الاثنين، 26 أكتوبر 2009

الجاموسة والوابور وماذا يصنع منصور + تحديث استقالة



( استقالة وزير النقل استجابة للبوست
والرئيس مبارك يقبل الاستقالة

عقبال الدكتور نظيف ورفاقه )

 

هل حقا الحكومة المصرية عامة ووزارة النقل والمواصلات خاصة بريئة من دم قتلى حادث القطارين بالعياط براءة الذئب من دم يوسف بن يعقوب ؟!

هل حقا الجاموسة هى المسئولة عن الحادث ؟ هل دم اكثر من 85 قتيل بخلاف الجرحى فى رقبة الجاموسة؟!

هل الجاموسة هى المتسبب الرئيسى فى هذه الضجة الإعلامية وهذا الحادث المؤسف؟!



حقا بعدما تبرأ الجميع من دم هؤلاء لم تتبرأ الجاموسة من دمائهم  لكن العيب كل العيب على وسائل الإعلام فهم قد أفردوا قنواتهم الفضائية وصفحات جرائدهم للمسئولين ليتبرأوا تباعاً من الحادث وبصوت واحد وعلى قلب رجل واحد يقولون " الجاااموسة "



ولكن هذا الإعلام الجائر لم يفرد سطراً واحداً فى صحيفة للجاموسة لتدافع به عن نفسها أو حتى مكالمة تليفونية فى أحد البرامج المباشرة والتى تناولت الحادث بكل فظائعه ولا تقرير من أحد المراسلين يفيد ماذا حدث للجاموسة وماذا قالت عن نفسها وماذا قالت فى التحقيقات .

ولكن نسى منصور والمسئولون فى وزارة النقل وفى الحكومة أن الجاموسة لم تكن موجودة فى حادث قطار الصعيد .

نسوا أيضا أن الجاموسة لم تكن موجودة فى حوادث السيارات اليومية ولم تتسبب فى مقتل ألآف المصريين وتسيل دماؤهم سنويا على الأسفلت .

لم يعرف المسئولون أن الجاموسة لم تعترض طريق العبارة المصرية السلام 98 ولم تكن تربطها أى علاقة بأسماك القرش حينها .

ولم يكن لها أى دور فى حادث الطائرة المصرية أو ان شئت فقل فى تفجير الطائرة المصرية على شواطئ أمريكا .


والأمر ليس مقصوراً عليك يا منصور يا من ظلموك بتولى هذه المهمة الشاقة والتى لا علاقة لك بها غير انك رجل أعمال تتاجر فى السيارات .

إنما الامر يتسع ليشمل كل الوزارات ويشمل حكومة نظيف بصفة عامة .

فأين كانت الجاموسة فى صفر المونديال؟!

وأين كانت الجاموسة فى انتكاسة التعليم فى مصر ؟!

وأين كانت الجاموسة فى أزمة رغيف الخبز ؟!

وأين كانت الجاموسة حينما دمرتم إنتاجية القمح المصرى لصالح القمح المستورد المسرطن ؟!

وأين كانت الجاموسة فى استيراد مبيدات مسرطنة ونحن الآن نجنى ثمارها ؟!

أين كانت الجاموسة فى تدمير سوق الارز المصرى والقطن طويل التيلة والذى كنا نشتهر به قديما قبل اختراع الجاموسة ؟!

***


والرسالة الآن والآن . والتى أريد قولها يا سيد نظيف لك ولحكومتك الموقرة " استقيلوا يرحمنا ويرحمكم الله "

وإن استقلتم فلن نستطيع أن نعدكم أن التاريخ لن يحاكمكم .

وأود أن أقولها صريحة لكم لا تستهينوا بعقولنا فنحن نختلف عن الجاموسة .

وفى النهاية أود أن اسمع أغنية الراحل العظيم يونس شلبى "جاموسة راحت تقابل جاموسة "


هناك 73 تعليقًا:

الشعب لابد له من حكومه تشكمه يقول...

اول مره اكتشف ان عندنا جاموسات كتير كده:(

بص انا من امبارح وعندى سؤال بس مكسوفه اسأله لحد يتريق عليا,بس انا عارفه انك مش هتتريق صح...

