السبت، 6 فبراير 2010

وتجلت العذراء ..




هل حقا تتجلى العذراء؟؟
أم أنها مهاترات ؟؟
(أكتب هذا بمناسبة التجلى الجديد فى كنيسة بطنطا)
لا يجب أن نجعل من أى مشكلة أو أى حدث يتعلق بالمسيحيين فى مصر أزمة يثار على إثرها بوادر فتنة طائفية كما يدعى البعض
 - وهذا لم ولن يحدث -.
ولكن الذى لا نقبله أبداً أن تكون العذراء مريم عليها السلام مادة يتكسب بها البعض أو يحاولون إشهار كنائسهم على حسابها أو يصلون لأهداف فى رؤسهم نعلمها أو لا نعلمها فقالو بتجلى العذراء فى الوراق والزيتون وشبرا وأخيراً فى طنطا.
والسؤال الذى أود أن أطرحه لماذ تتجلى العذراء فى مصر خصيصاً؟؟
هل لأن مصر مكشوف عنها الحجاب ؟
أم لأننا بلد المليون ولى ؟؟
بلد الموالد والاضرحة والتجلى !!
فأنا من حقى أن أقول ذلك عن العذراء لأن المسيحيين ليس لهم فى العذراء أكثر مما لنا مع الإحترام الكامل للمسيحيين فى مصر .
وكونهم يقولون أن العذراء قد تجلت فى كنيسة كذا ويليها كنيسة كذا وكذا وتلتف كل وسائل الاعلام المرئية والمسموعة والمقرؤة حول هذا الحدث وتجرى الحوارات والمقابلات مع هذا القس أو ذاك ومع هذا الشيخ أو غيره ومع هذا القديس  ومع ومع ومع كل هذا قد يضر أكثر مما ينفع .
ونحن بما أننا نقدس السيدة مريم فأقولها بأننا مهما زاد تقديسنا لها أو لغيرها فلن نقول أبدا انها قد تجلت ولا نؤمن بهذه الترهات .
فماذا لو جاء رجل وقال لنا بأن رسول الله صلى الله عليه وسلم سيظهر فى المسجد الحرام يوم كذا أو ظهر أو ظاهر بالفعل فى هذه اللحظة ! لا أستطيع أن أحدد لكم نتائج فعلة هذا الرجل ولا أستطيع كذلك أن أجزم بخروجه سالما .
لأنه وبكل بساطة نحن نحب رسول الله صلى الله عليه وسلم أكثر من أنفسنا ولكن لا يمكن تصديق أى شخص كائنا من كان يقول بأن النبى صلى الله عليه وسلم قد تجلى أو سيظهر بأى صورة أيا كانت هذه الصورة .
فلا يأخذنا حبنا للأشخاص أن نجعل لهم ما ليس لهم .
وأود أن أبين للجميع أن مصر بعون الله لن تحدث فيها فتن طائفية أبدا حتى وإن مرت ببعض المشاكل فكما يؤكد الجميع بأننا نسيج واحد وهذه هى الحقيقة فأنا أؤكد للجميع بأن مصر شعبها فى سيظل مترابط الى يوم الدين فلطالما مررنا بأزمات وتأتى مشكلة بسيطة تجمعنا أكثر من قبل أو تأتى مباراة فى كرة القدم تجمعنا أو يأتى نصر يسعدنا ويجمعنا .

هناك 58 تعليقًا:

أبو العريف يقول...

صاصا

ازيك يا باشا

اولا حمدالله عالسلامه

الموضوع ده اتناقش كتير جدا

وانكتب عن كتير جداااا

من اجمل ما كتب عنه ما كتبته هنا

كل الاحترام والتقدير

تحياتي

قلم رصاص يقول...
أزال المؤلف هذا التعليق.
قلم رصاص يقول...

