الأحد، 30 أغسطس 2009

علاقة الجمل بالخنازير


يسرى الجمل وزير التعليم هيزود المدارس بالاقنعة والكمامات وعمل غرف عزل
فى ( جميع ) المدارس تحسبا لأى اصابة فى المدارس بانفلونزا الخنازير.

ده جميل

بس يا ترى مدرسة عزبة ابو تشت الابتدائية المشتركة هتزودوها بالمواد الطبية اللازمة
والاطباء المتخصصين وغرف العزل والاقنعة الواقية والاهتمام بنظافة دورات المياة ونظافة المدرسة
وخفض الكثافة الطلابية فى الفصول (دول 80 يا عالم)
ما علينا
وكمان هتوعو الاستاذ عليوة المبهدل ازاى يكتشف ان فيه تلميذ عنده انفلونزا خنازير
وتعرفو الاستاذ رمضان الصايم ازاى يتعامل مع التلاميذ وطرق الوقاية من المرض .
طب لو الاستاذ عليوة أو الاستاذ رمضان هوه اللى اتصاب بالانفلونزا
مش كان
لازم بردة توعو العيال ازاى يتعاملو مع المدرسين فى الحالات دى
وازاى يتم عزل المدرس والمدير فى غرفة العزل .

وتعلقو يفط ادام المدرسة بجوار كومة قش الحاج منعم مكوك تعرف الناس بانفلونزا الخنازير
وممكن تخلو الدراسة على فترتين فى المدرسة أو تقلل ايام الدراسة
يعنى تخلى الدراسة فى مدرسة عزبة ابو تشت الابتدائية المشتركة
يومين بس
وبقيت الاسبوع أجازة !!

وكمان هتخلو مدرسة عزبة ابو تشت عايمة فى بحر من التاميفلو
تحسبا لأى عطسة كده وللا كده ؟!!..



يمكن ..

الله اعلم ..

بكرة نقعد ع السور ونسمع الطابور

قادر على كل شئ

يا خبر النهاردة بفلوس ..

اطبخى يا جارية الانبوبة فاضية يا سيدى

يحيى العظام وهى رميم

اصبر يابن ادم صبر الجمل بكرة تنضم وزارة التعليم لوزارة العمل

وكل سنة وانتو طيبين وبتاكلو جوز ولوز وعين جمل

فيه أمل

*

*


هناك 50 تعليقًا:

مصري جدا يقول...

العلاقة واضحة وجلية

الحكومة حكومة حلاليف

مش محتاجة نباهه يا عم الحاج

adel يقول...

قال ياقاعدين .... والله مانتوا قايمين

ياعم افهم ...ده منظر
عشان يبان بيعمل حاجة
و هو اصلا مش يعرف مدرسة عزية او تيشت الابتدائية الصناعية البنين المشركة

ويعدين نقعد علي السور ايه ياعم سبيدرمان انت
هههههههههه

ابو الصلاليح انحرف يارجالة و بينط من فوق السور ..... اوعي عربجي الحنطور

شباك موارب/منار يقول...

اوعدك طبعا ان كل اللي بتحمل بيه هيتحقق بس على المدونه وبس....

تعرف بقى اقولك الحقيقه انا كنت مسافره السعوديه ومفروض على الحدود يبقى في عزل حراري وكاميرات حراريه والكلام ده وانا ده مخوفني لاني كان عندي وقتها برد فعلا وحراره

ولما قربنا على منطقه العزل والكاميرات ولقوا الناس زحمه واكيد مش هيقعدوا يخلوا كل حد يمر لواحده وكل ماتلقط الكاميرا ارتفاع حراره حد يوقفوه فريحوا نفسهم خالص وفتحوا للناس ومن بق الظابط اللي قدامي
يارب تيجي على انفلونزا الخنازير

ولا في اي حجر او كلام فاضي في اخطر مناطق اللي هي الحدود ومش عايز انفلونزا تجيلنا.....

لو كل بيراعي ضميره في شغله ماكانشي دا بقى حالنا

قلب ارهقته الاحلام يقول...

