الخميس، 10 سبتمبر 2009

ابو شلن يكسب ..


على غرار الاستخدام العادل للانترنت قام السيد رئيس الشركة المصرية للاتصالات بالعويل والصراخ الحقونا يا عالم الحقونا ياهوو الحقنا يا طارق يا كامل يا وزير الاتصالات شركات الاتصالات فلستنا . بنطلب استخداماً عادلاً للتليفونات احنا كمان .
ليه يا عم الحاج؟؟
اصل مخليين الدقيقة بشلن طب وانت اللى مضايق سيادتك ايه؟ ( بيقول ان ده حرق اسعار)
يا سيدى الفاضل لو انتو مش أد المنافسة تنسحبو من السوق المصرى أحسن وكفانا اتصالات والا تفتحولكو شركة اتصالات زى فودافون او موبينيل او حتى تفتحو لكو محلين تلاته فى البلد تبيعو كروت .
دالوقتى بجد بجد بقى . الشركة المصرية للأتصالات بتفقد كل يوم مشتركين بسبب سياستها الفاشلة فى جلب مشتركين جدد والمحافظة على مشتركيها القدامى يعنى فى احصائية اخيرة بتقول ان الشركة المصرية للاتصالات خسرت مليون وخمسميت الف مشترك فى الاعوام القليلة الماضية
ده بسبب ان مفيش تخطيط سليم
شركات الاتصالات التانية بتتعامل بعقلية تجارية واعية تسعى للربح فى المقام الاول وبتربح وفى المقام التانى بتقدم عروض تناسب الجميع .
على الناحية التانية نلاقى الشركة المصرية للاتصالات اللى عنده تليفون ارضى بيدفع بس فى حدود 60 جنيه من غير ميجرى اى مكالمة (اشتراك زائد خدمات وضريبة واللاذى منه) ده زائد الفاتورة ده حتى فى مرة حصل شئ غريب جدا لقيت الفاتورة بتاعتنا جاى فيها 3 جنيه انترنت . طب ازاى وانا اساسا عندى النت اللى هوه بتاع الاستخدام بتاع عادل ده ؟؟
ما علينا . السوق المصرى او غيره مش هيستنى مساندة وزير الاتصالات للشركة المصرية للاتصالات ومش هيستنى تهديدات سيادة الوزير لشركات الاتصالات بالعودة للنظام القديم بعد شهر رمضان مباشرة حفاظا على الشركة الموقرة وده لان شركات الاتصالات كده بتحرق الاسعار"على حد قوله " وكلمة حرق الاسعار انهم بيقدمو الخدمة بأقل من تمن التكلفة " دا كلامهم " بس ده مش معقول لأن الشركات دى زى مقلنا هدفها الرئيسى الربح وده مش عيب ولا يمكن تخسر ابدا
وطالما ان الشركة المصرية للأتصالات مش قادرة تنافس الشركات دى؟
من وجهة نظرى المتواضعة جدا تنسحب من السوق المصرى
وترحل من على كاهل المواطن المعدوم وتتركنا لشركات الاتصالات المحمولة ام شلن . والشلن يكسب .. دا حتى المحمول صلاحية مدى الحياة انما انتو صلاحية شهر بعد معاد الفاتورة .
وفى النهاية ليّه تساؤل بسيط :-
يا سيادة الوزير ما سر هذه السرعة الفائقة فى الاستجابة لطلبات الشركة المصرية للاتصالات وتوجيه التهديدات لشركة فودافون وموبينيل واتصالات مصر بالعودة للنظم القديمة بعد رمضان مباشرة ؟؟
ماذا لو أن 30 مليون اسرة قدمو شكاوى اليك مثلا ضد الشركة المصرية للأتصالات " مثلا" هل سيكون الرد بنفس السرعة؟؟؟



هناك 61 تعليقًا:

حبيبة الروح يقول...

تاني تعليق هروح اقراء واجي تاني

فشكووول يقول...