جمييييييييييل اوي يا ابوصلاح رأيك في المووضوع وان تأخر شوية .. لكن لكل حدث حديث

أجزت وأنجزت

وبأتفق معاك تماما في انه لن تقوم في مصر مايدعون به فتنه طائفيه ان شاء الله

حمدلله على السلامة
والف مليون مبروك ياصديقي

قلم رصاص يقول...

تعديل تمام
ولاعذر لجاهل
ههههههههههههههههههه

مبدع ياحبيبي
تقبل مروري للمرة التانيه

هي وظروفها يقول...
أزال المؤلف هذا التعليق.
هي وظروفها يقول...

اولا والله يا ابو صلاح انت ليك واحشه وربنا يسهل اللقاء الجاي نقعد مع بعض شويتين تلاته

ثانيا يا معلم انا شايف ان موضوع ظهور العذراء في سقف ولا فوق سقف كنيسه ما هو الا احدي وسائل الهاء الحكومه للشعب ولا اصل لها من الدين في شيء ولو كانت لاخبر بها النبي صلي الله عليه وسلم

لانك تعلم مدي تقديرنا واجلالنا واحترامنا للسيده مريم والايمان بوجودها هي وابنها روح الله جزء من عقيدتنا

يبقي هي حاجه كده بيشغلوا بيها الناس ويحشدوا طاقات الاعلام بعيد عن المصايب بتاعه الحكومه
وكله شغل ليزر وبروجيكتور والوهم والعامل النفسي يصورها للناس علي انها معجزه الهيه
ربنا ياخد الحكومه تما
سلامي ليكي يا ابو صلاح

Ms Venus يقول...

طلب بسيط بس من حضرتك

اكتب تجليات السيدة العذراء فى اليوتيوب

وهتشوف انها بتتجلى فى العالم كله مش مصر بس


تحية لحضرتك

غير معرف يقول...

والله انا شايفه ان دي حاجه خاصه بالاخوه المسيحيين لا علاقه لنا بها

لانك عارف اننا لا نعترف بصورتها المرسومه والتي تتجلى بها في الكنائس

عموما هما ادرى بعقيدتهم

تحياتي

SHAPE YOUR LIFE (ABOALI) يقول...

ولما لا يتجلى سيدنا عيسى عليه السلام
ليه العذراء بالخصوص

سؤال يعنى برىء


اذا غاب العدل ظهرت الفتن
واذا غاب العقل ظهرت المهرتلون
واذا غاب الدين ظهرت الشوائب


تحليل منطقى مشكور عليه
مسئلة عدم حدوث الفتنه الطائفية فيها اقوال

سمعت اسطوانات لكبار رجال الكنائس
لا تمشى مع هذا السياق
الموضوع يطول شرحه

وكما قال الامام على رضى الله عنه

ليس كل مايعرف يقال



تحياتى الراقية

سلسبيل يقول...

كلامك حلو ومقنع..وياريت بس الناس تفهم كده
اللي بيدايقني اكتر ان فيه مسلمين بيصدقو الموضوع ده وكانو واقفين ينتظرو التجلي ..بجد حاجه تكسف
تحياتي

محمد فؤاد (صاحب عمود النور) يقول...

بص يا ابو صلاح

بصراحة تحليلك وتوضيحك للموضوع التجلى حلو قوووى وفعلا زى ما قال ابو على ليه مش السيد المسيح؟"؟

بص انا عايز اقولك فى نسبه من المسيحين بجد مش طايقين حد اسمه مسلم بس اللى اقدر اقوله دى نسبه
بس انت لو حطيت نفسك مكانهم فى اللى حصل فى نجع حمادى هتعمل ايه؟؟

صبرني يارب يقول...

انا راي انه استهبال طبعا

لكن لا اخفيك سرا يا صلاح ان انا والي زينا جايز مانصدقش تجلي الرسول عليه الصلاة والسلام مثلا

انما صدق اولا تصدق
هاتلاقي الى يصدق للاسف الشديد

ربنا يستر ويا حصل افتكاسات زي كده عندنا مش ناقصين جرس

Remas يقول...

