الأربعاء، 21 أكتوبر، 2009

تعريفات بتعريفة .





الموازنة العامة :- هى صافى الاموال المتبقية بعد خصم  الاموال المهربة للخارج والاموال المعدة لدعم بنوك سويسرا .
 

الحكومة الالكترونية :- هى حكومة تعمل بالكهرباء وفى حالة قطع التيار الكهربى تعمل بالبطارية وفى حالة انتهاء البطارية ولسه الكهربا قاطعة تعمل بالجاز .
 

الخيار الاستراتيجى :- هو نوع من انواع الخيار المعروف ولكنه اكبر منه حجما وليس للأكل .
 

مجلس الشعب :- هو فندق لا يوجد به سراير وإنما كراسى .
 

جهاز حماية المستهلك :- هو جهاز وهمى يقع فى منطقة غير معلومة يخدم الموتى .
 

مجلس الامن :- هو المكان الذى يجلس فيه الامن ولا يخرج منه .
 

المعاش الاجتماعى :- هو مبلغ من المال تمنحه الحكومة لضمان رفاهية فئة معينة من الشعب بحيث لا يقل عن 80 جنية ( طبعا فى الشهر ) سنه ايه حرام عليك !! .


جامعة الدول العربية :- هى أكبر جامعة فى الوطن العربى لتعليم اللهجات العربية المختلفة .


اتفاقية الدفاع العربى المشترك :- اتفاقية ابرمت فى خمسينيات القرن الماضى بين الدول العربية للدفاع عن اسرائيل ومصالح امريكا فى المنطقة. 
 

الضريبة العقارية الجديدة :- هى أن تتملك الدولة العقار فى خلال عشر سنوات فى حالة عجز مالك العقار عن تسديدها .


الجزائر :- هى دولة عربية شقيقة انطبق عليها المثل الشعبى المصرى هتموتى يا سوسو " فى الكورة "


هناك 95 تعليقًا:

الأحــــــ إيناس ــــــزان يقول...

وناخد اول تعليق كده
ونتوكل على الله

الأحــــــ إيناس ــــــزان يقول...

صباحة ار يا باشا

اخبارك ايه يا صاصا

مممممممممممممممم


كويس عينيك لسه مدورة كده ولا لبست نظارة

ها

؟؟؟؟؟؟؟؟؟؟؟؟؟؟؟؟؟؟

الأحــــــ إيناس ــــــزان يقول...

ممممممممممم


صبح صبح يا عم الحج

نوسه النوسة كونوسة بتصبح على الصبحه الحلوة
وبتقولكم عاوزة النقطة تنزل ترف عليا زى المطرة

اى خدعه يا جرررعاااااااااااااااااااااااان

الأحــــــ إيناس ــــــزان يقول...

مممممممممممم


وونكمل احتلالانا الرسمى فهمى نظمى

وعقبال عندك يا ام فاروق

سلميلى على انشراح
وقوليلها اللى راح راح

هع هع هع

الأحــــــ إيناس ــــــزان يقول...

الله حى

الله حى

الله حى

الخامس جى

وسع ليا منك له لها

فوووووووووووووووووووووووووووو

الأحــــــ إيناس ــــــزان يقول...

"تعريفات بتعريفة ."


هو فيه ايه أشاسآ

اروح اشوف وارجع
انتظرنى يا عمونا
فاصل قصير ثم نواصل

انزل يابنى بإعلان هاكونا مطاطا
امممممممممممممممممممم

الأحــــــ إيناس ــــــزان يقول...

الخيار الاستراتيجى :- هو نوع من انواع الخيار المعروف ولكنه اكبر منه حجما وليس للأكل .

؟؟؟؟؟؟؟؟؟؟؟؟؟؟؟؟؟؟؟

امال لأيه مش تحدد يا عمونا ايه العالم اللى بتعمل بوستات ومش فاهمها دى

الأحــــــ إيناس ــــــزان يقول...

