الأربعاء، 10 مارس 2010

أمك وللا رحاب يا طه؟



أمك وللا رحاب يا طه؟؟
- موسيقى تصويريه -
(الست دى أمى)
و
(ست الحبايب يا ضنايا إنتى)
- وده سؤال يامه -
دمعتين على وجنتى طه
رحاب طبعا

هكذا الحال عندما نسمع بأزمة الغاز
كذلك الحال عندما نسمع بأزمة السولار
كذلك الحال عندما نسمع بأزمة البنزين
وكأن لسان الحال يخاطب مصر
شعبك وللا اسرائيل يا مصر؟؟
موسيقى تصويريه
بلادى بلادى
يا حبيبتى يا مصر
ثابت تحية العلم
وده سؤال يا شعبى؟؟
دمعتين على وجنتى مصر

" الحكومة المصرية يعنى "
اسرائيل طبعا يا اولاد التيييييت
الغريب والعجيب أن معظم أزماتنا
فيما هو متوفر
فيما نصدره

نسمع بأزمة الغاز ونحن من اوائل الدول

المصدرة للغاز
نسمع بأزمة الجاز ونحن أيضا نصدر جاز
نسمع بأزمة الحديد ونحن ايضا نصدر حديد
من المسئول عن هذه الازمات؟؟
متى سمعنا عن أزمة جاز فى السعودية
متى سمعنا عنها فى ليبيا
متى سمعنا عن أزمة قمح فى أمريكا
إنها أزمات تجيب الازمة القلبية فى ثوانى
لأنها حصريا فى مصر فيلم الموسم وكل

موسم

" فى عز مكان فيه أزمة انبوبة غاز فى

المحروسة
كانت اسرائيل تنعم بالغاز المصرى بأبخس

 الأثمان "
- مع العلم أن كلمة فى عِز ليس لها علاقة

 بالعمل الحزبى -
وكذلك البترول الذى نصدره حتى وإن كنا لا

 نصدره
بالشكل الذى تصدر به دول الخليج ولا ليبيا

 مثلا
إلا أننا نصدره
أى أن هناك دول تنعم بجازنا
 وأحنا عايشين فى جاز معنوى

انا عن نفسى جبت جاز
لنا الله



 

هناك 16 تعليقًا:

ستيتة يقول...

والله لما تدن للصبح
والله لما تنضح جاااااااااااااز
ماحد معبرنا ولا معتبرنا
ده حتى مجرد التفسير يضنوا بيه علينا

نحن 80 مليون
هوااااااااااااااء
واحتمال يصدروا الأوكسجين اللي بنشمه
ويقولوا لنا كفاية عليكم السحابة اللي بقت بتغطي سماء القاهرة طول العام ومش زي الأول شهرين بس

وحشتنا يا عم

موناليزا يقول...

تسلم ايدك والله
وياريت نلاقى حد يجاوب على هذه التساؤلات

غير معرف يقول...

ازاي في ازمه جاز والشعب كلاته جاب جاز :)

علشان تعرفوا ان الحكومه مابكدبش وان الازمه وهميه

تحياتي

قلم رصاص يقول...

يعني انت متظهرش ببوست جديد الا اما تجيب جاااااااااااااز ؟!

بس عارف يا ابوصلاح .. انت نسيت تقول:
ان الحكومه بتصدر الى جانب الغاز والجاز والحديد لدول العالم وعلى رأسها إسرائيل العربيه الشقيقه ..

فإنها أيضا تصدر الطرشه للشعب المصري الغير شقيق !

إظهر وبان عليك النشان

خواطر شابة يقول...

والله اليوم قرأت نبأ مصرع سائق اثر صراع في محطة بنزين بسبب ازمة السولار وعز علي الامر وصراحة لاأفهم سبب كثل هذه الازمات المتكررة هل هي ازمة تسيير ام ازمة تدبير ام ازمة احتكار الامر غريب فعلا
انا مصر التي في خاطري هي مصر القوية الحاضنة للكل سيدة نفسها حرام ما يفعلونه بها

daloo3a يقول...

هلاا ... مسدس صغير ^^

وينك من زمان ما حطيت موضوع ولا شي ؟؟!!

المهم انك رجعت ...


والله ماعرف شو اقولك بس ان شاء الله خير ^^

أبو العريف يقول...

