الاثنين، 25 مايو 2009

يا بدرية ..!


يا بدرية ..

وضحكك ليلة مش معدية

جمالك كله ف عنيكى

وانا ليكى

جفونك ليه؟؟

فوق العيون مغطية.

يا بدرية

يا قتّالة..

ومين راح يدفع الدية؟!!

يا بدرية ..

****

يا بدرية ..

معاكى مهما العمر هيعدى

ومش ممكن اسيبك

وحد الله عليكى

متمشى.

حسيبى ربنا

والله حسيبك .

****

يا فكرة طيش فى عقلى الباطن

يا حب غريب

هياجه ساكن

وموج البحر

جنونه ميفرّق . ولكن

يغطينى وميغرّق .

يا بدرية..

****

وحب الناس مع العشق

شويه عتاب

يا بدرية

وحبى وحبك

دا قصر كبير

ملوش ابواب

يا بدرية..

****

يا بدرية ..

ونورك ساطع

وجودك يكْفِى

وليه القمر طالع؟!!

مفيش داعى

ولو جابو رموشك وسطة؟!!

مفيش مانع ..

****

يا ورد الدنيا

مين قالك؟؟

بإن العطر ده منك؟!

اخدت العطر من بدرية

واهو كله عشان زنَّك..

يا بدرية...

هناك 76 تعليقًا:

قلم رصاص يقول...

أوووووووووول تعليق اخيرا

زهقتونا في عيشتنا

هههههههههههههههه

قلم رصاص يقول...

ياقتالة ومين هيدفع الديه ؟!


ههههههههههههههههه

ههههههههههههههههه

ههههههههههههههههه

دا الموضوع كبير أوي ياجدعان
ايه يابني اللي جرالك
لالالالالالالالالا

انا هستصدر قرار عاجل من مجلس الأمن بإتخاذ بعض التدابير المؤقتة في هذا الشأن الخطييييييييييير

لالالالالالالالالا ياباشا


يبدو انك وقعت خلاص
والبركة في بدرية

هههههههههههههههه

الا من حق

هي بدرية دي قريبة بهية اللي معقده محمد العزبي ؟!

ههههههههههههههه


كلام جميل ياباشا والله
ومش جديد عليك

من يومك شاعر

شاعر بكل حاجة الا انا
هههههههههههههه

نظرة لحين ميسرة ياباشا

ههههههههههههه

مزيد من التوفيق والتميز ياحبيبي

ونسألكم الدعاء بالنجاح

في حفظ الله

صديقم المخلص/ قلم رصاص

ريمان يقول...

هههههههههههههههههههههه


تعليق قلم رصاص يفطس من الضحك بصراحه


طب نقول السلام عليكم الاول



طب نعرف بقى حكايه بدريه دى

ههههههههههههههه


مييييييين يا ترى

ههههههههههههههه



بس الكلمات جميله اوى ما شاء الله

والسجع كمان ميه ميه

بس غريبه انك بتقول عليها زنّانه

بس ليه كده بتزننننن عليك فى اييييييه

تحياتى ليك

اكتر مقطع عجبنى ده

يا فكرة طيش فى عقلى الباطن


يا حب غريب


هياجه ساكن


وموج البحر


جنونه ميفرّق . ولكن


يغطينى وميغرّق .

حلوه اوى وفيها خيال رهيب وعجيب

مالوش حدود

تحياتى ليك مره تانيه

د. ياسر عمر عبد الفتاح يقول...

تسلم إيدك



إلا بالحق
مين بدرية دي؟

قلم رصاص يقول...

الكل بيسأل مين بدرية يامسدس

ههههههههههههههههههه

الحق ياعم وريحنا بقى

ههههههههههههههههههههه

محمد يقول...

كلام منسق جميل

بس هي طلعت بدرية يعني مش مشمشية ولا ايه


تحياتي

الشعب لابد له من حكومه تشكمه يقول...

سؤال يفرض نفسه لماذا بدريه ولماذا الان:)

كلمات جميله جداااااا فى وقت مبقاش للكلمات معنى..احييك بجد

صبرني يارب يقول...

ايه ده كله بدريه كده

مافيش حجه متاخره شويه

جميله اوي يسلم كي بوردك يا معلم

ساره يقول...

بدريه بنت خالتى تعرفها؟؟؟

حلو شعرك ياصلاح فيه حس قديم
فيه نغمه تجذب
فيه استرسال لطيف

تعرف انت خط الشعر هذا مميز عندك
استمر
الله يوفقك

MaNoOoSh يقول...

بقى بعد الغزل دة كله تطلع ست بدرية زنانة فى الاخر.. معلش استحملها (ولو انه اكيد على قلبك زي العسل بردو)
ههههههههههههههه


بس مين بدرية دي بقى ؟؟ هه؟؟ مين مين قول متتكسفش.. قول بس وانا مش هقول لحد؟

وردة يقول...

هههههههههههههه
والله العظيم دمها زي العسل
موت من الضحك
وكمان ايه متظبطة علي الاخر
الكلام جميل وسهل ممتنع
وبسيط ورقيق
والاكتر دمه خفيف
هههههههههه
ربنا يكرمك تسلم ايدك
سلام

Sweet Violet يقول...

جميلة كلماتك (:

اما بقى بدرية أممممممممم

بص هو انا مش هكون فضولية خاااااااااااااالص و اقول مين و كده ابدا

لكن هستنى بقى لما ترد على كل اللى سأل علشان اعرف ^_*

علشان بس تعرف انى مش فضولية ولا حاجة ((:

تامر علي يقول...

كلمات جميلة فعلاً ووراها احساس عالي (متحرك) مش ساكن يعني مش مجرد ابداع فيها (إنّ) يعني :))))

عجبتني فعلاً

تحياتي :)

mimi يقول...

اسلوبك فكرني بأغنية لعبد الرحمن الأبنودي اسمها " فاطمة" ... كلماتك حلوة اوي وبسيطة ... والأسم كمان بدرية من وجهة نظري يدل علي بنت البلد الأصيلة العياشة القتالة ...

مبروك للأهلي

بيب بيب

بنجاواتى يقول...

يا سلام

يا بختها بدرية

بدرية دى قمر اوى كده؟؟؟

على فكرة النوع ده من الكتابات رائع جدا

تمام يا فندم

ستيتة يقول...

يا قوم
ومنين أجيب ناس لمعناة الكلام يتلوه

زنَّك مش زنِّك

يعني ورد الدنيا زن عليها قامت ست بدرية ادته من عطرها الفواح

مين بقى
ها
ها

اشمعنى بدرية
دي قصة متدارية

تسلم ايدك يا صاصا

مسدس صغير يقول...

قلم رصاص
ماشى يا سيدى اول تعليق
متخافش
مبروك دخلت التاريخ

مسدس صغير يقول...

قلم رصاص
بدرية دى وحدة حلوة. ها حلوة فاهمنى انتى طبعا؟؟
ههههههههه
الموضوع مش خطير ولا حاجة اصل انا تربيتك يا باشا.
ههههههه
اما بقى بدرية وبهية دول اولاد ميعرفوش خالة بعض

اشكرك على الكلام الحلو ده ياباشا
يا قمر المدونات.
احييك ومستنيينك

مسدس صغير يقول...

ريمان
اذا كان عاجبك اوى تعليق قلم رصاص حلفت مهو راجع
ههههههههههه
كلامك جميل اوى
سعيد انها عجبتك
اشكرك على التعليق
نورتينى

ibndafallah يقول...

مساء الخير
اول مرة ادخل عندك
تحياتى الى بدرية

مسدس صغير يقول...

د/ياسر
محدش يسأل عن بدرية اصلها واصلة فى البلد اوى ولو اتفضح امرها ممكن تولع فى نفسها
هههههههه
اشكرك على التعليق
نورت

مسدس صغير يقول...

قلم رصاص
خلى الرصاص يقطعك كده ومش هقول هيه مين بردة؟
هههههههههههه
سلام

مسدس صغير يقول...

هذه حياتى
هههههههههه
بدرية مشمشية فتحية مش فارقه.
ههههههه
اشكرك على الفضيحة
نورتنى

مسدس صغير يقول...

الشعب اللى عاوز حكومة
اشكرك على الكلام الحلو ده
بدرية دى هى فكرة طيش فى عقلى الباطن.
ههههههه
اشكرك على التعليق
نورتينى

مسدس صغير يقول...

صبرها يارب
هههههه
اشكرك على التعليق
نورتى البلوج
وتسلم فرانك.
هههههه

مسدس صغير يقول...

سارة
هو انتى عارفة بدرية بنت خالتك منيييين؟؟؟
هههههههه
اشكرك على الكلام الحلو ده
بجد نورتينى

مسدس صغير يقول...

منوووش
يا ستى بدرية دى ملاك مش زنانة ولا حاجة
عايزين تتأكدو روحو لتعليق ستيته هانم تحت خالص.
اشكرك على التعليق
نورتينى

مسدس صغير يقول...

وردة
ياااه الكلام الحلو ده ليه؟؟
اشكرك على الكلام ده
بجد سعيد بمرورك وعربياتك
نورتى البلوج

مسدس صغير يقول...

sweet violet
هههههههههه
انا عارف انك مش فضولية ولا حاجة
بس انتى الوحيدة اللى هقولك
بس يكون سر..
هااااااااااا؟
سر؟؟
بدرية دى









فكرة طيش فى عقلى الباطن.
ههههههههه
اشكرك على التعليق
نورتى
وفين المثاثة؟؟؟!!

مسدس صغير يقول...

تامر على
ياباشا طالما عجبتك
يبقى اخدنا نوط الاجادة ونجمة سينا كمان
هههههههه
اشكرك على التعليق
نورتنى

مسدس صغير يقول...

ميمايا
ايه الناس اللى فاهمة دى
بنت البلد الاصيلة
طبعا صح الصح
اشكرك على التعليق وبجد نورتينى
مبروووووك للأهلى
واشربو يا مانجه ويا زمالك

مسدس صغير يقول...

بنجاواتى
ميغلاش عليك يا باشا
حلفت مهى راجعة
ههههههههههه
اشكرك على التعليق الجميل
نورت البلوج

مسدس صغير يقول...

ستيتة حسبو
الله الله الله الله
هيه دى الناس
هقول ايه بس
دا انا مشكلها مخصوص عشان كده
ورد الدنيا اللى يحتاج لبدرية مش بدرية اللى تحتاج لشوية ورد يا عالم.
ورد الدنيا هوه اللى بيزن
مش بدرية
بدرية دى ملاك
نسمة
هتزن ازاى يعنى؟؟؟
هههههههههههه
توضيح هايل
اشكرك على التعليق الجميل
نورتينى
والحكاية فى بطن الشاعر بقى
ههههههه

مسدس صغير يقول...

adlahmed
لاااااااااااااا
ملكش دعوة ببدرية
تسلم عليها بتاع ايه
نشكرك على التعليق ماشى
نقولك نورت البلوج ماشى
انما تسلم عليها ده اللى مش ماشى
هههههه

صمت المشاعر يقول...

انا مش هعمل زيهم واقعد اسال وكدا

بس اقولك حاجه ما انت ممكن تقولنا

مين بدريه واحنا نتوسطولك عندها

ونروحوا نخطبوها هوا

بس عرفنا بس مين بدريه ومالكش دعوه

ويابخت من وفق مسدسين قصدي راسين في الحلال

مسدس صغير يقول...

صمت المشاعر
ههههههههههههه
خلاص هقولك بس يكون بينى وبينك طالما الموضوع هيدخل فى الجد كده
بدرية دى هيه
.
.
.
.
.
.
.
.
.
.
بدريااااااااااااااااااا.
ههههههههسلام
ونورتينى

Soul.o0o.Whisper يقول...

السلام عليكم و رحمة الله و بركاته

ممممممممممممم

مممممممممممممممممم

ممممممممممممممممممممممممممم



لالالالا

كدا هنضحى بالام و الجنين
و مش بعيد الاب كمان

عشان مرات الاب تعيش


هههههههههههههههههههههه




بجد رائعة جدا

فكرة الطيش تعقل
و بدل العقل الباطن
تبئا حقيقة


دمت بود

مسدس صغير يقول...

