الأربعاء، 16 سبتمبر، 2009

تصريحات السادة الوزراء


موضوع انفلونزا الخنازير ده مادة كويسة جدا ليظهر كل وزير مهما كان تخصصه
ويتكلم عن علاقة وزارته بالخنازير اقصد بانفلونزا الخنازير
يعنى مثلا وزير المالية يتكلم عن تكبد الدولة خسائر مالية فى الازمة دى
ووزير الصحة يتكلم عن صحة المواطنين
ووزير الزراعة يتكلم عن صحة الخنازير
ووزير الموارد المائية يتكلم عن امكانية نقل العدوى عن طريق مياه الشرب
ووزير التضامن الاجتماعى يتكلم عن تضامنه مع المصابين قلبا وقالبا
ووزير التعليم يتكلم عن الدراسة وتأجيلها وأمكانية الغائها كمان
ووزير الخارجية يتكلم عن المصريين العائدين من الخارج واللى ممكن يكونو مصابين بالانفلونزا
وشيخ الازهر والمفتى يتكلمو فى مشروعية الحج والعمرة من عدمه
ووزير السياحة يتكلم عن السياح اللى ممكن يكونو حاملين للفيرس
ووزير الاستثمار يتكلم عن تأثر الاستثمارات الاجنبية فى مصر بسبب ظهور انفلونزا الخنازير
ووزير النقل والمواصلات يتكلم عن نقل سريع للتاميفلو بس اول مييجى من امريكا فى منتصف اكتوبر
ووزير الداخلية يأمر رجال المرور بأنهم يساعدو على تفضية الطرق
وعدم الزحام فى الشوارع لعدم انتشار المرض
ووزير الاعلام يتكلم عن الممثلين اللى اصيبو بانفلونزا الخنازير وبيحذر الممثلين منهم وكده يعنى

انتو عارفين برغم كل التحذيرات من كل الوزارات المختلفة علاوة على المفتى وشيخ الازهر
الحاجة اللى مضايقانى حاجة وحدة بس وهى انهم بيقولو عايزين يلغو الحج السنادى وده انا مش معترض عليه
وعايزين يلغو الكتاتيب فى المساجد وفى دور التحفيظ وانا بردة مش معترض
وعايزين يشوفو حل فى خطبة الجمعة وبردة انا مش معترض
وعايزين يلغو الدراسة وبردة انا مش معترض و و و و و و و
انا مش معترض .

بس الادهى والأمر انهم يقولو كاس العالم للشباب لن يتأثر بانفلونزا الخنازير وعايزين الجماهير تملا الاستادات
كمان يقولو السينمات لن تتأثر بانفلونزا الخنازير خاصة فى فترة العيد وهى فترة ازدحام للسينمات

مش فاهم يعنى؟؟
ازاى ده؟؟

يعنى السينمات والاستادات معاها حصانة؟؟
طب لو الحكاية كده مندّى الحصانة دى للمساجد والكتاتيب والحرمين والشوارع والمدارس وخلافه ولو مفيش حصانة؟؟
يبقى ده تهريج

بس فيه سؤال بسيط؟؟
هيه الحصانة بتاعة السينمات والاستادات من أى نوع من الحصانات؟؟
حصانة برلمانية وللا قضائية وللا دبلوماسية وللا نوع خاص؟؟
ربنا يستر

هناك 68 تعليقًا:

adel يقول...

لا برنس
دي حصانة الفلوس و التتيس للشعب

يعني حاجة بتجيب فلوس
يعني هما ممنعوش السياح ليه يدخلوا اصلا ؟؟
وعلي فكرة الاجراءات اللي في المطارات اشاسا قلت ... وحتي الموظفين نفسهم اغلبهم ولا بيلبسوا كمامات ولا حاجة

يعني مدام في برادس .... خلاص يامعلم
اتجمع براحتك ....
ان شاء الله تستورد خنزير مصاب بالمرض حتي
ههههههههههه

ميرام يقول...

(:
حصــانه وخــلاص
مش لازم تركز
(:
وبعدين بجد شعب جاحد
الحق على الحكومة الي عايزة ترفه عليكم
(:
تحيـــــاتي

عاشقة الأحزان يقول...

