السبت، 13 ديسمبر 2008

وربنا يديم المعروف


- بيقولو ان اليابان بتعمل اليومين دول محمول بينقل الريحه علاوة ع الكلام والصور والفيديو. يعنى مثلا واد محشش يتصل بابوه ابوه يقفشه على طول هيشم ريحة الحشيش ويعرف ان ابنه بيخمس.ولو واحد فى اى مكان مش لايق زى حمّام أو زريبه او خلافه بلاش يرد ع التليفون.احسن كده مش حلو.وربنا يديم المعروف


- السعر العالمى: عقده كبيرة عند الحكومه المصرية اسمها السعر العالمى بس العالمى اللى على مزاجهم . يعنى مثلا يقولك احنا بنشحت قصدى بنشترى القمح من الفلاحين بالسعر العالمى عشان السعر العالمى نازل فى القمح.. ويقولك الحديد ملناش دعوة بالسعر العالمى اصل المسأله داخليه عرض وطلب ويبيعو اكتر من السعر العالمى ييجى 1200 جنيه. ييجو على الرز ويقولك منعرفش نشتريه بالسعر العالمى عشان الشعب المصرى الغلبان ويشحتوه بـ1100 جنيه وهو سعره العالمى350 دولار يعنى1900 جنيه تقريبا.يا سيدى اشتريه من الفلاح بألفين جنيه ودعمه طالما صعبان عليك المواطن الغلبان. هو يعنى الفلاح هو اللى هيدعم المواطن المصرى؟!! والله متناقضات غريبه ودى مجرد امثله ومش حصر للسلع.. وربنا يديم المعروف


- شعبولا بقى قضية رأى عام: ناس تقول دا شعبولا الحكومه هيه اللى دخلته فى الفيلم ده عشان اغانيه السياسيه وناس تقول دا شارب جرعة حشيش زايده وحاجه غريبه شويه شويه النائب العام يمنع النشر فى قضية شعبولا لحين الحكم على شعبولا ..والحقيقه ان شعبولا مش عارف اى حاجه فى البطيخ اهو زى البغبغان بيردد وخلاص..وربنا يديم المعروف


هناك 8 تعليقات:

قلم رصاص يقول...

ههههههههههههههههههههههه

دا انت النهارده عامل شغل جامد اوي يامسدس افندي ابو العلا
ههههههههههههههه

بس انت فعلا حطيت ايدك على نقطة الموضوع.. في مسألة السعرالعالمي اللي الحكومة الذكيه في أيامنا النظيفه دي عماله تشتغلنا بيه

ياخدوا بالسعر العالمي لما يكون ووواطي
.... ومايخدوش بيه ولا يعبروا اهله اذا كان عااااااااااالي

بجد حاجة تجيب شلل أطفال في سن الشيخوخه
هههههههههههه

تقبل مروري مع التحيه ياريس

مسدس صغير يقول...

قلم رصاص
ههههههههههههههه اشكرك يا باشا على المرور والتعليق وانا فعلا معاك فى الكلام اللى انت قلته بالنسبه لموضوع السعر العالمى اللى على مزاجهم..

البت المشمشية حلوة بس شقية يقول...

حاسب بس احسن الصلاح يطول
والشيطان زمانو جاى
تانى حاجة بلنسبة للموبيل بتاع الصين ده

بكرة يعملو موبيلات لو بتتصل بحد تعرف اذا كان مستحمى ولا لاء
ياااادى الفضايح
بلنسبة للاسعار انا مش هكلم عشان انا لو اتكلمت هشتم
وهتاخد عنى فكرة زفت
فهسكت احسن

بلنسبه للاخ المناضل شعبولا الاولة

ضحكتنى لما قولت قضية راى عام
سمعتو فى برنامج ايه اخر تطورات القضية قالهم انا مش عارف الراجل تايه اساسا

البت المشمشية حلوة بس شقية يقول...

اة نسيت اقولك حاجة

ربنا يديم المعروف

مسدس صغير يقول...

البت المشمشيه
ههههههههههههه اولا شرفتينى يا شقيه غير كده الموبايل بتاع الحمى ده هيبقى وحش اوى خاصة فى الصيف.ههههههههه وسعيد جدا بمرورك
وربنا يديم المعروف

Desert cat يقول...

انت مسدس لما اطلقت اول رصاصه اصابت الهدف مباشرة
تحياتى ليك

مسدس صغير يقول...

desert cat
اشكرك شكر كبير على الزيارة وعلى الكلمات الجميله.وكل عام وانتم بخير

splendid يقول...

Although from different places, but this perception is consistent, which is relatively rare point!
nike dunk