يلااا راااااااابع

بايتين هنا دول ولا ايه ههههههه

د. ياسر عمر عبد الفتاح يقول...

والله عندك حق يا صلاح
بس يا عم بيقولك الحاجات دي هتتعمل في مصر
مش في قرية أبو تشت والحتت البيئة دي
ده حتي يبقي يععععع

norahaty يقول...

تفتكر ياصلاح
(وبلاش استاذ بدال
انت بتزعل ولـــو انى
شايفاك استاذ الاساتيذ
كمان وووزير العدل كمان)
تفتكر بعد اللى قلته دا كله
لسه فيه فايدة؟يـــــــــارب

ريمان يقول...

هههههههههههههههههههه


ههههههههههههههههه


مش عارفه اقولك ايه


هم يبكى

وهم يضحك


منورانا يا حكوووووووومه

الشعب لابد له من حكومه تشكمه يقول...

ياسيدى بيقولك فى مصر,,,يعنى الرحاب,الشروق,الشيخ زايد,مدينتى,القطاميه..
دى مصر ياعبله قصدى ياصاصا..انت باه من مصر؟؟؟؟؟؟؟؟؟؟؟؟؟؟؟
انت من منصوره عاصمة الدكهليتس التابعه لمركز بيلاروسيا الشرقيه:))

بس بجد ربنا يستر احنا دلوقتى وصلنا ل700 حاله او 800..لما الشتا يدخل والمدارس والكثافه اللى فيه يعنى هاتشىىىىى واحده تودى مدرسه كامله فى حجر صحى..
ربنا يستر

nody يقول...

انا شايقه

انه بدل ما يمد المدارس بالكمامات
يمدهم بمدرسين ومديرين ونظار
المدارس دلوقت الى بيمسكها المدرسين الاوائل
لان المديرين والنظار طلعوا معاش
والوزاره موقفه الترقيات وكذلك التعينات
فا الاكيد ان مافيش مدارس اصلا
ممكن تكون قلبوها ورش اى ملاعب

ليس فقيرا من يحب يقول...

ياااااااااى يا صلاح ابو تشت

والمبهدل

هما عارفين ان الناس عندنا فى الاماكن

البيئه دول يستحملوا يااخويا وبعدين

لوغارو غارو خلى الدنيا تنضف

انما الناس النايتى بتوع الحتت

الراكيه دول لازم نهتم بيهم قال

ابوتشت قال

بص يا صلاح على رأى منار كل حاجه

بنحلم بيها ممكن تتحقق


على المدونات

بس كده كفايه لاحسن

السحور شطب من الصبح وكده الواحد

لو كتب اكتر من كده هيفهيص

فى حفظ الله

هندسة وصفية يقول...

روق يابو صلاح
الجمل ميعرفش اصلا ان عزبة ابو تشت دي في مصراصلا

مسدس صغير يقول...

مصرى جدا
ههههههههه
علاقة جلية؟؟
ماشى
نتقابل ورا الشمس بقى
ههههههههه
كل سنة وانت طيب يا متر

مسدس صغير يقول...

عادل
ههههههههه
قاعدين ليه؟؟
متقومو تروحو
منظرة ع الفاضى
هوه عارفها بس مطنش اصله متخرج منها وكان بيتمد فى الطابور
ههههههه
طب بالعند فيك هتقعد معايا بقى
قدرة
هههههههههه
بكرة نقعد ع السور ونركب الحنطور درجن درجن
متشكرين ع التعليق يا دولا
نورتنى

مسدس صغير يقول...

شباك موارب منار
فعلا الاحلام لا تحقق الا عبر المدونة
هههههه
عزل مين وبتاع مين؟
عدى يا حاجة
رمضان كريم
خليك فيرى احنا فى رحلة
وعلى رأى الظابط يارب تيجى ع الخنازير
هههههههه
فعلا ربنا يستر
انا سمعتك بتقولى ضمير؟؟
يعنى ايه؟؟
اللى هوه هو وهى وهم وهن والحاجات دى؟؟
وللا تقصدى اللى هوه بينأح ده؟؟
لو تقصدى الاخير . مات فى حرب 63
اشكرك على التعليق
نورتينى

مسدس صغير يقول...

