الجمعة، 14 أغسطس 2009

الفلاح يدعم محدودى الدخل فمن يدعم الفلاح؟؟


إن من أهم مهام أى حكومة " الدعم " سواء دعم المواد البترولية أو دعم المواد التموينية أو دعم العيش والمواد الغذائية خاصة إذا كانت من المواد الضرورية للمواطن المصرى محدود الدخل .

وكلما خرج علينا مسئول من " المسائيل " قال إن محدود الدخل من أولوياتنا وأن محدود الدخل داخل فى أهم أهتماماتنا و..و..و..

الى اخر قصائد الشعر التى تحكى وتغنى فى حق محدود الزفت .

ولكن الحكومة قد تخلت طواعية عن شغلتها بتولى مسألة دعم محدود الدخل والقت بالدعم خاصة فى المواد الغذائية على عاتق الفلاح الذى يستحق الصدقة فى الأونة الحديثة .

الفلاح شبه مرفوع الدعم الزراعى عن المواد الزراعية التى يشتريها .

الفلاح عندما يشترى مبيدات زراعية يدفع حقها " تالت ومتلت " إلا فى نسبة ضئيلة جدا فى محصول القطن حقير التيلة .

ورُفع الدعم عن الفلاح فى كل شئ .

ولكن ليست هذه هى المشكلة الحقيقية ولكن المشكلة الحقيقية تكمن فى أن الحكومة لتحافظ على أسعار المواد الغذائية المرتبطة بالفلاح من أجل عيون محدودى الدخل تقتل الفلاح ضرباً بجميع وسائل القتل المعروفة . فتأمر بحظر تصدير الأرز من أجل عيون محدود الدخل ليقل سعر طن الأرز ليصل الى 700 جنيه مثلا فى حين أن طن الأرز يتكلف على الفلاح أكثر من ذلك بكثير حتى يتم إنتاجه وحصاده . كذلك يتحكمون فى أسعار القطن ويتنازلون عن دعم القمح المصرى الجيد طواعية من أجل عيون بعض المستوردين الذين يتربحون من عملية إستيراد القمح المسرطن والقمح الفاسد من روسيا ورومانيا وغيرها من الدول الأوروأستهبالية وغير ذلك من المواد الغذائية والزراعية .

وحتى لا يظن القارئ أننا ضد مصلحة محدودى الدخل فإنى اتسائل لماذا تتخلى الحكومة عن دعمها لمحدود الدخل وتترك هذه المسئولية للفلاح؟؟

إن الفلاح الغلبان ليس من مسئولياته أن يدعم محدود الدخل وأن تُشَحَّت منتجاته من اجل عيون محدود الدخل .

ولكن طالما ان محدود الدخل "محطوط" فى أولويات الحكومة فتقوم هى بشراء منتجات الفلاح بأسعار مناسبة وتقوم ببيعها لمحدود الدخل بأسعار مدعومة وتقوم بتحرير السوق وأن تخضع أسعار هذه المواد للسعر العالمى كما يدّعون وذلك حتى ترتفع الاسعار بالقدر العادل للفلاح حتى يستمر فى زراعة ارضه وتشترى هى منتجات الفلاح بالسعر العالمى وتقوم هى بعملية الدعم .

لأنه إن استمر الوضع على ما هو عليه فإن الفلاح سوف يجعل من أرضه ملاعب للكرة او مقالب زبالة او خلافه طالما أنه بزراعتها تنقلب عليه بالخسارة .

ولكن إذا أرادت الحكومة أن تجعل من الفلاح داعماً للفقراء ومحدودى الدخل إجباراً . فإن عليها أن تدعم الفلاح ان شاءت إختياراً أو إجباراً ..

هناك 49 تعليقًا:

حلم بيعافر يقول...

ابو صلاح حبيب قلبى هى الحكومة بتدعم صحيح وبجد وبحق وحقيقى
بس بتدعم اسرااااااااائيل مش محدود الدخل
انزل كده منطقة صناعية زى استثمار بورسعيد وانت تتاكد من انها بتدعم اسرائيل ولا شوف حكاية الغاز كده
حرام عليك متظلمش الحكومة تانى لانها بتدعم
والله بتدعم
وبعدين اسرائيل ولا الفلاح المصرى؟
اسرائيل طبعا يابوصلاح

د. ياسر عمر عبد الفتاح يقول...

والله ولا كأنك صحفي كبير
عندك حق يا أبو صلاح

بس أنا شايفك كده مش عاجبك الحكومة..!!
إنت بتلعب في عداد عمرك يا أبو الصلاح

أحمـــــــــــــد أبو العلا يقول...

أخص عليك ياأبو صلاح
انت فاهم غلط حااااااااالص ياسيد (وش واحد مسؤل حاطط النضاره على طرف منخيره زي عم كوهين بالظبط)

شوف يامواطن
الفلاح هوا اللي بيعمل كده من نفسه متطوع
الحكومه مش بتضغط عليه ولا حاجه
الحكومه بتتحايل عليه وهوا اللي راسه وألف جزمه يدعم المواطن العادي
هوا اللي اتحايل على الحكومه عشان تسيبله موضوع الأرز ده خالص

وهيا ديه قمة الديمقراطيه
وعجبي

قلم رصاص يقول...

بتقول مين مين مين ؟!

محدود الدخل مين ده.. ده حد من بلدنا ولا ايه بالظبط .. الله يرحمه والله كان راجل طيب !

انت تعرف ياصلاح بيه ان الدكتور نظيف قال قبل كده في احدى تصريحاته الذكية من حوالي سنتين : ان الحكومة ليست مسئولة عن الفقراء !

لسه تنتظر ايه بقى من العالم دي

وبعدين على رأي محمد حلم بيعافر ، الحكومة بتدعم محدودي الدخل بدولة اسرائيل العربية الشقيقة

ههههههههههههههههه

نيجي بقى للفلاح .. والله انت فعلا تشخيصك للأمر واقعي جدا .. وهي دي الحقيقة دون جدال .. أصبح الفلاح المصري هو المانح الحقيقي لدعم محدودي الدخل ..بعد ان تخلت عنه الحكومة وفي تصريح علني !

فتحية خاصة جدا جدا لهذا الفلاح الذي يتحمل عبء عدم انهيار الاقتصاد المصري ويساند حكومته النظيفة القلب واللسان
والجيوووووووووب كمان !

نيجي بقى لأهم شيئ في البوست ياابوصلاح
الا وهو المغذى الحقيقي وراء البوست

عاوزك تعترف لي بس بصوت واطي عشان محدش يسمعك غيري .. انت مخزن كام طن رز السنة دي وخايف من الخسارة ؟!

هههههههههههههههههههه

مش داخله علي حتة وقوفك وتضامنك مع الفلاح دي خالص .. يابني اعترف عشان الحق اساعدك .. عارف ازاي .. هنحط لك صراصير وزلط في الرز بتاعك ونعيد بيعه للحكومة بأعلى سعر.. طالما هما مش بيحبوا اللي النوع ده من الرز والحبوب!

هاااااااه ايه رأيك في الفكرة التمام
دي ههههههههههههههههههه

اي خدمة ياصاحبي ، هو انا لي غيرك

ههههههههههههههههههه

رمضان كريم .. وكل سنة وانت طيب

في حفظ الله

كيــــــــــــارا يقول...

محدودي الدخل نفسي اعرف فين الدعم يابني الفرق بيروح ....

والا مش كنت هتشوف حد بيموت عشان رغيف عيش

ولا صاحب فرن بيجري بالعربيه عشان يدوس واحده كبيره غلبانه عشان طلبت حقها في العيش
ولا ولا ولا

محدودي الدخل ال

لينا رب

مسدس صغير يقول...

حلم بيعافر
ممكن
بس الاهم عندنا دالوقتى ان يتحرر الفلاح المصرى من دعمه لمحدود الدخل
لنا الله
اشكرك

مسدس صغير يقول...

د/ياسر
ربنا يخليك يا حبيبى
مين قال كده؟
دول ناس طيبين اوى يا خال
هههههههههه
متشكر جدا ع التعليق
نورت

مسدس صغير يقول...

احمد ابو العلا
هههههههههه
فعلا الفلاح اللى راسه والف جزمة انه يدعم محدودى الدخل
نعمل ايه بقى
قلبه ابيض بفته
هههههه
اشكرك على التعليق يا بشمهندس
نورتنى

مسدس صغير يقول...

قلم رصاص
هههههههه
اة محدود الدخل ده واحد من بلدنا متعرفوش؟؟
انا اعرفه
وهيه الحكومة تبقى مسئولة عن الفقراء بتاع ايه يعنى؟
نحن مع الحكومة فى ان الفلاح هو الداعم لمحدودى الدخل بس تخلى الفلاحين يمسكو البلد بقى
اما بالنوسبة لتخزين الارز
هههههههههههههه
مش مخزن حاجة منين يا حسرة؟
هاتلى بس انت اى كمية وانا اشتريها منك
هههههههه
واعى
حبيبى
اشكرك على التعليق
نورتنى

مسدس صغير يقول...

كيارا
معاكى حق
لا محدود دخل بعد اليوم
اشكرك على التعليق
نورتينى

الشعب لابد له من حكومه تشكمه يقول...

محدود الدخل ؟ محدود الدخل؟!!!
ايه ده انت هتهرج ولا ايه هو فى محدود دخل فى البلد؟ دول انقرضوا من زمااان فى دلوقتى معدوووم الدخل صحح معلوماتك يامشكوم باشا:)

مسدس صغير يقول...

الشعب لابد له من دخل يصرفه
هههههههههههه
ايه رأيك فى الاسم الجديد ده؟؟
حلو؟؟
اكيد
المهم فعلا محدود الدخل انقرد
من القرود يعنى
هههههههه
امره لله
الطبقات بدأت تتلاشى
معاكى حق
اشكرك على التعليق
نورتينى

بدراوى يقول...

دلوقتى الفلاحين بيزرعوا بدل القطن
لب
!!!!!!

ستيته حسب الله الحمش يقول...

عارف يا صاصا الموقف بالضبط الآتي
مبقاش فيه حد في بلدنا يقدر يحط دماغه ع المخدة وهو قرير العين مرتاح البال وينام على طول
كل واحد سواء معدوم الدخل
او الفلاح
او العامل
او ابو شهادة عليا

كلنا في الهم ليلى

اسلوب كتابة متميز جدا وطرح قيم للمشكلة
بس لو فيه بني ادم عنده دم يقرأ ويحاول يفك كرب المصريين

مسدس صغير يقول...

بدراوى
على رأيك
احسن
حتى الناس تأزأز
ههههه
اشكرك على التعليق يا بدراوى بيه
نورتنى

مسدس صغير يقول...

ستيته
معاكى حق
خلاص مفيش حد بينام
كلنا فى الهم سواء

ربنا يخليكى
اشكرك على الكلام الحلو ده
بعض مما عندكم
اكرك على التعليق
نورتينى

مصري جدا يقول...

انتا عايز تقول
ان فية خلل
المفروض الحكومة زي ما بتضيق على الفلاح تعوضة مش كدة

بص يا سيدي لا محدود ولا نيلة

اللي بيحصل

الفلاح مخنوق وبيبيع بسعر مجحف بلا اي تعويض

وتستولي الحكومة على محصولة


ولا يستفيد المحدود انسى
اللي بيستفيد العصابة وبتبيع بالسعر اللي هيا عايزاة بالغالي يعني

مكسب من كل الجهات

ما تصدقش ان المحدود بيستفيد دي أكذوبة


النتيجة الفلاح مش هيزرع
ودي كارثة قومية

ابدا من وجهة نظر الحرامية سبوبة وهةنستورد اصوأ الانواع ونبيعها بأغلى الاسعار

سعار يا متر في كيفية النهب والسحت

صبرني يارب يقول...