السؤال:
هو لما يكون فى جاموسه ادام قطر؟ ايه المشكله؟؟؟؟؟؟؟؟؟ يعنى بيدوس عليها وبيكمل عادى مش كده ولا ايه؟
يعنى انا اعرف ان القطر مش بيوقف انا شفت حتى فى الافلام ان لما بيكون فى عربيه بيخبطها وبيكمل عادى جدااا.
دى باه جاموسه مصفحه ولا ايه؟؟؟؟؟؟؟

ثانيا طايب هو وقف القطر التانى ركب عليه ازااااااااااااااااااااى؟
ازااااااااااااااااااى؟طب اللى وراه مش بيشوف؟ طب هو مش عنده كلاكس يقعد يزمر بيه؟؟؟

اوعى تتريق:(

الشعب لابد له من حكومه تشكمه يقول...

اه صحيح بمناسبه الملايين اللى اتصرفت على حمله توعيتنا باستخدام القطر.
مش كان الاولى بيهم انهم يصرفوها فى تعليم الجاموسه؟؟؟

الا سؤال كمان محيرنى هو صاحب الجاموسه فيييييييييييييييييييييييييييين؟؟؟؟؟؟؟؟؟؟

بدراوى يقول...

بوست خطير جداً من الأخر
بس انا راضى ذمتك مين اللى المفروض
يستقيل
متدونياش فى داهية بقى
:-)

ستيته حسب الله الحمش يقول...

العيب لو سمحت مش على منصور
والا اللي مشغلين منصور

العيب ع الجاااااااااااموسة
لو كانت في بلد جواميس كانت خدت حقا
كانت خدت حق الرد من الشفخانة
لكن دي بلد هنود يا عزيزي
ومش اي هنود
نو
هنود حمررررررررررررررر

ومازال النيل يجري
وكذلك المآسي

بنت قلبى يقول...

هما سابوا الاسباب الرئسيه وراحوا يثبتوها على الجاموسه
جاموسه ايه اصلا الا تدخل قطرين فى بعض
لييييييييييه لحمها ايه دى
دا لو قطر كان جه عليها كان عملها زى الرمل
يعنى دا كلام نقتنع بيه
انا راضيه ززمتكم فى جموسه ت\خل قطرين فى بعض
لا طبعاااااااااا
هيا البلد بقا فيها ايه يا ناس

mohamed ghalia يقول...

ياعمنا سيب الجاموسة فى حالها
عادى ادام انت فى مصر متندهش ولا تزمهل ولا تنبهر

موناليزا يقول...

ياترى لو طبقوا القصاص مع الجاموسة هيوزعوا لحمتها على مين؟؟

قلم رصاص يقول...

لأ بقى دا احنا بلد جواميس ياجماعه

طبعا امال ايه .. مش احنا اعلى بلد

افريقي في انتاج الجاموس ؟! دي حاجة

معروفة ..!

---

بس تعالى هنا ياواد يامسدس

هو كل كارثه تقع في البلد تقوم سيادتك

تقعد تلتلها على دماغ الناس النظيفه

الشريفة العفيفة دي .. وتقعد تجيب لهم

من يوم ما اتعينوا .. ارحمهم بقى

دول غلابة في عقولهم والله ومش عارفين

بيعملوا ايه يابني

ههههههههههههههههه

---

"ولا تقرير من أحد المراسلين يفيد ماذا حدث للجاموسة وماذا قالت عن نفسها وماذا قالت فى التحقيقات "

عندك حق والله ياددس

دا حتى الأنون والكاستور بيقولوا كده

وحق الرفس مكفول لجميع الجواميس

ههههههههههههه

الواحد هيجيله هستريا يابني من اللي

بيحصل كل يوم في مصر

بس حقى لو سمعوا كلامك واستقالوا

وحياتك كنت اعينك وزير في الحكومة اللي

انا هشكلها في يوم الايام هههههههههه

دمت على خير ياصاحبي

norahaty يقول...

اول ما قالوا
الجاموسة هى
السبب!!
سالت نفسى
على طول طب والعبّارة!
مش موضوع الحادثة نفسها يامسدس
لكن التناول الاعلامى وبعد كده
الثواب والعقاب للكبار من
المسئولين مش عامل التحويلة
او سواق القطر ولو ان دول
برضه عليهم جزء من الذنب

اللى موش عارف يتغير يقول...

جاموسة راحت تقابل جموسة
ههههههههههه
على فكرة احنا اكتر بلد فى العالم فيها جاموس
عشان كده هى السبب
الجاموس فى كل حته
مين اللى قالك ان الجموسة ملهاش يد فى العبارة
فيه جاموس بيعوم ياحبيبى
ومين اللى قالك ان الجموسة ملهاش يد فى حادثة الطيارة
فيه جموس بيطير ياعزيزى
تعرف ان فوز الاهلى المستمر وراءه جاموسه

تعرف ان المصايب اللى بتحصل دى الطيارة والعبارة وحوداث القطارات وغيرهم
المنطقة بتاعتنا مبتحسهاش قوى لان الحمد لله كنا بعيد شوية عن المصايب دى
تخيل بقى لو ده قطر العيال اللى بتروح الجامعة بتاعنا

والله تعبنا منهم لله
وبس

فتاه من الصعيد يقول...

وتنضم الجاموسه لتنظيم ماس كهربائي وتنظيم مختل عقليا الارهابي

بلا وكسه .... حاجه تغيظ

تحياتي

شاب فقرى يقول...

ربنا ينتقم منهم ويبهدلهم زى ما هما مبهدلين البلد دى

يعنى قالوا القطارات اتحسنت وجبنا جرارات جديدة وياما قالوا دى اخر حادثة والخطأ بشرى

المرة دى بقى

قالك الخطأ تبع الجاموسة

تحياتى للحكومة

التى تدعم الإبتكار والتجديد فى أساليب القتل للشعب المصرى وتنوع الأسباب

ورحمة الله على القتلى والجرحى
وحتى الجاموسة

شاب فقرى

الأحــــــ إيناس ــــــزان يقول...

كل دى تعليقات

يالهوووووووووووووووووووووووووووووووووووى

الأحــــــ إيناس ــــــزان يقول...

كل الناس دى جايا تعلق على الجاموسة يا جرعاااااااااااااااااااااااان

للدرجه دى الجاموسه ليها اهمية

ممممممممممممممممممممم


مش لحمه

يع يع

الأحــــــ إيناس ــــــزان يقول...

ممممممممممممممم

بصراحه انا مذهوله

من كل التعليقات دى

الناس دى جت منين

اها

افتكرو انك بتوزع لحمه
عشان كده جم

هههههههههههههههههههه

الأحــــــ إيناس ــــــزان يقول...

والنبى اتنين كيلو لحمه هنا يابنى
ويكون فيهم كام حتة ضانى كده وصلحه

ومتنساش كام عظمه كده

ههههههههههههههههههههههههههههههههه

الأحــــــ إيناس ــــــزان يقول...

عاااااااااااااااااااااااا

عاااااااااااااااااااااااااااا

حسبى الله ونعمه الوكيل

الأحــــــ إيناس ــــــزان يقول...

ياعم كبر دماغك

هتتعب فى نفسك ليه بس

انت فى مصر

ويجعله عامر
وعامر يامصر

adel يقول...

يابني البلد دي مش عاوزة مسؤلين
عاوزة تجار مواشي و يكونوا مختلين نفسين و بيحبوا يتفرجوات علي الماس الكهربائي كتير

صمت المشاعر يقول...

لا تعليق بجد


انت قلت اللي انا كتماها في قلبي وساكته


ولعل الجاموسه تكون بخير وصحتها كويسه

خواطر شابة يقول...

القلب يقطر دما على هؤلاء الضحايا الابرياء لكن بصراحة ان كانت الرواية الرسمية صحيحة فهنا لايمكننا ان نكر أن الخطأ بشري
السائق عندما صدم الجاموسة كان عليه ان يكمل طريقه او يعطي اشارة لمركز مراقبة ان هناك حادث وانه متوقف لاان يوقف القطر لينزل ليرى الجاموسة ويتنازع مع اصحابها وكل هدا والقطار متوقف
من كل ماسبق لايمكننا بأي حال من الاحوال أن نبرئه من دم من ماتوا.
مع تحياتي

أحمـــــــــــــد أبو العلا يقول...

