اصبرو شوية على فرحات متستعجلوش واللى مقراش الجزء الاول والتانى يقراهم اللى همه اخر بوستين..
مهو غصب عنى يا فرحات
أنى يعنى هقولهاله؟!
أنى بحمد ربنا إن مخلفناش
الا حميده
واهو خيرك موجود
بس الغيبة عليّه جديده
فرحات ..
طمنا عليك ان شالله
بأى جواب
ومعاك فلفون العمدة !
قله يا سيدى ان انت فى اى مكان
كلّمٌه هوه ..
لو خايف من اى عتاب !!
*****
فرحات اللى آنى خبراه
كان ساعة ميبات فى الغيط
ييجى على ملا وشه
وحشاه !!
فرحات..
كنت بتيجى ملغمط وشك طين
والناس تتحير وتقول مين؟؟
بس آنى مين؟!!
عارفاه !!
من وسط الرجالة اعرف نَفَسه
من حبى الباين ليك
نسوان الكفر اتخرسو
ناسى كلامنا إياه؟!!!
أخخخخ
فرحات ..
إوعى تكون هاجج م الست ام حسين؟؟
اللى مرقباك فى الداخلة والخارجة
هو آنى ناسية؟؟
لما بتدخل دارنا بتعمل رجلك عارجة.
دى منوره أدام بيتها مخصوص علشانك
حسادة ..
ولندها دايما سارجه !
*****
بقى ده اسمه كلام يا هنيه؟؟؟
دا كلام مجانين ..
هيسيب الكفر
لجل أم حسين؟!!!
*****
عارف؟؟
تخبيطة الباب بتخلى القلب يزغرط ويطبل
من لبختى جرى على الباب .
بدل المرة اتنين بتكعبل
الاقيه حد من الكفر بسألنى عليك
وابرطم بكلام ملهوش معنى
مش عارفه ارد ازاى واشمعنى؟؟
يضرب كف على التانى
واسمعه بيقول :-
دى هنيه بتهبل !!
*****
مهى حاجة تمخول ايها عقل
من غير اسباب !!
والمشكلة انك عايش وآنى عارفه
طب ايه احساسك وانت تشد الباب؟؟
وخارج مش راجع
وعيونك شايفه!!!
وآنى شيفاك ..
*****
بس خلاص
كملت كلامى بسكات
آمله انك ترجع فرحات
مش معقوله هتجبرنى ف يوم
إنى أقول لحميدة ابوك مات ..
*****
هناك 47 تعليقًا:
اول تعليق
ل explosion
ايه ده انا تاني تعليق
طويب
بس بردون مش هتنازل عن دخول التاريخ
بص يا مسدس
معنديش الا تلت كلمات
رائعه
معبرة
حقيقيه
تسلم ايدك وبجد شغوفه اني اعرف نهايتها
واعرف هو ناوي علي ايه وبيعمل في هنيه كدا ليه
رساله اكثر من رائعه
لزوجه تحب زوجها
وتتمنى عودته
تعتبر زى رسايل الابنودى بتاعه رسايل لفاطنه عبد الغفار
بس كانت من الزوج للزوجه
لغربته عنها فى بناء السد
منتظرين باقى الحلقات
رااااااااااجع
قولها بقى ومتعذبهاش كده p:
تحفة بجد (:
ف انتظار باقى الحلقات
ايه يا عم الناس قاعدة على باب المدونة مستنية قصة فرحات
بس كلام هنية يوجع القلب والله
دي تقريبا لسعت من غياب فرحات
حلوة قوي
تسلم ايدك
فعلا الفراق بيخلى الانسان يعمل حاجات ويقول كلام غريب
فعلا هنية معذورة انها تقول ان السبب هى ام حسين
ماهى لو تعرف لغيابه سبب تانى كانت فكرت فيه
احاسيس قوية
تحياتى
عجبنى اسوبك جدا
وكلماتك بسيطة ومحببة للقلب
تحياتى
صلاح
تسلم ايدك
حكاويك بتفكرني
بعمك الحاج عبد الرحمن الابنودي
بس ايه ده
بحسك عايس سو سو هذا الفراحات
وبتنسج من حكايته غناوي
وتحكيها بمواويل
دمت جميل
تحياتي
مساء الفل يا عم صلاح
انا بصبح عليك بس
اصل مش متابع يوميات الاخ فرحات
ان شاء الله اتابعها من الاول
لان عارف اسلوبك رائع
انت فين من زماان عاوزين نسمع عنك كل خير
ونشوفك في المنصوره قريب
كالعاده رااااااائعه
بس ياتري فرحات هيرجع والا ايه نظامه
في انتظار البقيه
ياعينى صوعبت عليا اوى فى انتظار السلسله بتفكرنى برجل المستحيل لما يقولنا فى العدد القادم كان بيجننى الفضول:)
المرة دى بجد الكلام وجعنى v_v
رجع بقى فرحات علشان نعرف ساكت كل ده ليه
v_v
ياحكاياتك يافرحات
هههههههههه والله رااائعه وخصوصا كلمه (آنى) دى فظيييعه بس كويس انهم معندهمش غير حميده بس مش عارفه انا شاكه فى حميده ده حاسه ان هو سبب الحرب النفسيه بين فرحات وهنيه ههههه
انا هعمل زى وكلاء النيابه ونقول يبقى الحال على ماهو عليه وعلى المتضرر اللجوء الى القضاء هههه
هنيه مش عجبها الحال تروح بقى ترفع دعوى خلع وانت كده ممكن تستفيد ويجيلك عملاءهههه
صحيح نسيت اسأل هو انت جايب الشخصيات دى منين ههههههه حاسه انك دخلت الصعيد الجوانى على مالقيت الشخصيات دى
ننتظر المزيد
قريت وشدنى الاسلوب وعتاب هنية لفرحات
خلتنى ارجع للجزئين الاول والتانى
عشان اعرف ليه فرحات هج وساب الكفر
وقد ايه حبه لمراته وبنته
بس عارف طلقة جميلة من طلقاتك
اوحشتنى طلقاتك كثيرا اخى الصغير
وردشان
روح الحب الصادق
ياحليلها هنيه لسه قاعده تهدد
وفرحات ولا على باله .. رايح يعني رايح :)
سيبك انت شكل ام حسين لها دخل اكبر فى الموضوع :)
" من حبى الباين ليك
نسوان الكفر اتخرسو "
هههههههههههههههههههه
تماااااااااام اوي يامسدس افندي
ايه الروعة دي بس
بلدكم دخلت التاريخ بوجود واحد زيك فيها
بس قولي صحيح هي ام حسين دي قريبة تمام؟
هههههههههههههههههههههه
انا حاسس والله كده انها وراء الموضوع بتاع طفشاااااااان فرحات
ربنا يرجعهولهم بالسلامة
واظن انه لسه معرفش انك خليت فضيحته بجلاجل على المدونات ههههههههههههه
مزيد من التوفيق ياصديقي
في حفظ الله
اكسبلوجن
ماسى يا سيدى دخلت التاريخ فجر براحتك
بس بردة فتاة حالمة دخلت التاريخ عشان انت معلقتش تانى
هههههه
فتاه حالمة
انا دخلتك التاريخ متقلقيش
هههههههه
اشكرك على التعليق الجميل
نورتينى
رامى واصل
اشكرك يا باشا على متابعتك الرائعة
افخر بتشبيهى بالابنودى
اشكرك على التعليق
نورتنى
ايمى
هيرجع ؟؟
ياريت
هههههههههه
هقولها عشان اريحها بس بينى وبينها
اشكرك على التعليق نورتينى
ستيته
ربنا يزيد ويبارك
هههههههه
فعلا هنيه صعبانه عليه ومش عارف اخرجها من الورطة دى ازاى
هههههههه
ربنا يستر
اشكرك على التعليق
نورتينى يا احلى دكتورة
بنجاواتى
فعلا الفراق صعب جدا
هنيه صعبانه عليه بس اعمل ايه
ههههههه
اشكرك على التعليق الجميل
نورتنى
نهر الحب
فعلا هنيه دى نهر من الحب
اشكرك على الكلام الحلو اوى ده
وكويس انها عجبتك
اشكرك على التعليق
نورتينى
ابو العريف
اشكرك على الكلام الكبير عليه ده
بجد بكون سعيد جدا بمرورك
اشكرك على التعليق
نورتنى
خالد فودة
بإذن الله ياريس
ربنا يبارك فيك
تابع بقى وقولى رأيك
اشكرك على التعليق
نورتنى
صمت المشاعر
ادعوله بس انه يرجع
هههههههههه
اشكرك على التعليق الجميل
نورتينى
الشعب لابد له من حكومه
مفيش مستحيل ولا حاجة
هههههههههه
ربنا يسهل
اشكرك على التعليق
نورتينى جدا
سويت فيولت
ربنا يرجعك بالسلامة يا فرحات
ههههههههه
ربنا يسهل
اشكرك على التعليق الجميل
نورتينى
سويت فيولت
ربنا يرجعك بالسلامة يا فرحات
ههههههههه
ربنا يسهل
اشكرك على التعليق الجميل
نورتينى
حلم بيعافر
اشكرك يا باشا على المرور اللى شرفنى
ولو ان فيك عيب بس يلا
ههههههه
نورتنى
وكيلة نيابة مع ايقاف التنفيذ
حميدة ملوش ذنب
بس هنعمل ايه بس فى ام الدنيا
ههههههههه
والله مبسوط بتعليقك
اشكرك عليه
وكيلة نيابة
دول مش صعايدة
دول فلاحين بسطاء
بس كده
ههههههههه
اشكرك على التعليق
نورتينى
سمايلى روز
انا مش فرحان عشان التعليق
انا فرحان لانى شفتك تانى
من زمان اوى معلقتيش عندى
ربنا يبارك فيكى
تعليق اكثر من رائع
زادنى فخرا
اشكرك على التعليق
نورتينى
سارة
يا حليلك
انا بحب الكلمة دى جدا
يا حليلك
اشكرك على التعليق
هنيه حزنانه بقى
نورتينى
قلم رصاص
فرحات بردة؟
اللى العقل مزين راسه
هيسيب الكفر لجل ام حسين؟؟؟؟؟؟
مش ممكن
وام حسين مش قريبة تمام
وخلى الحالة حلوة كده
ههههههههههه
اشكرك على التعليق الجميل اوى ده
وحمد الله ع السلامة
نورتنى
تكمله رائعه بجد
صورت الاحساس بادق التفاصيل
كيارا
مرورك هو الاروع
اشكرك على التعليق الجميل
نورتينى
جميل يا مسدس اسلوبك والتلقائية في سرد الاحداث
تسلم ايدك
سلام
ماما امولة
ياه يا مامتى
حمد الله ع السلامة
من زمان كنت مفتقد لتعليقاتك
بجد والله نورتينى
اشكرك على التعليق الجميل
نورتى المدونة
ممممممممممم
هو عندك الي يعلق اول تعليق يدخل التاريخ؟؟؟
والله عال
بس انا علقت وحجزت وبعدها انشغلت مع ناس بقي انت فاهم
بس حلوة بجد فرحات وحب هنيه ليه واصرارها علي رجوعه وانها ولا حول ولا قوة الا بالله لسعت عشان فراقه
ربنا يعينها
فعلا احساس صعب
ربنا يهيدلهم الحال
ويا سيدي المرة الجايه هبقي ادخل التاريخ واعلق مرتين
ده التاريخ بحاله
سلام يا مسدس
واكثر من طلقات فرحات لانها رائعه بحق
طب هى عماله تنادى عليه كده
وتفتكر ايامه
ما قالتش ليه سبب انه مشى
اكيد فيه سبب
اكسبلوجن
ماسى ماسى
لسه جاية؟؟
خلاص التاريخ اتقفل
اللى دخلت التاريخ فتاة حالمة
هههههههه
وانتى كمان
هنيه غلبانه بحبها
ربنا يهدى
هههههه
اشكرك على التعليق
نورتى ودخلتى التاريخ
نودى
هنيه متعرفش فرحات فين ولو كانت تعرف او حتى كانت تعرف السبب مكنش ده بقى حالها
اشكرك على التعليق
نورتينى
جمييييلة اوي بجد ياصاصا
محلشي انا أتأخرت كان عندي انفلونزا خنازيرهههههههه
بس خلاص هي ام حسين دي هي ال نشتهم العين التمام :D
بس هي هنيه عاوزة تتقل شوية ولا اقولك
خليها تقوله ابوك مات هههههههه ماهو مش معبرها ياشيخة اتلهي :)
ربنا يرجعلك فرحات بالسلامة لحسن آني صعب عليه أنتي خااااالص ياهنيه ^^ وصاصا ظالمك معاه وفرحات كده
بجد جمييييلة اوي ياصاصا كل مرة احلي من ال قبلها
الي الامااام (:
إرسال تعليق