الثلاثاء، 11 أغسطس 2009

كلام مدونين


بعد مقلنا ان اليوم كان حر جدا

وقلنا ان فيه ناس كانت جايبة مفكرة صغيرة بتاعة notes

وكل واحد كان يكتب اسم مدونته والرابط بتاعها

انا بقى قلت لا يا جماعة انا عارف مدوناتكو ومش عايز اعرفكو

كل واحد يكتب لى كلمة للذكرى احسن

هكتبلكو الكلام بالترتيب زى مهوه فى النوتس

ستيته :-

بسم الله الرحمن الرحيم

يارب تتجوز ياصاصا

حلوة الكلمة دى؟ طبعا

ستيته حسب الله الحمش

مش عارفة .. بس نفسى اعرف

فاتيما :-

الى صلاح العزيز المسدس الصغير مدونة

والكبير قلبا وروحا

معرفتى بيك شئ يسعدنى

ورؤيتى ليك النهاردة اسعدنى اكتر

لأن اخواتى الصغار الجمال زادو واحد

غالى وعزيز جدا

ربنا يوفقك فى كل حالاتك وحياتك

اختك فاتيما روح قلب ماما

رنيم :-

مبتسمة دائما

انا بنوته صغنونة

عندى مدونة صغنونة جدا

اهمها مبتسمة دائما

رنيم

رقة الاحساس :-

اسمى فى المدونة اينو

thank you

ايمى بيبى :-

كانت فرصة سعيدة جدا يا صلاح

وبجد علطول طلقاتك جامدة

منتظرة عمليات اغتيال اكتر

تحياتى ايمى بيبى

غلطة مطبعية

my heart is not 4 sale :-

ana bgd mabsouta awi

ani shof elnas elgomal dol

w ani hena

bgd it was anice day

ميمايا :-

ابوووو صلاااااح

فين مسدسك الصغير؟!

جيت من غيره؟ عاااااااا

مبسوطة اوى انى اتعرفت عليك

فرصة هابى جدا

ميمى

ميمايا

كيكى:-

عوووو

عرفتنى طبعا . اتخضيت بقى

وللا ايه؟!!

فين بهية

سلامو عليكو

keke

عووو

فتاة حالمة :-

هاى مسدس

ايون انا فتاة حالمة

كيكى نسيت وكتبت بهية وهيه هنية

بس بجد فرصة سعيدة جدا وجميلة

اننا شفنا مسدس النهاردة

وعايزين نشوفك تانى

مودتى

عادل :-

ابو صلاح

ايه بقى؟؟

ايه بقى؟؟

غير كده ..

الشوق الشوق

الحضن الحضن

مشتاق مشتاق

انت مبتجيش ليه؟

انا هبقى هناك

كل اتنين وخميس بعد صلاة الجمعة

عادل ( البلد دى فيها حكومة )

لقاء المدونين8/8/2009

الازهر جنينة

خالد فودة :-

سعيد جدا باللقاء والصداقة

اتمنى انها تدوم على طول

خالد

هانى نط فى الكوز :-

ازى الصحة؟

عامل ايه فى البرد ده؟

هانى

رامز عباس :-

طاخ طاخ

طاخ قتلتنى؟

يا مجرم

بس هوكلك تدافع عنى

تحب تاكل ايه؟

رامز

فشكول :-

يا مسدس

انا خايف منك

وخايف تطخنى

بس انا حاحبك

واضحك عليك

فشكول

المعتصم :-

مدونة مش عارف

فرصة جميلة للتعارف

على ناس وصداقتهم لله

من غير اى مصلحة

وعشان كده ان شاء الله

تكون العلاقة دى دايمة

محمد غالية :-

هل تبحث عن السعادة؟

فرصة سعيدة ولقاء رائع

سعيد بالتعارف على

اصدقائى واخواتى المدونين


دكتور ياسر بقى ملقيتلوش كلمة

اقوله انا بقى :-

انت شخصية تتحب

احبك فى الله .


متشكر جدا ليكو

انا كتبت البوست ده

عشان اللى مجاش يشوف

مدى الالفة

اللى كانت بيننا

كلنا اخوات

نتمنى ان تستمر

الاخوة فى الله
****
*



هناك 54 تعليقًا:

adel يقول...

÷هههههههههههههه
شفت الكلام يابو صلاح
عملك جوووووو
هههههههههههههههههههه

:)
بس والله ناس زي العسل كلكم

المرة الجاية هجيب كشكول 200 ورقة تكتبولي فيه كله :):)

EMMY BABY يقول...

هههههههههههههههههههههههه

فى تزوير انا كنت ماضية اسمى بالانجلش عاااااااا

وكمان ايه الفضايح دى على بلوجر

بس كانت فكرة حلوة اوى منك

تحياتى

ايمى بالعربى زى بعضه

خالد فوده يقول...

قشطه

قلبك زي القشطه

د. ياسر عمر عبد الفتاح يقول...

ازيك يا أبو صلاح يابن الناظر :)
مكالمة سيادتك أسعدتني جداً انهاردة


أنا مقلتش حاجة فعلاً ,,
معلش ,, ملقتش حاجة أقولها

أحبك الذي أحببتني له

القدر و انا يقول...

مسدس صغير
مبسوطة للقاءكم جميعا
كنت اتمنى اكون معاكم ولو بالتليفون
انشاء الله الايام القادمة تزيد كل الروابط بين كل المدونين الجدعان قوى وخاصة اصحاب الطلقات الهادفة
خالص مودتى يا صاصا باشا

رحلتنا في الحياة يقول...

ربنا يديم الود والصداقة دى بينكم دايما اللهم امين يارب العالمين
وانتم كده غاويين تغيظونا كل كام يوم ببوست عن اللقاء :(

Unknown يقول...

انت بتغيظني اكتر يا ابو صلاح
كفاية كمان اني مجيتش يوم الخميس
بتغيظني اكتر و اكتر
ماااااااااشي

منــار فايد يقول...

بدون حتى ماتنشر الكلام ده
ربنا العالم ان كل المدونين والمدونات اخواتي
وانت واحد منهم طبعا
وبما اني ماحضرتش وزعلانه عشان كان نفسي اشوف ستوته وناس كتير اوي
وحضرتك كمااان
فهكتبلك بقى الكلمتين واعتبرهم للذكر ى
انت شخص رائع جدا
وطمووووووووووووح وده اكتشفته من المدونه....هتبقى حاجه كبيره بعد مده
احترم روحك البوليسيه
منار شباك موارب ها موارب
وكل سنه وحضرتك طيب ورمضان كريم عليك

فاتيما يقول...

إيد دا بقى ى ى ى ى
أكن الكلام اللى الواحد كتبه بعفوية ممكن يكون له معنى و يسيب أثر ؟!!...
فكرة البوست عبقرية يا صلاح
عارف ليه ؟؟!!
لإنك و بمنتهى بساطة الدنيا وصفت حال التدوين و تأثيره من غير ما تقصد أو يمكن تقصد ...
تعليقاتنا عند بعض فى المدونات أشبه بالمكتوب فى مفكرتك الصغيرة ...
كلمات صادقة و خارجة من القلب
و لما ترصها كدا جنب بعضها تكتشف إنها بتكمل بعض زى قطع البازل او الموزايك و بتعبر عن صورة اكبر و أشمل
هى أفكارنا و مشاعرنا اللى غالبا بتتوحد رغم إختلافنا فى العمر و الشكل و التعليم و العمل و السكن و غيره ..
كلنا بنتوحد على كلمة و قلب واحد
عشان الهدف من وراه كان و مازال فى الخير و الحمدلله و يا رب يستمر علطول و يبقى أفضل و أقوى ...
أشوفك يوم الخميس يا غاية ف الطيابة

سفروتة يقول...

بجد المدونين فيه بينهم روح جميلة اوي
ربنا يديم الروح الحلوة دي يارب

ليس فقيرا من يحب يقول...

سلام عليكم

كل سنه وانت طيب ياعم

المسدسات كلها

ربنا يسعدك يارب

Kiara يقول...

عاااااااااااااااااااا بتغظوني بقي كان نفسي ابقي موجوده والله بس الشغل نعمل ايه بقي :(

مسدس صغير يقول...

عادل
ههههههههههههه
والله بجد عمل جو مزاج هايل
دا كفاية شعرك عليه
والله انت زى العسل
ماشى
انا متكفل ب100 ورقة اكتبهملك
متشكر جدا على التعليق
بجد نورتنى

مسدس صغير يقول...

ايمى بيبى
مليش دعوة انا ثقافتى عربى
وغير كده البوست ده بتاعى اكتبه بالعربى بالانجليزى انا حر
هههههههههههه
اشتكينى طالما انا مزور
هههههههه
اشكرك على التعليق
نورتينى

مسدس صغير يقول...