ازيك يا صلاح

انت فعلا عرضت الموضوع بطرية حلوة ومحترمة جدا

وفي كتير من اخواننا المسيحين مش مقتنعين بهذا التجلى ولى صديقة مسيحية مش مقتنعة خالص

وزى ما قالت صبرنى ان لو قالو ان الرسول عليه الصلاة والسلام ظهر في اللى هايصدق

لكن موضوع تجلى العذراء دا بيقولو انه بيحصل في بلدان كتير مش في مصر بس وكمان قالو ان كانت تتجلى لسيدة في بلد ما مش فاكره اسمه وانها كانت تتحدث معاها وذلك لسنين طويلة

د.آيه يقول...

بسم الله الرحمن الرحيم
يا رب متبقاش فيه فتنة طائفية أبدا ..
بس بالنسبة للسؤال

والسؤال الذى أود أن أطرحه لماذ تتجلى العذراء فى مصر خصيصاً؟؟
عشان إحنا مصر اللي بيحصل فيها أى حاجه و كل حاجه .. البلد اللي دايما تطلع إشاعات و تصدقها .. ربنا يتوب علينا
..
تحياتى

شمس النهار يقول...

مش عارفة
حاسة ان الموضوع كبر مرة واحدة كده

وربنا يستر علي مصر

ويحميها من الانقسامات

والفتنة الطائفية

سلامي

rony يقول...

انا بحترم رأيك جدا جدا
بس انا عايزه اقولك ان لو فى ظهورات للعدرا وبجد ابسط ما فى الموضوع علشان تصدق او مش تصدق يبقى تروح بنفسك وتشوف
مش تسميها مهاترات او بيعملوا شهرة للكنايس الانسب علشان تتكلم فى حاجه انت واثق فيها
انك تروح تشوف بنفسك والعدرا لما بتظهر مش كل ظهور بشكل
لا ده شكلها فى كل مره
وعبد الناصر فى سنة 68 راح واتأكد بنفسه لانه كان مش متأكد
ونزل بيان رسمى فى كل الجرايد

تحياتى

غير معرف يقول...

الله يهدي الجميع ,,
و حسبي الله على من استغل عقول المسيحيين بمثل هذه التفاهات ,,

اشكرك ^^

تامر علي يقول...

بداية أحب أن أعرفك بأن في بلدك فعلاً من يقول بمشاهدة الرسول في اليقظة وبأنه يراه كل يوم ومنهم مفتي الجمهورية نفسه الذي قال بجواز ذلك وألف في ذلك الكتب :)

أما مسألة العذراء فهي متروكة "للعقل" الذي يسئل عن اسباب الظهور وفائدة الظهور وما الفرق بين قبل وبعد الظهور وهل يكون الظهور بهذا الشكل له أهمية ؟
تماماً كما سألنا من قال بأنه يرى النبي في اليقظة :)

"كل حزب بما لديهم فرحون"

غير معرف يقول...

السلام عليكم
عيد الراجحي
ابو صلاح بن الناظر
فينك يا راجل
نخش علي الموضوع
ليه يا بني غاوي مواضيع معقدة خليك علي البر يا حبيبي
ما علللللللللينا
اتفق مع من قال ان رؤية العزاء وسيلة الهاء من الحكومه والنظريه دي انا معاها مع اني مش من رواد نظرية المؤامره
بس الاعلام بيكز اوي علي المووضع ده وبالتالي الناس مع اختلاف الدين
الناس تنشغل ببطولة افرقيا بعديها بكام يوم السيدة العزراء وفي نفس الوقت السكر اصبح ب خمسه جنيه والانشاءات المبدائيه للجدار العازل علي حدود مصر وفلسطين تم الانتهاء منه
في الستينات قالو الكره هي افيون الشعب وصدق من قال هذا
وللاسف الشديد
اصبح الدين وسيله من وسائل فقدان الوعي وعدم التركيز وللاسف الشديد بيختارو رموز مشتركه ومهمه جدااا للمصريين سواء مسلمين ومسحيين
لو اختارو احد الائمه الاربعه المسلمين بس هم ال هينشغلو
لو اختارو احد القساوسه بعض المسحيين هينشغلو
قالو نختار العزراء
الناس بتتجه للدين وقت الصعاب
وتتجه لماهترات العقل وقت المصائب
وما اكثر مصائبنا

كلمات من نور يقول...