ههههههههههههه

والله مش عارفه اقولك ايه
كل يوم تصريحات ونيله وهباب ومحدش عارف مين الصح ومين الغلط بجد انا تعبت قووى من التفكير فى الحوارات دى
ربنا يستر علينا

كل سنه وحضرتك طيب
سلامى
ايناس

أحمـــــــــــــد أبو العلا يقول...

لا لا لا لااااااااااا
انت عايز تجيب المساجد زي السينمات ولا ايه
لا ياراجل, ده كلام برضه

انت متعرفش اننا في مصر مثلا مش بنسمح بقنوات دينيه ومش بنسمح غير بقنوان هشك وهشتكه؟
طب ماهي ديه هيا ديه

اللي منع الدين في الاعلام, يمنع الصلاه في المسجد ويحلل دالسنما

وسلملي على الخنزير ابو ورده حمرا وهوا ماشي بيتمخطر على الطريق

الشعب لابد له من حكومه تشكمه يقول...

انت غريب غريب غريب ثم عجيب عجيب عجيب
انت اتجننت؟؟؟؟؟؟؟
انت بتقااااارن السينماااا بالمسجد؟ وبتقارن صلاة الجمعه بالكوره؟؟؟؟؟؟؟؟؟؟؟؟؟؟؟
لا اتجننت فعلا......

norahaty يقول...

يمكن دى
اماكن قاعد فيها
(بوبــــــوس)وشركاه
وبالتالى فيرس الانفلونزا
بيخاف على نفسه منهم
وما بيقربش معهم؟

norahaty يقول...

وماتسألنيش مين
مين (بوبوس وشركاه)
انت عارف كويــس
طب هـــات ودنك
وانـــا أقولك
(ابليس يعنى)

e_emy يقول...

لنا الله ..

بدراوى يقول...

صلاح باشا
بص بيفكروا كمان
مجلس الشعب يتلغى
على اساس ان 500 او 444 عضو
لو واحد فيهم بس عطس
المجلس حيتلبش
و حتبقى واقعة سودة
و التشريعات كلها
حتبقى زى الفل
تشريعات متفيرسة

بس عندك حق المفروض يلغوا كل شىء
تعليم و حج و سينما و كتاتيب
و كل شىء
و كورة كمان
و قهاوى و حضن كبير عشان الواد
اللى شاط الكورة و جاب جون
و الحضن يجيب فيروسات
و كلنا لها

مصري جدا يقول...

اعتراض شكلي وقبل الدخول في الموضوع

السادة الحلاليف اصح ولايقة اكتر

في الموضوع بئا

متوقع اية من الحلاليف يا مولانا؟

ستيته حسب الله الحمش يقول...

السينيما
الإستاد
الهلس
دول ياعم مش بيجيبوا امراض
دول بيطروا على القلب وبيكون ليهم هدف قومي
الا وهو إلتحام قوي الشعب العاملة

لكن بقى العبادات دي كل اللي ها يروحها ها يكون مبتلى
مش المؤمن مصاب :))

عاشقة الأحزان يقول...

احم احم

انا جايا اقول

ياناس ياشر كفايه قر
هههههههههههههههههههههه


ابقا علق وانت ساكت
انا هجيب خرزة زرقاء واعلقها على باب المدونه واللى يحصل يحصل
هههههههههههههههههههههههههه

سلاموز ياصاحبى

عاشقة الأحزان يقول...

انا وضعت ليك خرزقه زرقه بالمدونه ابقا ادخل شوفها

ههههههههههههههههههههه

واول ما تدخل برجلك اليمين

ماشى منتظراك

يلا سلام يا ابو عين مدورة

هههههههههههههههههههههه

صبرني يارب يقول...

خليهم يحسبوها بالدرهم والدينار

لما هايتقلب على دماغهم ان شاء الله

وبعدين يلا يارب الى يروح سينمات والبتع التاني بتاع الكوره ده يغوروا

حتى يريحوا الشعب شويه

بلد غريبه وربنا

funckydoctor يقول...

البيزنيس أهم حاجة عندنا
ربنا يعوض علينا

مسدس صغير يقول...

عادل
فعلا دى حصانى الفلوس والتهييس
اجراءات مين والناس نيمين؟
ولا كمامات ولا يحزنون
هههههههه
حتى لو جابو خنازير مصابة
ههههههه
حلوة دى
جميل تعليقك يا دولا
نورت

مسدس صغير يقول...

ميرام
انا اعترف اننا شعب جاحد
مش كفاية اننا عايشين
خلاص
بصرة
هههههه
نورتى

مسدس صغير يقول...

عاشقة الاحزان
حوارات وتصريحات وكان الله بالسر عليم
انا عارف انتى انتى تعبتى من التصريحات
هههههههه
80 مليون فى رقبتك ربنا يكون فى عونك
ههههههههه
اشكرك على التعليق
نورتينى

شوكولاتة يقول...

انت عارف بقى انا نفسي يلغوا ايه علشا نرتاح شوية
جلسات مجلس الشعب
المؤتمرات الصحفية بتاعت الوزرا اللي بيطلعو يشلونا فيها دي
اجتماعات مجلس الوزرا اللي دايما بيتحفنا بقراراته
الدوري العام

بوستك هايل موووت ياصلاح
كل سنة وأنت طيب

مسدس صغير يقول...

فعلا
اذاى نساوى المساجد بالسينمات والماتشات؟؟
تصدق ان انا مليش حق
هههههه
يلا ربنا يسترنا
اشكرك على التعليق
نورتنى

مسدس صغير يقول...

الشعب لابد له من حكومه تشكمه
انت غريب يا هانى
هو انا ساويت؟؟
محصلش طبعا
الماتش اولى
والسينما اولى
ههههه
اشكرك على التعليق
نورتينى

مسدس صغير يقول...

نوراهاتى

تصدقى ممكن

ههههههههه

مسدس صغير يقول...

نوراهاتى
كنت لسه هسألك مين بوبوس وشركاه
اصلى عارف شركاه بس مش عارف بوبوس
هههههههه
ربنا يحمينا من شر بوبوس واهم حاجة شركاه
اشكرك على التعليق
نورتينى

مسدس صغير يقول...

ايمى
لنا الله
وكفى
اشكرك على التعليق
نورتينى

مسدس صغير يقول...

بدراوى
تصدق فكرة
بالمرة يلغو مجلس الشعب والشورى
لعد انتشار الفيرس
ههههههههه
اعضاء مجلس الشعب 454 عضو وكمان زيادة كام وستين حرمه يعنى الموضوع كبير بصراحة
هههههه
وفعلا يلغو كل حاجة انا رأى يلغو البلد سنتين تلاته وبعدين نرجع
هههههه
اشكرك على التعليق
نورتنى

مسدس صغير يقول...

مصرى جدا
هههههههههه
السادة الحلاليف؟
ممكن
هههههه
احييك على الفكرة وهنعرضها على مجلس الشعب
اشكرك على التعليق
نورتنى

مسدس صغير يقول...

ستيته
طبعا المؤمن مصاب
بس مصاب فى الجوامع والكتاتيب والحج والعمرة
انما مش مصاب فى الاستاد والسينما
عرفتى بقى؟
هههههههه
اشكرك يا دكتور على التعليق
نورتينى

مسدس صغير يقول...

عاشقة الاحزان
هههههههههههههههه
طب هاتيلى وحدة
جايباها منين؟
ههههههههه
مين ده اللى شر وقر ؟
انا؟
هههههههه
دا انا غلبااااان
150 تعليق بعد البوست بنص ساعة؟؟؟؟؟
ايه الافترا ده؟

مسدس صغير يقول...

عاشقة الاحزان
ههههههههه
جايبالى خرزة زرقا مخصوص؟؟
ههههههه
ماشى
هدخل واشوفها
اشكرك على الخرزة
هههههههه
كل دى تعليقاااات؟؟
دا انا غلبااااان
هههههههه
نورتينى

مسدس صغير يقول...

صبرنى يارب
هههههههههه
لا لا بلاش
ربنا يهديهم احسن
صح؟؟
ههههههههه
فعلا بلد غريبة
انت غريب يا هانى
ههههه
اشكرك على التعليق
نورتينى

مسدس صغير يقول...

فانكى دكتور
فعلا البزنس اهم حاجة
انا رأيى اللى يروح يصلى يدفع خمسة جنية ويسيبو المساجد مفتوحة
اشكرك على التعليق
نورتنى

مسدس صغير يقول...

شوكولاته
ههههههههههه
مش موووت ولا حاجة
ههههههه
حلو اوى انا عارف
هههههه
متواضع؟
فعلا ياريت يلغو مجلس الشعب خالص
ويلغو مجلس الوزرا
للحفاظ على عدم انتشار الفيرس
مقصدش حاجة
ههههههه
اشكرك على التعليق جداااا
نورتينى

قلم رصاص يقول...

أقول لك ياسيدي دي حصانة من نوع ايه

دي اسمها "الحصانة الذكية "

ودي موطنها الأصلي مجلس الوزراء المصري
بس بدأت تنتتشر ههههههههههههه


ودي بقى مش مقررة الا للحاجات اللي متزعلش الحكومة من الشعب .. زي مثلا خاطر الفنانين الشرفاء .. وخاطر لاعبي الكرة .. وخاطر السياح الأجانب .. وخاطر ممثلي سيد قراره !

يا اخي بلاش حقد بقى

سيب الحكومة تشوف شغلها بقى

الناس خلاص قربوا ينهوا شغلهم ويخلصوا على الشعب واحد واحد .. وانت قاعد لهم كده زي ناقر ونقير

هههههههههههههههههه

والعيد فرحة

تصور فرحة دي في بلدنا برضه زي حلوة

هههههههههههههههههه

امكانيات فكرية بعيد عنكوا

هههههههههههههههههه

سلام ياصاحبي

عاشقة الأحزان يقول...

ماشى ماشى
وربنا لأنيمك من المغرب وقفلك ام المدونه دى انت ما تعرفش عينى لما بتحسد بقا
هههههههههههههههههههههههههه
انت مش غلبان ولا حاجه انت عينيك مدورة قووووووووووووووووووى

هوريك انا وراك والزمن طويل
هههههههههه
ربنا يسمحك

أم مالك يقول...

طبعا اهم حاجة عندهم الفلوس
اااااااااااااااه يابلد
ربنا يهدى
وكل سنة وانت طيب

mimi يقول...
أزال المؤلف هذا التعليق.
mimi يقول...

بلاش السينمات

بلاش الاستاد

وبلاش الجوامع

عملوا إيه في مترو الأنفاق والمواصلات ؟

عملوا إيه في المصالح الحكومية والهيئات؟

عملوا إيه في الشوارع والباصات وأماكن التجمعات؟

نشروا بوسترات وعلقوا يافتات

ولا قفلوا مطارات ولا لغوا رحلات

الله يخرب بيت حكومتنا بالذات

mahasen saber يقول...

سيبوا الساده الوزراء يقولوا اليى عايزين يقولوه ويصرحوا زى ما يصرحوا

واصلا اصلا يا شعب عايز الضرب بالعصا انتوا

احمدوا ربنا ان وزرائكوا بياخدوا من وقتهم الثمين والملظلظ وبيفكروا فيكوا

مسدس صغير يقول...

قلم رصاص
هيه الحصانة الذكية وصلت عندكو بردة؟
ههههههههه
اصلها فى المجلس الموقر بس
هههههه
على رأيك دعهم يعملون فى صمت
والصمت علامة الرضا
وكده رضا اوى
ههههههه
على رأيك العيد فرحة
كمان فرحة؟
ههههههههه
دى حاجة حلوة خالص
تمام اوى
اشكرك على التعليق
نورتنى
كل سنة وانت طيب
وابقى ردلى رسالة العيد اللى انا باعتهالك بس بلاش من على بص وطل عشان خاطرى
ههههههههههههه
نورت

مسدس صغير يقول...

عاشقة الاحزان
ههههههههههه
هتعملى ايه يعنى؟
انتى كمان عينيك مدورة؟؟
هههههههه
بصرة
خالصين
ونشوف الاقوى مين بقى
هههههه
اشكرك على الأر
نورتينى

مسدس صغير يقول...

ام مالك
بيزنس فعلا
ربنا يهدى
كل سنة وانتى طيبة وبخير
نورتينى

مسدس صغير يقول...

ميمايا
هههههههه
دا انتى مكبوتة وجاية تطلعى كبتك عندى
طب انا ذنبى ايه؟؟
هههههههههههه
مش انا
اهى
انا عارفها
وعارف اسمها بالكامل
ههههههههه
على رأيك هيعملو ايه فى المترو والباصات والزحام بتاع القاهرة
ربنا يستر
اشكرك على التعليق
نورتينى

مسدس صغير يقول...

محاسن صابر
فعلا معاكى حق
الشعب ده مبيرحمش
السادة الوزرا هيعملو ايه وللا ايه بس؟
ههههههه
ربنا يعينهم
اشكرك على التعليق
نورتينى
كل سنة وانتى طيبة

دموع القمر يقول...

مساجد ايه ياراجل وكلام فاضى ايه

انت عايز تساوى المسجد زى السينما والهشك بشك عيب عليك

وبعدين متركزش معاهم علشان متهيسش

وبعدين
انت متعرفش

شكلك كدا مش عايش فى الدنيا

السينما والمسرح والاستاد وكل الحاجات اللى بتجيب فلوس دى
اللى يدخلها ميصبش بالمرض
علشان فيها حصانة
وبيسلموا مع كل دسكرة عبوة فلت بتحمىهم من المرض

ههههههه الصيام مأثر علينا ولا اييييه

تحياتى لك

فشكووول يقول...

السلام عليكم
صوما مقبولا وافطارا شهيا ويعيد الله عليكم رمضان بكل خير

كل سنه وانت بخير وعيد سعيد ويعيده الله عليك بالخير واليمن والبركات

norahaty يقول...

السلام عليكم ورحمة
الله تعالى وبركاته
وكل عام وأنتم بخير
عيد سعيد وعمر مديد
فى طاعة الله والعمل الصالح
كل سنة وانت طيب يامسدس
والسنة الجاية تبقى صاروخ
عابر للقارات وقاهر للظلمات.

enjy يقول...

لالالا بص هما عندهم حق

تعالى نفكر فيها كدة فعلا المساجد والحج حاجات ضرورية وشبه ثابتة فلازم نحذر منها...لكن السنمات والاستاد دة ترفيه و دلع...اظن اللى عايز يتدلع ويمرض هو حر لكن مش هنمنعهم بالعافية عن الدلع وكل واحد عقله فى راسه


بس عجبنى اوى اول البوست اوةى اوى يعنى

MǿиY El-Shreef يقول...

ايه ياصلاح هي جديده يعني

ماهو كله سبوبه يابني وبعدين انت مش عارف نغمة المنتخب الوطني دي يعني الي يروح يشجعه ومات يبقى مات شهيد فدا الوطن :D

ياراجل ماتحرقش دمك هو الحرب على دينا جه من شويه

كل سنه وانت طيب يا صلاح

Ana Keda يقول...

صباح الفل يا معلم ومن غير ضرب نار وكل سنة وانت طيب وعيد سعيد بس حاسب تنزل (كحك) لتقع ههههههههه
ليه يا معلم الكلام الكبير ده ؟ افرض مثلا انهم هايخلوا طيارات هليكوبتر ترش الاستاد ببيتادين او هايبخروا الاستاد من فوق
ونبقى قاعدين بنتفرج عالماتش نلاقي المذيع بيقول حبرشني يا حبرشني ههههه .

بدراوى يقول...

عيد سعيد يا صلاح باشا
و يارب كله خير و صحة ليك
:-)

Soul.o0o.Whisper يقول...

طب الحمد لله ان لسه وزير الاتصالات ما أدلاش بدلوه و قال هنقطع خطوط النت منعا لاحتمالية انتقاله عبر الشبكة العنكبوتية

و ربنا يرحمنا من افتكاسات قصدىىىىى تصريحات السادة الوزراء


كل سنة و انت طيب
و عيد سعيد عليك رغم انف انفلونزا الخنازير :)

دمت بكل خير

تامر علي يقول...

كل عام وانتم بخير

عيد سعيد عليكم وعلى الأسرة الكريمة

تحياتي :)

مسدس صغير يقول...

دموع القمر
على رأيك هوه المسجد زى السينما بردة؟
هههه
بالنسبة لموضوع ان الحاجات دى بتجيب فلوس طب احنا ممكن نلم فلوس من الجامع ونديهالهم بردة
ههههه
ممكن
كل سنة وانتى طيبة
عيد سعيد
نورتينى

مسدس صغير يقول...

فشكول
كل سنة وانت طيب
ربنا يكرمك
عيد سعيد عليك وع الاسرة الكريمة
نورتنى

مسدس صغير يقول...

نوراهاتى
اشكرك على الكلام الجميل
كل سنة وانتى طيبة
عيد سعيد عليكى
وع الاسرة الكريمة
نورتينى

مسدس صغير يقول...

انجى
اتفضلى ميغلاش عليكى اول البوست واخره كمان
هههههههههه
كل سنة وانتى طيبة
عيد سعيد عليكى وع الاسرة الكريمة
نورتينى

مسدس صغير يقول...

مونى الشريف
ههههههههه
فعلا فكرة
هيه حاجة زى كده سبوبه
ربنا يرزقهم
هههههههه
كل سنة وانتى طيبة
عيد سعيد عليكى وع الاسرة الكريمة
نورتينى

مسدس صغير يقول...

انا كده
هههههههههه
ممكن يجيبو طيارات ويرشو الاستادات بيرسول عشان الناموس
ههههههه
كل سنة وانت طيب
عيد سعيد
اشكرك ع التعليق
نورتنى

مسدس صغير يقول...

بدراوى
عيد سعيد عليك وع الاسرة الكريمة
اشكرك على التعليق
كل سنة وانت طيب
نورتنى

مسدس صغير يقول...

دكتور سول
هههههههه
فال الله ولا فالك
سيبيه ناسى
كله الا النت
ههههههههههه
كل سنة وانتى طيبة وفى خير
عيد سعيد عليكى وع الاسرة الكريمة
اشكرك على التعليق
نورتينى

مسدس صغير يقول...

تامر على
كل سنة وانت طيب
عيد سعيد عليك وع الاسرة الكريمة
نورتنى

خالد فوده يقول...

كل سنه وانت طيبببببببب وسنه سعيده عليك وعلينااااااااااااااااا

أسيرة اللوحة يقول...

اي و الله ربنا يستر ,,
هالمرض كشف الحقائق و التزييف في الدين ,,

من حقنا نعترض عن ايقاف الحج ,,
و هالسنة بالذات راح احج باذن الله ,,
حتى لو فيها الموت نموت و احنا نحج افضل من اننا نموت و احنا نتابع فيلم او نشجع كوره ,,

ربي ينصرنا و يردها فيهم ,,
تروق لي مواضيعك و نقدك البناء ,,
دمت بخير ^^

مسدس صغير يقول...

خالد فودة
كل سنة وانت طيب
عيد سعيد

مسدس صغير يقول...

اسيرة اللوحة
فعلا وضح حاجات كتير مكناش اخدين بالنا منها
ربنا يكتبهالنا جميعا
حجى على بركة الله
وربنا يسلمك من كل سؤ
اشكرك على التعليق الجميل
والكلام الاجمل
نورتينى بجد

ghada badr يقول...

تنظيف منازل بالرياض
شركات نقل الاثاث الرياض
شركة تنظيف الموكيت بالرياض
تنظيف فلل
تنظيف خزانات بجدة
شركات تنظيف خزانات الرياض
شركة تنظيف خزانات
شركات نظافة بالرياض
شركه نظافه في جدة
شركات مكافحة الحشرات جدة
شركة مكافحة حشرات بجدة
شركات تنظيف فى جدة
شركة كشف تسربات
click here
click here
click here
click here

soma taha يقول...

I'll just bookmark this web site.
http://www.prokr.net/2016/09/get-rid-of-cockroaches-8.html
http://www.prokr.net/2016/09/get-rid-of-cockroaches-7.html
http://www.prokr.net/2016/09/get-rid-of-cockroaches-6.html
http://www.prokr.net/2016/09/get-rid-of-cockroaches-5.html

roba gad يقول...


http://www.prokr.net/2016/09/tatters-cleaning-companies-11.html
http://www.prokr.net/2016/09/tatters-cleaning-companies-10.html
http://www.prokr.net/2016/09/tatters-cleaning-companies-9.html
http://www.prokr.net/2016/09/tatters-cleaning-companies-8.html
http://www.prokr.net/2016/09/tatters-cleaning-companies-7.html
http://www.prokr.net/2016/09/tatters-cleaning-companies-6.html
http://www.prokr.net/2016/09/tatters-cleaning-companies-5.html
http://www.prokr.net/2016/09/tatters-cleaning-companies-2.html
http://www.prokr.net/2016/09/tatters-cleaning-companies.html