صاصا ما تعرفش تقعد ساكت


يابنى مهما نتكلم ومهما نعيد هو دا حالنا وهنفضل كده

اعترض بقا

عندك اعتراض اشاسآ

الأحــــــ إيناس ــــــزان يقول...

يا ويلكم يا ويلكم

بجامعة الدول العربيه

وبجد هتموتى يا سوسو يعنى هتموتى


هههههههههههههههههه

الأحــــــ إيناس ــــــزان يقول...

وناخد العاشر
وفى الاخر احب اسمع اغنية
سيد الحبايب يا حنانى انت
وبهديه لكل مدون ومدونه

لسه هيجو يعلقو بعدى
ونصبح على خير
من طرف اختك
اللومبك

بدراوى يقول...

هههههههههههههههههههه
ههههههههههههههههههههههههه
جميل اوووووووووى
البوست ده يا عم صلاح يا مسدس
جميل بجد

خصوصاً تعريف الدفاع العربى المشترك
و مجلس الأمن
جامعة الدور العربية
و الضريبة العقارية
و جهاز حماية المستهلك

اما بتاعت الجزائر فمحشورة كدة
صح ؟!
هههههههههههههه

شباك موارب/منار يقول...

هو انا ليه مش فاهمه حاجه
مع اني قريتها مرتين
وعارفه انك قصدك حاجه من كل تعريف
بس برضو مش قادره افهم حاجه

عموما دايما لما بتسيطر اللهجه دي ع مدونتك بجد نفسي عاجزه عن فهمها


سلامي لحضرتك جدا

الشعب لابد له من حكومه تشكمه يقول...

انا باه عجبتنى بتاعة الجزاير عكس بدراوى اصلها صح اوىىىىى:)
انا سمعت ان فى اتوبيسات من المنصوره بتجهز نفسها لليوم ده وعلى طريقة هتموتى ياسوسو برضه:))

وانت عامل ايه لدوقت.بتعجبنى وانت فى السياسه ياصلاح بتلبق عليك(على رأى اخوانا اللبنانين)

اه صحيح:مجلس الشعب:ماهو الا غرفه نوم كبيره يتشاركها عدة اشخاص بدون خجل:)

وفى اقوال اخرى:
مجلس الشعب هو بث مباشر وحى لمسابقة تأزأز كام لبايه فى الثانيه.

تركي الغامدي يقول...

أعجبتني بعض التعريفات ... وهذا يؤكد حس الدعابة لدى الكثير من أبناء الشعب المصري الحبيب ، وخاصة الخيار الاستراتيجي .
ودمت بخير .

إيمان يقول...

جهاز حماية المستهلك :- هو جهاز وهمى يقع فى منطقة غير معلومة يخدم الموتى .

اما المستهلك فتعريفه :- هو انسان مستهلك بضم الميم ومش لاحق يستهلك

الخيار الاستراتيجى :- هو نوع من انواع الخيار المعروف ولكنه اكبر منه حجما وليس للأكل ...إنما للشلل لما تحب تشل حد تيجيبله شوية خيار من النوع ده وتحطهم قدامه
بجد تعريفات مش بتعريفه خاااالص دى تساويلها اكتر بكتييير يجى اتنين جنيه ونص كده

ستيته حسب الله الحمش يقول...

قال ايه اصحى احضر محاضرة
ايه ده
استحالة معلقش قبل الأستمورننج
طلقات حقيقية من المسدس بقالك كتير معملتهاش
تحفففففففففففففففففففففففففة

ويارب تموتي يا سوسو "في الكورة" طبعا:)

اقصوصه يقول...

اممم

وايد مصطلحات نسمعفيها

بدون ما نعرف معناها بالضبط

شكرا على المعلومات :)

شاب فقرى يقول...

وحشنى كلامك

والايام دى زحمة اوى والواحد مشغول

بس بصراحة

كل كلمة عندك حق

انا لما سمعت حوار ال 80 جنيه عن نفسى

قلت كلمة مش مؤدبة خالص

دا كان ممن سبع سنين

يلا اتركك فى أمان الله :)

شاب فقرى

فتاه من الصعيد يقول...

هههههههههههه

عجبتني التعريفات ..... بس الخيار الاسترتيجي احنا اكلناه وشربناه :))

تحياتي

خواطر شابة يقول...

طلقات في الصميم ده كان حقك تسمي المدونة كلاشينكوف مش مسدس صغير
مع تحياتي

adel يقول...

ههههههههه هتموتي ياسوسو
عاوز واد ولا بت
واد و يكون شبهك
يبقي باب 12 صفحة القصيرين

وهنستعين بجامعة الدول و اتفاقية الدفاع المشترك و كمان مجلس الامن

mimi يقول...

حلوين يا بو صلاح تسلم أفكارك

mimi يقول...

الخيار الاستراتيجى

جامعة الدول العربية

اتفاقية الدفاع العربى المشترك

أكتر التعريفات اللي عجبتني ... تنفع بدل من مقال " مواقف" أنيس منصور يوم الجمعة

أحمـــــــــــــد أبو العلا يقول...

ههههههههه

كده بقى عندنا معجم حديث وصريح كمان

تفتكر امتى المعاني ديه هتتغير؟

صبرني يارب يقول...

ما اعرفوش يا جماعه

ما بيعديش من عندنا لا لا

ولا عمري شوفته

هههههههههههههههههه

قلم رصاص يقول...

ههههههههههههههههه

يخرب عقلك ياواد يامسدس

ايه التعريفات اللي متسواش تعريفة دي
هههههههههههه

بجد انت تفوقت جدا المرة دي عليا

مش على نفسك ههههههههههههههههه

ولو سمحت اوزن لي اتنين كيلو خيار استراتيجي فيومي ههههههههههههه

دمت في ابداع ياصاحبي

ريمان يقول...

حلوه حلوه التعريقات دى

هههههههههههه


عجبتنى اوى تعريف مجلش الشعب


معاك حق فعلا فى دى


الصوره توحفه على فكره


تحياتى ليك يا ريت تيجى تشوف البوست بتاعى

رومانسى هيعجبك

المعتصم يقول...

لأ لأ لأ
مالهاش حل ياصلاح
بصراحه مش لاقى كلام ارد بيه

انا بفكر اكتب التعريفات دى فى كشكول التحضير
واروح المدرسه احفظهم للعيال هناك
ههههههههههههههههههههه

mohamed ghalia يقول...

انت خلصت على كل التعريفات ولا يهزك ياعمنا برده هنكسب
مع انى مش عارف هنكسب ايه بس برده هنكسب

اللى موش عارف يتغير يقول...

بالصلاة عالنبى ايه الحلاوة دى
انا بفتخر انى اعرفك
هههههههههه
حبيبى يا صلاح والله
احسن حاجة هتموتى ياسوسو
على فكرة دى مقولة هنيدى لعروسته سوسو
سوسو للاسف لم تمت
ينفع يا صلاح اللى الزمالك بيعملوا فيه ده
بس شوية تعريفات بملايين
.

ليس فقيرا من يحب يقول...

ههههههههههههههههههههههههههه

طب والله جامده التعريفات دى

وخصوصا بقى مجلس الشعب والخيار

الاستراتيجى والضريبه العقاريه

تسلم ايديك يا مسدس

اقعد بالعافيه

nody يقول...

ياخوفى احنا الى نتقطع ياصاصا

ويبقى انتهى حلم مصر القومى

حلم بيعافر يقول...

خيار استراتيجى؟
امممممممممم بكام يامعلم؟
وحشتنى طلقاتك
ووحشنى انى ادى الفرصة لامثالك من شعوب العالم الخامس واقرالهم واعلقلهم وادجيهم امل فى بكرة
هههههههههههههه
واحشنى يابوصلاح

غير معرف يقول...