صاصا

ازيك يا ريس

مش انت وحدك اللي جبت جاز

مصر كلها جابت جاز يا معلم


ربنا يصلح حالنا

غير معرف يقول...

السلام عليكم
عيد الراجحي
بغض النظر عن كلمة ( في عز ) وربنا اعلم بالنوايا
مين قال ان مصر جابت جاز
بالعكس الحكومه شاطره جدا وانجح حكومه في الفشل
فشل في ادارة الموارد
تصدير ما يحتاجه الشعب والي تحتاجه اي دوله ولو حتي اسرائيل يتحرم علي البيت
فشل في ادارة الازمات
تصريحات ورديه ليس لها علاقه بارض الواقع
حلول فعلا غير تقليديه لانها تخلو من المنطق
فشل في اقناع الشعب بانها نجحت في اي شي
فشل في اقناع الناس باي قانون جديد او اي قانون يتم تعديله
مش هتقول اسرائيل والجدار والغاز والجاز
كفايه مشروع توشكي وارض الوليد ابن طلال وفضايح الوزير السايق محمد ابراهيم سليمان
للعلم الحكومه دي ومن ولاها كل ده في ميزان حسناتهم لانهم بيتعاملو بالايه القرأنيه يؤثرون علي انفسهم ولو كان بهم خصاصا
بناقص من الشعب والناس تموت
وعلي راي عمر طاهر ف الدستور
احنا شعب وحش فقعنا مرارة الريس

Haytham Alsayes يقول...

عز انت بتقول عز يبقي انت اللي سرقت بابايا اه يبابايا
صباح الفل ياستاذ احنا جبنا جاز وبنزين وسولار وجميع مشتقات البترول
وربنا يخرب بيت اللي كان السبب
تقبل تحياتي
وابقي حود عليا في مدونتي

د. ياسر عمر عبد الفتاح يقول...

طب والله تشبيه حلو
المشكلة إنهم برضه رغم كل ده مصممين إننا كلنا ولمؤاخذه بهايم ,, وإنهم همه بس اللي بيفهموا
فيها إيه يعني لما نصدر الغاز لإسرائيل ونخسر فيه .. ومش مهم إحنا حتى نلاقي غاز خالص
ويكأن اسرائيل دي دولة شقيقة
الأسوأ بقى
إنب كل ما أفتكر إن الدبابات اللي بتدهس ولادنا واخواتنا في غزة وفلسطين بتمشي ببنزين وغاز مصري ,, بتقهر أوي

حسبنا الله ونعم الوكيل

تامر علي يقول...

طيب ايه العمل ؟؟؟
اقولك أنا

ولاد التيت دول يغوروا في داهية ويسيبوها تتعالج لمدة 90 سنة يمكن ترجع من نقطة الصفر
أما إذا لم يحدث فسيستمر النزيف حتى الموت

زعلتني وانا كنت صاحي متفائل :(

اتمني الشهادة يقول...

مهو ما ينفع يا مسدس ان اسرائل هي الي تستورد غاز واحنا عندنا هي دي الجيره وحقها

احنا نصدر لاسرائل الغاز الي عندنا والشعب يولع

ده اسمه الايثار

تساؤلاتك تتعب والاجابات مميته

Kiara يقول...

دكتورة ستيتة ردت عليك من الاخرررررررر

هناء محمود يقول...

أنا سمعت من فترة غنهم ههياجروا الشمس عندنا .. علشان الناس التانين إللى هما مش إحنا أكييييد عايزين يستفيدوا بالطاقة الشمسية بتاعتنا إللى إحنا مش عايزينها فى حاجة

حاسة إن فى علاقة بين الطاقة الشمسية والغاز

وبين الجاز ورغيف العيش
وبين القطة إللى فى الشارع والفار إللى فى منور الجيران

الحمد لله الحكومة وصلت للى هى عايزاه

احمد عبد السلام يقول...

احنا فى زمن التتار

ويا فرعون اية اللى فرعنك


قال ملقيتش حد يردنى

هراء لا داعى له ..... يقول...

و الجميل إنه بعد كدا جاى يقولك أنا لا أخجل من ذلك

تعليقا على علاج المحروسة على نفقتى و نفقتك و نفقة الناس إللى دخلوا علقوا دول و نفقة البواب و مراته