السبت، 8 يناير 2011

براعة الأمن المصرى ..


لم نعد نشعر بأى أمان فى مصر وهذا ما برع فيه الأمن المصرى 
منذ فترة قليلة جدا ظل جهاز المخابرات والأمن المصرى يتحفنا بخبرته الطويلة فى تتبع الجواسيس والقبض على هذا الجاسوس الذى دمر مصر ماضى وحاضر ومستقبل.
  ولم تمض غير أيام حتى رأينا براعتهم فى التعامل مع الإنفجارات وسرعة لصق الإتهامات وتكوين صورة مرسومة والبحث عن صاحبها -هذا المجرم الصنديد الزنديق الذى فجر نفسه داخل هذه الحشود-
 ويطالب الأمن المصرى البارع ( أى واحد يعرف الصورة دى أو يعرف عنها أى حاجة يجيلنا فورا وهنديله هدية. مكواة وبطانية) وتزداد براعة الأمن أكثر على موقع الفيس بوك لأن فيه شاب قال فى ليلة رأس السنة بعد ساعتن هنتحر وهتشوفوا هيحصل إيه فى إسكندرية.
 وتزداد البراعة أكثر بنداءات الأمن المتكررة يا رجالة مصر حد يعرف حاجة عن الشاب اللى قال كده وتحول الأمن المصرى إلى مجموعة من النتيتة .
يبحثون هنا وهناك عن صورة مشابهة لهذه التى برعوا أيضا فى رسمها كما أنهم برعوا أيضا فى التسجيل على الفيس بوك بأسماء بنات ليعرفوا أى شئ عن هذا المنتحر.
ويزداد الأمن براعة فى القبض على سيد بلال ولكن الأمن لم يستطيع تحديد أن سيد بلال هو من فجرنفسه فى كنيسة القديسين من عدمه!!
أو السؤال بطريقة أخرى هل الصورة المرسومة لمن فجر نفسه هى صورة سيد بلال؟؟!!! 
ووضحت براعتهم أكثر فى تحليل سبب وفاة سيد وأن سيد ده بيستعبط فقد مات بمزاجه وكان عنده الضغط والسكر والأعصاب 
** 
يرحمك الله يا سيد.. 
**
*



هناك 10 تعليقات:

شمس النهار يقول...

اخيرا هيحطوا كاميرات اهو تكشف حوالين الكنايس
لسه فاكرين

حلم بيعافر يقول...

فعلا يابوصلاح
الامن المصرى اتبررررررررع ومش لاقى حد يلمه
وحشتنا ياراجل

المهر يقول...

ايه الجمال والموضوعيه دى يابو الصلح بس ايه لنتيتة دى !!!!!!!!!

iBrahim aAdam يقول...

علشان كده احنا المفروض نفكر قبل ما نزيد مولود ... إن مكانه في أمن الدولة عندنا موجود

حسبنا الله و نعم الوكيل

تــركــي الــغــامــدي يقول...

ماحدث في الأسكندرية لايرضي أي مسلم وقطعاً عدم القبض على الفاعل الحقيقي يؤدي إلى فقدان الثقة في أجهزة الأمن كما أن إلصاق التهم لمجرد أنه تم القبض على الفاعل دون أدلة حقيقية مقنعة تزيد من هوة فقدان الثقة ، والله المستعان .
تحياتي مسدس صغير .

sony2000 يقول...

ربنا يستر علي جاي بجد
تفتكر ايه اللي هيحصل بعد كدا

قلم رصاص يقول...

تمااااااااااام
يا ابو صلاح
^^

محمد ملوك يقول...

الحال من بعضه هاهنا
تعددت الاوطان والهم واحد

اللى موش عارف يتغير يقول...

يااااه صلاح
ازيك يا صلاح

daloo3a يقول...

الصراحه إبداع مع احترامي الشديد

يعني لين متى بيصير هالوضع عندكم؟؟!!


الله يعين و يستر بس


من زمااان ما دخلت مدونتك ^^