السلام عليكم
عيد الراجحي
تعريفات تساوي كنوز
مدونة مسدس صغير : مدونة تستطيع من خلالها رصد اهم الاحداث وتحليل المواقف والتعليق عليها بحريه وباسلوب مرن

صلاح العميري: اكيد صاحب المدونه (ارجع للمدونه واقراء التعريف بالكاتب)وركز اوي ف كلامه هتعرفه شاعر ومحام ومحلل سياسي و اقتصادي و و و (سبع صنايع)
المعلقون : شباب يجتمعو علي متابعه مدونة الطلقات الحيه (مسدس سميس 14 طلقه الماني فضي اللون)
وواضح انهم بيعتزو بالمسدس وصاحبه

reem يقول...

مش ليك حل يا صلاح والله

تحفة اوى الوست دا

والطلقات في الصميم يا مسدس

انت اخبارك ايه يا باشا

طمنى عليك

donya يقول...

اول زياره للمدونه
رغم التهديد الواضح للزوار بالمسدس الصغير
بس علشان احنا مصريين مابنخفش غير من اللي خلقنا اقتحمنا المدونه
واهو بنعلق

مدونه جميله فعلا


البوست خطير جدا
مضحك مبكي


*تحياتي

مسدس صغير يقول...

ايناس الاحزان
ماشى اتوكلى
مبروك دخلتى التاريخ

مسدس صغير يقول...

ايناس الاحزان
من اولها أر؟
هههه
لسه ملبستش نضارة
هههه

مسدس صغير يقول...

نوسة
ايه صبح صبح دى؟؟
احنا فى المدبح؟
هههههههه

مسدس صغير يقول...

نوسة
ام فاروق
انشراح
فهمى
نظمى؟؟
هوه فيه ايه؟

مسدس صغير يقول...

نوسة
الله حى
طيب
اما نشوف اخرتها

مسدس صغير يقول...

نوسة
كمان لسه مشوفتيش؟؟
طب مش عايز اشوفك هنا تانى
هههههههه

مسدس صغير يقول...

نوسة
هههههههههههههه
مش عارف
اما اعرف هقولك
ههههههه

مسدس صغير يقول...

نوسة
على رأيك اسكت احسن

مسدس صغير يقول...

نوسة
هتموتى يعنى هتموتى
هتروحى فين؟
الاستاد من امامك ومصر من خلفك
ههههههه

مسدس صغير يقول...

نوسة
طيب هتسمعيها بس بعد الحلقة
ههههه
يلا تصبحى على خيرات
اشكرك على التعليقات يا قمر
نورتينى

مسدس صغير يقول...

بدراوى
اشكرك على الكلام الحلو ده
بجد بكون سعيد بتعليقك جدا
اما الجزائر مش محشورة
هتموتى يا سوسو
منورنى

مسدس صغير يقول...

شباك موارب
مممممممم؟
مش عارف التقصير عندى وللا فين؟
ههههههه
بس بجد كفاية نورك عليه
كفاية انى اشوفك
ربنا يكرمك
اشكرك على التعليق
نورتينى

مسدس صغير يقول...

الشعب لابد له من حكومة
هههههههه
سوسو هتموت يعنى هتموت ان شاء الله
هنقطعهم
انا واثق باذن الله

تصدقى ان تعريف مجلس الشعب تبعك " على رأى اخوالنا اللبنانيين" احسن من التعريف تبعى
اه صحيح:مجلس الشعب:ماهو الا غرفه نوم كبيره يتشاركها عدة اشخاص بدون خجل:)

حلو اوى

ههههههههه
اشكرك على التعليق
نورتينى

مسدس صغير يقول...

تركى الغامدى
بجد انا سعيد جدا بمتابعتك لمدونتى المتواضعة وده بيدل اد ايه الدنيا صغيرة
ربنا يكرمك
اشكرك على التعليق الجميل
نورتنى

مسدس صغير يقول...