هي دي الفتن التي تحدث عنها رسولنا المصطفى ...فتن كقطع الليل المظلم وربي يعصمنا منها ...اللي يزعل قوي يا أبو صلاح إن مسلمين كتير من القرى هللوا وفرحوا وصدقوا .......ودي مصيبة يلام عليها مشايخنا اللي محدش فيهم لليوم بيعلم الناس اللي رايحة للعمرة تقول رايح اعمل عمرة مش تقول رايحه للنبي ويدخلوا بقى على قب رسول الله تلاقي السيدات تزغرد وتقف تصلي وجهها للقبر ..تقولها يا حاجة القبلة مش كده تقولك : استغفر الله يا بنتي انا باصلي للنبي ركعتين ....ربي يهدينا ويثبتنا على دينه

اللى موش عارف يتغير يقول...
أزال المؤلف هذا التعليق.
اللى موش عارف يتغير يقول...

اول مرة ازعل من موضوع انت كاتبة
حاسس ان انت كاتبة للتواجد والحضور فقط
احنا خدنا انك تجيب كل ماهو مبدع وجديد وليس سد خانة
انت كده زى مبتحترمش جمهورك
ياعزيزى موضوع ضعيف انت باختصار بتحكى فى المحكى وده موش سلوكك فى كتاباتك
واضح فعلا انك مشغول
من الحق مبرررررررررررررررررررررك
وعايزين شعر
عن الحب !!

MaNoOoSh يقول...

فقدنا لإيماننا بحاجات كتير قوي
خلت جوة معظم بقايا البنى آدمين في بلدنا فراغ

بيتعلقو بقشة يآمنو بيها
وفي مليون ايد بتمدلهم القشاية المزيفة دي
لأهداف ومصالح أخرى



ربنا يصبرنا

NEBHOTEP يقول...

اولا ومع احترامى ليك وللأخوة اللى علقوا على البوست

لكن اسلوب الاستهزاء ده مش صح وعيب

لان ولا انت ولا هما هيقبلوا حد يستهزء او يتهجم على اى شىء خاص بدينهم

ثانيا بقى ايه اللى مضايقكم اصلا من ظهور العذراء ؟


ظهرت او مظهرتش ايه مشكلتكم بردو ؟

عاوز تصدق صدق مش عاوز انت حر وفى منتهى البساطة من غير لا تجريح او استهزاء او استخفاف بالغير

مش كده بردو ولا ايه ؟؟


العذراء بتظهر فى كل العالم مش مصر بس وبيصاحب الظهورات معجزات لناس مسلمين قبل المسيحين

اللى مش مصدق يعمل بحث بنفسه والنت اصبح مفتوح للكل والمعلومة ببلاش كده


صدقت مصدقتش انت حر

لكن استهزاء اظن يعنى مش من التحضر

شكررررررررررررررررا

اه بالمناسبة ياريت تعليقى ميتحذفش مادام انت سايب التعليقات اللى بتستخف دى كمان

شوكولاتة يقول...

يسلم فمك والنعمة

تحياتي على المفيد

بنجاواتى يقول...

مسدس صغير

احييك على عرضك للفكرة

وهى بالفعل خرافات يستعذبها المصريون بمختلف انتماءاتهم

تحياتى

Ramy Wasel يقول...