انا مليش دعوه لا بمنصور ولا نظيف

انا بحلم بيوم اصحى فيه من النوم ألاقي دم المصري بقى غالي مش مجرد دم رخيص بيجري على الأسفلت ببلاش

ليس فقيرا من يحب يقول...

السلام عليكم

ازيك يا مسدس

هما عندهم حق السبب الجاموسه

الصراحه هيا مش جاموسه واحده هما

شويه جواميس كتير قعدوا على قلب

الناس وخربوا البلد

ياريت حد من الجواميس يسمع الكلام

ويغوروا بقى ويريحونا

ريمان يقول...

بصراحه


هم يبكى وهم يضحك



العيب الوقتى ع الجاموسه



سبحان الله


حسبى الله ونعم الوكيل

العزة فى طاعة الله يقول...

اللى موش عارف يتغير ** فتاه من الصعيد

شكرا ليكم ضحكتوني و انا مش عاوز
-------------------------------

طيب حد فاكر يا جماعة
فلوس رخصة المحمول الثالثة .. الكام مليار دول اللى اتسرقوا
ايوة اتسرقوا
و اللى يقول غير كده حيبقا شريك معاهم
فاكرين الفلوس دى كانت متخصصه لإيه ؟؟

نفسي أعرف ... لحد إمتا بقا .. لحد امتا
هو الدم بقا رخيص للدرجة دى

و الله عندها حق نوارة لما قالت
عاوزين يقتلونا و يخلصوا مننا
و الله فعلا
يعنى هى كل الكوارث متحصلش غير مع الغلابة
كل التجارب فيهم
مبيدات مسرطنة و اغذية فاسده و قمح فاسد و مياه ملوثه و ما خفي كان أعظم
مش بعيد يكونوا بيرشوا حاجه فى الجو غير السحابة السودا و عوادم السيارات

نظرية المؤامرة أكتملت اركانها

هو إحنا فئران تجارب .. ما حد يفهمني يعنى
إحنا إيه بالنسبة ليهم ؟

دمهم و لحمهم و لبسهم (برة و جوة)
و عربياتهم و بيوتهم و عفشهم و كل حاجه
كل حاجه
حتي عيالهم
من قوتنا
من شقا الشعب الغلبان
من الضرائب و المكوس الظالمة

من الرشاوي
من العمولات
من البلطجة

أنا حتجنن
رد فعلى على اللى حصل جننى

قلت الحمد لله انها جت على 18 واحد

الله عالم باللى فيهم

الحمد لله انها جت لحد كده!!!!
18 شخص يعنى 18 اسرة

هي بقت سهله كده

للدرجة دى وصلنا

دا بدال ما كانت الدنيا تتهد و تتبنى عشان واحد انجرح بسبب إهمال

ربنا ينتقم منهم

يمهل و لا يهمل
يمهل و لا يهمل
يمهل و لا يهمل

ليس فقيرا من يحب يقول...

طب الحمد لله

ادى جاموسه غارت

ربنا يسهلها لباقى الجواميس

مسدس صغير يقول...

الشعب لابد له من حكومه تشكمه
لا اطمنى اكتشافك ده متأخر
دول كتير اوى
مش هتريق ولا حاجة
ده سؤال؟؟
يعنى ده سؤال؟؟؟
هههههههه
عادى بيدوس وبيكمل ولا حاجة
وفى داهية الجاموسة

المفروض يبقى فيه وسائل اتصال بين سواقين القطارات وابراج المراقبة وبرج المراقبة هوه اللى بيبلغ
بس الكلام ده فى اوروبا والدول المتقدمة
جتنا نيلة
هههههه
مش هتريق
بقى ده سؤال يا جرعااااااان؟؟؟؟!!!!
هههههههه

مسدس صغير يقول...

الشعب
الاولى بيهم انهم يصرفوها فى تعليم الجاموسةالجامعى
اصلها معاها تعليم فوق متوسط
ههههههه
نعمل ايه بس
صاحب الجاموسة صاحب وحدة تانية واتجوزها
خيانة يعنى
هههههههه
اشكرك على التعليق يا شيما
نورتينى

مسدس صغير يقول...