خالد فودة
قشطة كتير عليه
ههههههههه
متشكر جدا ع التعليق
نورتنى

مسدس صغير يقول...

د/ياسر
سيادتك؟
ههههههههه
مش اوى كده
والله انا سعدت جدا بمعرفتك
اشكرك على التعليق
نورتنى

مسدس صغير يقول...

القدر وانا
ان شاء الله تكونى معانا فى اللقاء الجاى
ربنا يكرمك
اشكرك على التعليق
نورتينى

مسدس صغير يقول...

ايوشة
ربنا يخليكى ويكرمك
ويبارك فيكى
ان شاء الله تكونى معانا المرة الجاية
اشكرك على التعليق
نورتينى

مسدس صغير يقول...

المعلم محمد
ههههههههههه
اة بغيظكم
هههههه
لا طبعا
ان شاء الله تكونو كلكو معانا المرة الجاية
متشكر على التعليق
نورتنى

كيكى عوووووو يقول...

يخربيت الاضهاد!!!
فى كلام ناقص ليه
شيلتوه ليه فى المونتاج دى رقابه معترضتش عليه
لو سمحت انا عايزة كلامى الى بلقلم الرصاص
لمه هبعلتك ولاد ابو اسماعيل؟؟!!

مسدس صغير يقول...

شباك موارب
منار هانم
والله انا سعيد جدا بيكى
انتى انسانة محترمة
اخت جديرة بالاحترام
اشكرك على كل الكلام الحلو ده
اللى فى حق المدونين
واللى فى حقى
بجد انا سعيد بمعرفتك حتى وان كانت عبر المدونات وفقط
اشكرك على التعليق
نورتينى

مسدس صغير يقول...

فاتيما
بجد انا حسيت اننا اخوات من اول وهله
ساعة مبقولك يا مدام فاتيما
قلتى قول يا فاتيما
حسيت فعلا اننا اخوات بجد
بجد انتى انسانة طيبة جدا
فعلا عالم التدوين ده محسسنا ان احنا اسرة وحدة
محسسنا اننا نعرف بعض حتى من غير منتقابل
اللى يدخل الحديقة بمجرد ميبص بصة يعرف فين المدونين
يفرق بين المدون واللى مش مدون
بجد انا سعيد جدا باليوم ده
وسعيد اكتر بمعرفتك
متشكر جدا جدا ع التعليق
نورتينى

مسدس صغير يقول...

سفروتة
فعلا روح جميلة
نتمنى ان تدوم
ربنا يديم المعروف زى مبيقولو
اشكرك على التعليق
بجد نورتينى

مسدس صغير يقول...

ليس فقيرا من يحب
كل سنة وانتى طيبة
ربنا يخليكى
ويبارك فيكى
متشكر جدا ع التعليق
نورتينى

مسدس صغير يقول...

كيارا
اه طبعا بنغيظك
هههههههههههه
ربنا يعينك ويوفقك
وتكونى معانا المرة الجاية ان شاء الله
اشكرك على التعليق
نورتينى

المعتصم يقول...

تحياتى يامتر
بس ليه الفضايح دى؟
مش كفايه الادعاءات الباطله اللى بتقولها عليا فى المدونه عندى
كمان هنا حاطط الصورة والكلمه اللى كتبتها
لاااااااااااااااا
انا شكلى هرفع عليك قضيه بجد
ههههههههههههههههههه
بجد بقى انا مبسوط جدا انى اتعرفت عليك ياصلاح
شخصيه لذيذه وروحك حلوة ودمك خفيف وذهنك حاضر واخلاقك عاليه
انا يشرفنى التعرف عليك واتمنى دوام التواصل ان شاء الله
تقبل مرورى وتحياتى

مسدس صغير يقول...

كيكى
هههههههههه
مفيش اضطهاد ولا حاجة
بس كلام القلم الرصاص فيه فضايح لقلمى
الناس هيقولى ان قلمى فضا
صعبة
ههههههههههه
وللا اقولك اضطهاد
انا مسدس بقى وهضرب
هههههههههه
متشكر جدا على تعليقك
نورتينى

*البت المشمشية *حلوة بس شقية * يقول...

انتا منزل البوست ده بقه عشان تغيظونا صح

مسدس صغير يقول...

المعتصم
ههههههههههه
خلاص اتفقنا
ارفع قضية
وانا المحامى بتاعك
هههههههه
بجد انت شخصية لذيذة وابن بلد
وصاحب صاحبك
متشكر جدا على الكلام الحلو ده
انا يحصلى الشرف انى اتعرف عليك
واتواصل معاك
نورتنى

مسدس صغير يقول...

البت المشمشية
صح
صح
صح
صح
اتغاظتى؟
ههههههههه
لا طبعا
انا منزله مش عشان اغيظك انما منزلة عشان اغيظك
هههههههههه
ان شاء الله تبقى معانا المرة الجاية
نورتينى

فتاه حالمه يقول...

انا جه
يووووووووووووة
كدا بقي
فكرتني اني نسيت اكتبلك علي التاريخ
عاااااااااااااااا
بس مليش دعوه انا التاريخ يتجزلي بقي
ايجار جديد قديم اشتريه بردون يبقي ملكي بقي
بجد سعيده بمقابلتك يا سدس والله
وكنت عايزة اكتب كتير بس الفوبيا بقي كانت شله الامخوخي هي والشمس
مودتي

مسدس صغير يقول...

فتاة حالمة
انا اللى سعيد والله بمعرفتك
ومعرفة كل المدونين
فعلا الامخوخى كان بايظ بسبب الشمس
يلا الحمد لله
ع العموم احنا اتشرفنا بيكى
سعيد بمرورك وتعليقك
نورتينى

قلم رصاص يقول...

ههههههههههههههههه

مفيش فايدة يعني

ياعم بلاش احباط بقى للي مراحوش

ههههههههههههههههه

هو يعني مفيش حاجة شاغله دماغك الشهر ده

كله الا اللقاء .. شوف الكارثه اللي

الوزارة وشركات النت بيخططوا ليها

وحياتك هيعقدونا ويقللوا سرعة وحجم

النت ويعلوا الاسعار كمان


وساعتها بقى مش هنعرف ندون تاني ولا

هيكون فيه لقاءات تدوينية تاني

عاااااااااا زي مابيقولوا

ههههههههههههههههههه

الا من حق صحيح .. هو انا ليه مش باين في الصورة دي ولا اللي في البوست اللي فات

يكونشي انت نسيت تقولي اجي معاك ولاحاجة ؟

ههههههههههههههههههه

ربنا يوفقك ياصاحبي

ورفعت راسنا اوي

دمت في خير وفي حفظ الله

أبو العريف يقول...

باشا

الحقيقه ان احساس كل واحد وصل من كلامه البسيط

وهزاره الجميله

احسايس راقيه جدااا

لانها مبنيه علي الصداقه بدون اي غرض

ربنا يجمعكم دايما علي خير

وان شاء الله اللقاء الجاي يكون مدونين اكتر


وانا لو هكتب في الاجنده هقولك


صاصا

اني سعيد جدا باللمه الحلوه دي

وبالفرحه اللي اترسمت في قلوب كل الموجودين

مسدس صغير يقول...

قلم رصاص
مش هسيبكو
لازم اخليكو كده تتحسرو على اللقاء
ههههههههه
بجد كان يوم جميل اوى
بس كان ناقصك
ورتك بقى محفورة فى قلبى مخدتش بالك؟
ههههههههه
اشكرك على التعليق يا حبيبى
نورتنى

مسدس صغير يقول...

ابو العريف
والله يا محمد بيه كان يوم جميل
كان نفسى تبقى انت موجود
بس بجد التعارف ده شئ جميل
والتعليقات بقى عن قرب مش فى المدونة
ان شاء الله تتعوض
وتبقى معانا المرة الجاية ان شاء الله
متشكر جدا على التعليق الجميل اللى وصل القلب علطول ده
متشكر ليك
نورتنى

mimi يقول...

لييييييييييييه الفضايح دي علي الهوا بس؟

فكرة حلوة أنك تنشر لنا كلماتنا

فرحانة بيك وبمعرفتك جدااااااا

مسدس صغير يقول...

ميمايا
علنى
على الجرايد
وصفحات الانترنت
ههههههههه
انا سعدت جدا بمعرفتك
فرحان انى شفتكو
اشكرك على التعليق
نورتينى

ستيتة يقول...

صباح الخير بليل
كلمة عادل تكنن
وياسر مكتبش علشان كان نايم وهو مفتح عينه
بس بذمتك حد دعى لك الدعوة الوحيدة المطلوبة في السوق غيري؟
ههههههههههههههههههههههههه

تسلم ايدك

كــركــبــة دمـــاغ ㋡ يقول...