ويعنى هو الدعم بيوصل فعلا لمحدودي الدخل ؟؟

وموضوع الرز العبيط الى بيعملوه كل شويه ده

امنع يا جدع تصدير الرز

ينزل السعر تاني السنه الفلاح ما يزرعش رز اصلا ماهو هايتبهدل

يقوم السعر يعلا تاني
ويرجع السنه الى بعدها كل الناس تزرع رز ماهو السعر عااااالي

يقوم يكتر اكتر من اللازم فيرخص اوي فيفتحوا استيراده بعد ما الناس تصرخ

فيغلاااااااا تاااااااني فيقفلولا الاستيراد تااااااني

والخودعه الجديده
مش هانزر رز عشان المفروض نزرع قمح
حفاظا على الثروه المائيه

وما نصدرش رز وفى نفس الوقت ما نستوردش قمح

وابقى قاااااااااابلني بقى


وااااااااه يا بلد

♥ Am fOpa'D ♥ يقول...

ربنا يكثر امثال الفلاحين في البلد عشان يبقى الدعم لمحدودي الدخل
وربنا يجعل من الحكومة دي كيس فاكهة عشان معدومي الدخل ينقضوا عليها ويعلموها الجوع...:(

اسفياً واسفاً وبكل اسف
كل واحد في دايرة بيتحرك مش شايف الي تحته ولما يتصرف لمصلحته بيبقى من غير حسبان

طريقة عرضك للموضوع جااامد,,,
كيب اوون

ورمضاان كريم

ليس فقيرا من يحب يقول...

السلام عليكم

ايه يا ابو الصلح
انت متحامل على الحكومه ليه يا جدع
هيا هتعملكم ايه ولا ايه
ثم هما المسائيل قاعدين فاضيين ليك
ولا لمعدومى الدخل ولا حتى الفلاحين دول
يبنى الحكومه دى وراها مشغوليات كتير
غير الشعب المتعب اللى عايز قطم رقبته
ده وبعدين كده احنا بنعطل المسائيل
الفكافيك اللى عندنا ننسى بئه الفلاح والمحدود ونهدى ونسيبهم يبدعوا فى الافكار اللى تريح الشعب المتعب ده
اكيد طبعا هما عايزين مصلحتنا
بس احنا اللى فاهمين غلط ومش عارفين
مصلحتنا فين

كل سنه وحضرتك طيب

فى حفظ الله

سفروتة يقول...

هأ
بلد ماشية بالشقلوب

........
كلام في سرك
نورلك عمود في اي جريدة معارضة
هتكوّن قاعدة عريضة من القرااااااء
وأنا اولهم
بس اضمن لنا حد يصبحنا ويمسينا بعيش وحلاوة
D:

تسلم ايدك والله يا ابو صلاح
دمت بخير
:)

مسدس صغير يقول...

مصرى جدا
يا هانى بيه
طبعا معاك حق
الحكومة بتتخلى عن دورها فى دعم محدودى الدخل وتجحف حق الفلاح وتشترى منتجاته بابخس الاثمان بداعى الحفاظ على محدودى الدخل
طب ما السياسة دى هتدمر فئة عريضة من الشعب وهى فئة الفلاحين والتى تزيد بكثير على فئة محدودى الدخل من غير الفلاحين
واهى على رأيك سبوبة
لنا الله

مسدس صغير يقول...

صبرنى يارب
فعلا المسألة اشبه بلعبة الكراسى الموسيقية
او لعبة القط والفار
قله فى زراعة محصول معين يزيد السعر الفلاح يزرع فى العام التالى يقل السعر لحد الخسارة وهكذا
فعلا سياسة خاطئة
عايزة الحكومة تنتبه للمسألة دى لأن بكده ممكن تتدمر فئة عريضة من الشعب والمتمثلة فى الفلاحين
اشكرك على التعليق
نورتينى

mahasen saber يقول...

مين يدعم مين وايه وليه

حكومتنا بتعرف تفعص مش تدعم

المهم كل رمضان وانتا بالف خير
وفلاحيين بلدنا بالف خير
ويجعله عامر

مسدس صغير يقول...

♥ Am fOpa'D
فعلا معاكى حق
كل اللى فى مكان مبيبصش للى تحتيه
لازم يبقى فيه نظرة للناس دى والا هتحصل كارثة اجتماعية رهيبة
اشكرك على الكلام الحلو ده
اشكرك على التعليق
نورتينى

مسدس صغير يقول...

ليس فقيرا من يحب
هههههههههه
فعلا الناس دى مش فاضيين لينا
انا رأيى يمسكو الفلاحين الدولة وهما يشوفو الفلاحين هيعملو ايه
ههههه
اشكرك على التعليق
نورتينى

مسدس صغير يقول...

سفروته
ههههههههه
بالشقلوب فعلا على رأى دكتور ياسر
شقلوبستان
اما بقى جريدة معارضة دى
انا مش عايز عمود انا عايز عصايتين استحملهم
ههههههههههههههه
انما ضرب بالعمود؟
لأأأأأأأأأأأأأأأأأأأأأ
هههههههههه
وابقى بقى شوفى هتجيبى العيش والحلاوة لمين
ههههههه
نورتتينى

مسدس صغير يقول...

محاسن صابر
حمد الله ع السلامة
هو مين يدعم مين صحيح؟
هو مين ابن مين ياد؟؟
هههههههه
كل سنة وانتى طيبة
ورمضان كريم

شباك موارب/منار يقول...

هو طبعا لو بالمنطق كدا الكلام اللي كاتبه يبقى ظلم
انا بجد الصراحه ماعرفشي حاجه عن نظام القمح والرز والحاجات دي
بس لو ب700 جنيه يبقى حرام فعلا
بس انا افتكرت حاجه دلوقتي احنا عندنا ارض بتتزرع يمكن عشان كدا الراجل اللي بيزرعها قال انه مش هيزرع رز السنه دي ولاقمح؟؟؟
جايز
شكرا جدا على البوست

مسدس صغير يقول...

شباك موارب
اشهدو يا جماعة ادى الفلاح اللى زارع ارض الدكتورة سابها وقال انه مش زارع السنادى
لييييييييييه؟؟
خسران
ههههههههههه
والله انا متشكر جدا على التعليق
منورانى يا دكتورة

المعتصم يقول...

ازيك يابو صلاح
يارب تكون تمام
الحته دى استفزتنى خالص
(لماذا تتخلى الحكومة عن دعمها لمحدود الدخل)
يعنى هى الحكومه اتخلت عن دعمها لمحدود الدخل بس وسابت ده على الفلاح؟؟؟
الحكومه ياعم اتخلت عن كل حاجه فى الدنيا ليها علاقه بالشعب الغلبان مش بس عن دعم محدود الدخل
ولا انت شايف حاجه تانى
اوعى تكون شايف انهم لسه فيه حاجه لم يتخلوا عنها
هزعل بجد ياابوصلاح
ههههههههههههههههههه
تقبل مرورى وتحياتى
ســـــــــــــــلام

مسدس صغير يقول...

المعتصم
يا حبيبى
انا لا اتعجب من تخلى الحكومة عن محدود الدخل فهذا موجود وليس على محدود الدخل فحسب
انما انا اتعجب من ان تتخلى الحكومة عن دعم محدود الدخل وتلقى بهذه المهمة على عاتق الفلاح الغلبان اللى هيسيب ارضه
عوااااااااااد
ما علينا
المهم انك علقت عندى
كفانا شرفا
ههههههههه
نورتنى يا درش

المعتصم يقول...

اللى يسمعك وانت بتقول كفانا شرفا
يفتكر ان اللى علق عندك سعد محمد زغلول ولا احمد خميس عرابى
ايه ياعمنا
وبعدين ماهى الحومه لازم لما تتخلى تجيب حد وترمى عليه الحمل ولا يعنى تسيب الدنيا كده سداح مداح
عيب برضو
دى حكومتنا ولازم تظبطنا ولا ايه ؟؟

مسدس صغير يقول...

المعتصم
ايه يا عم سعد زغلول
ولا تزعل نفسك
متجيش هنا تانى
لو جيت هنا تانى انا هرش ميه على المدونة
ههههههههههه
طبعا الحكومة لازم تدلعنا
اشكرك يا حبيبى على التعليق
نورتنى

واحده من الناس يقول...

والله انت غلبان..يابنى من كام سنه بنحكى عن محدود الزفت لحد ماهو خلل
وانت بتادن ف مالطا
متتعبش نفسك
البلد دى خربانه خربانه
ولو كل اللى فيها ده فيها يبقا انت فين
اكيد ف مصر

مسدس صغير يقول...

وحدة من الناس
على رأيك محدود ايه وبتاع ايه
دا حتى الادان فى مالطا ممكن ييجى منه فايده
اشكرك على التعليق
نورتينى

وردة يقول...

هههههههههههههههه
شكلك ناوي علي نية زي الفل
انت بتقكر في محدودي الدخل
لاء بجد انت حصلك ايه
خير يابني
اذا كانت الحكومة نفسها مش بتفكر
انت يا مسدس يا صغير بتفكر
بجد الحاله كلها بقت تتعب
بصراحة لازم محدود الدخل والفلاح يتعاونو لدعم الحكومة
وشكراااااااااااااا
نسيت
كل سنة وانت بألف خير
رمضان اخل ومش عاوزين طلقات
بالراحة شوية
ههههههههههه
رمضان كريم
سلام

مسدس صغير يقول...

وردة
على رأيك هوه فين محدود الدخل ده
لازم محدود الدخل والفلاح يتكاتفو لدعم الحكومة
هههههههه
كل سنة وانتى طيبة
رمضان كريم
هنخف طلقات فى رمضان بقى
عشان خاطرك
هههههههههه
نورتينى

تامر علي يقول...

الحكومة تهتم بدعم اسرائيل وامريكا والكلاب لكنها لاتهتم بدعم لا الفلاح ولا غيره ولا المحدود ولا دياولو على اعتبار ان الناس عارفة مصلحتها كويس وبيقلبوا رزقهم من اي حته وبيسرقوا وبيهبشوا هما كمان تقوللي محدود .... محدود ياسين :)))

تحياتي :)

فتاه حالمه يقول...

انا جايه اسلم وبكره اتكلم

لاسع افندى يقول...

لنا الله



تحياتى اللاسعه

فاتيما يقول...

طب و الله يا صلاح إنت بتقول كلام زى الفل ..
صحيح العالم دى يا تشيل إيدها خالص و تسيب الفلاحين فى حالهم
يتتدخل من اولها و يبقالها رأى فى آخرها
دى اللى بيسموها بعيد الإشتمالية
يعنى الإشتراكية على الرأسمالية بس معجنونين على بعض
كل الود ليك يا عزيزى

مسدس صغير يقول...

تامر على
على رأيك مالناس بتقلب رزقها هيه الحكومة هتعملهم ايه يعنى
محدود المليجى احسن؟؟
ههههههه
اشكرك على التعليق
نورتنى

مسدس صغير يقول...

فتاة حالمة
الله يسلمك
تنورى بردة
اشكرك على السلام
نورتى

مسدس صغير يقول...

لاسع افندى
لنا الله هو حسبنا ونعم الوكيل
احييك
اشكرك على التعليق
نورتنى

مسدس صغير يقول...

فاتيما
اولا انا سعيد بتعليقك جدا
ثانيا بقى فعلا ده نظام خليط من الاشتراكية والرأسمالية ولكن هذا النظام يضم بين جوانحه عيوب الرأسمالية وعيوب الاشتراكية
عجين يعنى
اشكرك على كلامك الجميل
نورتينى

اللى موش عارف يتغير يقول...

عايز اقول معلومة لو صح يبقى لازم تغير عنوان البوست الى :

الفلاح ومحدود الدخل بيدعموا الحومة

المعلومة هى ان الحكومة بتاخد كيلو الرز بحوالى 70 قرش للكيلو وبتعيد بيعه للمواطن على انه دعم منها ب150 قرش للكيلو يعنى ... قشطة

ارجوك أكد معلومتى او أنفيها لانى بعيد عن الكلام ده

تقبل تحياتى

مسدس صغير يقول...

اللى موش عارف يتغير
فعلا الحكومة بتشترى من الفلاح الرز بالسعر ده تقريبا ومحدود الدخل بيشترى الرز بالسعر اللى انت قلته
يعنى الحكومة بتتسلى على الفلاح وع الناس
هههههههههه
والله انت عسل
واحشنى مووووووووت
ترجع بالسلامة
وعايز اشوفك وانت بتسجد فى المطار
هههههههه
نورت مصر

قوس قزح يقول...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .