الأربعاء، 1 ديسمبر 2010

فصلين .. وإحنا قعدين ..

 مسرحية هزلية من فصلين انتهى الفصل الاول وكذلك التانى بالآتى :-
1- قتلى وجرحى من الشعب المطحون .
2- استخفاف جلى بعقول المساكين .
3- إهدار المال العام - كانوا عيّنوهم أفضل وإحنا بكرامتنا - 
4- إهانة رموز قضائية كبيرة بأن يشاركوا فى مثل هذه المسرحية .
5- الحصانة البرلمانية لها قيمة كبيرة جدا فلماذا يدفع مرشح 20 مليون جنيه لأجل خدمة الشعب؟!!
6- مصر بلد مسالم لا تحب المعارضة - المعارضة لم ينجح أحد -
7- إبراز دور المرأة المصرية على مقعد الكوسة - نجحت مرأة الحزب الوطنى على كل المقاعد -
8- توفير عناء التصويت على الشعب المصرى - تسويد الأصوات بدلا من تعطيل المصالح - 
9- كرامة الميت بأن حسه فى الدنيا - يا ميت لك صوت حتى لو كنت ميت -
10- نجاح مرشحين بلا أصوات - نظافة دماغ -
11- عشان مستقبلك ومستقبل عيالك !. خليك فى حالك .
12- زيادة الحس الوطنى بسماع أغانى عبد الحليم الوطنية وأغنية (الناجح يرفع سلاحه)
13- قوة الأحزاب السياسية فى مصر - قوية جدا -
14- محدش يتدخل فى الشئون الداخلية داخل مصر ..  وخارج منها أحسن .
15- رزقى ورزقكو على الله ..
* *


هناك 6 تعليقات:

BNT ELISLAM يقول...

هههههههههههههههههه
هههههههههههههههههههه
بجد هى دى حال البلد
ربنا يبارك فيك
هم يضحك وهم يبكى
ضحكى على رزقى ورزقكوا على الله
احنا هناخد ثواب الجماعه فى سجن او القفش او الاعتراض
وكله على الله

still-searching يقول...

للاسف هي كانت مسرحية
واحنا عارفين كده من زمان

الفصل الاول
كان عدد كبير من المرشحين بحيث يبان لنا ان فعلا في انتخابات بصحيح مش كده وكده زي كل مرة

المرشحين يمشوا في الشوارع يغنوا ويسقفوا ويطبلوا

ونعم البرامج الانتخابية فعلا
خلصت الفترة الدعائية بعد ما كلفتهم ملايين في الدعاية

وحسبي الله ونعم الوكيل ...الناس في البلد مش لاقية تاكل وهم يضيعوا الفلوس في الارض

الفصل التاني
يوم الانتخابات
الناس خافت تنزل من بيوتها
لاحسن حد ياخدله شومة ولا مطووة
الصناديق فاضية

والفصل الاخير
وانا نايمة يوم الانتخابات بالليل
اسمع التلفزيون كأنه حلم
والمذيعة بتقول النتايج

فئات الحزب الوطني
عمال الحزب الوطني

في معظم الدوائر وحفظا لماء الوجه
تلاقيهم برده لسه محتارين في بعض الدوائر ما بين الحزب الوطني ومرشح مستقل او من حزب اخر
قال يعني بيحبكوها


الخلاصة
هي دي الانتخابات النزيهة

والمسرحية للأسف مش ناجحة لأنها مش حصرية
بايتة وكل يوم بنشوفها

عادي

كلمات من نور يقول...

كل داه واحنا قاعدين؟؟؟؟؟؟؟؟؟؟؟؟ احنا نايميين يا مسدس صغير مش قاعدين

sony2000 يقول...

واحنا قاعدين
لنا الله

رحــــيـل يقول...

انا عاوزه بس اقولك انه بخصوص الاغاني الوطنية
الانتخابات كتر خيرها بالرغم كل البلاوي الا انه طلعتلنا جيل جديد من الاغانى الوطنية اللى معمولة مخصوص للمرشحين الافاضل
بصراحة الدعايا السنة دى كانت مسخرة فعلا وكل ما تلاها طبعا

مجرد حلم صغنتوت يقول...

كانوا عيّنوهم أفضل وإحنا بكرامتنا

والله عندك حق
زي الاتحاد بتاع الكليات
الموضوع بادئ من اصغر حاجة لاكبر حاجة

ربنا يسترها معانا