بدراوى
اهوه استقال
شفت بقى الناس بتسمع كلامى ازاى
اشكرك على التعليق يا بدرا
نورتنى

مسدس صغير يقول...

ستيته
اهو استقال يا دكتور
عرفتى بقى ان مدونتى مسمعه فوق
فووووووق
هههههههه
فعلا العيب على اللى مشغلينه
بس اللى متقدرلوش اصبرله
يا ريتنا هنود
بس بلاش حمر
هههههه
اشكرك على التعليق
نورتينى يا غالية

مسدس صغير يقول...

بنت قلبى
مش قادر على البردعة بيتشطر على الجاموسة
اة
اهى حجة والسلام
بس اهى دخلتهم نعمل ايه يعنى
والراجل ساب الوزارة كمان
يلا عقبال الباقى
اشكرك على التعليق
نورتينى

مسدس صغير يقول...

محمد غالية
يبقى انت اكيد فى مصر
اشكرك على التعليق
نورتنى

مسدس صغير يقول...

موناليزا
يارب يجيبولى حتة
هههههه
يلا بس يفتكرونا همه
هههه
اشكرك على التعليق
نورتينى

مسدس صغير يقول...

قلم رصاص

"واذا وعد اخلف"

*****

وحق الرفس مكفول لجميع الجواميس

ههههههههههههه

الواحد هيجيله هستريا يابني من اللي

بيحصل كل يوم في مصر

بس حقى لو سمعوا كلامك واستقالوا

وحياتك كنت اعينك وزير في الحكومة

بما ان حق الرفس مكفول للجميع
ههههههههههههه

وبما انك هيجيلك هستيريا
وبما انهم سمعو كلامى واستقالو
اوفى بوعدك بقى
عينى وزير يلا
ههههههههههههه

"دى حاجة لو عرفتوها تبقو عمد"

يلا بقى ورينى شطارتك

اشكرك على التعليق
نورتنى

مسدس صغير يقول...

نوراهاتى
والله معاكى حق
طب والعبارة
والتناول الاعلامى
احنا مش ببنفى الخطأ عن عامل التحويله والسواقين
بس فيه فساد
اذا فسدت الرأس فسد الجسد وللا ايه؟
اشكرك على التعليق
نورتينى يا دكتور

مسدس صغير يقول...

اللى موش عارف يتغير
فعلا الجاموسة هيه كلمة السر
هههههههههههههههه
حلوة حكاية جاموسة بتطير
وبتعوم دى
هههههه
عسل يا بيبو
فعلا احنا اكتر بلد عندها جاموس
يلا ربنا يرحمنا
ويطلعنا منها سالمين
اشكرك على التعليق
نورتنى

مسدس صغير يقول...

فتاة من الصعيد
ههههههه
على رأيك اشمعنا الماس يعنى
والاعمال الارهابية
يلا
اشكرك على التعليق
نورتينى

مسدس صغير يقول...

شاب فقرى
على رأيك ضيف
عندك الجاموسة فى
لستت الاسباب
يلا ربنا يرحمنا
منهم جميعا
اشكرك على التعليق
نورتنى

مسدس صغير يقول...

ايناس
هيه فين التعليقات دى يا حسرة؟
ههههههه

مسدس صغير يقول...

ايناس
طبعا احنا عندنا اغلى من الجاموسة
ههههههه

مسدس صغير يقول...

ايناس
اة بوزع لحمة
بس مش هديلك
هههههههه
امشى يلا

مسدس صغير يقول...

ايناس
كمان عايزة عضم؟؟
معندناش
هنرش ميه
يلا من هنا
هههههه

مسدس صغير يقول...

ايناس
حسبنا الله ونعم الوكيل

مسدس صغير يقول...

ايناس
على رأيك يبقى انت اكيد فى مصر
اشكرك على التعليقات
منورانى

مسدس صغير يقول...

دولا
ههههههههه
تجار مواشى ويتفرجوعلى السلوك العريانة كمان
مش الماس بس
ههههههه
اشكرك على التعليق
نورتنى

مسدس صغير يقول...

