الجمعة، 17 أبريل 2009

يا وطن


يا وطن ....

يا كلمة بتدارى الحقيقة.

يا وردة الوادى العتيقة.

يا حتة من قلب العيال فى المدرسة

ساعة تحية العلم.

والمشاعر كلها ثابتة

مش سراب

لأ . حقيقة

يا وطن

يا صرخة الأم

اللى واجع طلقها.

مهى لسه والدة من دقيقة.

.........

يا دمعتين . من وطن باكى

أمرك غريب

هوه مين يبكى لمين؟؟!!

يا وطن.

طب لما انت كده؟؟

مين هيشد على ايدى

وقت المحن.

وللا مين ساعة الجواز ينادينى.

افرح جايبينلك سكن.

........

يا وطن ....

يا لمة العيلة أدام ماتش كورة

يا سجدة بعد الجون.

ولا حد ليِه فى الكورة

لكن عشانه يهون.

.......

يا فكرة متبعترة جوة الكتب فى المكتبه.

وكلب كهف من تلتميت سنه

عشانك انت انتبه.

يا كلمة ليه تحتها عشرين خط

وبردة متشطبة؟؟

.......

يا وطن ...

مفيش حاضر

وماضى متشوه

وكاتب التاريخ مش محترم.

يا وطن مشهور بالضى والمى والحجر

بالشمس بالنيل بالهرم.

لكن خلاص

كل الامور اتغيرت

واتدهورت

حتى الاوزون اتخرم.

حتى اللى كان هيبه

ويخوف البلدان شيبه

وسط الخلايق كده

مضروب بالصرم.

.......

يا وطن ..

يا ست وقت العزا شقه الجيوب

متحسرة

يا دمعة العاشق ساعة ميلمح ضى القمر

يا فرحه فى قلب العشيقة

من دمعته لازم تدوب

متأثرة

يا ذنب معروف بالخطيئة

مش ممكن يتوب

متفسرة

.......

يا وطن..

اصرخ على اولادك

خلاص مش فارقه ويّاهم.

وروح اترمى. واحتمى.

بأحضان العيال ايّاهم.

......

يا وطن ..

ميحدوش اى حد

عشان عيونه

فحتنا القنال وبنينا سد.

وف الاخر طالب وظيفه

يقولى اتسد؟!!!!

خلاص أتسد..



هناك 71 تعليقًا:

*البت المشمشية *حلوة بس شقية * يقول...

اول تعليق ليا يا جرعان ها ها ها

*البت المشمشية *حلوة بس شقية * يقول...

محدش بياكلها بلساهل
هقرا واجى

*البت المشمشية *حلوة بس شقية * يقول...

بجد بعنى الله
ا حتة من قلب العيال فى المدرسة
بجد الوطن ليها معانى كتيراكتر من كدة كمان
ورغم اللى ممكن نشوفو من الوطن
بردو بنحبو
بنتعذب جواه
وبنتمرمط
بس بردو جوان اكلمة الوطن
وزى ماقولت
ممكن واحد ميبقا ليه فى الكورة
ولو مصر بتلعب تلاقى قلبو جواه بيقول يارب نكسب
ولو كسبنا قلبو يرقص من الفرحة مع انو مش فاهم غير ان الوطن بيلعب

بجد يا واد انتا
عليه كلام
جميل

أمبارح كان عمرى عشرين يقول...

الله الله الله
والله كلمات واحساس ولا اجمل
بحبها والعن ابوها بعشق زى الداء مفيش كلام يتقال غير تسلم ايدك يا فنان
مش عارف اقتبس ايه واسيب ايه كله تحفة والله


يا وطن ....


يا لمة العيلة أدام ماتش كورة


يا سجدة بعد الجون.


ولا حد ليِه فى الكورة


لكن عشانه يهون.

MǿиY El-Shreef يقول...

عارف يا استاذ صلاح

الكلام ده ينفع يغنيه منير

بجد والله حاجه كده تحس انك مبسوط انك مصري لما تقراها

او تسمعها

كلامك من القلب ودخل القلب

تسلم ايدك وربنا يخليك لمصر

رامى عيسى يقول...

يا حتة من قلب العيال فى المدرسة


ساعة تحية العلم.


والمشاعر كلها ثابتة


مش سراب


لأ . حقيقة


بجد مش عارف انا لية بحبها
رغم كل اللى بيتعملة فيا البلد
دى بس برضة بحن لها وارجع من تانى واسامحها يمكن بس علشان دعايا صلصة
واعرف اكوس فيها كويس ؟ يمكن؟؟؟

رامى عيسى يقول...
أزال المؤلف هذا التعليق.
ghorBty يقول...

يا دمعتين . من وطن باكى

أمرك غريب

هوه مين يبكى لمين؟؟!!

