السبت، 7 مارس 2009

كروان




كروان وغنّا فى السما معروف غناه.

كل اللى يسمع ياليل وياها عين

يصرخ يقول الله .

يا سلام كمان لما يقول

بصوت مفتول الآه .

الصوت يدوى وسايب بصمته

عمرى ف يوم مانساه.

...

كروان متحكى قصتك

على ناى ربابه وللا أنون .

اصل البكا ويّا السهاد لجلك يهون .

عقل الحكيم

لجل السماع اصبح جنون.

علشان عيونك

لقيت ف نفسى مجنون عيون.

...

متغنى يا كروان واطربنا .

صدقنى يا كروان

سكوت عيونك يتعبنا.

قبل الغنا انده

بصوتك قربنا .

طلبك على راس الامير

بنبيذ عيونك وشربنا.

...

كروان وغنى ...

دى هتبقى جنه.

من غير كلام .

اسقى العوام

يا تمر حنه.

دا الصوت ده منّه.

...

كروان متقعد عندنا وتقول آهات .

وهاتبقى واحد مننا

تطرب حارتنا والناس سكات .

وتغنى حته من حب سومه .

وتشد نجمه من ليل نجاة.

...

كروان كفايه علينا عذاب

بلاش تغيب.

دا يوم غيابك

بيغنى الغراب .

غراب ده ايه؟!!

وايش جاب لجاب؟!

غنيلنا حته لصلاح جاهين

أو حتى غنوة لسيد حجاب.

...

وغنّى يا كروان .

دا القمر وسط النجوم سهران

مليون سنه بيعد فيهم

باين عليه سكران .

غنيله كمل صدمته

وصدق فكرته

عمره ماشاف ألوان .

عايش فى بحر من السواد

ويّا نجوم بيضا

عمره ماشافله اخوات

باين عليه زعلان.

...

غنى بصوتك واملا الفضا

واطرب قمرنا

يمكن..

على ايدك يتهدى.

والطير عشانك

مستنى يسمع غنوتك يخشى القضا.

...

واطرب ملايين البشر .

هز الحجر

فجر عيون السما .

راح تبكى بدموع المطر

وغنّى...

هناك 70 تعليقًا:

حسام غانم يقول...

مش هقول غير كلمة واحدة


جااااااااااااااااامد

ستيتة يقول...

ايه ده
هو انت اللي كاتب ده؟
انا قلت تحت خالص ها تقول ده شعر فلان الفلاني
لأ ياعم ده انت على كده فعلا جامد على رأي حسام

المدونات دي عرفت الواحد ان البلد فعلا مليانه ناس كويسين وعقولهم دهب

بس مستخبين

سؤال : هو فيه شعراء خريجي حقوق ومعاهم مسدس غيرك؟

تسلم ايدك راااااااااااااائعة

maha zein يقول...

ايه ده
كل الشعر ده ليا
اشكرك من كل قلبي
من المعاميع

حلوة اوي الابيات دي
وتحسها قريبة لاشعار صلاح جاهين

ده انت شكل الكروان مروقك علي الاخر
وش بيغمز
ايوة يا عم
اللى رماك يرمينا
اللى عطاك يعطينا
الا مين الكروان ده يا عم

ماشي ماشي

لا بجد حلوة اوي اوي الكام بيت دول
كروان يا ناس

mohamed ghalia يقول...

غنى
حلوه قوى الأبيات دى
بجد هايل
تسلم ايدك
دمت فى سعادة

dodda يقول...

انت اللى كاتبه؟؟!!!
كنت مستنيه الاقى اسم الشاعر!!!

انت بتضرب نار اهه يا مسدس
:0)

جميل جدا


كروان وقال الاه
والناس تقول الله
ليه يا طبيب تداوى
جرح خلى لصوتى صداه
دانا صوتى لما عِلى
كان شكوته لله...

مسدس صغير يقول...

حسام غانم

انت اللى جامد

انا مش جامد

انا خيخة

ههههه

اشكرك ونورتنى

مسدس صغير يقول...