صمت المشاعر
لا للأسف الجاموسة ماتت
ههههههه
يلا ربنا يرحمنا
اشكرك على التعليق
نورتينى

مسدس صغير يقول...

خواطر شابة
والله معاكى حق فى اللى انتى قلتيه
بس هوه القدر من الخطأ البشرى المتراكم ادى الى كارثة
قلوبنا جميعا تقطر دما على هؤلاء الضحايا
لهم الله
اشكرك على التعليق
نورتينى

مسدس صغير يقول...

احمد ابو العلا
اهو منصور استقال
عقبال نظيف
معتقدش ان الدم هيغلى بسرعة كده فى ظل فقر الدم الموجود
ربنا يرحمنا
اشكرك على التعليق
نورتنى

مسدس صغير يقول...

ليس فقيرا من يحب
وعليكم السلام
ههههههه
فعلا الجاموس كتر فى البلد اوى
ربنا يستر بقى
اشكرك على التعليق
نورتينى

مسدس صغير يقول...

ريمان
حسبنا الله ونعم الوكيل فعلا
لله الامر
اشكرك على التعليق
نورتينى

مسدس صغير يقول...

العزة فى طاعة الله
فئران التجارب احسن مننا
على الاقل بيأكلوها اكل كويس
ويرعوها
ويحافظو عليها
عشان التجارب بتاعتهم
انما احنا جاهزين للتجارب بدون اى رعاية
ربنا يستر علينا
اشكرك على التعليق الجميل اوى
بجد نورتنى

مسدس صغير يقول...

ليس فقيرا من يحب
هههههههه
ايه التطور المفاجئ ده
دا انتى مكنتيش بتتكلمى فى السياسة خالص
ههههههه
يلا اهو استقال وعقبال الباقى
اشكرك على التعليق
نورتينى

norahaty يقول...

تفتــكر يامسدس
مين حيجى بـــداله
اصل دا منــصب بعيد
عنك وشه وحش اوى اوى اوى

تامر علي يقول...

لقد نسي الجميع في خضم الأحداث ان السبب الحقيقي فعلاً وراء الأحداث هو

جاموسة

مش عاوزة تتعتع من مكانها من30 سنه :)

صيدلانيه طالعه نازله يقول...

طبو الله الحكومه دى حظها نار يعنى كل ما تعمل مصيبه ربنا يرزقها باللى يشيلها عنهم و يقول انا السبب و انا اللى قتلت الحنش
وفى اعتقادى ان منصور اجبر على الاستقاله لانه لو كان حاسس بالذنب كان استقال من اول يوم

المعتصم يقول...

ابوصلاح حبيب قلبى
ازيك
طب تفتكر هو منصور استقال وهما قبلوا استقالته لييييييييييييييييييييه؟؟
الراجل عمل اللى عليه ونفى ان الحكومه يكون ليها دخل بالحادث من قريب او بعيد
وكمان شاف حد تانى رمى عليه التهمه
يبقى كده الراجل فلة وزى العسل
انما يخلوه يستقيل وكمان يقبلوا الاستقاله
يبقى لازم فيه سر
وبعد البحث والتحرى
والفحص والتمحيص
اتضح ان السبب
انه قال ان السبب فى حادث القطار هو الجاموسه
ونسى يقول ان الجاموسه مختلة عقليا
زى اللى بيعملوا كل حاجه فى البلد

اى خدمه انا عارف انك مكنتش تعرف المعلومه دى صح؟؟؟
هههههههههههههههههههههههه

بيطرية ومش بايدى يقول...

اقولك على سر خطيييييير
اكيد الجاموسة حسيت بالحنان تجاه الحكومة قالت انا اضغطت على بابا حبيبى النظيف عشان يضغط على ابن عمه منصور عشان يقدم استقالته

والله يامسدس عايزين نعمر كل مسدستنا والرشاشات كمان ونديها
احنا كده هنتاخد امن دولة صح
:)))))))))))


طب نفسى اعرف هى استقالته دى حلت المشكلة كده خلاص المشكلة انفضت مش كده


اه وبناءا على طلب الجماهير قدم كمان رئيس مجلس هيئة السكك استقالته هو كمان ايه حركة الاستقالات اللى ماشية ف البلد اليومين دول

عارف انا بفكر اقدم استقالتى من الطب البيطرى من دلوقتى
ايه رايك ممكن استشير نظيف ف الموضوع ده

يلا سلامووووووووووووز
كله موووووووووز وعنب وكوسة

mimi يقول...

