بالجزمه !!

بصراحة انا كنت ناوى اخد اجازة يومين تلاته كده من التدوين.. بس الموضوع اللى انا شفته النهارده وعايز اكتب فيه استفزنى ومينفعش يتأخر خالص..

بقى الحكاية وما فيها ان الرئيس العراقى المالكى كان عامل مؤتمر صحفى فى ختام زيارة الرئيس الامريكى بوش- اللى لساله ايام فى الرئاسه- للعراق.. أوم ايه؟ بوش عمال يتكلم ازاى سيادته وفر الأمن للعراق والعراقيين فى الفترة الاخيرة وكمان للأمريكيين بعد الحرب على الارهاب والارهابيين..لكن المعلم بوش وفر الامن للعالم على حد فشره بس معرفش يوفر الامن لنفسه!!! ازااااااى؟؟ صاحبنا واقف فى امانة الله بعدييين صحفى عراقى بالصلاه ع النبى راح ضربه بالجزمه ..اه وكتاب الله."اسف ضربه بالجزمتين راح خبطه حتة جزمه فى دماغه حاجه من اللى قلبك يحبها راح باصص الصحفى للتانيه " أقصد للفرده التانيه" كان مستخسرها فيه. بس قال خلاص معتش ليها لازمه وراح خابطها هيه كمان فى دماغ الاسطى بوش اصل الصحفى كان عايز يوصلله رساله بالجزمه. بس سيادة الرخيص اقصد سيادة الرئيس مفهمهاش.......عايز يقوله مخك زى الجزمه