يا وطن ....
يا كلمة بتدارى الحقيقة.
يا وردة الوادى العتيقة.
يا حتة من قلب العيال فى المدرسة
ساعة تحية العلم.
والمشاعر كلها ثابتة
مش سراب
لأ . حقيقة
يا وطن
يا صرخة الأم
اللى واجع طلقها.
مهى لسه والدة من دقيقة.
.........
يا دمعتين . من وطن باكى
أمرك غريب
هوه مين يبكى لمين؟؟!!
يا وطن.
طب لما انت كده؟؟
مين هيشد على ايدى
وقت المحن.
وللا مين ساعة الجواز ينادينى.
افرح جايبينلك سكن.
........
يا وطن ....
يا لمة العيلة أدام ماتش كورة
يا سجدة بعد الجون.
ولا حد ليِه فى الكورة
لكن عشانه يهون.
.......
يا فكرة متبعترة جوة الكتب فى المكتبه.
وكلب كهف من تلتميت سنه
عشانك انت انتبه.
يا كلمة ليه تحتها عشرين خط
وبردة متشطبة؟؟
.......
يا وطن ...
مفيش حاضر
وماضى متشوه
وكاتب التاريخ مش محترم.
يا وطن مشهور بالضى والمى والحجر
بالشمس بالنيل بالهرم.
لكن خلاص
كل الامور اتغيرت
واتدهورت
حتى الاوزون اتخرم.
حتى اللى كان هيبه
ويخوف البلدان شيبه
وسط الخلايق كده
مضروب بالصرم.
.......
يا وطن ..
يا ست وقت العزا شقه الجيوب
متحسرة
يا دمعة العاشق ساعة ميلمح ضى القمر
يا فرحه فى قلب العشيقة
من دمعته لازم تدوب
متأثرة
يا ذنب معروف بالخطيئة
مش ممكن يتوب
متفسرة
.......
يا وطن..
اصرخ على اولادك
خلاص مش فارقه ويّاهم.
وروح اترمى. واحتمى.
بأحضان العيال ايّاهم.
......
يا وطن ..
ميحدوش اى حد
عشان عيونه
فحتنا القنال وبنينا سد.
وف الاخر طالب وظيفه
يقولى اتسد؟!!!!
خلاص أتسد..
هناك 71 تعليقًا:
اول تعليق ليا يا جرعان ها ها ها
محدش بياكلها بلساهل
هقرا واجى
بجد بعنى الله
ا حتة من قلب العيال فى المدرسة
بجد الوطن ليها معانى كتيراكتر من كدة كمان
ورغم اللى ممكن نشوفو من الوطن
بردو بنحبو
بنتعذب جواه
وبنتمرمط
بس بردو جوان اكلمة الوطن
وزى ماقولت
ممكن واحد ميبقا ليه فى الكورة
ولو مصر بتلعب تلاقى قلبو جواه بيقول يارب نكسب
ولو كسبنا قلبو يرقص من الفرحة مع انو مش فاهم غير ان الوطن بيلعب
بجد يا واد انتا
عليه كلام
جميل
الله الله الله
والله كلمات واحساس ولا اجمل
بحبها والعن ابوها بعشق زى الداء مفيش كلام يتقال غير تسلم ايدك يا فنان
مش عارف اقتبس ايه واسيب ايه كله تحفة والله
يا وطن ....
يا لمة العيلة أدام ماتش كورة
يا سجدة بعد الجون.
ولا حد ليِه فى الكورة
لكن عشانه يهون.
عارف يا استاذ صلاح
الكلام ده ينفع يغنيه منير
بجد والله حاجه كده تحس انك مبسوط انك مصري لما تقراها
او تسمعها
كلامك من القلب ودخل القلب
تسلم ايدك وربنا يخليك لمصر
يا حتة من قلب العيال فى المدرسة
ساعة تحية العلم.
والمشاعر كلها ثابتة
مش سراب
لأ . حقيقة
بجد مش عارف انا لية بحبها
رغم كل اللى بيتعملة فيا البلد
دى بس برضة بحن لها وارجع من تانى واسامحها يمكن بس علشان دعايا صلصة
واعرف اكوس فيها كويس ؟ يمكن؟؟؟
يا دمعتين . من وطن باكى
أمرك غريب
هوه مين يبكى لمين؟؟!!