ههههههههههههههههههههههههههههه

انتو ناس زي العسل وربنا

وانا مش اتغاظت .. بالعكس مبسووووووطة قوي

لاني كنت معاكم بروحي ..

وعندي امل اللقاء الجاي اكون في وسطكم ..

ويااااااااارب تتجوز يا صاصا

ههههههههههههههههههه

جامده ياخالتوووو


سلامووووناااااااااااااااا ..

ساره يقول...

تعرف يا صلاح فكره النوت بوك حلوه بالمره ... كلمات من اصدقاء يحبونك في الله يبقي لها احساس وتأثير خاص

تحياتي

اللى موش عارف يتغير يقول...

احسن حاجة انك نقيت اللى بتدعيلك تتجوز وخليتها فوووووووووووق

هتتجوز .. متخافش

مسدس صغير يقول...

ستيته
فعلا كلمة عادل هايلة
دكتور ياسر لسه صاحى النهاردة
مساء الخير الضهر
تصدقى ان دى احسن دعوة فعلا
ههههههههههههههه
ياريت كل الناس تدعيلى بيها
هههههههه
اشكرك على الدعوة الجميلة جدا
نورتينى يا دكتور

Ahmed يقول...

ياسلام ياسلام
ديه عدت امتى بأه؟ بعد لما انا مشيت ولا ايه

على العموم انا اكتبلك هنا اللي مكتبتوش هناك

انت شخصيه جميله وحبوبه جدا جدا جدا

الصداقه معاك مكسب لأي شخص وانا نفسي اكسبك دايما

مسدس صغير يقول...

شقاوة مراهقة
اولا انا سعيد بتعليقك جدا
وانا اساسا كاتب البوست ده عشان الناس تتغاظ فمش معقولة انتى اللى تغيظينى وتقولى انك مش متغاظة
ههههههههه
ان شاء الله تكونى معانا المرة الجاية
ادعيلى ادعيلى
هههههههههه
احسن دعوة
ربنا يتقبل منك
هههههههههه
اشكرك على التعليق
نورتينى

مسدس صغير يقول...

سارة
فعلا فكرة جميلة
انا فرحان بيها جدا
ان شاء الله تكونى معانا المرة الجاية
اشكرك على التعليق الجميل
نورتينى

مسدس صغير يقول...

اللى موش عارف يتغير
هههههههههههه
طبعا لازم تبقى اول وحدة
دى دعوة لا ترد
ههههههههه
عقبالك
هههههه
اشكرك على التعليق
نورتنى

مسدس صغير يقول...

احمد ابو العلا
والله انت شخصية محترمة جدا يا بشمهندس
مبسوط اوى انى اتعرفت عليك
ربنا يكرمك
اشكرك على التعليق
نورتنى

قلب ارهقته الاحلام يقول...

فكرة جميييله جدا بجد

ويابختكم عااااا :((

بجد كان نفسي اكون موجودة :)

ايه الناس ال بتدعيلك دي كلها ههههه

طيب ابقي اعزمنا بأة :D

انا هشتري كشكول واحضرهمن دلوقتي ^^

تأثير الفراشة يقول...

ما شاء الله

ربنا يديم الود و معرفة الخير و الحب فى الله

اسماء يقول...

يا عم صلاح انت يعني بتغيظنا بقا اننا مجيناش والا ايه
يا عم خلاص بقا ان شاء الله المرة الجاية نيجي ونشوف الناس الجامدة دي كلها انا حاجزة مكان في الصفحة دي ليا عشان المرة الجاية :)))))))
بجد فكرتك دي حلوة جدا وهو ده حال التدوين اللى بقا فيه علاقات انسانية غاية في الروعة بجد حلو اوي ان الواحد يلاقي ناس زيكم كده
المرة الجاية ان شاء الله يكون في ناس كتير ونوتس كتيييير

مسدس صغير يقول...

قلب ارهقته الاحلام
ان شاء الله تكونى معانا المرة الجاية
جهزى بقى النوتس بتاعتك
اشكرك على التعليق
نورتينى

مسدس صغير يقول...

تأثير الفراشة
ربنا يديم الود
ربنا يكرمك
اشكرك على التعليق
نورتينى

مسدس صغير يقول...

اسماء
هههههههههه
اة بغيظكو
هههههههه
لا طبعا
ويارب تكونى معانا المرة الجاية
ربنا يكرمك
فعلا التدوين بيعمل علاقات حميمية جدا
ربنا يجمعنا دائما على الخير
اشكرك على التعليق
نورتينى