سول
ههههههههههه
احنا كده هنضحى بالمستشفى كلها عشان عمدة البلد يعيش
هههههههه
كلماتك جميلة
اشكرك على التعليق
نورتينى جدا
مش شايف من النور
ههههههه

ضــى القمــر يقول...

كلمات فى منتهى الروعه
بجد عجبتنى جدا جدا
واسلوبها سهل وبسيط ومعبر جداا
سلم لنا قلمك يا اخى دائما
اجمل تحيه لك

Bola 7elmi يقول...

:)


أسلوبك حلو أوووي
أول مرور .. وانشالله مش الأخير

سلامي ليك :)
و لبدريه D: أصدي عقلك الباطن يعني

اسماء يقول...

اه يا بتاع بدرية
هههههههههههههههههههههههه
ايه الكلام ده كله يا ابني
بدرية عملت فيك ايه
ها
قول قول متخبيش
بس انا افتكرت هنيدي وهو بيقول الشعر
حبيت وفاء وفاااااء وراحت وفاء
وحبيت ست الحتة وعرفت ست الحتة ست الحتاااااااااااااااااااااا
وراحت ست الحته
انت بقا عرفت بدرية بدرياااااااااااااااااا
هههههههههههههههههه
تسلم ايديك على الشعر
سهل وجميل وممتع
وزي ما الناس قالولك في التعليقات بدرية دي رمز للاصالة وكده
سلام

Unknown يقول...

الله جميـــــــــــــــــلة

Sweet Violet يقول...

ياسلاااااااااام

بقى هو ده السر ماشى ماشى

ياااااارب تخرج من العقل الباطن للواقع

علشان نفرح فيك نيهاهاهاهاهاهاهاهاها

و كمان مثاثة ايه بس

المثاثة بتاعت كيارااااا

اما انا الايس كريم اللى مش هطوووووووله ابدا ^_^

MǿиY El-Shreef يقول...

الله عليك ياصاصا

بحب شعرك ده اوي

بيحسسني بكل حاجه حلوه ف البنوته

حبك ده جميل اوي

بس مش كنت تختار اسم اشيك شويه :P

صيدلانيه طالعه نازله يقول...

انا استدعيت العفريت و لف المدونات كلها لقى كام بدريه الا هيا انهى فيهم
بتقول اييييييييييييييييه مش سامعه

القلم السكندري يقول...

قتالة فعلا

بس دول مبيدفعوش دية

بيقتلو القتيل ويمشوا ف جنازته

تحياتي

بـسـمـــة صـــــلاح يقول...

هههههههههههههههههه
جميله اوي اوي على فكره
ولذيذه في نفس الوقت
بجد عجبتني جدا
هههههههههههههه
انما مين هي بدريه دي؟؟؟
هههههههههههههههههههههههههه

وفعلا تعليق قلم رصاص يدحك اوي

تسلم كلماتك

مسدس صغير يقول...

ضى القمر
ايه الكلام الحلو ده
اشكرك على التعليق الجميل
على فكرة بدرية دى اكيد قريبتك.
قمر وبدرية يبقى قرايب
ههههههه

مسدس صغير يقول...

Bola 7lmy
اشكرك على الكلام الحلو ده
ويارب متبقاش اخر مرة
بجد نورتنى

مسدس صغير يقول...

اسماء
هههههههههههههه
ست الحتة؟؟؟؟
هههههههههههههههه
هى فعلا ست الحتة انتى عرفتى منين؟؟
ههههههه
فعلا بدرية ده للرمز للبنت المصرية الاصيلة وبس
اشكرك على التعليق الجميل جدا
نورتى المدونة

مسدس صغير يقول...

norahaty
اشكرك على التعليق
سعيد بمرورك
نورتينى

مسدس صغير يقول...

sweet violet
هههههههههه
انا بقى عاوز مثاثة وايس كريم مع بعض
مليش دعوة
عااااااااا
ومسيرها تخرج من عقلى الباطن
هتروح فين يعنى
ههههههه

اشكرك على التعليق
نورتى
عاوز ايس كريييييييييييم
ومثاثة

د/عرفه يقول...

هههههههههههه
عجبنى البوست اوى
وربنا يخليلك بدرية

مسدس صغير يقول...

مونى الشريف
فينك من زمان؟
ع العموم سعيد بتعليقك
وبدرية اسم شيك اوى انا هسمى كل بناتى بدرية
بدرية 1
بدرية 2
بدرية 3
وهكذا
ههههههههه
اشكرك على التعليق
نورتى

مسدس صغير يقول...

صيدلانية طالعة نازلة
ههههههههه
ابعتى بس العفريت وانا اقوله هيه مين
وبعدين هوه يبقى يقولك
ههههههههه
اشكرك على التعليق
نورتى البلوج طبعا

مسدس صغير يقول...

القلم السكندرى
هههههههه
فعلا مبيدفعوش ديه
دول بيتلذذو بالقتل
ههههه
اشكرك على التعليق
نورتنى

مسدس صغير يقول...

بسمة صلاح
هههههههه
يا ستى اشكرك على التعليق الجميل ده
بجد نورتينى
انما بدرية دى هى سر المهنة
انا بقى هتنازل لقلم رصاص عن المدونة بسبب التعليق بتاعه؟؟
هههههههههه
انا احذفه احسن
عشان الناس تنتبه لبدرية
ههههههههههه
نورتينى

مسدس صغير يقول...

د/عرفة
طالما عجبك
حلفت مهو راجع
هههههههه
اشكرك على التعليق الجميل
بجد نورتنى

فتاه حالمه يقول...

هالللللللللللللللللللللوز يا مسدس افندي

انا مش هسال مين بدريه طبعا لانه سؤال سخيف
دي حريه شخصيه وكله في التمام
بس هي مين بدريه بقي عشان ابقي عارفه يعني
وبعدين يا عم الحاج انت مش في تحقيق امبارح قولتلي علي اسم تاني ولا هي بدريه ليها اسمين
عموما حلو الكلام يا طبنجه باشا هو انا اقدر اتكلم
وربنا يخليك بدريه
سلاموززززززززززززززززز

غروب يقول...

ربنا يخليلك بدريه يا متر

جميله الكلمات بس يعنى مش لاقي اسم تانى ؟

بدريه ده خلص من سنين هههههه

تسلم الايادى

قلب ارهقته الاحلام يقول...

انا زعلاااانه اوي عشان أتأخرت ياصاصا:((

بس مش مهم بأة طبعا اهم حاجه اهم حاجة اني اعلق طبعاً :D

عشان أدخل التاااااااااااارخ هئ هئ هئ

جميله اوي بجد رقيقة و فيها إحساس جميل اوي مش بدرية " الشعر " :-p

بس يسلام لو فكرة الطيش دي تكون ف عقلك الواعي وتطلع من شرنقة عقلك الباطن قبل ماتموت مخنوقة :D

والا صحيح بأة مين بدرية ههههههههه

اشمعني انا يعني هااااا

قووووووول قووووووووول بأة قوووووووووول

هتقول ولا اضرب بالرصاص :D

تسلم ايديك ياصاصا

تحياتي ,,,

مسدس صغير يقول...

فتاة حالمة
برافو عليكى
فعلا مبتحبيش تسألى على خصوصيات.
ههههههههههههههه
ايه؟؟
مين بدرية؟؟؟
هههههههههههه
بدرية دى فى عقلى الباطن
هههههههههه
سعيد جدا بتعليقك
نورتى

مسدس صغير يقول...

غروب
ياريت كل البنات اسمهم بدرية
ياريت
هههههههه
اسم حلو اوى
هسمى كل بناتى بدرية
هههههههههه
اشكرك على التعليق
نورتينى

مسدس صغير يقول...

قلب ارهقته الاحلام
سجل يا تاريخ اسمها ايه دى دخلتك
اى خدمة
ههههههههه
عجبتك اوى كده؟؟
ههههههههه
اشكرك على التعليق الجميل اوى
وحمد الله ع السلامة
اما بقى بدرية دى
سر كبير
نايم فى البير
هبقى اقولكو عليه فى وقته
هههههههههه
وانتى بالذات
اشكرك للمرة الالف على التعليق
نورتى البلوج والبلاليج اللى جنبه

كيكى عوووووو يقول...

يا فكرة طيش فى عقلى الباطن


يا حب غريب


هياجه ساكن


وموج البحر


جنونه ميفرّق . ولكن


يغطينى وميغرّق
************
اعذرنى البوست كله كوم والى فات دة كوم!!َ!
ياترى فرحك على بدرية امتى!!
عوووووو

قلم رصاص يقول...

بما ان تعليقي نال اعجاب اكتر من مدون ومدونة فأنا اقترح انك تنزله صالة مزادات بلندن واللي يطلع من الموضوع ده ياعم حلال عليك ههههههههههه

حتى عشان يبقى معاك فلوس تجدد ديكورات المدونة وتغير العربية وتتجوز

وتسدد جزء من ديون مصر
هههههههههههههههه

دمت في حفظ الله

مسدس صغير يقول...

كيكى
انا عاوز اسألك سؤال بس؟؟
هو البوست بتاعى كام كوم؟؟؟؟
هههههههههههه
اشكرك على التعليق الجميل اوى
اما فرحى على بدرية هيكون قريب بعد تلات خمس عشرين سنة كده.
هههههههههه
سلام
نورتى

مسدس صغير يقول...

قلم رصاص
انا بردة قلت كده.
فيه ايه يا جدعان البوست ده بتاعى مش بتاع قلم رصاص
كله داخل حرب مش عارف اخرها
دى حرب عصابات يا جماعة
الواد ده موجه
دول حزب اعداء النجاح
ههههههههههههه
اطردوه من هنا
انا سمعت ان القصيدة بتاعتى نزلت فى الجورنان ابقى احجزلى نسختى احسن انت عارف؟؟؟
حلوة دى
حلوة؟؟؟

هندسة وصفية يقول...

ابو صلاح حبيبي
مش بشوفك علي الياهو
جميل و دمه خفيف الكلام
هي بدرية صعبة اوي كدة ؟؟؟

مسدس صغير يقول...

هندسة وصفية
موجود يا باشا
ع العموم سعيد جدا بتعليقك
نورتنى
ولنا لقاء ان شاء اللع ع الياهو

Kiara يقول...

سيدي ياسيدي

تحففففففففففففففه طبعا

مسدس صغير يقول...

كيارا
اشكرك على التعليق
سعيد بتعليقك
نورتينى

غير معرف يقول...

رائعه جديده تضاف لروائع صاحب المدونه
وعلي فكره مش كل ال بيكتب عن علاقه معينه وخاصه لو ذكر اسمها تكون العلاقه دي موجوده ف الغالب بيعيش حاله معينه من خياله ويعبر عنها
اي حدمه يا عم صلاح كده انضميت لهئيه الدفاع وكله بثوابه
الناس دي مش مريحه نغسها ابدا مين بدريه وفين بدريه ايه ده يا اخي؟
مش هتقولي بئي علشان اعرف اكمل مرافعه؟

مسدس صغير يقول...

غير معرف
ايه ده ايه ده؟؟
ايه الدفاع ده
دا مكنتش متصور ان بدرية هتدوب الناس كده
ههههههههههه
اشكرك على انضمامك لهيئة الدفاع
بجد سعيد بتعليقك
نورت البلوج

mahasen saber يقول...

بدريه اممممممممم من البدر يعنى

القصيده تحفه بجد

واول مره ااقرا حد بيتغنى باسم بدريه
ده على كده فيه امل كبير فى اسم محاسن ده ههههههههه

تسلم ايدك المسدس تحفه قصدى القصيده تحفه

مسدس صغير يقول...

محاسن صابر
ههههههه
اه فيه امل طبعا
القصيدة الجاية باسم محاسن عشان خاطرك
ههههههه
سعيد بتعليقك وكلامك الحلو
نورتينى