الخميس، 25 يونيو 2009

حكايات فرحات بعد ما ساب الكفر(3)


اصبرو شوية على فرحات متستعجلوش واللى مقراش الجزء الاول والتانى يقراهم اللى همه اخر بوستين..








مهو غصب عنى يا فرحات




أنى يعنى هقولهاله؟!




أنى بحمد ربنا إن مخلفناش




الا حميده




واهو خيرك موجود




بس الغيبة عليّه جديده



***




فرحات ..




طمنا عليك ان شالله




بأى جواب




ومعاك فلفون العمدة !




قله يا سيدى ان انت فى اى مكان




كلّمٌه هوه ..




لو خايف من اى عتاب !!

*****


فرحات اللى آنى خبراه




كان ساعة ميبات فى الغيط




ييجى على ملا وشه




وحشاه !!




فرحات..




كنت بتيجى ملغمط وشك طين




والناس تتحير وتقول مين؟؟




بس آنى مين؟!!




عارفاه !!




من وسط الرجالة اعرف نَفَسه


من حبى الباين ليك




نسوان الكفر اتخرسو




ناسى كلامنا إياه؟!!!




أخخخخ




فرحات ..




إوعى تكون هاجج م الست ام حسين؟؟




اللى مرقباك فى الداخلة والخارجة




هو آنى ناسية؟؟




لما بتدخل دارنا بتعمل رجلك عارجة.




دى منوره أدام بيتها مخصوص علشانك




حسادة ..




ولندها دايما سارجه !


*****





بقى ده اسمه كلام يا هنيه؟؟؟






دا كلام مجانين ..






هيسيب الكفر



لجل أم حسين؟!!!




*****




عارف؟؟




تخبيطة الباب بتخلى القلب يزغرط ويطبل




من لبختى جرى على الباب .




بدل المرة اتنين بتكعبل




الاقيه حد من الكفر بسألنى عليك




وابرطم بكلام ملهوش معنى




مش عارفه ارد ازاى واشمعنى؟؟




يضرب كف على التانى




واسمعه بيقول :-




دى هنيه بتهبل !!




*****




مهى حاجة تمخول ايها عقل




من غير اسباب !!




والمشكلة انك عايش وآنى عارفه




طب ايه احساسك وانت تشد الباب؟؟




وخارج مش راجع




وعيونك شايفه!!!




وآنى شيفاك ..




*****




بس خلاص




كملت كلامى بسكات




آمله انك ترجع فرحات




مش معقوله هتجبرنى ف يوم




إنى أقول لحميدة ابوك مات ..







*****


هناك 47 تعليقًا:

explosion يقول...

اول تعليق
ل explosion

فتاه حالمه يقول...

ايه ده انا تاني تعليق
طويب
بس بردون مش هتنازل عن دخول التاريخ
بص يا مسدس
معنديش الا تلت كلمات
رائعه
معبرة
حقيقيه

تسلم ايدك وبجد شغوفه اني اعرف نهايتها
واعرف هو ناوي علي ايه وبيعمل في هنيه كدا ليه

Ramy Wasel يقول...

رساله اكثر من رائعه
لزوجه تحب زوجها
وتتمنى عودته

تعتبر زى رسايل الابنودى بتاعه رسايل لفاطنه عبد الغفار

بس كانت من الزوج للزوجه
لغربته عنها فى بناء السد
منتظرين باقى الحلقات

e_emy يقول...
أزال المؤلف هذا التعليق.
e_emy يقول...

رااااااااااجع

قولها بقى ومتعذبهاش كده p:

تحفة بجد (:

ف انتظار باقى الحلقات

ستيتة يقول...

ايه يا عم الناس قاعدة على باب المدونة مستنية قصة فرحات

بس كلام هنية يوجع القلب والله
دي تقريبا لسعت من غياب فرحات

حلوة قوي
تسلم ايدك

بنجاواتى يقول...

فعلا الفراق بيخلى الانسان يعمل حاجات ويقول كلام غريب

فعلا هنية معذورة انها تقول ان السبب هى ام حسين
ماهى لو تعرف لغيابه سبب تانى كانت فكرت فيه

احاسيس قوية

تحياتى

Unknown يقول...

عجبنى اسوبك جدا
وكلماتك بسيطة ومحببة للقلب

تحياتى

أبو العريف يقول...

صلاح
تسلم ايدك
حكاويك بتفكرني
بعمك الحاج عبد الرحمن الابنودي

بس ايه ده
بحسك عايس سو سو هذا الفراحات
وبتنسج من حكايته غناوي
وتحكيها بمواويل


دمت جميل
تحياتي

خالد فوده يقول...

مساء الفل يا عم صلاح
انا بصبح عليك بس
اصل مش متابع يوميات الاخ فرحات
ان شاء الله اتابعها من الاول
لان عارف اسلوبك رائع
انت فين من زماان عاوزين نسمع عنك كل خير
ونشوفك في المنصوره قريب

صمت المشاعر يقول...

كالعاده رااااااائعه

بس ياتري فرحات هيرجع والا ايه نظامه

في انتظار البقيه

الشعب لابد له من حكومه تشكمه يقول...

ياعينى صوعبت عليا اوى فى انتظار السلسله بتفكرنى برجل المستحيل لما يقولنا فى العدد القادم كان بيجننى الفضول:)

Sweet Violet يقول...

المرة دى بجد الكلام وجعنى v_v
رجع بقى فرحات علشان نعرف ساكت كل ده ليه
v_v

حلم بيعافر يقول...

ياحكاياتك يافرحات

just dream يقول...

هههههههههه والله رااائعه وخصوصا كلمه (آنى) دى فظيييعه بس كويس انهم معندهمش غير حميده بس مش عارفه انا شاكه فى حميده ده حاسه ان هو سبب الحرب النفسيه بين فرحات وهنيه ههههه
انا هعمل زى وكلاء النيابه ونقول يبقى الحال على ماهو عليه وعلى المتضرر اللجوء الى القضاء هههه
هنيه مش عجبها الحال تروح بقى ترفع دعوى خلع وانت كده ممكن تستفيد ويجيلك عملاءهههه

just dream يقول...

صحيح نسيت اسأل هو انت جايب الشخصيات دى منين ههههههه حاسه انك دخلت الصعيد الجوانى على مالقيت الشخصيات دى
ننتظر المزيد

وردشان smilyrose يقول...

قريت وشدنى الاسلوب وعتاب هنية لفرحات

خلتنى ارجع للجزئين الاول والتانى

عشان اعرف ليه فرحات هج وساب الكفر

وقد ايه حبه لمراته وبنته

بس عارف طلقة جميلة من طلقاتك

اوحشتنى طلقاتك كثيرا اخى الصغير

وردشان

روح الحب الصادق

ساره يقول...

ياحليلها هنيه لسه قاعده تهدد
وفرحات ولا على باله .. رايح يعني رايح :)

سيبك انت شكل ام حسين لها دخل اكبر فى الموضوع :)

قلم رصاص يقول...

" من حبى الباين ليك




نسوان الكفر اتخرسو "

هههههههههههههههههههه

تماااااااااام اوي يامسدس افندي

ايه الروعة دي بس

بلدكم دخلت التاريخ بوجود واحد زيك فيها

بس قولي صحيح هي ام حسين دي قريبة تمام؟

هههههههههههههههههههههه

انا حاسس والله كده انها وراء الموضوع بتاع طفشاااااااان فرحات

ربنا يرجعهولهم بالسلامة

واظن انه لسه معرفش انك خليت فضيحته بجلاجل على المدونات ههههههههههههه


مزيد من التوفيق ياصديقي

في حفظ الله

مسدس صغير يقول...

اكسبلوجن
ماسى يا سيدى دخلت التاريخ فجر براحتك
بس بردة فتاة حالمة دخلت التاريخ عشان انت معلقتش تانى
هههههه

مسدس صغير يقول...

فتاه حالمة
انا دخلتك التاريخ متقلقيش
هههههههه
اشكرك على التعليق الجميل
نورتينى

مسدس صغير يقول...

رامى واصل
اشكرك يا باشا على متابعتك الرائعة
افخر بتشبيهى بالابنودى
اشكرك على التعليق
نورتنى

مسدس صغير يقول...

ايمى
هيرجع ؟؟
ياريت
هههههههههه
هقولها عشان اريحها بس بينى وبينها
اشكرك على التعليق نورتينى

مسدس صغير يقول...

ستيته
ربنا يزيد ويبارك
هههههههه
فعلا هنيه صعبانه عليه ومش عارف اخرجها من الورطة دى ازاى
هههههههه
ربنا يستر
اشكرك على التعليق
نورتينى يا احلى دكتورة

مسدس صغير يقول...

بنجاواتى
فعلا الفراق صعب جدا
هنيه صعبانه عليه بس اعمل ايه
ههههههه
اشكرك على التعليق الجميل
نورتنى

مسدس صغير يقول...

نهر الحب
فعلا هنيه دى نهر من الحب
اشكرك على الكلام الحلو اوى ده
وكويس انها عجبتك
اشكرك على التعليق
نورتينى

مسدس صغير يقول...

ابو العريف
اشكرك على الكلام الكبير عليه ده
بجد بكون سعيد جدا بمرورك
اشكرك على التعليق
نورتنى

مسدس صغير يقول...

خالد فودة
بإذن الله ياريس
ربنا يبارك فيك
تابع بقى وقولى رأيك
اشكرك على التعليق
نورتنى

مسدس صغير يقول...

صمت المشاعر
ادعوله بس انه يرجع
هههههههههه
اشكرك على التعليق الجميل
نورتينى

مسدس صغير يقول...

الشعب لابد له من حكومه
مفيش مستحيل ولا حاجة
هههههههههه
ربنا يسهل
اشكرك على التعليق
نورتينى جدا

مسدس صغير يقول...

سويت فيولت
ربنا يرجعك بالسلامة يا فرحات
ههههههههه
ربنا يسهل
اشكرك على التعليق الجميل
نورتينى

مسدس صغير يقول...

سويت فيولت
ربنا يرجعك بالسلامة يا فرحات
ههههههههه
ربنا يسهل
اشكرك على التعليق الجميل
نورتينى

مسدس صغير يقول...

حلم بيعافر
اشكرك يا باشا على المرور اللى شرفنى
ولو ان فيك عيب بس يلا
ههههههه
نورتنى

مسدس صغير يقول...

وكيلة نيابة مع ايقاف التنفيذ
حميدة ملوش ذنب
بس هنعمل ايه بس فى ام الدنيا
ههههههههه
والله مبسوط بتعليقك
اشكرك عليه

مسدس صغير يقول...

وكيلة نيابة
دول مش صعايدة
دول فلاحين بسطاء
بس كده
ههههههههه
اشكرك على التعليق
نورتينى

مسدس صغير يقول...

سمايلى روز
انا مش فرحان عشان التعليق
انا فرحان لانى شفتك تانى
من زمان اوى معلقتيش عندى
ربنا يبارك فيكى
تعليق اكثر من رائع
زادنى فخرا
اشكرك على التعليق
نورتينى

مسدس صغير يقول...

سارة
يا حليلك
انا بحب الكلمة دى جدا
يا حليلك
اشكرك على التعليق
هنيه حزنانه بقى
نورتينى

مسدس صغير يقول...

قلم رصاص
فرحات بردة؟
اللى العقل مزين راسه
هيسيب الكفر لجل ام حسين؟؟؟؟؟؟
مش ممكن
وام حسين مش قريبة تمام
وخلى الحالة حلوة كده
ههههههههههه
اشكرك على التعليق الجميل اوى ده
وحمد الله ع السلامة
نورتنى

Kiara يقول...

تكمله رائعه بجد

صورت الاحساس بادق التفاصيل

مسدس صغير يقول...

كيارا
مرورك هو الاروع
اشكرك على التعليق الجميل
نورتينى

أمل حمدي يقول...

جميل يا مسدس اسلوبك والتلقائية في سرد الاحداث

تسلم ايدك

سلام

مسدس صغير يقول...

ماما امولة
ياه يا مامتى
حمد الله ع السلامة
من زمان كنت مفتقد لتعليقاتك
بجد والله نورتينى
اشكرك على التعليق الجميل
نورتى المدونة

explosion يقول...

ممممممممممم
هو عندك الي يعلق اول تعليق يدخل التاريخ؟؟؟
والله عال
بس انا علقت وحجزت وبعدها انشغلت مع ناس بقي انت فاهم
بس حلوة بجد فرحات وحب هنيه ليه واصرارها علي رجوعه وانها ولا حول ولا قوة الا بالله لسعت عشان فراقه
ربنا يعينها
فعلا احساس صعب
ربنا يهيدلهم الحال
ويا سيدي المرة الجايه هبقي ادخل التاريخ واعلق مرتين
ده التاريخ بحاله
سلام يا مسدس
واكثر من طلقات فرحات لانها رائعه بحق

nody يقول...

طب هى عماله تنادى عليه كده
وتفتكر ايامه
ما قالتش ليه سبب انه مشى
اكيد فيه سبب

مسدس صغير يقول...

اكسبلوجن
ماسى ماسى
لسه جاية؟؟
خلاص التاريخ اتقفل
اللى دخلت التاريخ فتاة حالمة
هههههههه
وانتى كمان
هنيه غلبانه بحبها
ربنا يهدى
هههههه
اشكرك على التعليق
نورتى ودخلتى التاريخ

مسدس صغير يقول...

نودى
هنيه متعرفش فرحات فين ولو كانت تعرف او حتى كانت تعرف السبب مكنش ده بقى حالها
اشكرك على التعليق
نورتينى

قلب ارهقته الاحلام يقول...

جمييييلة اوي بجد ياصاصا

محلشي انا أتأخرت كان عندي انفلونزا خنازيرهههههههه

بس خلاص هي ام حسين دي هي ال نشتهم العين التمام :D

بس هي هنيه عاوزة تتقل شوية ولا اقولك

خليها تقوله ابوك مات هههههههه ماهو مش معبرها ياشيخة اتلهي :)

ربنا يرجعلك فرحات بالسلامة لحسن آني صعب عليه أنتي خااااالص ياهنيه ^^ وصاصا ظالمك معاه وفرحات كده

بجد جمييييلة اوي ياصاصا كل مرة احلي من ال قبلها

الي الامااام (: