الثلاثاء، 25 أغسطس 2009

إمتى أرتاح؟




أنا كل مقول ارتحت

الاقى الدنيا

ضحكتلى ضحكة استهزاء

والاقى نفسى نازل فوق

وافوق من وهمى

وانا طالع على تحت



وانا ملح ..

والاقى الدنيا بتدوبنى

وانا ف الدنيا دايب دوب

وكان الكره متغرب

ودالوقتى الاقى

الكره ده محبوب

لا انا عايش ولا ميت

حياه فى النص معرفهاش

حياتى مالية فكرى عيوب


اموت من خوفى من نفسى

وعمرى مخفت .. على نفسى

حكمت وحكمى مش عادل

بسجن طويل على نفسى

وحابس نفسى جوة ضلوعى

وراضى بقسمتى وحبسى

وواخد نجمتى ويايا

معلم أخرتى بحكاية



دا انا العايش ومش دارى

بإنّى الناسى اسرارى

ومش فاكرشوقة ع الفاضى

مخبى ولسه القلب بيدارى



وعجبى ..

على قلب فضاء ومش للبيع

وبيعه بسرعة

أوام ليضيع

مفيش شارى وانا الشارى

ومييين؟؟

ممكن يسيب قلبه

وياخد منى قلب حزين!

وقلت مزاد

والاقى مزادى بيقل

ومش بيزيد

قعدت ف حيرة وبفكر

واقول يا نفسى

هنا الناس عارفة

أروح وابيعه فى ارض بعيد!!

ولو بعته !

أجيب فى الرجعة قلب جديد

مفيش شارى

وكونى ابيعه صعب اكيد

مفيش شارى

مفيش شارى
*
*




هناك 49 تعليقًا:

adel يقول...

ياعم رضمان كريم
بلاش تبعيه و انزل ساعة الفطار اديه لاي عربية معدية
:):):)
وبعدين ايه الكلام الجامد ده

بس فيه سطر وهمي قوي
طبعا عارفة :)
----
حكمت وحكمى مش عادل
----
اسمي منووووووور
هههههههههه

بس حلوة بجد

noon kiko يقول...

بتفكرنى باغنية منير حد عايز قلب فاضى
طبعا مفيش حد دلوقتى بيشترى اى حاجه اصلا لان الناس متعرفش غير انها تبيع

الكراهيه دى لغة العصر زى الانترنت والانجليزى
عايز حل

خد خيالاتك كده على جمب واسجنها على سطورك ف ركن مغلق جواك ومتديهاش غير لحد يقدرها

معلش اصل الزمن ده مش زمننا بس مضطرين نسايره

explosion يقول...

انا شاري
انا شاري

Unknown يقول...

جميل يا مسدس باشا
انت قولتلى اسمك ايه
مش فاكر معلش
؟!!

ستيتة يقول...

هو الصيام اللي بيطلع الجمال ده كله؟
حلوة يا صاصا
تسلم ايدك
بس حزينة شوية ومكسورة
اي نعم واقعية جدا وكل منا ممكن يقولها بصدق شديد
بس مش عارفة مش حاساك بتقولها ابدا

مجرد رأي سخصي طبعا لا يمنعني من الإعجاب الشديد بها

تحياتي

د. ياسر عمر عبد الفتاح يقول...

إيه الجمال ده
إيه الحلاوة دي
يا سلالالام عليك يا صلاح يا عميري
هيه دي هيه ,,
:)

لا حلوة حقيقي
حلوة حولة يعني

شفت بقي ..
من ساعة ما عرفتني وإنت بقيت بتكتب شعر كويس :)
لا بجد تسلم الأيادي

ومتبقاش تغيب علينا بقي
متتقلش يعني ;)

حلم بيعافر يقول...

ربنا يريح قلبك يابوصلاح
كل سنة وانت طيب

Kiara يقول...