ايمان
اما المستهلك فتعريفه :- هو انسان مستهلك بضم الميم ومش لاحق يستهلك
هههههههههه
دى اللى تستحق تصقيفه
ههههه
حلوة
بجد سعيد ان البوست عجبك
اشكرك على التعليق
نورتينى

مسدس صغير يقول...

ستيته
ههههههههه
لا ازاى المحاضرة اولى
اولا بشكرك على الكلام الجامد ده
بجد انتى اللى رافعة روحى المعداوية جدا
بتدينى امل فى الحياة
هههههه
اشكرك على الكلام الحلو ده
منورانى يا اختى الدكتورة ستيته

مسدس صغير يقول...

اقصوصة
وايد مبسوط انك علقتى عندى
حتى لو مش فاهمة اللهجة المصرية
بس لو عايزة اى توضيح ممكن نبعته يترجم فى الخليج
ههههههه
اشكرك على التعليق
نورتينى

مسدس صغير يقول...

شاب فقرى
هههههه
ال 80 جنية ال
دى حاجة تفقع
ربنا يحفظنا
يلا ربنا يعينك
اشكرك على التعليق
نورتنى

مسدس صغير يقول...

فتاة من الصعيد
هههههههه
ربنا يكرمك
بس الخيار ده مش بيتاااااااااااااااكل
ههههههههه
يلا ربنا يستر
اشكرك على التعليق
نورتينى

مسدس صغير يقول...

خواطر شابة
اشكرك على اطلقات الجامدة اوى دى
بجد سعيد بتعليقك
متشكرين اوى
نورتينى

مسدس صغير يقول...

عادل دولا
هههههههه
هتموى يا سوسو
بس عايزين 3 عيال مش عيل واحد
ههههههههه
اشكرك على التعليق يا دولا
نورتنى

مسدس صغير يقول...

ميمايا
تسلمى يا غالية
ربنا يكرمك

مسدس صغير يقول...

ميمايا
انيس منصور حتة وحدة؟؟
ههههههه
يلا طالما عجبوكى يبقى انا احسن من انيس منصور
اشكرك على التعليق الجميل
نورتينى

مسدس صغير يقول...

احمد ابو العلا
المعانى دى هتتغير
بس مش دالوقتى
لسه كتيييييييييييييير
ربنا يستر واحفادنا يشوفو التغيير
اشكرك على التعليق
نورتنى

مسدس صغير يقول...

صبرنى يارب
عارفها
بشوفها كل يوم
بتفوت من عندنا
دى اميرة الجماعة يا بيه
دى هيه اللى خلتنى افجر نفسى 3 مرات
دى بتبيع احزمة ناسفة
ههههههههه
اشكرك على الحزام
نورتينى

مسدس صغير يقول...

قلم رصاص
هههههههه
طبعا تفوقت عليك من زمااان
هههههههه
اشكرك على الكلام الحلو ده
مش انا قلت الخيار ده مش للأكل؟
امال عايز اتنين كيلو تعمل بيهم ايه؟
هههههههه
اشكرك على التعليق
نورتنى

مسدس صغير يقول...

ريمان
ربنا يخليكى
كلام جميل اوى
يحصلى الشرف طبعا
علم وينفذ وشوفته وعجبنى
اشكرك على التعليق
نورتينى

مسدس صغير يقول...

المعتصم
اوعى تكتبها
يبقى انت عايز تبعتنا فى مجرة تانية رسمى
ههههههههه
سعيد جدا بتواجدك والله
اشكرك على التعليق
نورتنى

مسدس صغير يقول...

محمد غالية
هههههههه
ربنا يكسبنا دايما فى اى حاجة
هههههه
اشكرك على التعليق
نورتنى

مسدس صغير يقول...

اللى موش عارف يتغير
ههههه
الكلام ده كله ليه؟؟
ههههه
طبعا انا فخر الصناعة المصرية
ههههههه
اما بقى عن الزمالك فربنا معاكو
شجعو كل فرق الدورى والزمالك يكسب
يمكن يكون العيب فى الجماهير
هههههههه
اشكرك على التعليق
نورتنى

مسدس صغير يقول...

ليس فقيرا من يحب
الحمد لله ان التعريفات دى عجبتك
سعيد بتعليقك
اشكرك عليه
نورتينى

مسدس صغير يقول...

نودى
ههههههههه
لا متقلقيش انا واثق فى الراجل
سوسو لازم تموت عشان مصر تعيش
ههههه
اشكرك على التعليق
نورتينى

مسدس صغير يقول...

حلم بيعافر
انت اللى واحشنى يا باشا
اخبارك ايه
فينك؟
اشكرك على التعليق
نورتنى

مسدس صغير يقول...

عيد الراجحى
هههههههههه
معقولة كل الكلام الكبير اوى دة ليه؟؟؟
هههههههه
مش للدرجادى
ع العموم انا متشكر اوى بجد على الكلام الحلو اوى ده
اللى انا مستاهلوش
اشكرك على التعليق والزيارة الكريمة
نورتنى

مسدس صغير يقول...

ريم
ههههه
ربنا يكرمك
ندور طيب على اى حل؟؟؟
هههههه
انا بخير الحمد لله
ربنا يكرمك
اشكرك على السؤال
اشكرك على التعليق
نورتينى

مسدس صغير يقول...

دنيا
نورتينى بجد
سعيد بوجودك
هنكون عند حسن الظن ان شاء الله
ربنا يكرمك على الكلام الحلو ده
اشكرك على التعليق الاول
نورتينى

وكيلة نيابه يقول...

ههههههههه لا والله بوست جديد من نوعه بس بصراحه عجيب المثل الشعبى اللى قلته سوسو مين دى ههههههههه
وبعدين انت كده زعلتنى تخيل كنت فاكره ان قبه البرلمان تحتيها مباشره سرير طب كده اعضاء البرلمان يروحوا فين اكيد هيعملوا اضرااااب هههههه
ولا مجلس الامن تقريبا الامن لما بيدخل بيتوه ياعينى ومش بيعرف هو دخل من انهى باب واكيد بيقول انا اللى جبته ده كله لنفسى ههههه
بجد تعريفات ملهاش حل ههههههههه
ننتظر مزيد من الطلقات بس اهم حاجه احنا بعيييييد

أبو العريف يقول...

صاصا

ازيك يا باشا

تدوينه جاااااااااااامده

طلقات من ناااااااااار

تسلم الدماااااااااغ






والصوره بجد خرااااافه


تحياتي يا جميل

الشعب لابد له من حكومه تشكمه يقول...

صلاح انا معنديش اى مشكله فى الميعادين اللى قولتهم ان شاء الله باذن الله مفيش مشكله.
بس اتفقوا على المكان وقولوا قبلها بفتره لان زى مانت عارف لسه هيحصل كلام كتير على اليعاد والمكان .
صحيح لو افترضنا ان فى ناس هتيجى من بره المنصوره انا اعرف ناس هتيجى من دمياط.
لازم المكان يكون فى طلخا؟؟؟؟؟؟
ما انت عارف طلخا بايخه اوى فى مواصلاتها والتاكسيات بتذلنا علشان تروحها:(.
كن عموما انا مع الاغلبيه فى الاختيار نو بروبليم ان شاء الله

صيدلانيه طالعه نازله يقول...

ههههههههههههههههه

حلوه حكايه الحكومه اللى بالجاز

و لو خلص الجاز تشتغل بالمانيفله

لانهم خساره فيهم اننا نزقهم لو احتاجوا

زقه بس ممكن نزقهم بس على جهنم

الشجرة الأم يقول...

اتفاقية سايكس بيكو اتفاقية قائمة على تخليل البتنجان.

اتفاقية بهلول الشرق اتفاقية قائمة على أكل البتنجان المخلل.

غروب يقول...

هههههههه

ازيك يا متر

اولا الصوره مضحكه اوى

ثانيا : ممكن اعرف مصدر التعريفات دى ايه ؟

وعجينى اووى تعريف الجزائر
ههههههههههه

هتموتى يا سوسو

Bondoka يقول...

شوف وانا اللى ماكنتش فاهمه هما معناهم ايه
دول طلعوا سهلين خالص

The illusionist يقول...

ههههههههههههههههههههههه
والله تلاته احلى تعريفات
واحلى مبدا
هو ده
نسيت تقول ان الجمهوريه
هى كيفيه تفصيل كرسى العرش بحيث
يستوعب الاب وابنه
واحفاده لما ربنا يكرمهم

مسدس صغير يقول...

وكيلة نيابة
اشكرك على التعليق جدا
بجد سعيد بوجودك
فينك؟؟
نورتينى

مسدس صغير يقول...

ابو العريف
الله يسلمك يا باشا
ربنا يكرمك
اشكرك على التعليق جدا
نورتنى

مسدس صغير يقول...

الشعب لابد له من حكومه
ان شاء الله هنرتب الموضوع وقبل معلن عنه هديكى خبر
اشكرك على المتابعة
نورتينى

مسدس صغير يقول...

صيدلانية طالعة نازلة
وان خلص الجاز يبقى انجاز
هههههههه
اشكرك على التعليق
نورتينى بجد يا دكتورة

مسدس صغير يقول...

الشجرة الام
انا عن نفسى مستعد ان اذهب الى نهاية العالم وستندهش اسرائيل عندما تعرف اننى مستعد ان اكل بتنجان مخلل
هههههه
اشكرك على التعليق
نورتينى

مسدس صغير يقول...

غروب
هههههه
اتفضلى متغلاش عليكى
هههه
التعريفات دى بجيبها من السوبر ماركت
ههههه
اشكرك على التعليقات
نورتينى

مسدس صغير يقول...

بندقة
شفتى بقى
انا بجيب التايهة
ههههههه
اشكرك على التعليق
نورتينى

مسدس صغير يقول...

The illusionist
اشكرك على التعليق الجميل
بجد سعيد بوجودك
نورتينى

العيسوى الصغير يقول...

نسيت
الملوخية :نظام مصرى للحكم

asadma7bos يقول...

السلام عليكم
جميع التعريفات وافية وشافيه للغليل ولكن تعريف الجزاير مفهمتوش ممكن يحتاج اضافه أو تعديل
ومن رأييى ان التعديل يكون بعد 14/11
هذا وبالله التوفيق
اللى بعده يدخل

ساره يقول...

طلقاتك في الهدف كالعاده يا صلاح

وبجد اكثر تعريفات عجبتنى مع انه شئ يحزن

جامعة الدول العربية

اتفاقية الدفاع العربى المشترك

قويه جدا يا صلاح

مسدس صغير يقول...

العيسوى الصغير
ههههه
حلوة
اشكرك على التعليق
نورت

مسدس صغير يقول...

اسد محبوس
ههههه
ربنا يسهل ان شاء الله
اشكرك على التعليق
نورت

مسدس صغير يقول...

سارة
فعلا شئ محزن بس ده الواقع
نعمل ايه بس
ربنا يكرمك
سعيد اوى بتعليقك
نورتينى

البنفسج الحزين يقول...

(جامعة الدول العربية :- هى أكبر جامعة فى الوطن العربى لتعليم اللهجات العربية المختلفة)
والله صدقت ده دلوقتي أهم دور بتقوم بيه ده طبعا بجانب الدور الرئيسي والمحوري ليها وهو الشجب والتنديد والمعارضه.