صديقى العزيز

طبعا انا اسف عن فتره الانقطاع الناضيه
وكانت بسبب الدرسه والعمل

بس بأذن الله اعود واتابع مدونات اصدقائى الاعزاء

بخصوص موضوع ظهور العزراء

مثل هذه مواضيع ليست متعلقه بدين محدد
وانما موجوه عن كل الناس
وبسب ظروف مختلفه
وبأشكال مختلفه

وسببها الحقيقى ا الاس تريد ان تشعر بشئ خارق للعاده
او شئ من عند الله
كدليل على ان الله معهم
وانهم لا يزالوا على الطيق السليم
ومثل هذه الحالات تحدث فى اوقات الكرب والشده والمصائب
او كأثبات انهمعلى صواب
وان باقى النس على خطأ

الشعب لابد له من حكومه تشكمه يقول...

شوف ياصلاح اسمحلى انى اختلف معاك,
هى مش اول مره نختلف فعادى باه,

كل حد وليه عقيدته ومعتقداته اللى مؤمن بيها مش هينفع اننا ندخل فيها,
ونحكم عليها,
حتى لو المعتقدات دى انت مش مقتنع بيها,

وبما انى كنت فى مدارس راهبات ,
اللى اعرفه ان الظهورات دى من العقيده المسيحيه,وتمثل اهميه كبيره اوى.
وبينتظروها وبتعتبر رساله.

وتقبل مرورى

Ms Venus يقول...

الشعب لابد له من حكومه تشكمه


اسجل احترامى لفكرك وعقليتك

تحية لكل انسان يحمل هذا الفكر الراقى

مع الاعتذار لصاحب المدونة على الرد الثانى ولكن احترامى للفكر اجبرنى على التعبير عن ذلك

مسدس صغير يقول...

ابو العريف
الحمد لله يا باشا
اخبارك ايه
يارب تكون بخير
اشكرك على الكلام الحلو ده
نورتنى

مسدس صغير يقول...

قلم رصاص
الله يبارك فيك
هتبقى كويس ان شاء الله
لو تابعت مصراوى 3 مرات قبل الاكل
ههههههههههههه
نورتنى يا حبى الوحيد

مسدس صغير يقول...

قلم رصاص
حلوة فكرة الرد بتعليق تانى
ههههههه
حلوة
شكرن عليها
نورتنى

مسدس صغير يقول...

هى وظروفها
ان شاء الله يبقى لينا قعدة مطولة مع بعض
ونتشرف بيك طبعا يا ليدو
اتفق معاك
بنسبة كبيرة
انها قد تكون وسيلة من وسائل الالهاء
اشكرك على التعليق
نورتنى

مسدس صغير يقول...

Ms Venus
اتفق معاكى
ولكن تجلياتها مش كتيرة زى مصر كده
اشكرك على التعليق
نورتينى

مسدس صغير يقول...

فتاة من الصعيد
مختلفناش انهم احرار
واحنا والله بنحترمهم وبنقدرهم
بس بردة السيدة مريم حاجة تهمنا بردة
لأنها جزء لا ينفصل من عقيدتنا
اشكرك على التعليق
نورتينى

مسدس صغير يقول...

ابو على
سؤال يطرح نفسه
احييك عليه

عجبتنى دى اوى
اذا غاب العدل ظهرت الفتن
واذا غاب العقل ظهرت المهرتلون
واذا غاب الدين ظهرت الشوائب

اشكرك على التعليق
نورتنى

مسدس صغير يقول...

سلسبيل
للأسف فيه مسلمين كتير بيصدقو
بس يلا
لنا الله
نسأل الله الهدى والتقى
اشكرك على التعليق
نورتينى

مسدس صغير يقول...

محمد فؤاد
احنا كمصريين متأكد اننا نقدر نتعامل مع اى ازمة
بس لو الاعلام يبعد عننا
هوه اللى بيولعها بجد
بس مننكرش ان فيه اعلام محترم
وده اللى نتمناه
اشكرك على التعليق
نورتنى

مسدس صغير يقول...

صبرنى يارب
انا معاكى ان هيبقى فيه ناس هتصدق بتجلى الرسول
بس العوام بس
انما مش هنشوف عالم رايح واقف عشان يبص على الرسول
احييكى على التعليق
نورتينى

مسدس صغير يقول...

ريم
انا فعلا شوفت مسيحين كتير بيتكلمو فى التى فى ومش مقتنعين خالص بموضوع التجلى ده
انا عارف ان هيبقى فيه ناس طبعا هتصدق تجلى النبى صلى الله عليه وسلم
بس العلماء جزاهم الله خيرا
مش هيسيبوهم وهينصحوهم
اشكرك على التعليق الجمييل
نورتينى

مسدس صغير يقول...

د ايه
فعلا موضوع التجلى بدأ ينتشر فى كثير من كنائس مصر
الكلام ده بيحصل كل 50 او 60 سنة فى ايطاليا مثلا
انما عندنا بقى كل شهر مرة

يلا
ربنا يستر
اشكرك على التعليق
نورتينى

مسدس صغير يقول...

شمس النهار
ربنا يستر فعلا
الموضوع بيكبر
بس انا متأكد ان شاء الله
ان العقلاء فى البلدى كتير
وهنتجاوز الازمة دى بسهولة ان شاء الله
احييكى على التعليق
يا منورانى

مسدس صغير يقول...

رونى
خلاص ان شاء الله فى اقرب تجلى اروح واشوف
يلا ربنا يكرمك
اشكرك على التعليق
نورتينى

مسدس صغير يقول...

اسيرة اللوحة
ربنا يهدينا يارب
ويهديهم للحق
اشكرك على التعليق
نورتينى

مسدس صغير يقول...

تامر على
معاك حق والله
بس ده يمكن عشان هوه المفتى بقى
هو احنا هنعرف اكتر منه
فعلا
كل حزب بما لديهم فرحون
احييك على التعليق
نورتنى

مسدس صغير يقول...

عيد الراجحى
ازيك يا حبيبى
اتفق معك ان موضوع التجلى قد يكون من ضمن وسائل الالهاء المتبعة
ربنا يستر على ولايانا
اشكرك على التعليق
نورتنى

مسدس صغير يقول...

كلمات من نور
فعلا كلماتك من نور
بيحصل فعلا
ركعتين للنبى
واللى يحب النبى يزق
حاجة محزنة
ربنا يهدينا ويهديهم
اشكرك على التعليق

مسدس صغير يقول...

اللى موش عارف يتغير
هههههه
الله يبارك فيك يا جميل
وربنا يغيرك للأحسن يارب
ماشى يا سيدى هكتب المرة الجاية بنفس
وهكتب شعر حب كمان
وهبقى انشره
اشكرك على التعليق
نورتنى

مسدس صغير يقول...

منووووش
فعلا معاكى حق
ربنا يهدى الناس اصحاب المصالح من ورا الفتن دول
اشكرك على التعليق الجميل والمنجز
احييكى
نورتينى

مسدس صغير يقول...

نصمت وتكلم انت
مش هحذف التعليق عادى يعنى
انتى مقلتيش حاجة تزعل بس ياريت تقرى البوست تانى
انا اولا مستهزأتش بحد ولا عيبت على حد
انا عايز نظرة تأمل فى اللى بيحصل
من المسلمين قبل المسيحيين
لأن السيدة مريم ان كانت تمثل ليكو تقديس معين فهيه تمثل لينا تقديس اكثر من معين بكثير
وذلك فى ظل التجليات الكثيرة فى الفترة الاخيرة
نظرة فقط للتأمل
وربط التجلى بالسياسة والمصالح
مع الوضع فى الحسبان تطور الليزر والاضواء العاكسة بشكل رائع
اسف لو تطاولت
بس اعتقد بردة مينفعش حد يدخل يعلق ويتكلم بالشكل ده
اسف تانى
اشكرك على التعليق
نورتينى

مسدس صغير يقول...

شوكولاتة
الله يسلمك يا جميل
اشكرك على التعليق
نورتينى

مسدس صغير يقول...

بنجاواتى
ربنا يتوب علينا من الفتن والشائعات
اشكرك على التعليق
نورتنى

مسدس صغير يقول...

رامى واصل
يا باشا ولا يهمك
المهم تطمنا عليك
اتفق معاك ان الناس قد تكون فى حاجة الى شئ خارق
ولكن اريد توضيح نقطة ان الخوارق وعصر المعجزات انتهى بموت النبى صلى الله عليه وسلم
لان المعجزات للأنبياء والمرسلين فقط
احييك على التعليق المثمر
نورتنى

مسدس صغير يقول...

الشعب لابد له من حكومه
كل له عقيدته واحترم ذلك
ولكن اذا كان عقيدتك فى شئ معين وعقيدتى تختلف معها فى نفس الشئ فلابد من توضيح الفكرة
فقط
وهذا ما وودت لفت نظر القارئين اليه
احييكى على الاختلاف المثمر
نورتينى

مسدس صغير يقول...

Ms Venus
خدى راحتك ولا يهمك

Tarkieb يقول...

مع احترامي لكلامك ...انت شاغل نفسك ليه بالموضوع ...تفرق معاك ايه اذا كانت ظهرت ولا لا؟ يااخي طالما لا تؤمن بذلك فاحتفظ برايك لنفسك دون الاستهذاء من ايمان الاخر.....حتى لو مش حقيقة من حق اي حد يعتقد ما يشاء...

غير معرف يقول...

السلام عليكم ورحمه الله وبركاته
ازيك يا صلاح بيه
ايه اخبارك اتمنى تكون بالف خير وصحه وعافيه
ثانيا
لو تسمح لى اختلف معاك يا صلاح واعمل انك تناولت الموضوع بحياديه وعقرنيه ولكن
الاخوه المسيحيين لهم كل الحق فى ان يروا ويؤمنوا بما يريدون طالما ليس هناك تطاول على حريه الاخريين
كما ان من اعطى الموضوع حجما ضخماهوا الاعم المصرى وحينما اتلكم على الاعلام المصرى فانا لا اتكلم عن اعلام مسلم وومسيحى
وبالتالى فهى مشكله الاعلام وليست مشكله المسيحيين
وعلى الجانب الاخر كما قلت اننا لا يمكن ان نصدق بتجلى الرسول عليه الصلاه والسلام مثلا ولكن هناك حوادث كثيره شهيره لم يعترض عليها احدا
كالشجر الذى مكتوب فيه لفظ الجلاله ويقوم الناس بعمله مزار
اما بالنسبه لتجلى العذراء عند المسيحيين فهو حدث من قبل فى مصر وفى اكثر من دوله
ولهم كل الحريه فى الاعتقاد بالتجلى
سواء كنا نتفق او نختلف معهم
واخيرا ادعو الله ان تظل مصر بلدا محفوظا من الفتن وان يظل شعب مصر نسيجا واحدا فى الشده والرخاءاللهم امين

هناء محمود يقول...

كلامك كله مقدرش أزيد عليه حاجة .. بجد إنت قولت المفيد وأنا قولتها قبل كدة لمدون مسيحى فى نفس الموضوع إننا لو حد قلنا إن الرسول صلى الله عليه وسلم متجلى قدام مسجد على أول شارعنا حتى مش هنزل ولا هتحرك من مكانى علشان اتفرج لأنى مش هصدقه حتى لو غيرى إدعى ده
لأن زمانا ده بصراحة الشياطين بتقوم فيه بأدوار أكتر من الملايكة والصالحين
وبتهيأ للناس حاجات مش صحيحة وبتتلاعب بعقولهم وقلوبهم كمان