كام بوست من عندك والبلد يتصلح حالها

ههههههههههههههه

بس بوست في الجون والله

mimi يقول...

نصيبة لتكون متراقب


أضحك أنا بقا ... لا الصورة تطلع وحشة

تحيا مصر

مسدس صغير يقول...

نوراهاتى
اى حد
مش هتفرق
شوية وتحصل حادثة
وترجع ريما
ربنا يستر
اشكرك على التعليق
نورتينى

مسدس صغير يقول...

تامر على
رأيك
اشكرك على التعليق
نورتنى

مسدس صغير يقول...

صيدلانية طالعة نازلة
والله يا دكتورة معاكى حق
كل ميحصل حاجة يكون ليها اسباب غيرهم
اما بقى عن الاشتقالة
مش فارقة
الكارثة مش هيتغير فيها حاجة
حصلت وخلاص
اشكرك على التعليق
نورتينى

مسدس صغير يقول...

المعتصم
تعددت الاسباب والموت واحد
نتفق على انه استقال او اجبر على الاستقالة
الناس ماتو خلاص
ربنا يرحمهم
ويرحمنا
بس اهو منظر حضارى
كنا مفتقدينه
"والجاموسة ماتت قبل ان ترى ماذا صنع لبنها"
اشكرك يا درش على التعليق
نورتنى

مسدس صغير يقول...

بيطرية ومش بايدى
والله يا دكتورة كلامك سليم
الاستقالة هتعمل ايه يعنى
خلاص الناس ماتو وشبعو موت
ربنا يرحمهم

ورئيس الهيئة استقال
على البركة
واستقيلى انتى كمان
وانا كمان استقيل
بس استقيل من ايه؟؟
ههههههههه
اشكرك على التعليق
نورتينى

مسدس صغير يقول...

ميمايا
هههههههههه
دا انا على كده مسموع اوى بقى

كمان فى الجون؟؟
ياريت ونكسب 3/0

مسدس صغير يقول...

ميمايا
هههههههههه
اطمنى
متراقب
هههههه
اضحكى طبعا الصورة هتطلع حلوة حتى لو مكشرة
ههههههههه
ربنا يكرمك
اشكرك على التعليق
نورتينى

أم مالك يقول...

ازيك ياصلاح عامل ايه
انا اسلم عليك واطمن على اخبارك
ليا مدة لم ازور المدونة
فالتمس لى العذر
تحياتى

well يقول...

بالمناسبة هما كانوا يقصدوا اى جاموسة
يعنى رتبتها اى ..
تحياتى

ميمي وأحمد يقول...

أبو صلاح

اقرا الموضوع ده مهم جدا

مسدس صغير يقول...

ام مالك
اشكرك على الزيارة الغالية العزيزة على قلبى
واسال الله ان يشفيكى ويعافيكى
سعيد جدا على سؤال
اسفين على التقصير
جزاكم الله خيرا
نورتينى بجد

مسدس صغير يقول...

ويل
مش مشكلة اى حاجة
ههههه
اشكرك على التعليق
نورتنى

مسدس صغير يقول...

ميمى واحمد
قريته وفعلا والله مهم جدا
ياريت الناس اللى زى دى منعبرهاش
وده علاجهم بجد
اشكركم على البوست الرائع
نورتونى

بقايا انسانه يقول...

احلى حاجه في الحكومه بتاعتنا دي انه

دمها خفيف جدا جدا للغايه

شوف يااخي تقتل القتيل وشوف تقولك السبب ايه

الجاموسه ويكأن الجاموسه دي كانت ملغمه

او لابسه حزام ناسف

حكومه لها العجب

والتاني جاي يستقيل بعد ماهبش


الهبشه التمام

والهبشه جت في العبايه


احنا بنغني اهوة مبنكلمش في السياسه