بكره تلاقي الشاري بس في وقته المناسب اصل البيع محتاج صبر وان شاء الله تكسب قلب جديد يبدل كل القديم ويرجع النبض من جديد ويبقي كانه ولا اتعذب ولا تعب في يوم وتكون الحياه جميله زي مابتتمني كل القلوب

كل سنه وانت طيب

وفرصه رمضان ضيفنا ادعي وقول لرب العباد كل اللي جواك وهترتاح عرفت امتي ترتاح ولا لسه :)

e_emy يقول...

هترتاح ان شاء الله

بس لازم علشان نرتاح نعرف قلة الراحه

ف بلاش تبيع بقى

بس شويه صبــر لأن اكيد كل حاجه بتيجى ف ميعادها طعمها هيبقى احلى ..

وكل سنة وانت طيب (:

غير معرف يقول...

أصبر وماتسعجلش

ولا يجرمنكم استبطاء امر على استعجالة


هيجي هيجي

هيروح فين

بس اصبر

المهم أما يجي حالتك هتكون ازاي

مستني وجاهز
ولا خلاص بعت وقضي الامر

غير معرف يقول...

عيد الراجحي
كل سنه وانت طيب يا استاذ صلاح مع انك مش بترد علي تعليقاتي (ماعلينا)

اموت من خوفى من نفسى

وعمرى مخفت .. على نفسى

حكمت وحكمى مش عادل

بسجن طويل على نفسى

وحابس نفسى جوة ضلوعى

وراضى بقسمتى وحبسى

وواخد نجمتى ويايا

معلم أخرتى بحكاية

في كل قصيده بتثبت انك عديت مرحله الهوايه واصبحت نجم ف الاحتراف
قصيده فعلا تستحق القراءه والتعليق وامتي نشوف كلامك في ديوان مش بعيده علي ربنا بس ادعي

قلم رصاص يقول...

الله الله الله يابوصلاح

الكلام جميل طبعا مفيش كلام
والقلب عاشقك من غير خِصام
من يومك والشعر قاتلك
بس ياترى ايه اخبار تمام

هههههههههههههههههههههههههه

انت جرالك ايه يابني
ما انت مكلمني ساعتهت وكنت بعقلك لسه
جرالك ايه بس بعدها
لاحول ولا قوة الا بالله

والله الواد كان تمام هههههههههههه

وكمان تأجل الزيارة لأسباب غامضه وتطلع في الاخر لابد في الدره بتكتب شعر
طب والله لا بلغ الزراعه وانت حر
ههههههههههههههههه

ويمسكوك متلبس بجريمة كتابة شعر على أرض زراعية ههههههههههههههههه

المهم : فكك بقى من الجو ده واستعد للدبلوم .. كده والله انت بتهرج جدا ومش في حالتك الطبيعية .. المدونة مش هتطير ولاحد هيخطفها اطمن انا قاعد حارسهاللك اهه هههههههههههه

في حفظ الله

مسدس صغير يقول...

عادل
هههههههههه
على رأيك اتصدق بيه
واهو كله بثوابه
ولا جامد ولا بتاع
هههههههه
اى خدمة
مقدرش انساك فى اى قصيدة بعد كده هتلاقى اسمك منور
متشكرين يا عم عادل
منورنى والله

فشكووول يقول...

ازيك يا صلاح

انا يا عم كفايه على قلبى اللى ساجنى فيه ومش عايز اشترى او حتى اخد قلب غيره ببلاش حتى عشان انا مش ناقص

عاد النت لى وعدت الى التدوين من يوم حديقة الازهر وانا ما عنديش نت
بس ابتدى ازور الناس كلها عشان اعيد عليهم فى رمضان وافكرهم بي عشان زمانهم فكرونى ضعت ومش راجع تانى

رمضان كريم وكل عام وانت بخير

فشكووول يقول...