جميلة جدااااااااا .. سلمت يمناك

نسال الله صلاح الحال

mohamed ghalia يقول...

روعة بجد
الله على معنى الوطن
تسلم إيدك

صمت المشاعر يقول...

بجد كلام جميل اوووووووووي

واحساس جميل اوي بمعني الوطن

دمت بخير ودام قلمك دائما مبدعا

maha zein يقول...

ربنا يبارك فيك
قصيدة ولا اروع
تسلم الايادي
وبجدجسدت في كل مقطع حالة مبنشوفهاش غير في مصر وبس
ايون مصر بشعبها ده وبس

قلم رصاص يقول...

مش جديد عليك ياصديقي العزيز

مبدع دايما

كلمات واقعية جدا جدا جدا

وتناغم رائع من تنسيق يد خبيرة كيدك

ارفع لك القبعه ياصاحبي

في حفظ الله

ساره يقول...

اصرخ على اولادك
خلاص مش فارقه ويّاهم.
وروح اترمى. واحتمى.
بأحضان العيال ايّاهم

صلاح المعني ورا كلماتك قوي
الله يصلح الحال ...

حبيتها يا مسدس

محبة الرحمن يقول...

جزاكم الله الف الف خير

بوست رائع

لا مميز

من اروع ما قرات

محبة الرحمن يقول...

جزاكم الله الف الف خير

بوست رائع

لا مميز

من اروع ما قرات

محبة الرحمن يقول...
أزال المؤلف هذا التعليق.
محبة الرحمن يقول...
أزال المؤلف هذا التعليق.
مسدس صغير يقول...

اول تعليق يا جرعان؟؟
ايه جرعااان دى؟؟
ههههههههه

مسدس صغير يقول...

البت المشمشية
كمان لسه ما قريتيش؟؟
انجرى يا بنت.

مسدس صغير يقول...

البت المشمشية
فعلا الوطن له معانى كتيرة
انتى اساسا مش عارفاها.
هههههههه
المهم تعليقك جميل وموضوعى
عارف ان انتى فدائية. وبتحبى الوطن
يللا بقى اسمع السلام الوطنى بلادى بلادى عشان خاطر مشمشية ورقصنى يا جدع

مسدس صغير يقول...

امبارح كان عمرى عشرين.
اشكرك على التعليق الجميل
سعيد بمرورك
احييك على التعليق

مسدس صغير يقول...

مونى الشريف
خلاص ايدى على كتفك
وصلى الكلام ده لمنير عشان يغنيه وليكى 90% من الفلوس.
هههههههههه
سعيد بتعليقك
نورتينى

مسدس صغير يقول...

رامى عيسى
لازم نحب بلدنا طبعا
مهما حصل
سعيد بتعليقك
منورنى يا رامى باشا

مسدس صغير يقول...

غربتى
نسأل الله صلاح الحال؟؟؟
صلاح مين؟؟
انا؟؟
ههههههه
اشكرك على التعليق منورانى
وربنا يتقبل دعائك

مسدس صغير يقول...

محمد غالية
بجد سعيد بتعليقك
اشكرك
منورنى كعادتك الجميلة

مسدس صغير يقول...

صمت المشاعر
اشكرك على التعليق
منورانى

مسدس صغير يقول...

مها زين
الكلام الجميل ده ليه؟؟
كتير
اشكرك على التعليق
بجد سعيد بزيارتك وتعليقك
منورانى

مسدس صغير يقول...

قلم رصاص
اشكرك على التعليق وعلى الكلام الجميل ده
احييك على تواجدك
وربنا ميقطعلك عادة خير ابدا

مسدس صغير يقول...

سارة
اشكرك على التعليق
سعيد بتواجدك
منورة البلوج كله يا سارة هانم

مسدس صغير يقول...

محبة الرحمن
جزاكم الله خيرا
منورانى
اشكرك على التعليق

خالد فوده - Khaled fouda يقول...

دمت مبدعا

اول زياره .. ودائما ان شاء الله

تحياتي

مسدس صغير يقول...

خالد فودة
اشكرك على الزيارة
وعلى الكلكات الرقيقة
دمت فى حفظ الله
نورتنى

وردة يقول...

انت جمعت كل حاجة
الوطن
كلمة كبيرة بتفقد مكهاناه وبننساه عند اول مشكلة
بنرمي عليه كل مشاكلنا ونعلق عليه فشلنا
ربنا يكرمنا ببلدنا
ام الدنيا
اشكرك علي كلامك الرقيق
سلام

MaNoOoSh يقول...

كلنا هنتسد.. وحياتك هنتسد
فى الوظيفة هنتسد
وفى الجواز هنتسد
وفى الأحلام كمان احتمال كبير نتسد
بص لو محلمناش بالأحسن وحاولنا نسعى له.. هنموت كمدا مش هنتسد بس
بيتهيئلى اليأس ملوش موقع من الاعراب فى حياتى اليومين دول.. وهحلم غصب عن كل اللى بيسدونى.. مين عارف.. مش يمكن اعرف أحقق الحلم!!!!

ريمان يقول...

السلام عليكم

ازيك يا صلاح

عارف بقى الاحلى من كده ايه؟

اما انت قولتها بنفسك يوم اللقاء وكان جميل اوى القاءك وانت بتقول القصيده دى

جميله اوى بجد

وفيها تشبيهات رائعه ومبتكره وجديده

دومت بارعا متألقا مبدعا

تحياتى ليك

مسدس صغير يقول...

وردة
اشكرك انتى على كلامك الرقيق
تعليقك جميل
شرفتينى بالزيارة
نورتى البلوج

مسدس صغير يقول...

manooosh
فعلا اليأس لازم ميكونش ليه موقع من الاعراب ولا حتى ع النت فى حياتنا
كلنا نتسد ليه؟؟
على رأى منير لو بطلنا نحلم نموت.
اشكرك على التعليق
نورتى

مسدس صغير يقول...

ريمان
هههههههه
اشكرك على الكلام الجميل ده
سعيد بلقاءك مع المدونين
ابداعى بعض من ابداعكم.
بجد سعيد بتعليقك
نورتى البلوج

غروب يقول...

ايوه كده

فعلا لما الواحد يقرا الكلام غير لما يسمعه في وسط هيصه

بجد حلوه اووووووووى

تسلم ايدك

مسدس صغير يقول...

غروب
اشكرك على الكلام الحلو ده
تعليقك اسعدنى
نورتى البلوج يا غروب هانم.
ياستى.

غروب يقول...

ايه ستى دى ؟؟؟

انا مش ستك

هههههههههههههههههههههههههههههه

والمعنى في بطن الشاعر

norahaty يقول...

(يا وطن ..


ميحدوش اى حد


عشان عيونه


فحتنا القنال وبنينا سد.


وف الاخر طالب وظيفه


يقولى اتسد؟!!!!)
.........
مايعرف قيمة كلمة وطن
الا اللى اتغرب
وانا اتغربت
وفعلا وانت فى وطنك
لك احساس وشكل تانى
مهما تشوف فيه من تعب
لكنه يهون كله صدقنى بوجود الاهل
تحياتى ولكلماتك وتشبيهاتك.

ريمان يقول...

غروب

يا سلام؟

لاء طبعا

انا سمعناه احسن وافضل بكتير اما نقرأه

خصوصا ان القاء صلاح كان جميل يا غروب

قال هيصه قال

dr_samarmar يقول...

يا وطن..


اصرخ على اولادك


خلاص مش فارقه ويّاهم.


وروح اترمى. واحتمى.


بأحضان العيال ايّاهم.


أحييك بشدة
كلمات رائعة

Batoooot يقول...

هوه حد يقدر يقول حاجه بعد الكلام ده
بس ايه الجمال دوت
تسلم اديت
اما عن القصيده هيه معلقه على نفسها اكيد
تحياتى
بطوووط

e_emy يقول...

يا فكرة متبعترة جوة الكتب فى المكتبه.

وكلب كهف من تلتميت سنه

عشانك انت انتبه.

يا كلمة ليه تحتها عشرين خط

وبردة متشطبة؟؟

جميييييييييييل جداااا
بس برضه لسه وطن ..

إيمان يقول...

اه يا وطن

كلمات مش عارفه احييك عليها

ولا اتخانق معاك

بجد كلمات معبره جدا

يا ست ساعة العزا .. اه هى مصر دلوقتى فى ساعة عزا

بجد تسلم اديك

كيــــــــــــارا يقول...

وكاتب التاريخ مش محترم.

************

مش معاك في دي

الصوره مش سودا كدا

موناليزا يقول...

الموضوع والكلمات جميلة

تامر علي يقول...

(يا فكرة متبعترة جوة الكتب فى المكتبه.


وكلب كهف من تلتميت سنه


عشانك انت انتبه.


يا كلمة ليه تحتها عشرين خط


وبردة متشطبة؟؟)

كلمات عبقرية أهنيك على موهبتك وأرجو ألا تفرط فيها وأن لا تبخسها حقها

تحياتي وتقديري

مسدس صغير يقول...

غروب
هههههههههه
لأ ستى
انا حر فى كلامى
والا اقوم امشى؟
ههههههههه

مسدس صغير يقول...

nora haty
طبعا كله يهون بوجود الاهلى خاصة اذا كان على قناة الاهلى
هههههههه
معاكى حق طبعا
اشكرك على التعليق وعلى الزيارة الغالية
بجد نورتينى

مسدس صغير يقول...

ريمان
بصى ياستى انتى وغروب تتشاكلو بمطوتين كده واللى يكسب يبقى هوه اللى صح
ههههههههه
هتضربو بعض ادامى؟؟؟؟؟
هههههههه
نورتينى طبعا
اضربى اضربى

مسدس صغير يقول...

د/سمرمر
اشكرك على التعليق وعلى الزيارة الكريمة جدا
بجد سعيد بزيارتك نورتينى

مسدس صغير يقول...

بطوووووط
اولا اشكرك على الكلام الحلو اوى ده
القصيده معلقه على نفسها؟؟
ههههه
اشكرك على الزيارة العزيزة ويارب ميقطعلك زيارة
نورتينى

مسدس صغير يقول...

e-emy
طبعا هيفضل وطن رغم انف الحاقدين
هنعيش ونموت وبردة بنحبك يا بت (مصر)
سعيد بتعليقك
نورتينى

مسدس صغير يقول...

ايمان
اشكرك على التعليق الجميل
مصر دالوقتى مش ساعة عزا ولا حاجة
ربنا يجعل ايامنا كلها سعادة
اشكرك على التعليق الجميل
نورتينى يا ايمان هانم

مسدس صغير يقول...

ايمان
اشكرك على التعليق الجميل
مصر دالوقتى مش ساعة عزا ولا حاجة
ربنا يجعل ايامنا كلها سعادة
اشكرك على التعليق الجميل
نورتينى يا ايمان هانم

مسدس صغير يقول...

كيارا
طبعا الصورة مش سوده انما ده مجرد اسلوب استنكار ليس اكثر
اشكرك على التعليق الجميل
نورتينى يا كيارا

مسدس صغير يقول...

موناليزا
اشكرك على التعليق
دمتى فى سعادة
نورتى البلوج

مسدس صغير يقول...

تامر على
بجد انت بتقول كلمات كبيرة اوى ليتنى استحقها
اشكرك عليها
سعيد بمرورك جدا
نورتنى بجد

سوبيا يقول...

انا اول مرة اجي هنا
واكيد مش اخر مرة

بس بجد
بوست
جميييييييييييييييييل

الطبيعي
ان اللي بيكتب تعليق
يكتب فيه احسن جزء عجبه

انا كدهه
هاكتب القصيدة كلها

بجد جميلة
والواحد بيلاقي نفسه وواقعه في كل سطر فيها

تسلم ايدك

د. ياسر عمر عبد الفتاح يقول...

الله عليك
قلتلك قبل كده إنب مبحبش الشعر العامي؟
لو مقلتلكش يبقي أديني بقولك أهوه
لكن فيه ناس معينة كده بيخلوني غصب عني أقعد وأتمزج بيه قبل كده قعدني غصب عني عمنا صلاح جاهين وسيد حجاب والأبنودي وبيرم
إنت بقي بجد من الناس القليلة دي .. وقعدتني أقرأه لأخره

تسلم إيدك

مسدس صغير يقول...

سوبيا
يارب متكون اخر مرة
ربنا ميقطعلك زيارة ابدا
بجد سعيد بزيارتك
نورتى

مسدس صغير يقول...

د/ياسر عمر عبد الفتاح
طبعا دى شهادة اعتز بيها
سعيد جدا جدا بتعليقك
يا سلام انا مع الناس الجميلة دى؟؟
يارب اكون عند حسن الظن
اشكرك على التعليق الجميل
نورتنى

norahaty يقول...

السلام عليكم ورحمة
الله تعالى وبركاته
النهاردة أجازة قلت
اسلم على القوم اجمعين
كيفك مسدس صغير :بخير؟
(وانا مقلتش الاهلى يامسدس!
انا قلت الاهل :)مش مجلة الاهلى
ولا قناة الاهلى :)حتقولنى شىء ما قلته؟؟:)سلام مسدس .نريد جديدك:)

mahasen saber يقول...

ابعد المسدس ده كده شويه

حلوه قوى قوى قوى القصيده دى
تخلى الوطن يفرح ان فيه حد بيكتب فيه الكلام الموزون ده

مسدس صغير يقول...

nora haty
هههههههه
شكلك زملكاوية
ههههه
اشكرك على الزيارة الغالية
اجازة سعيدة
نورتينى

مسدس صغير يقول...

محاسن صابر
ههههههه
خلاص خلاص
مش هضربك
ههههههه
طالما انتى شايفة ان الوطن يفرح بالقصيدة خلاص
افرح يا سيدى.
هههههههههه " ضحكة الوطن "
ههههههه
اشكرك على التعليق ونورتينى

norahaty يقول...

(شكلك زملكاوية )
الله يسامحك:( الله يسامحك :(
دى تهمة تتهمنى بيها؟
ربنا على الظالم!!

smithe يقول...

hello friend. you want to come race Blog Design, Read more. Can you be a friend again