الاثنين، 5 أبريل 2010

إنها حقا عائلة محترمة


الحكومة المصرية تثبت يوما بعد آخر أنها حقا عائلة محترمة


عندما يتكلم وزير الصحة ويقول العلاج على نفقة الدولة لغير القادرين ماديا فقط
وان العلاج على نفقة الدولة سيقتصر على عدد معين من الامراض
و.... و.... و.... و.... الى اخر حركات الاحترام المعهودة


نرى وزير المالية يتعالج على نفقة الدولة بمليون جنيه فى عنيه
- فى حين عملية الميه البيضا بتتعمل عندنا فى البلد ب 2000 جنيه وكمان ليزر يا سيادة الوزير-
(وعم عبده البواب يموت هوه واللى جابوه عشان عايز عملية ب 2000 جنيه)
وفى نفس اللحظة التى ينادى فيها وزير الصحة بأن العلاج على نفقة الدولة للمحتاجين فقط
نرى زوجة الوزير الهمام تتعالج على نفقة الدولة ب 2 مليون جنيه فى الخارج
(ونعيمة مرات عم عبده البواب تموت قهرا على نفقة الدولة حزنا على عم عبده)
فى حين أن سيادة الوزير يمتلك صرح من أكبر الصروح الطبية فى المحروسة
(وهو دار الفؤاد المستشفى المعروف)
لنا الله



هناك 17 تعليقًا:

خواطر شابة يقول...

لو فضلت تفكر بالشكل ده وتعقد هذه المقارنات تأكد انك بعد الشر ستصاب بكل أمراض الاعصاب وفقعة المرارة.
الاصلاح سيأتي من القاعدة مش بتاعة بن لادن انما قاعدة الهرم بمعنى ينصلح الافراد فينصلح المجتمع ووقتها سيستطيع ان يطالب بحقوقه ويدافع عنها اما الان فينطبق علينا القول كما تكونون يولى عليكم

مسدس صغير يقول...

خواطر شابة

كلامك صحيح يا خواطر والله بس صدقينى مقدرش اشوف ده واسكت
مهو لو سكت هموت كمدا
اما لو اتكلمت يقولو مات وكان بيتكلم
ههههه
لنا الله
اشكرك على التعليق والرد
بجد نورتينى

AhMeD RaDy يقول...

بص يا عم مسدس واللهما عارف اقولك ايه بالظبط ..

فعلا شئ مؤسف ومحزن وخيبة وفضيحة وحاجة تحرق الدم بجد

يارب صبرنا يارب ..

قلم رصاص يقول...

حمدلله ع السلامه ياابوصلاح
ايه ياعم ، إن لقرائك عليك حق .

اما بخصوص موضوع البوست

فماذ تنتظر ياصديقي من حكومة رجال الأعمال ورجال الهاي كلاس ؟!

ألم تذكر معي التصريح الذكي والنظيف لرئيس الحكومه عندما قال :

"الحكومه ليست مسئوله عن الفقراء"

والى جانب فساد الحكومه الذي لاينكره احد.. اتفق كمان مع خواطر شابه في تعليقها في انه لابد من إصلاح قاعدة الهرم الاجتماعي بدءا من الناس ...!

ويحضرني هنا كلمه حلوة(تمام) أوي لشيخ الإسلام ابن تيميه حين قال :

"فساد الراعي ، من فساد الرعيه"

باختصار وبشكل عام احنا في حاجة الى اصلاح دستوري اولا ،، وستأتي بعده كل الاصلاحات السياسيه والاقتصاديه والاجتماعيه بشكل آلي ،، لأن مابني على باطل فهو باااااااااطل !

ازيك بقى وعامل ايه
كلمني شكرا

سلام ياصاحبي

العزة فى طاعة الله يقول...

بص يابو درش
هى دائرة مفرغه ملعوووونه
بنلف فيها و مش حينصلح حالنا غير بكلام الآنسة خواطر

فمتتعبش نفسك
و فى سوداوي بس حلو اوي للاخ لورنس العرب

حيفهمك احنا ليه بيتعمل فينا كدا وما خفي كان اعظم
اهو
http://almicrobus.blogspot.com/2010/03/blog-post_26.html

بالشفا

تسلم يا صحبى و عودا حميدا
و سلامي للاخ قلم رصاص
مش ناوي تترقي بقا :))

العزة في طاعة الله يقول...

الاخ قلم رصاص .. الاخت خواطر شابة

لكلم مني التقدير و الاحترام

كلام حلو اوى هو

ممكن اشكرهم عن طريق مدونتك الكريمة؟

لسه فى امل و الله طول ما لسه فى زيكم

كتير

اقم دولة الإسلام فى قلبك
تقم على ارض الحقيقة

فتاه من الصعيد يقول...

عصابه وماسكه البلد مع الاسف

تحياتي

ستيتة حسب الله الحمش يقول...

إنها حقا عائلة
عائلة عائلة يعني
عائلة في بعضيهم

daloo3a يقول...

من متى الحكومه تمشي سيده ؟؟!!!

اللى موش عارف يتغير يقول...

انا بصراحة مبسوط من منع العلاج على نفقة الدولة
انا مع منع اى شىء يمكن استغلالة من قبل نواب الشعب والمسئولين
والغلبان ربنا معاه
بقالى فترة مشغوووووووووول
لا انام

*** حور- نور*** يقول...

لو قعدنا نفكر فى اللى الدولة بتعمله فينا هنتشل صدقنى ريح دماغك واعمل زى الباشا تلميذ
احنا أسرة مع بعضينا
أسرة...........بعيد عنك

saragebaly يقول...

طبعا لازم تكون عائلة محترمة
ومحترمة جدا كمان

وما خفي كان أعظم وأعظم


تحياتي لك

سارة

فتافيت يقول...
أزال المؤلف هذا التعليق.
فتافيت يقول...

كلاشنكووووف .. مدونتك وحشاني جدا
وبعدين انت زعلان ليه... مهمغير قادرين يا سيدي

مشيها غير قادرين.. يلاه
منه له.. منه له :)))

انا ضفت فيس توكك عندي :)


اه حذفت اللي قبل كده
لان ترتيب كلمات الجملة الاولى.. يدي معنى تاني.. والاذكية كتير ومش ناقصة :))

احاسيس آيوشه يقول...

لا حول ولا قوة الا بالله
ربنا يصلح الاحوال لان حال البلد محتاج معجزة

AM.SA.CHANNEL يقول...

حسبي الله و نعم الوكيل ..

و لكن تفائلوا بالخير تجدوه إنشاء الله ..

غير معرف يقول...

عيد الراجحي
ايه ده انت لسه بتدون والله قلت انك اعتزلت
موضوع نفقه الدوله عباره عن باب خلفي السرقه استغلال السلطات واهدار للمال العام
الكلام ده لما واحد فقير يطلب علاج والف سؤال ولجنه ثلاثيه ورباعيه كل ده علشان يزهق وفعلا بيتعامل انه نصاب او حرامي ودايما مشكوك ف كلامه
بس لما حرم الوزير تصدع
ازززززززززززاي نسيبها كده لازم تتعالج
واززززززززاي الدوله تقصر ف حقها وحق جوزها
دي مش دوله ولا حكومه
دي عصابه ولها مجلس اداره محترف