قلب ارهقته الاحلام
اة بايتين هنا
هو انتى فاكرانا اى كلام؟؟
روحى وتعالى بقى

مسدس صغير يقول...

د ياسر
هههه
على رأيك هيه عزبة ابو تشت تبع مصر وللا ايه؟؟
دى بيئة
هههه
اشكرك على التعليق
نورتنى

مسدس صغير يقول...

نورا هاتى
هههههههه
اة حلو كده بلاش استاذ دى
نخليها يا استاذ الاساتيذ صلاح
هههههههه
على رأى سعد زغلول
مفيش فايدة
هههههه
ربنا يهدى
اشكرك على التعليق
يا دكتورة الدكاترة
نورتينى

مسدس صغير يقول...

ريمان
هههههههه
هم يبكى هم يضحك وكمان الناس صايمة
ربنا يستر
اشكرك على التعليق
نورتينى

مسدس صغير يقول...

الشعب لابد له من حكومه
فعلا احنا مش فى مصر
احنا فى عزبة ابو تشت التابعة لدولة توتو المعادية
ربنا يستر فعلا والشتا داخل والحالات زادت
ربنا يستر
بس اطمنى الاقنعة موجوده والتاميفلو وكل التجهيزات فى المدارس اطمنى
دا الوزير اللى بيقول هو انا اللى بقول؟؟
ههههههه
اشكرك على التعليق
نورتينى

مسدس صغير يقول...

نودى
يعينو مدرسين طبعا ولازم وحتما
ان مكنش عشان العملية التعليمية يبقى عشانك
ههههههههه
فعلا فيه نقص شديد فى المدرسين والوزارة تكتفى بالمشاهدة
اشكرك على التعليق
نورتينى

مسدس صغير يقول...

ليس فقيرا من يحب
ههههههه
كفاية عليكى كده يبنتى احسن صعبتى عليّه
اللى يشوفك يقول عليكى مكلتيش من قبل رمضان
ههههههههه
معاكى حق
هما مالهم ومال الحتت البيئة دى
تشت؟؟
يااااااااى
سوهاااااج
امبوسيبل
ههههههه
ربنا يهدى
اشكرك على التعليق
نورتينى

مسدس صغير يقول...

هندسة وصفية
ههههههه
على رأيك هوه اساسا ميعرفش مصر
هيعرف ابو تشت ازاى؟؟
اشكرك على التعليق
كل سنة وانت طيب
نورتنى

واحده من الناس يقول...

العلاقه بين الجمل وانفلونزا الخنازيرهى علاقه راسماليه راديكاليه ديمقراطيه تقليه
ومسقعه
ولا يمكننا الجزم ان كانت علاقه شرعيه ام عرفيه

يابنى فوق انت مش من مصر ولا ايه
عارف انت اما ظهرت انفلونزا الطيور جديد كانت الناس ف بلدنا اللى هى سوهاج يعنى خايفه كده ومرعوبه وقتلوا كل الفراخ اى والله قتلوها مش دبحوها
وشويه والازمه عدت والناس رجعت تاكل فراخ
فى ناس بقا رفضت تماما تأذى اى فرخه وتعايشوا مع فراخهم ومع الانفلونزا

اما ظهرت بقا انفلونزا الخنازير
وكل شويه دبح الخنازير
واعدام الخنازير
البلد ولا اتاثرت
وظهرت اشاعه برجوع انفلونزا الطيور
فكرك بلدنا بتتهوش
ولا همها
الطيور لسه بترعى فى الزريبه والعشش ولا تفرق معانا

يابنى خلاص
المصريين زهقوا
هما نفسهم دلوقتى بيقولوا يارب لو فى فعلا انفلونزا خنازير هتموتنا، تبقا يارب جات من عندك
ايه اللى ف البلد يشجع ع الحياه
ومدرسة ابو تشت ايه اللى تاثر فيها انفلونزا الخنازير؟ها؟
داحنا صعايده يابوى وولا يهمنا
يجدر اكده اى فيروس يهوب يمتنا؟
كنا نبندجه ونقيد فيه بنار جهنم
قال انفلونزا قال

وحكومة ايه اللى هتسيب حالها ومحتالها وتدور على ييجى بتاع خمسمية عيل ف مدرسة مهدوده
دى الحكومه همها تقيل
مش لسه قدامها 80مليون بتفكر ازاى تعديهم بانفلونزا خنازير

الحكومه الله يعينها بتحمد ربنا على الانفلونزا عشان تنضف البلد من الحراميه وقطاع الطرق وبتوع الرشاوى واللى بيسرقوا القروض اللى هما الناس المؤذيه اللى مالهمش ضهر ف الحكومه
يالا بقا كفايانى كده
اروح اشوف امى عايزه ايه

معلومه بس
لو عملوا غرفة عزل ف مدرسة ابو تشت هتلاقى المدير والمدرسين قلبوها اوضه جلوس لكبار الزوار

ههههههههههه
سلامو عليكم وتقعدوا بالعافيه
او بالذوق
اللى تشوفوه
:)

أبو العريف يقول...

هههههههههه

ازيك يا ابو صلاح

والله يا عم عرفنا علاقة الجمل بالنازير

مره زمان كتبت

لكي تعمل بالسياسه في مصر

لابد ان تكون احد اثنين

رجل يجيد الكذب

او رجل لا يفهم بالسياسه

او الاثنين معا

بس هما تخفيفا بيسموها تصريحات مش كذب

أحمـــــــــــــد أبو العلا يقول...

جرى ايه يابو صلاح
انت متعرفش
عشان نريح نفسنا الوزاره قررت انها تقفل المدرسه ديه نهائيا, كلام في سرك بيفكروا انهم يخصخصوا التشت بس الموضوع فيه ديون وكلام مصاطب يلا ربنا يستر على ولايانا

عاشقة الأحزان يقول...

السلام عليكم
احم احم

اول زياره ليا

كل سنه وحضرتك طيب ورمضان كريم

بجد موضوع جميل وضحكت قووى من كل قلبى ربنا يسعدك ويسترها عليك
وهاجى ازورك واجيب ليك عيش وحلاوة
واه ممكن اضمنك كمان ما عنديش اى مانع
هههههههههههههههههههههه
ربنا يسعدك يا قمر
ويبقا التواصل
تقبل مرورى
مودتى
ايناس

غير معرف يقول...

السلام عليكم
عيد الراجحي
يا خوانا نقول الحمد لله انهم اصلا انتبهو ان فيه بشر عايشه في مصر
كتر خيلهم والله
والجمل هيعمل ايه ولا ايه
الراجل ده دايما مظلوم
ادعو ربنا ااننا منوصلش للمرحله دي لان فعلا ساعتها هتكون فضاااااااااااااااااايح بجلااااااااااااااااجل
وبكره نسمع ان التجهيزات دي كلها ما هي الا صفقات واصحابها مش عارفين يتصرفو فيها
والجمل حب يقوم بالواجب. عادي يا شباب احنا ف مصر

نفسي اعرف الناس دي دخلت وعلقت امتي .
الفطار ف رمضان حرام والله ابقو افطرو وصلو المغرب والعشاء وقيام الليل وال عنده شغل يعمله وتعالو علقو البوست مش هيطير يعني. نفسي ادخل التاريخ يا ابو صلاح
ملحوظه؛ ابو تشتت مدينه في شمال محافظه قنا ( اول مركز ف قنا)
ومعظم سكانها من قبيله هواره
وياخوفي يفهمو كلامك غلط يا ابو صلاح وهتروح فين يا ولدي منهم ابئ رن علي بس ساعتها وانا هتصرف

شوكولاتة يقول...