السلام عليكم ابو الصلح

تحياتى

انا مش عارف ليه بادفع فلوس فى التليفون الارضى اللى ما بستخدموش الا قليلا واخيرا تيجى الفاتوره كل 3 شهور بـ 100جنيه او 130 او زى ما تيجى .. هما بيحطوا على الفاتوره رسم اشتراك حوالى 30 جنيه وضرائب ... يعنى الخدمه اللى بيقدموها لنا تقريبا بقت اغلى من المحمول ... واحنا خرجنا من الاقتصاد الموجه الى الاقتصاد الحر يعنى ما فيش مسانده من الحكومه ولا الوزير ولا اى حاجه تانيه ... اللى مش عاجبه ينسحب من السوق ويريحنا وكفايه فلوس بندفعها من غير لزوم

تحياتى

شوكولاتة يقول...

فكرتني لما بتقول إنك دفعت قبل كده 3 جنيه نت إحنا بقى دفعنا مرة 65 جنيه خدمة 0900 وإحنا أصلا لاغينها لأنها جاتلنا قبل كده 43 جنيه

بوست هايل

mimi يقول...

يا ... أستاذ ... صحوني عالمدفع ... يا أستاذ ...

أحلي ما في الحملة إعلاناتها بجددددددددد

وأبو شلن يكسب علشان كده لغوا العملات الصغيرة دي

adel يقول...

ياعم مصرية ايه بس
هو حد بيتكلم ارضي لسه ؟؟؟
ياعم الموبايل ارخض بكتير قوي قوي و اسرع و اضمن و كمان بيجيب اي حد في اي حتة
انا رأي يخلعوا احسن
خصوصا ان في شركة ارضية هتنزل بتاعت ساويرس يعني الاسعار هتنزل تاني و هيخسروا هيخسروا

غير معرف يقول...

ازيك ياصلاح ربنا يتقبل منك
صالح الاعمال ويرزقك
العفو والعتق من النار فى العشر الاواخر
الشركة ديه فى طريقها للافلاس فعلا
فيه ناس كثير الغت التلفونات الارضى
خصوصا بعد عروض شركات الموبايلات
والتنافس بينهم
تحياتى

♥نبع الغرام♥♪≈ يقول...

السلام عليكم

بصراحه فلبت علينا المواجع حاجه توجع القلب

عااااااااااااااااااااااااااااا

المعتصم يقول...

بص بقى ياابونسب
انا اول بلاغ للمشمهندز طارق
احنا التليفون الارضى بتاعنا عطلان من شهر6 / 2008 يعنى بقاله سنه و3شهور
وكل مرة تيجى الفاتورة متظبطه
اشتراك وخاصية اظهار رقم الطالب وكمان نت(وانا جايب وصله من عند رفيق والله)
وكله كوم والخدمة الصوتيه كوم
انا الاول كنت شاكك انه عمك الحاج بيطلبها ويسمع نانسى من ورايا
بس لما التليفون عطل هيطلبها ازااااى وهيسمع فين ؟؟؟؟؟ ومع ذلك كل مرة تيجى الفاتورة فيها خدمه صوتيه
وهموت واعرف ال4.10 دمغه دى بتاعة ايه بالظبط ودمغه على ايه
اقولك
ودينى لاقطع عنهم المصروف
قصدى الفاتورة وخليهم يشيلوا العده
وخلى طارق يخبط دماغه فى اتخن عمود
ده انا معايا اربع خطوط موبايل يامؤمن (دى حكاية تانى انا عارف انهم 3 شركات محمول بس انما ده شغل زعماء بقى ابقى اقولك عليه بعدين)
يلا سلام بس ماتنساش تبقى تقول لطارق
ســـــــــــــــلام

noon kiko يقول...

يا واد يا جاااااااااامد
حتة موضوع ف الجون
انا امى قررت بعد معاناه مع شركة الاتصالات اللى وصلت فاتورتنا ميت جنيه رغم اننا مشفرين التليفون ومش معانا الشفره
ههههههههههه
واموت واعرف مين اللى بيتكلم بالفاتوره دى
امى قررت رفع الحراره نهائيا والاعتماد التام على كروت شحن موبايلاتنا ودفع كل واحد لكارت الشحن بتاعه

طبعا لما تجيلك الفاتوره بالشىء الفلانى وانت متكلمتش متستغربش
ولو جاتلك فوق الميه وانت طول الوقت مسافر وقافل الشقه بردوا متستغربش
ليه بقا متستغربش
لان الشركه على حق
ولانك اكيد اكيد ف مصر

منــار فايد يقول...

انا بقى زعلانه عشان الدقيقه بشلن وانا مااقدرتش استخدمها عشان مسافره
تفتكر اتقدملهم بطلب تعويضي عن الخساره اللي كنت مفروض اني اكسبها وبما اني ماكسبتش وماوفرتش في رصيدي يبقى كاني خسرت....
نت وبنقول ارحمونا كمان موبايل
دا غير الكهربا والاسعار الغريبه بتاعت اي فاتوره

Remas يقول...

صباح الخير

شركة الاتصالات دى فاشلة بمعنى الكلمة ونصابين

شقة بابايا اللى مقفولة ومش فيها حد لانهم قاعدين في شقة تانية بتيجى فاتورتها عالية وفيها خدمة صوتية ونت ومتظبطة على الاخر عادى يعنى نصب علني

بوست حلو اوى كعادتك دائما

أبو العريف يقول...

ازيك يا بو صلاح

طبعا ابو شلن يكسب

خاصة ان تليفون البيت مبقاش ليه اي استخدام حاليا بعد ما افراد البيت فرد فرد

معاهم موبايل

وبالتالي اسهل واسرع للوصول للشخص المطلوب

ولسه طبعا شركة الاتصالات المصريه

اللي هي شبكه واحده بتقربنا كلنا دي

محلك سر بل بالعكس

بتلاقي اخطاء فادحه في الفواتير

وتدفع الاول وبعدين تشتكي يا محترم

والا هنشيل العده

والصراحه انا خفت علي العده

ثم اني معنديش تليفووووووون

من غير ما تقول

انا اتوقع تنسحب من السوق قريب لان اغلب الناس بتلغي اشتراكها دلوقت

عشان الفاتوره اللي بتيجي من غير ما نتكلم دي

وهيفتحوا بدالها كشك سجاير علي اول الشارع

تحياتي يا مان

Ahmed يقول...

انت متعرفش التزواج الغير شرعي بين الشركه الموقره والوزاره الغير موقره ولا ايه

التزاوج اللي أجل طرح عرض لشبكات اتصالات أرضيه تانيه لمدة أربع سنوات متتاليه, كل سنه والطرح بيتأجل
المصريه للاتصالات محتكره السوق وبتكيش الوزاره أول كل سنه بالمعلوم ياباشا

عايزين طلقتين من مسدسك, واحده للوزاره والتانيه للشركه

mahasen saber يقول...

الكبار بيستجيبوا للكبار اليى زيهم انما احنا محدش بيستجيب لينا الا المولى عز وجل واستجابته سبحانه وتعالى تكفى

رحــــيـل يقول...

هههههههه

انا تقريبا بقالى سنه مش بستخدم تليفونا الارضى
دى حتى الموبيلات اسرع وعمليه

تحياتى لك

Unknown يقول...

(مليون وخمسميت الف
مشترك خسرتهم الشركة
السنوات السابقة)
لو سمحت ياصلاح اقولك العدد
المضبوط: مليون وخمسميت الـــف
واحداية مشتركاية:اللى هو انا:(
بسبب الفاتورة اللى ما يعلم بيها
وبخباياها الا الله وعلى رأيك 60 جنية
(حار ونار فيهم)بدون استخدام ختى؟
عارف بالضبط زى فاتورة الغاز !

غروب يقول...

كل سنه وانت طيب يا متر

د. ياسر عمر عبد الفتاح يقول...

والله عندك حق
مبقاش فيه حد دلوقت بيستخدم التليفون الأرضي زي زمان
خلاص كانت موضة وراحت عليه

واللي مش قد المنافسة ميشتغلش
واللي خايف يروح
ولا إيه؟

د. ياسر عمر عبد الفتاح يقول...

والله عندك حق
مبقاش فيه حد دلوقت بيستخدم التليفون الأرضي زي زمان
خلاص كانت موضة وراحت عليه

واللي مش قد المنافسة ميشتغلش
واللي خايف يروح
ولا إيه؟

اقصوصه يقول...

اممم

دايما ما افشل في الدخول لمدونتك

لانها مسكره

اول مره على اعتقادي

انجح بالدخول اليها

سعيده بذلك

تقبل مروري

غير معرف يقول...

انا مش هجاوبك

انا هسألك

لية في ظل الازمة الاقتصادية كل الاسعار انخفضت في الدنيا كلها الا عندنا؟

صبرني يارب يقول...

ابقى قابلنى

على راي الست روبي الله يصلح حالها يا اخويا

وتفتكر يعنى ايام ما كانت فودافون بيحاسبك على الدقيقه ب 175 قرش كان ماكلك له يا معلم ؟؟

وتفتكر برضه انت عموما بتتباع كام مره فى اليوم

ستيتة يقول...

بلدنا هي البلد الوحيدة اللي السرقة فيها مقننة
بالورقة والقلم
وكده كده لولا ضرب الكبار في بعضهم
مكنش الشعب شاف شيء رخيص
بكره يدوا لعز تفويض التليفونات كمان
علشان يبقى زي الحديد
مش واخدين منه غير اعلاناته
وعندنا كلنا انيميا نقص الحديد

غير معرف يقول...

السلام عليكم
عيد الراجحي
اولا اخبار حضرتك يا ابو صلاح
ثانيا مش هعلق علي موضوع الاتصالات بالذات لان كل معرفتي بالعالم ده ان خطي ام نبيل (موبنيل) اكتر من كده معرفش الدقيقه بكام او الرساله بكام
ثالثا انا هتكلم من منظور الاداره الناجه
الشركات الخاصه تتبع ادراه السوق المفتوح والمنافسه الحره بتبدا بالاهتمام بالمظهر ( خدمة عملاء اعلانات بشكل كويس )
تنوع العروض لتناسب كافه الفئات
عدم الخوف من المجازفه في العروض الجرئيه
فاهمه ثقافة العملاء( ثقافة الرغي والحكي ال في الفاضي والمليان)
اما شركة الحكومه فحدث ولا حرج مسااااااؤي اكتر بكتير من ايجابيات (ان وجدت)
شكرا لاثاره الموضوع دائما تحسن الاختيار

اللى موش عارف يتغير يقول...

ازيك ياصلاح
واحشنى حقيقى وحشنى بصحيح

الدقيقة بشلن
عرض نارى
اعلانات مرئية غاية فى الروعة
بس للأسف موش مستفيد منه
يارب يفضل كده لما ارجع
وشركة الاتصالات محتكرة الارضى وكمان زعلانين
.

ميمى واحمد يقول...

فى انتظارك يا عم الحاج

مسدس صغير يقول...

محمد حمدى
ماشى
بسانا مش بتحرش اعمل ايه بقى؟؟
هههههههه
جزاكم الله خيرا

مسدس صغير يقول...

حبيبة الروح
ماشى
بس انتى رحتى تقرى مدونة مين وتيجى؟؟
مردتيش يعنى
هههههههه

مسدس صغير يقول...

فشكول
ياريت على اد 100 جنية
بس فعلا الناس مظلومة
همه هيدفعو لايه وللا ايه بس؟
ربنا يرحمنا
اشكرك على التعليق
نورتنى

مسدس صغير يقول...

شوكولاته
والجاى ادهى
يمكن يدفعونا ايجار جراجات واحنا اساسا معندناش عربيات
هههههههه
اشكرك على التعليق
نورتينى

مسدس صغير يقول...

ميمايا
هههههههههه
فعلا اعلاناتها جامدة اوى
وابو شلن يكسب
ههههههه
اشكرك على التعليق يا استاذ صحونى ع المدفع
نورتينى

مسدس صغير يقول...

عادل
انت مش ابن بلدى؟؟؟
إرر
اعترف
اتكلم ارضى يابن بلدى
صوتك هنا واضح اوى عندى
ههههههههه
والباقى بعد العيد
بشلن بردة
اشكرك على التعليق ابو شلن
نورتنى

مسدس صغير يقول...