جميلة جدااااااااا .. سلمت يمناك
نسال الله صلاح الحال
روعة بجد
الله على معنى الوطن
تسلم إيدك
بجد كلام جميل اوووووووووي
واحساس جميل اوي بمعني الوطن
دمت بخير ودام قلمك دائما مبدعا
ربنا يبارك فيك
قصيدة ولا اروع
تسلم الايادي
وبجدجسدت في كل مقطع حالة مبنشوفهاش غير في مصر وبس
ايون مصر بشعبها ده وبس
مش جديد عليك ياصديقي العزيز
مبدع دايما
كلمات واقعية جدا جدا جدا
وتناغم رائع من تنسيق يد خبيرة كيدك
ارفع لك القبعه ياصاحبي
في حفظ الله
اصرخ على اولادك
خلاص مش فارقه ويّاهم.
وروح اترمى. واحتمى.
بأحضان العيال ايّاهم
صلاح المعني ورا كلماتك قوي
الله يصلح الحال ...
حبيتها يا مسدس
جزاكم الله الف الف خير
بوست رائع
لا مميز
من اروع ما قرات
جزاكم الله الف الف خير
بوست رائع
لا مميز
من اروع ما قرات
اول تعليق يا جرعان؟؟
ايه جرعااان دى؟؟
ههههههههه
البت المشمشية
كمان لسه ما قريتيش؟؟
انجرى يا بنت.
البت المشمشية
فعلا الوطن له معانى كتيرة
انتى اساسا مش عارفاها.
هههههههه
المهم تعليقك جميل وموضوعى
عارف ان انتى فدائية. وبتحبى الوطن
يللا بقى اسمع السلام الوطنى بلادى بلادى عشان خاطر مشمشية ورقصنى يا جدع
امبارح كان عمرى عشرين.
اشكرك على التعليق الجميل
سعيد بمرورك
احييك على التعليق
مونى الشريف
خلاص ايدى على كتفك
وصلى الكلام ده لمنير عشان يغنيه وليكى 90% من الفلوس.
هههههههههه
سعيد بتعليقك
نورتينى
رامى عيسى
لازم نحب بلدنا طبعا
مهما حصل
سعيد بتعليقك
منورنى يا رامى باشا
غربتى
نسأل الله صلاح الحال؟؟؟
صلاح مين؟؟
انا؟؟
ههههههه
اشكرك على التعليق منورانى
وربنا يتقبل دعائك
محمد غالية
بجد سعيد بتعليقك
اشكرك
منورنى كعادتك الجميلة
صمت المشاعر
اشكرك على التعليق
منورانى
مها زين
الكلام الجميل ده ليه؟؟
كتير
اشكرك على التعليق
بجد سعيد بزيارتك وتعليقك
منورانى
قلم رصاص
اشكرك على التعليق وعلى الكلام الجميل ده
احييك على تواجدك
وربنا ميقطعلك عادة خير ابدا
سارة
اشكرك على التعليق
سعيد بتواجدك
منورة البلوج كله يا سارة هانم
محبة الرحمن
جزاكم الله خيرا
منورانى
اشكرك على التعليق
دمت مبدعا
اول زياره .. ودائما ان شاء الله
تحياتي
خالد فودة
اشكرك على الزيارة
وعلى الكلكات الرقيقة
دمت فى حفظ الله
نورتنى
انت جمعت كل حاجة
الوطن
كلمة كبيرة بتفقد مكهاناه وبننساه عند اول مشكلة
بنرمي عليه كل مشاكلنا ونعلق عليه فشلنا
ربنا يكرمنا ببلدنا
ام الدنيا
اشكرك علي كلامك الرقيق
سلام
كلنا هنتسد.. وحياتك هنتسد
فى الوظيفة هنتسد
وفى الجواز هنتسد
وفى الأحلام كمان احتمال كبير نتسد
بص لو محلمناش بالأحسن وحاولنا نسعى له.. هنموت كمدا مش هنتسد بس
بيتهيئلى اليأس ملوش موقع من الاعراب فى حياتى اليومين دول.. وهحلم غصب عن كل اللى بيسدونى.. مين عارف.. مش يمكن اعرف أحقق الحلم!!!!
السلام عليكم
ازيك يا صلاح
عارف بقى الاحلى من كده ايه؟
اما انت قولتها بنفسك يوم اللقاء وكان جميل اوى القاءك وانت بتقول القصيده دى
جميله اوى بجد
وفيها تشبيهات رائعه ومبتكره وجديده
دومت بارعا متألقا مبدعا
تحياتى ليك
وردة
اشكرك انتى على كلامك الرقيق
تعليقك جميل
شرفتينى بالزيارة
نورتى البلوج
manooosh
فعلا اليأس لازم ميكونش ليه موقع من الاعراب ولا حتى ع النت فى حياتنا
كلنا نتسد ليه؟؟
على رأى منير لو بطلنا نحلم نموت.
اشكرك على التعليق
نورتى
ريمان
هههههههه
اشكرك على الكلام الجميل ده
سعيد بلقاءك مع المدونين
ابداعى بعض من ابداعكم.
بجد سعيد بتعليقك
نورتى البلوج
ايوه كده
فعلا لما الواحد يقرا الكلام غير لما يسمعه في وسط هيصه
بجد حلوه اووووووووى
تسلم ايدك
غروب
اشكرك على الكلام الحلو ده
تعليقك اسعدنى
نورتى البلوج يا غروب هانم.
ياستى.
ايه ستى دى ؟؟؟
انا مش ستك
هههههههههههههههههههههههههههههه
والمعنى في بطن الشاعر
(يا وطن ..
ميحدوش اى حد
عشان عيونه
فحتنا القنال وبنينا سد.
وف الاخر طالب وظيفه
يقولى اتسد؟!!!!)
.........
مايعرف قيمة كلمة وطن
الا اللى اتغرب
وانا اتغربت
وفعلا وانت فى وطنك
لك احساس وشكل تانى
مهما تشوف فيه من تعب
لكنه يهون كله صدقنى بوجود الاهل
تحياتى ولكلماتك وتشبيهاتك.
غروب
يا سلام؟
لاء طبعا
انا سمعناه احسن وافضل بكتير اما نقرأه
خصوصا ان القاء صلاح كان جميل يا غروب
قال هيصه قال
يا وطن..
اصرخ على اولادك
خلاص مش فارقه ويّاهم.
وروح اترمى. واحتمى.
بأحضان العيال ايّاهم.
أحييك بشدة
كلمات رائعة
هوه حد يقدر يقول حاجه بعد الكلام ده
بس ايه الجمال دوت
تسلم اديت
اما عن القصيده هيه معلقه على نفسها اكيد
تحياتى
بطوووط
يا فكرة متبعترة جوة الكتب فى المكتبه.
وكلب كهف من تلتميت سنه
عشانك انت انتبه.
يا كلمة ليه تحتها عشرين خط
وبردة متشطبة؟؟
جميييييييييييل جداااا
بس برضه لسه وطن ..
اه يا وطن
كلمات مش عارفه احييك عليها
ولا اتخانق معاك
بجد كلمات معبره جدا
يا ست ساعة العزا .. اه هى مصر دلوقتى فى ساعة عزا
بجد تسلم اديك
وكاتب التاريخ مش محترم.
************
مش معاك في دي
الصوره مش سودا كدا
الموضوع والكلمات جميلة
(يا فكرة متبعترة جوة الكتب فى المكتبه.
وكلب كهف من تلتميت سنه
عشانك انت انتبه.
يا كلمة ليه تحتها عشرين خط
وبردة متشطبة؟؟)
كلمات عبقرية أهنيك على موهبتك وأرجو ألا تفرط فيها وأن لا تبخسها حقها
تحياتي وتقديري
غروب
هههههههههه
لأ ستى
انا حر فى كلامى
والا اقوم امشى؟
ههههههههه
nora haty
طبعا كله يهون بوجود الاهلى خاصة اذا كان على قناة الاهلى
هههههههه
معاكى حق طبعا
اشكرك على التعليق وعلى الزيارة الغالية
بجد نورتينى
ريمان
بصى ياستى انتى وغروب تتشاكلو بمطوتين كده واللى يكسب يبقى هوه اللى صح
ههههههههه
هتضربو بعض ادامى؟؟؟؟؟
هههههههه
نورتينى طبعا
اضربى اضربى
د/سمرمر
اشكرك على التعليق وعلى الزيارة الكريمة جدا
بجد سعيد بزيارتك نورتينى
بطوووووط
اولا اشكرك على الكلام الحلو اوى ده
القصيده معلقه على نفسها؟؟
ههههه
اشكرك على الزيارة العزيزة ويارب ميقطعلك زيارة
نورتينى
e-emy
طبعا هيفضل وطن رغم انف الحاقدين
هنعيش ونموت وبردة بنحبك يا بت (مصر)
سعيد بتعليقك
نورتينى
ايمان
اشكرك على التعليق الجميل
مصر دالوقتى مش ساعة عزا ولا حاجة
ربنا يجعل ايامنا كلها سعادة
اشكرك على التعليق الجميل
نورتينى يا ايمان هانم
ايمان
اشكرك على التعليق الجميل
مصر دالوقتى مش ساعة عزا ولا حاجة
ربنا يجعل ايامنا كلها سعادة
اشكرك على التعليق الجميل
نورتينى يا ايمان هانم
كيارا
طبعا الصورة مش سوده انما ده مجرد اسلوب استنكار ليس اكثر
اشكرك على التعليق الجميل
نورتينى يا كيارا
موناليزا
اشكرك على التعليق
دمتى فى سعادة
نورتى البلوج
تامر على
بجد انت بتقول كلمات كبيرة اوى ليتنى استحقها
اشكرك عليها
سعيد بمرورك جدا
نورتنى بجد
انا اول مرة اجي هنا
واكيد مش اخر مرة
بس بجد
بوست
جميييييييييييييييييل
الطبيعي
ان اللي بيكتب تعليق
يكتب فيه احسن جزء عجبه
انا كدهه
هاكتب القصيدة كلها
بجد جميلة
والواحد بيلاقي نفسه وواقعه في كل سطر فيها
تسلم ايدك
الله عليك
قلتلك قبل كده إنب مبحبش الشعر العامي؟
لو مقلتلكش يبقي أديني بقولك أهوه
لكن فيه ناس معينة كده بيخلوني غصب عني أقعد وأتمزج بيه قبل كده قعدني غصب عني عمنا صلاح جاهين وسيد حجاب والأبنودي وبيرم
إنت بقي بجد من الناس القليلة دي .. وقعدتني أقرأه لأخره
تسلم إيدك
سوبيا
يارب متكون اخر مرة
ربنا ميقطعلك زيارة ابدا
بجد سعيد بزيارتك
نورتى
د/ياسر عمر عبد الفتاح
طبعا دى شهادة اعتز بيها
سعيد جدا جدا بتعليقك
يا سلام انا مع الناس الجميلة دى؟؟
يارب اكون عند حسن الظن
اشكرك على التعليق الجميل
نورتنى
السلام عليكم ورحمة
الله تعالى وبركاته
النهاردة أجازة قلت
اسلم على القوم اجمعين
كيفك مسدس صغير :بخير؟
(وانا مقلتش الاهلى يامسدس!
انا قلت الاهل :)مش مجلة الاهلى
ولا قناة الاهلى :)حتقولنى شىء ما قلته؟؟:)سلام مسدس .نريد جديدك:)
ابعد المسدس ده كده شويه
حلوه قوى قوى قوى القصيده دى
تخلى الوطن يفرح ان فيه حد بيكتب فيه الكلام الموزون ده
nora haty
هههههههه
شكلك زملكاوية
ههههه
اشكرك على الزيارة الغالية
اجازة سعيدة
نورتينى
محاسن صابر
ههههههه
خلاص خلاص
مش هضربك
ههههههه
طالما انتى شايفة ان الوطن يفرح بالقصيدة خلاص
افرح يا سيدى.
هههههههههه " ضحكة الوطن "
ههههههه
اشكرك على التعليق ونورتينى
(شكلك زملكاوية )
الله يسامحك:( الله يسامحك :(
دى تهمة تتهمنى بيها؟
ربنا على الظالم!!
hello friend. you want to come race Blog Design, Read more. Can you be a friend again
إرسال تعليق