ازيك يا صلاح

انا يا عم كفايه على قلبى اللى ساجنى فيه ومش عايز اشترى او حتى اخد قلب غيره ببلاش حتى عشان انا مش ناقص

عاد النت لى وعدت الى التدوين من يوم حديقة الازهر وانا ما عنديش نت
بس ابتدى ازور الناس كلها عشان اعيد عليهم فى رمضان وافكرهم بي عشان زمانهم فكرونى ضعت ومش راجع تانى

رمضان كريم وكل عام وانت بخير

مسدس صغير يقول...

وحدة من الناس
منير حتة وحدة؟
فعلا الوحش اصبح اكتر
ربنا يستر على الزمن الجاى
بس اوعى حد يفكر انى متعقد انا حلو خالص وبضحك اهوه
ههههههههههههههههههههههههههههههههههههههههههههههههههههههههه
اشكرك على التعليق
نورتينى

مسدس صغير يقول...

اكسبلوجن
طويب
وعندك واحد شارى
فلوسك؟؟
فلوسك؟؟
ههههههههه
اشكرك على التعليق
نورتينى

مسدس صغير يقول...

بدراوى
ربنا يخليك
اسمى صلاح
اى خدمة تانى؟
هههههههه
متشكرين جدا ع التعليق
نورت

مسدس صغير يقول...

ستيته
ههههههههه
استاذه فعلا
انا الحمد لله مش مكسور ولا حاجة كل حاجة زى الفل
العيش ابيااااااااااض
والمرتب كبييييييييييييير
والاتوبيس فاضىىىىىىىىىىىى
والشوارع نضيفاااااااااا
ههههههههه
ربنا يكرمك على الكلام الحلو ده
اشكرك على التعليق
نورتينى

مسدس صغير يقول...

د ياسر
حبيبى والله
ربنا يخليك ويكرمك
يا باشا انتى بتخزى العين
احنا لصوص على مائدتكم
ههههههههه
حلوة؟؟
ههههههه
كل سنة وانت طيب
متشكرين جدا ع التعليق
منقدرش نتقل على سيادتك يا حبيبى
رمضان كريم

مسدس صغير يقول...

حلم بيعافر
ربنا يكرمك
اشكرك على التعليق
كل سنة وانت طيب
نورتنى

مسدس صغير يقول...

كيارا
ربنا يكرمك
فعلا انا مؤمن بقاعدة اصولية بتقول من استعجل شئ قبل اوانه عوقب بحرمانه
عشان كده انا مش مستعجل
ههههههههه
ربنا يكرمك
رمضان كريم
كل سنة وانتى طيبة

مسدس صغير يقول...

ايمى
فعلا انا معاكى
بالضد يعرف الضد
لازم تجرب ده عشان تعرف قيمة ده
ربنا يكرمك
بس انا يا جدعان مش متعقد ولا حاجة انا زى الفله اهوه
بضحك
هههههههههههههههه
الحمد لله
ربنا يكرمك
اشكرك على التعليق
نورتينى

مسدس صغير يقول...

مصرى جدا

ولا يجرمنكم استبطاء امر على استعجالة

ربنا يكرمك
لو انا مطلعتش من البوست الا بالمقولة دى لكفى
ربنا يكرمك
اطمن انا مستنى لما تجيب اخرها
مش انا
ههههههههه
الحمد لله
بجد سعيد جدا بتعليقك يا عم المتر
نورتنى

مسدس صغير يقول...

عيد الراجحى
يا باشا والله مش مقصودة
انا اقدر مردش عليك
ربنا يكرمك على التعليق الجميل جدا ده
بجد انا ببقى سعيد جدا بتعليقاتك
ربنا يكرمك
منورنى والله
اسف لو كنت زعلان
شكرا على التعليق
نورتنى

مسدس صغير يقول...

قلم رصاص
انت تانى؟
هههههههههههه
ربنا يكرمك ع الكلام الحلو ده
انا منزل البوست ده قبل مكلمك يا عم
ثم انت زعلان ليه
اكتب شعر ونزله يا عم
انا ماسكك؟
هههههههههههه
ثم المعاد اللى اتغير بسبب قهرى هبقى اقولك عليه فى ودنك
هههههه
هذاكر يا عم فضحتنى فى المدونات
هذاكر
هذاكر
هذاكر
ههههههههههههه
فضحتنى
ربنا يسهل ان شاء الله
ادعيلى بس
متشكر جدا ع التعليق
نورتنى

غير معرف يقول...

الكلمات رائعة
ولكن تحمل حزن دفين
مش عوايدك ياابو صلاح
ولا الحزن الدفين ظهر وبان
ربنا ييسر امرك ويصلح لك الاحوال
تحياتى

مسدس صغير يقول...

فشكول
حمد الله ع السلامة
مفتقدينك يا عمنا
ربنا يرجعك بالسلامة
فعلا من حبسه لحبسه يا قلبى لا تحزن
ههههههههه
ربنا يكرمك
رمضان كريم
كل سنة وانت طيب

مسدس صغير يقول...

ام مالك
ههههههههه
انا مش حزين ولا حاجة حد يجيله رمضان ويبقى حزين
انا الحمد لله زى الفل
الطم يعنى عشان تصدقو؟؟
هههههههههههههههههه
ربنا يكرمك
اشكرك على الكلام الجميل ده
نورتنينى

خالد فوده يقول...

ايه الكلام الجامد ده
بجد روعه يا شاعر صلاح جاهين يا بني

كل سنه وانت طيب

ورمضان كرييييم

قلب ارهقته الاحلام يقول...

ايه ياصاصا ده بتبيع كمان ههههههه

مالك بس هه هه قوووووووول مش تكسف ^^

انا هعلق تعليق تاني بس دايخه وخلاص الفطار بأة :D

يلااا اروح ارتاح شوية بأة ههههه

تامر علي يقول...

كلماتك جميلة وتحمل الكثير من الاحساس والشجن

لكن أعتقد بوجود شاري :)

تحياتي :)

Unknown يقول...

مــــــــالك؟
ياأستاذ صــلاح
شكلك زعـــــلان!
سلامتك الف سلامة

مسدس صغير يقول...

خالد فودة
مش اوى كده
ربنا يخليك
متشكر جدا ع الكلام الحلو ده
منورنى والله

مسدس صغير يقول...

قلب ارهقته الاحلام
قال يعنى صايمة اوى؟
هههههههههه
خلاص
اما تفوقى من الدوخة تعالى
ههههههه
نورتى

مسدس صغير يقول...

تامر على
مين بس اللى هيشترى
هههههههه
يدخل المزاد
ههههه
ربنا يكرمك
اشكرك على التعليق
نورتنى

مسدس صغير يقول...

نوراهاتى
هههههههههه
مش زعلان ولا حاجة
مجرد كلام
متقلقيش
اشكرك على التعليق
بس بلاش استاذ دى
هههههههه
نورتينى

الشعب لابد له من حكومه تشكمه يقول...

لييييييييييه كده مش قلت انا انى مش بعرف ارد على مواضيع العاوتف والاحاسيس دى:(
بس تصدق عجبتنى اصلى زمااااان(قبل معتزل كتابة الشعر:)كنت بكتب حجات زى دى بس طبعا مش بنفس الجمال..
الا سؤال كده مفركتش تنزله فى مزاد؟ يعنى بدل متبيعه وممكن تخسر فيه او حد يدفع قليل نزله فى مزاد واللى يدفع فيه عمره كله قوله شيل ياجميل واحنا وراك هنقولك بيييييع يالطفى:))

مسدس صغير يقول...

الشعب لابد له من حكومه تشكمه
ليه مش بتفهمى فى العواتف؟؟
دى حتى لذيذة
ههههههههه
طب متورينا حاجة كده من ابداعاتك وتخلينا احنا اللى نحكم
ههههه
انا فكرت انزله فى مزاد بس بقولك لقيت المزاد بتاعه بيقل مش بيزيد
اعمل ايه يعنى
اولع فيه وارجع
وللا ادفعه رسم تأمين؟؟
هههههههه
متشكرين ع التعليق
نورتينى

شوكولاتة يقول...

المرة دي طلقة من العيار التقيل قوي
البوست بجد تحفة مووووووت
ويارب دايما متألق

بيطرية ومش بايدى يقول...

اقولك على شارى جميل ولا هتلاقى له مثيل يشترى قلبك بالغالى ولا يفرط فيه حتى ولو بعد عمر طويل انا بانصحك ونصيحة من امة فقيرة بيع قلبك للى خلقك وفوض امرك اليه والله هتلاقى راحة عمرك ماشوفتهاولو بعد حين وبعدين اصبر كلها كام يوم ويوم الحساب العظيم يجى وتعدى بسلام على الصراط المستقيم وتقابل حبيبك النبى بذمتك ياراجل قولى هترتاح ولا لأ انا من رايى دى هتبقى طلقةلالا دى رصاصة من ارب جيه ياجدع يارب يفرج همك ويزيح كربك ويكرمك ويبارك لك ف رمضان ويجعلها دايما عامرة

ساره يقول...

اموت من خوفى من نفسى
وعمرى مخفت .. على نفسى
حكمت وحكمى مش عادل
بسجن طويل على نفسى
وحابس نفسى جوة ضلوعى
وراضى بقسمتى وحبسى
وواخد نجمتى ويايا
معلم أخرتى بحكاية

صلاح انت هنا اختصرات خواطر كثيره انا كتبتها عن نفسي

مافي كلام احلى من كذا يسلم تفكيرك

ليس فقيرا من يحب يقول...

يلهوى دا انا جيت متاخر قوى

ايه الجمال ده يا عمنا

وعجبى ..
على قلب فضاء ومش للبيع
وبيعه بسرعة
أوام ليضيع
مفيش شارى وانا الشارى
ومييين؟؟
ممكن يسيب قلبه
وياخد منى قلب حزين!

لا بجد كلمات رائعه شكلك بتيجى

على الصيام ولما بتجوع بتخرج روائع

كل سنه وحضرتك طيب

منــار فايد يقول...

مين اللي قال تبيع قلبك؟؟
بدمتك هو قلب زي دا يتباع؟؟


ومزاد ايه اللي بيقل؟؟؟
انت بس جعان شويه وسكرك واطي معلش

طبعا الكلام جميل اوي جدا
ومكتوب بطريقه كويسه جدا


يارب يكرمك يارب دايما

مسدس صغير يقول...

شوكولاته
ربنا يكرمك
متشكر جدا على الكلام الحلو ده
خلاص هجيبلك شوكولاته متعيطيش
هههههههه
نورتينى

مسدس صغير يقول...

بيطرية ومش بايدها
ونعم بالله
اللهم يا مقلب القلوب ثبت قلوبنا على دينك
اشكرك على النصايح الغالية
ربنا يبارك فيكى
اشكرك على التعليق
نورتينى

مسدس صغير يقول...

سارة
والله انا مبسوط انه عجبك
ربنايبارك فيكى
انتى استاذتنا
ربنا يكرمك
اشكرك على التعليق
كل سنة وانتى طيبة
نورتينى

مسدس صغير يقول...

ليس فقيرا من يحب
ولا متأخر ولا حاجة المهم اننا نشوفك بخير
اشكرك على الكلام الحلو ده
بما ان فيه ناس بتيجى ع الصيام
معنى ذلك اننى صايم
صح؟؟
ههههههههه
ربنا يكرمك
اشكرك على التعليق
نورتينى

مسدس صغير يقول...

شباك موارب
حمد الله ع السلامة
ربنا يكرمك
اشكرك على الكلام الحلو ده
بس ده قلبى وانا عارفه يتباع عشان يتأدب
هههههههههههههه
ربنا يبارك فيكى
اشكرك على التعليق
نورتينى
وحمد الله ع السلامة