ببساطة كده ياصلاح العلاقة بين الجمل والخنزير أن كلاهما من ذوات الأربع وكلاهما يسكن الزو وممكن يكونو جيران في القفص
ههههه
بوست جامد موووووووت
انتظرني بجهز بوست عن الموضوع ده كمينج سوووووون بإذن الله

شوكولاتة يقول...
أزال المؤلف هذا التعليق.
ستيته حسب الله الحمش يقول...

لما وزير الصحة يقول لك مفيش سراير تكفي البشر اللي ربنا ها يبتليهم
وبيفكر ان كل واحد يغور في بيت اهله يخف او ربنا ياخده وياخد عيلته فيه

تفتكر لو الصحة اللي هي صحة ها تفلسع وتشيل ايدها من الليلة
ساعتها ها نلوم ع الجمل؟

دولة واقعة وفيلم ساقط عايزين فلوسنا

مسدس صغير يقول...

وحدة من الناس
كل ده ولسه هتشوفى امك عاوزة ايه؟؟
دا هتفرفرك بالفرفر
ههههههههه
طبختى ايه بقى؟؟
حلو حلو
هههههه
هما فاضين لايه وللا ايه؟؟
يعنى مدرسة ابو تشت دى اللى هتهمهم ما المدارس على قفا من يشيل
صوح؟؟
المهم انهم عايشين فى سلام
والكراسى دافئة ومسكنة
ورمضان كريم عليهم
جبس علينا وعلى مدرسة ابو تشت
ههههههه
واهو كلام ابن عم حديت
اباى عليك يا حسنى
متقفلش معاى امال
هوه اجده يا فاروق يا واد عمى خنازير يعنى خنازير
وطيور يعنى فراخ
هنلاجيها من وين وللا من وين
يلا ربنا يستر
ههههههه
بجد انا سعيد جدا بتعليقك
جدا يعنى
اشكرك على التعليق المفصل
نورتينى

مسدس صغير يقول...

ابو العريف
ازيك يا باشا
واحشنى والله
مش هقول اكتر من اللى انت قلته
كي تعمل بالسياسه في مصر

لابد ان تكون احد اثنين

رجل يجيد الكذب

او رجل لا يفهم بالسياسه

او الاثنين معا

بس خلاص
اشكرك على التعليق
نورتنى

مسدس صغير يقول...

احمد ابو العلا
ههههههههه
فعلا التشت اتباع بس عليه خمسين جنيه والحكومة محتارين مين اللى هيدفعها؟
ربنا يستر وميكونش انا
ههههههه
اشكرك على التعليق
نورتنى

مسدس صغير يقول...

عاشقة الاحزان
طبعا الشرف لينا
سعيد بزيارتك جدا
كل سنة وانتى طيبة
سعيد انى قدرت اسعدك
ربنا يكرمك
اشكرك على الزيارة الغالية
نورتينى
ويبقى التواصل

مسدس صغير يقول...

عيد الراجحى
على رأيك هما فاضين لينا بردة
ربنا يعينهم
هم يبكى وهم يضحك
هههههههه
ايه يا عم انت متضايق من الناس ليه؟؟
ههههههه
ربنا يكتر الخير
متصلوش
تعالو علقو عندى
ههههههه
ربنا يكرمك
اشكرك على التعليق الجميل
نورتنى

مسدس صغير يقول...

شوكولاته
خلاص هستنى البوست بتاعك
هههههه
فعلا علاقة وطيدة
ههههههه
ربنا يكرمك
اشكرك على التعليق المفتكس
نورتينى

مسدس صغير يقول...

ستيته حسب الله
هههههههههه
على رأيك اذا كان الصحة بتهرب هتيجى عليك يا جمل
دولة واقعة وفيلم ساقط عايزين فلوسنا
مفيش فلوس
احنا اشترينا التروماى
اشكرك على التعليق
نورتينى

أحلام حقيقية يقول...

هو فى حد بيصدق كلام الحكومة دول طول السنة عايشين فى كدبة ابريل

مسدس صغير يقول...

احلام حقيقية
ربنا يستر
والقادم ادهى
اشكرك على التعليق
نورتينى

قلم رصاص يقول...

العلاقة طردية طبعا

ههههههههههههههههه

بس تصور على رأيك ايه الوضع لو المدرسين والنظار هما اللي جالهم العدوى

العيال هتعمل اييييييييييييييه؟

هههههههههههههههههههه

وبعدين دا هيبقى يوم المنى عند التلاميذ انه المدرسين يجيلهم انفلونزا
.. قولي لييييييه .. عشان هتبقى حجة انهم ميروحوش المدارس ولايووووم في السنة

ههههههههههههههههههههه

طبعا سيادتك دلوقتي ياصاصا باشا مرتااااااااااااااااح جدا بعد ما أعدت تسليم النفايا الذرية للعبد لله من تاني .. دبلومات ايه وبتاع ايه..هو انا بتاع خيار.. انا جايبه اعلقه في النجفه بصراحة

ههههههههههههههههههههه

هيييييييييص بقى ياعم بلا واجب ودرس عربي بلا بتاع ههههههههههه المدونة اهم

متقطعش الزيارة ياصاحبي

في حفظ الله

مسدس صغير يقول...

قلم رصاص
فعلا العيال مهيصدقو
بس المدرسين اللى عليهم يتجدعنو
ههههههههه
لا طبعا ربنا يحفظ الجميع

غير كده يا راجل
انا مصدقت اخلص من النفايات اللى عندى
ودفنتها فى بلدكو
اوهو كله بحسابه
ههههههههه
دول متخلفة
ههههههههه
حلوة دى؟
حلوة
اشكرك على التعليق
نورتنى

صبرني يارب يقول...

فين الامل بقى

والله الواحد مرعوووب بس هانعمل ايه حد يقولنا نعمل ايه

انا بافكر اهااااااجر ونخلص من الفيلم ده

مسدس صغير يقول...

صبرنى يارب
هتهاجرى تروحى فين بس؟
كله كله
هنعمل ايه بس ربنا يستر
اشكرك على التعليق الغالى
نورتينى

mahasen saber يقول...

ليه طب قدرت البلا قبل وقوعه استنا يا راجل قبل ان تطلق الرصاص
مش ..مش..مش..يمكن ويحصل ده ان حصل يعنى والوزاره تعمل فى تلاميذنا ااقصد لتلاميذنا حاجه عدله
مش يمكن

مش بقلك قدرت البلاء قبل وقوعه

مسدس صغير يقول...

محاسن صابر
المثل بيقول اسأل مجرب ولا تسأل طبيب
وطبعا انا وانتى وهما وهن ونحن وايانا واياهم واياهن وكلهم وكلهن وكلاتهم وكليهما وهؤلاء مجرب
واسأل مجرب .. من رمضان اللى فااات
هههههههه
كل سنة وانتى طيبة
رمضان كريم
نورتينى

اللى موش عارف يتغير يقول...

الكلام ده فكرنى بايام الدراسة فى الاعدادية بالذات والست سبع حصص من الصبح للعصر والست ايام فى الاسبوع ومافيش حصص العاب منهم لله كرهونا فى التعليم

الوقتى يومين اجازة واحتمال يبقى اكتر
العيال مزاجها فى السما
ههههههههههههه

ازيك ياصلاح انت فين ياعمو
كل سنة وانا وانت والناس حيايبنا طيبين

بنجاواتى يقول...

سلام عليكم

كل سنة وانتم طيبين
ويارب تكونوا بخير

ده سلام ع السريع كده معلش بقى


كل سنة وانت بخير

مسدس صغير يقول...

اللى موش عارف يتغير
ههههههه
اة والله العيال دى فى عز
ولا كان فيه اجازة ولا حصص العاب ولا نيلة
ههههههه
كل سنة وانت طيب
رمضان كريم
كلنا بخير

مسدس صغير يقول...

بنجاواتى
ربنا يكرمك
كل سنة وانت طيب
رمضان كريم
منورنى يا دكتور

Sharm يقول...

مصري جدا

والله لو حلاليف كانت نفعت