاخر
هههههههههههههه

تقبل مروري

مسدس صغير يقول...

قلم رصاص
ياعم انت هتسكت وللا أديك كارت احمر؟؟

صمت المشاعر يقول...

شكراا ليك علي التعبير الرائع
انت مش مسدس صغير انت مدفع بيعرف ازاي يتوجه صح ويصيب هدفه

تقبل مروري

jacker يقول...

gucci purse
cheap gucci
cheap gucci
gucci wallets
prada