ام مالك
ربنا يتقبل منك
اشكرك على الدعاء الجميل
بس ياريت منبقاش الضحية
اشكرك على التعليق والدعاء
نورتينى

مسدس صغير يقول...

عاشقة الاحزان
وعليكم السلام
متقلبش المواجع
الجرح لسه واجع
ههههه
اشكرك على التعليق
نورتينى

مسدس صغير يقول...

المعتصم
يا سيدى انت جاى تشكى شكوتك لمظلوم ضعيف غلبان؟
ههههههههه
ع العموم فيه صندوق شكاوى على بابا المدونة
ابقى سيب شكوتك فيه واحنا هنعرضها ع المسئولين وفوت علينا السنة الجاية يا سيد
ههههههههه
حمد الله على سلامتك وسلامة الوالد
اشكرك على التعليق
نورتنى

مسدس صغير يقول...

واحدة من الناس
ولا جامد ولا بتاع
بس تلاقينى مقروص بس
ههههههههه
احسن اما تشيلوه احسن عشان تعرفو مين اللى بيتكلم بالظبط
ههههههههه
اشكرك على التعليق
منورانى

مسدس صغير يقول...

شباك موارب
منار
ان شاء الله اما ترجعى تكون الدقيقة ببلاش وعليها بطيخة هدية
بس قولى يارب
هههههههههه
ترجعى بالسلامة
اشكرك على التعليق
نورتينى

مسدس صغير يقول...

ريم
فينك من زمان؟
يارب تكونى بخير
هههههههههه
شقة بابا مقفولة وبيجى ليها فاتورة ونت كمان؟؟
اما عفاريت اخر زمن
هههههههههه
اشكرك على التعليق
نورتينى

مسدس صغير يقول...

ابو العريف
هههههههه
ابو شلن يكسب
وشبكة وحدة بتقربنا كلنا؟
هههههههه
حلوة النكتة دى
فعلا الناس خلاص ملت م الشعارات دى
والشركة بتخسر مشتركين كل يوم
يلا احسن
لو مشو على نفس الاسلوب هينسحبو قريب
اشكرك على التعليق
نورتنى

مسدس صغير يقول...

احمد ابو العلا
التزاوج ده واضح للعوام وللناس كلها
وفعلا التأخير ده يمكن يكون بصفقة
هههههههه
اشكرك على التعليق الموضوعى
نورتنى يا بشمهندس

مسدس صغير يقول...

محاسن صابر
وكفى بالله مجيب
اشكرك على التعليق
نورتينى

مسدس صغير يقول...

رحيل
فعلا المحمول اسرع واسهل
اشكرك على التعليق
نورتينى

مسدس صغير يقول...

نوراهاتى
هههههههههه
دا انتى متأثرة اوى؟
ههههههه
ربنا يسترك
اشكرك على التعليق
نورتينى

مسدس صغير يقول...

غروب
وانتى طيبة وبخير
اشكرك
نورتينى

مسدس صغير يقول...

د ياسر
على رأى جماهير الاهلى
اللى خايف يروح
هههههههه
فعلا
محدش لسه بيستخدمه زى الال
اشكرك على التعليق
نورتنى

مسدس صغير يقول...

اقصوصة
دا انا اللى سعيد بدخولك والله
ودى شهادة اعتز بيها ان مدونتى مسكرة
ههههههههه
فاهم طبعا
واهى ادامك مفتوحة على مصراعيها
اشكرك على التعليق
نورتينى

مسدس صغير يقول...

مصرى جدا
عشان احنا اكيد فى مصر
اشكرك على التعليق
نورتنى

مسدس صغير يقول...

صبرنى يارب
بس بقى بشلن
نقوله لأ
كله خير
ابو شلن يكسب
هههههه
اشكرك على التعليق
نورتينى

مسدس صغير يقول...

ستيته
هههههههه
هيه ناقصة عز كمان
محنا فى عز اهوه
واخر عز كمان
كفاية عز ارجوكم
لو اكتر من كده هنفترى
هههههههه
فعلا مقننه
اشكرك على التعليق
نورتينى

مسدس صغير يقول...

عيد الراجحى
مش هقول اكتر من اللى انت قلته

ثالثا انا هتكلم من منظور الاداره الناجحه
الشركات الخاصه تتبع ادراه السوق المفتوح والمنافسه الحره بتبدا بالاهتمام بالمظهر ( خدمة عملاء اعلانات بشكل كويس )
تنوع العروض لتناسب كافه الفئات
عدم الخوف من المجازفه في العروض الجرئيه
فاهمه ثقافة العملاء( ثقافة الرغي والحكي ال في الفاضي والمليان)
اما شركة الحكومه فحدث ولا حرج مسااااااؤي اكتر بكتير من ايجابيات (ان وجدت)

كلامجميل جدا
معقول جدا
واقعى
اشكرك عليه
نورتنى

مسدس صغير يقول...

اللى موش عارف يتغير
الله يسلمك يا حبيبى
اما ترجعلنا بالسلامة فيه عرض اقوى من ده
الدقيقة ببلاش وعليها بطيخة هدية
هههههههههه
اشكرك على التعليق
نورتنى

مسدس صغير يقول...

ميمى واحمد
ماشى يا بنى ادمين
هههههههه
نورتونى

dr_samarmar يقول...

السلام عليكم
يا جماعة انتو عارفين خطر انفلونزا الخنازير اللى بيهددنا كلنا و ممكن جدا يتحول لوباء قاتل و يبيد مننا كتير.. و اكيد محدش عايز دا يحصل ابدا و لا عايز حاجة وحشة تحصل ليه أو لأى حد بيحبه.. فى حملة اننا كلنا نوحد الدعاء يوم سبعةو عشرين27 رمضان ع الفطار بالرحمة من وباء انفلونزا الخنازير.. تخيل لما مسلمين كتير يدعو نفس الدعوة.. هيبقى فى ساعة متواصلة ناس بتدعى نفس الدعوة منهم صالحين ا ش ا.. و مفيش حاجة بعيد عن ربنا.. دا لينك الجروب ع الفيس بوك اشترك و ابعت دعوات و انشر الفكرة على قد ماتقدر ارجوك http://www.facebook.com/group.php?gid=124302732892&ref=ts
شكرا :)

الشعب لابد له من حكومه تشكمه يقول...

تليفون ارضى؟ تليفون ارضى؟
انت تقصد الجهاز ابو زراير ده وفى سلك طالع منه داخل فى الحيطه؟؟؟؟؟؟؟
عرفته عرفته بشوفه عندنا فى الصاله بس تصدق بقالى كتير اوى مستخدمتوش:))
يامؤمن بالله عليك الدقيقه بشلن وهنتكلم ارضى!!!!!!
بس عارف الحل ايه المفروض يجيبوا واحد لكل مواطن واول متمسك الموبايل يطلعولك الناس بتوع الاعلانات اللى بيقولوا (مممممممممممم تؤ تؤ)ويكهربوك اه لازم تتكهرب علشان تسيب الموبايل وامسك الارضى اصل مفيش واحد عاقل يمسك الارضى كده...
دعوه وانشرها نكهرب الشعب كله علشان يتكلم ارضى واهو بالمره نمشى على الموضه ونعمل كلنا شعرنا سبايكى:)))

وانت عامل ايه دلوقت؟

حبيبة الروح يقول...

عارفه اني تاخرت في الرد بس كان معايا فون
هههههههههههههههههههههههه
بص يا سيدي مفيش شركه محمول بتخسر معلومه جديده محدش يعرفها كلام في سرك هما بيكسبو من الرسايل لانهم مش بيتحاسبو عليها
اي والله
عشان كدا الرسايل غاليه زي مهي والدقيقه بتنزل ويضربو بعض بيها

اما بقي بالنسبه لشركات الصلصات دي
فا عادي يعني بزمتك عمرك شوفت شكره المفروض انها اساسيه وحكوميه بتدلل علي حد يشترك فيها وهي ملهاش منافسين يعتبر يعني
ده دليل علي انهم افلسو خلاويص جايبين ناس تنعر جنب الي يحاول يتكلم في المحمول
يا حرام
الله يرحمهم بقي
وعلي رائيك علي الاكل شكره المحمول مش بتعمل اشتراكات توصل لحاجه وستين من غير ولا كلمه يوم لما تحب تتكلم اذا اكن بشلن ولا حتي ب30 قرش هيبقي اوفر واحسن وهتجيب الي عايز تكلمه حتي لو كان فين يلا بقي كفايه رغي
العداد بيعد
هههههههههههههههههههههههههههههههه
وكلمني علي فوده وصلصات وام نبيل
سلام

مسدس صغير يقول...

دكتورة سمرمر
فعلا انفلونزا الخنازير خطر بيهدد مصر كلها
ربنا يستر
معاكى حق طبعا
اننا نوحد الدعاء
برفع الداء والوباء عن مصرنا الكريمة
اشكرك على الدعوة
فكرة رائعة احييكى عليها
جزاكم الله خيرا

مسدس صغير يقول...

الشعب لابد له من حكومة
ههههههه
ايون هوه ده
اللى ليه سلك خارج من الحيطة
ههههههه
بشوفه انا كمان فى الصالة احيانا او تحت الكنبه
فعلا الاعلان بتاعهم اللى يكهرب ده حاجة تخض
هههههه
لا لا لا امممممممم
مش بردة بيقولو كده؟
اه
مكهربينا طول حياتنا حتى فى الفواتير
ربنا يقطع كهربتهم
يلا لله الامر
اشكرك على التعليق
نورتينى

مسدس صغير يقول...

حبيبة الروح
هههههههه
وخلصتى الفون وللا لسه؟
طب حمد الله ع السلامة
لا دى معلومة جديدة
معقولة مفيش شركة محمول بتخسر؟؟
هههههه
فعلا معاكى حق
ايه الشركة اللى بتقعد تعمل اعلانات وتدلل دى وهيه اساسا محتكرة السوق ومفيش غيرها؟؟
غريبة
هههه
يلا رقبنا يرحمنا منهم
اشكرك على التعليق
نورتينى

قلم رصاص يقول...

هههههههههههههههه

حزب اعداء الاتصال

ياعم مالك انت ومال المصرية للاتصالات
خليك في الاسرائيلية للاتصالات عروضها افضل
وبعدين دول جنبنا خالص المسافة قصيرة جدا
تقدر تجيب سلك من اسرائيل وتعديه من تحت قناة السويس زي ماهما عاوزين ياخدوا مية النيل من تحت البحر الاحمر

نيجي بقى للتليفون الأرضي .. الا صحيح على رأي الشعب لابد من حكومة تشكمه .. مش هو ده البتاع ابو زراير اللي بيبقى دايما موجود في الصالة ههههههههههههههههه

العجيب في الامر كمان .. انك لو عليك فواتير كتير ونويت تسيب الخط وتحيب خط جديد باعتباره ارخص واوفر.. يقولك لأ .. لااااااااااازم تدفع القديم والا هيعملولك قضية وفيها محكمة ومش هنخلص
هههههههههههههههههه

فعلا السرقة في مصر بالقاااااااانون على رأي الدكتورة ستيته

تقدر تقولي ايه اللي موقفك لي على السكك كده.. انا مش بعرف اروح اي مشوار منك .. وبتذاكر من ورايا .. ماشي ماشي هههههههههههههه

كل سنة وانت طيب ياصاحبي

مسدس صغير يقول...

قم رصاص
انت لسه فاكر؟؟
ههههههه
عندكو الاتصالات متأخرة وعشان كده عملت الموضوع ده
انما عندنا كله تمام ومفيش مشكلة والاتصالات حلوة خالص
ههههههه
ذاكر يا موس
خللى المذاكرة تنفعك
انت شفتنى وانا بتفقد احوال الرعية
ههههههه
اشكرك على التعليق
كل سنة وانت طيب
والعيد فرحة
نورتنى

غير معرف يقول...

goyard bags
supreme
paul george shoes
golden goose
golden goose
goyard outlet
bape hoodie
fear of god clothing
supreme new york
kevin durant shoes