ستيتة حسبو
اة انا اللى كاتب ده.
مشبهشى؟؟؟
هههههههههههه
غير كده متدوريش على اسم عشان كله ماركة مسجلة باسم مسدس صغير
وعلى فكرة انا معتقدش ان فيه واحد خريج حقوق يمشى من غير مسدس..
مسدس ايه ؟؟
انا بهزر طبعا
اجيب لنفسى مصيبة وانا قاعد ع النت كده؟؟
اشكرك على التعليق اللى اسعدنى يا دكتورة ستيته.
ونورت المحكمة يا سرحان

مسدس صغير يقول...

maha zain
طبعا كل الشعر ده ليكى انا عندى اغلى منك؟؟
مع المعاميع برده
يا سلام على تشبيهك انا زى عمنا جاهين ؟؟
دانا يحصلى عظيم الشرف لمجرد التشبيه.
الكروان ده يا ستى هو تيييييييييييييييت.
للأسف الرقابة التموينية حذفت الاسم
خلاص هبقى اقولهولك بينى وبينك بس يبقى سر وانا عارف ان سرى معاكى كبير اوى يسع لـ400 فرد.ههههههههههه
نورتينى

مسدس صغير يقول...

mohamed ghalia
اشكرك على التعليق اللى اسعدنى بجد لان انت تاجر السعادة فى المدونات.
اشكرك ونورتنى

مسدس صغير يقول...

dodda
اة انا اللى كاتبه. ايه الغريب فى كده؟
اى نعم وشى ملخبط حبتين بس بعرف اكتب شعر
اصل انا واد شاعر قديم.
وش مستغرب..
ههههههههههه
كمان طلعتى بتكتبى شعر واخدتى كلمتين من عندى وكملتى عليهم ايه الانسجام ده ؟
دا احنا طلعنا زمايل فى الكار اهوه.

Kiara يقول...

واطرب ملايين البشر .

هز الحجر

فجر عيون السما .

راح تبكى بدموع المطر

*************

روووووووعه بجد بهرتني

simply me يقول...

ماشاء الله على المواهب
:)

جميله اوى

على فكره انا بعت الدعوه وحضرتك لسه مش قبلتها هى تاهت ولا ايه؟؟؟؟؟؟

Empress appy يقول...

هموت على صورة الكناريا بجد مش ممكنه
وطبعا الكلام

صمت المشاعر يقول...

ما شاء الله بجد

كلمات واسلوب راااااااااااااائع

في انتظار المزيد

مسدس صغير يقول...

كيارا
اشكرك على الكلام الجميل ده
واشكرك على التعليق اللى اسعدنى
تحيتى
نورتينى يا كيارا

مسدس صغير يقول...

bondoka
عجبتك القصيده؟؟
حلوة اوى انا عارف..
ايه التواضع بتاعى ده؟..
ههههههههههه
اشكرك على التعليق
وانا بالفعل دخلت على الدعوة بس مش عارف مبتقبلش ليه يمكن انا مش من المقبولين؟؟؟
ههههههه
هجرب تانى

مسدس صغير يقول...

appy
والله ما تغلا عليكى ابدا.
هتدفعى كام؟؟
اشكرك على التعليق والمشاركة
ونورتينى بجد

مسدس صغير يقول...

صمت المشاعر
اشكرك على الكلام الحلو ده.
ونورتينى
وانتظرى المزيد

عروسة يقول...

ممممممممممممم ايه جمال دة عظمة ع عظمة يا مسدس هو انهردة ليله خميس ولا ايه
ياابداعاتك لا انا فاتني كتير فعلا لاني مكنتش اول تعليق
معلش ناسف لتاخير
دمت بالف خير وسعادة

alshared يقول...

تعرف أنا النهارده بجد كنت بقرأ قصيده الكروان للعقاد وقصيدة أحمد عبد المعطي حجازي عن الكروان

مش عارف

بس أكيد

مختلف تماما ومتميز جدا

:)

دمت عزيزي بكل الود

أخوك

د/عرفه يقول...

ما شاء الله عليك
أول مره اشوف مسدس مبدع
يارب دايما كده

رحلتنا في الحياة يقول...

ياسيدى ياسيدى على الابداع ومسدس وكل الابداع ده مال لو كنت قولت مثلا اسمك عود ولا اى الة موسيقية كنت كتبت ايه
بجد تسلم ايديك جميلة اوى
بس تصور انا حزينت فيها مش عارفة ليه يمكن علشان من زمان مسمعتش صوت كروان يمكن علشان جه فى بالى الكروان ده كل حاجة جميلة فى حياتنا وبتختفى

موناليزا يقول...

كلمات جميلة

سفروتة يقول...

جميلة
جميلة
جميلة
جداااااااااااااااااااااااااااااااااااااااااااااااااااااااااااااااا

بجد حلوة اوي وكلامها خفيف
تسلم ايدك

دمت بكل ود
:)

مسدس صغير يقول...

عروسة

اشكرك على التعليق

وعلى الكلمات الجميلة اللى قولتيها
دى.

ويا ستى ولا يهمك كلكو اول تعليق .

نورتينى بجد

مسدس صغير يقول...

الشارد
العقاد
احمد عبد المعطى حجازى؟؟
احنا فين والناس دى فين؟؟؟
اشكرك على التعليق
وسعيد جدا بتعليقك
نورتنى

مسدس صغير يقول...

د/ عرفة
اشكرك على الكلام الحلو ده
وعلى فكرة اى مسدس بيبقى مبدع بس يا ترى الابداع ده بيبقى فى الخير وللا الشر؟
هههههههه
اشكرك ونورتنى بجد يا دكتور

مسدس صغير يقول...

ايوشة
انتى اللى مبدعة فى كلامك ده
بقى معقول الكلام ده ليا؟
ع العموم اشكرك على الكلام الحلو ده.
ويا سلام بقى لو كنت عود وللا كمان وللا قانون كنت بدعت

مسدس صغير يقول...

موناليزا
اشكرك على المرور والتعليق
ونورتينى

مسدس صغير يقول...

سفروتة
اشكرك على كلماتك.
ولازم يكون كلامنا خفيف احسن يزعلو.
ربنا يجعل كلامنا خفيف عليهم.
هههههههههه
تحيتى ونورتينى يا سفروتة هانم

Unknown يقول...

غنى بصوتك واملا الفضا


واطرب قمرنا


يمكن..


على ايدك يتهدى.


والطير عشانك


مستنى يسمع غنوتك يخشى القضا
كلام راااائع فعلا بجد بحييك عليه خصوصا انك كتبته للكروان اصل الكروان ده حبيب الملايين
وبجد مدونتك جميله جدا وانا متابعاها بس قلت اعلق المرة دى طالما فيها كروان
ننتظر المزيد من الطلقات
smsm_elhady
-

Beram ElMasry يقول...

مسدس صغير
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود

mahasen saber يقول...

كلماتك رائعه وجميله ومعبره

بس البوست اليى تحت عكننى رسوم ايه اليى يزودوها دول شكلهم زودوها قوى

وردشان smilyrose يقول...

والله يا بخته الكروان

لقى فى الكون انسان حيران

نسج بقلبه كلام معسول

فى حب الكروان ليه منشود

غنى وافرح يا كروان الغنا

سمع قلوب واشجى نفوس للغنا مشتاقه

اطرب قلوب بصوت ملوش فى الكون مثيل

دا اصغر مسدس عليك بينادى

جميل يا عاشق الكروان

smilyrose

وردشان

روح الحب الصادق

*البت المشمشية *حلوة بس شقية * يقول...

ههههههههههههههههههههههه
هيا طالبة معايا اضحك اوى
ماشى يا ابو كروان

*البت المشمشية *حلوة بس شقية * يقول...

انتا الىل كاتبو
ولا سرقتو منى كاعادة
مانا عارفك تسرق الكحل من العين

*البت المشمشية *حلوة بس شقية * يقول...

لاء بس بأمان الابيات جميلة اوى
ولذيذة
ههههههههههههههههههه
هههههههههههههههههههههههههه
هههههههههههههههههههههههههههه
هههههههههههههههههههههههههههههه

صمت الحنين يقول...

راااائعه هذه الابيات مشكوووور

واطرب ملايين البشر .
هز الحجر
فجر عيون السما .
راح تبكى بدموع المطر
وغنّى...

مسدس صغير يقول...

أم ريان
SMSM_ELHADY
اهلا اهلا بالغاليين.
ايه الكلام الحلو اوى ده .
معقول الكلام ده ليه؟
اشكرك بطريقة غير معقولة
تحيتى وخالص مودتى
ونورتينى طبعا وانا اتشرفت بزيارتك لمدونتى المتواضعة

مسدس صغير يقول...

عمنا بيرم المصرى
وعليكم السلام ورحمة الله وبركاته.
طبعا منورنى دايما
كل سنة وحضرتك بخير وصحة وسعادة انت والاهل والاحباب وكل المدونين الغاليين عليه كلهم.
نورتنى يا عمنا

مسدس صغير يقول...

MAHASEN SABER
اشكرك على المتابعة والكلام الحلو ده
اما بالنسبة للرسوم. دول زودوها اوى اوى ومحدش عاد قادر عليهم ربنا يهديهم.
سعيد بمرورك
نورتينى يا محاسن هانم

مسدس صغير يقول...

SMILY ROSE
انتى فعلا روح الحب الصادق .
ايه الكلام الجامد ده وبتقولو عليّه شاعر. شاعر ايه بس؟؟
دا انا جانبك شاعر بالاحباط.
هههههههه


فى حب الكروان ليه منشود

غنى وافرح يا كروان الغنا

سمع قلوب واشجى نفوس للغنا مشتاقه

اطرب قلوب بصوت ملوش فى الكون مثيل

دا اصغر مسدس عليك بينادى


نورتينى

مسدس صغير يقول...

البت المشمشية
طالبة معاكى ضحك؟؟؟؟
يللا يا بت من هنا.
ورينا قفاك يللا

مسدس صغير يقول...

البت المشمشية
انا بردة اللى حرامى ما بلاش اقولهم على القضايا بتاعة السرقة اللى عندى؟؟
دا انتى احسن حرامية عندى فى المكتب.
هههههههههههه

مسدس صغير يقول...

البت المشمشية
هههههههههههههههه
ههههههههههههههههههههه
ههههههههههههههههههههههه
طالبة معايا ضحك..
هههههههههههههه
اشكرك على المجاملة الرقيقة دى
ونورتينى

مسدس صغير يقول...

صمت الحنين
اشكرك على الكلمات
الجميلة اللى انتى قولتيها..
وبجد نورتينى
وانتظر زياراتك

hasona يقول...

السلام عليكم

كلمتك جميلة

ياريته يتكلم
يمكن نتجمع
ونقعد ونسمع

وقتها سنتأكد ونسأل هل
ستشرق الشمس من جديد
حتي لو ساد الظلام سنين

وهنحارب في عز البرد بقوة الحديد
وهنسمع كل الاغاني والتغريد
لكل الطيور مع العندليب

تحياتي

مـجـنـووون يقول...

كلمات جميلة وأحساس اكثر من رائع

تسلم أيدك أخي الكريم

تقبل مروري
مجنووون

غروب يقول...

بجد حلوه جدااااااااااااااااا جداااااااااااااااا

وواضح جدا ان الكروان عندك بيمثل الناس العظيمه بجد مش اى حد يدوشنا

بج عجبتنى جدا

تسلم ايدك

مسدس صغير يقول...

hasona
انا برده اللى شاعر دا فيه شعرا كتير واحنا مش حاسين.
اشكرك على كلماتك الجميلة الرقيقة.
نورتنى بجد .
اشكرك تانى

مسدس صغير يقول...

مجنون
سلامتك من الجنان.هههههههه
كلامك جميل
اشكر مرورك وتعليقك.
نورتنى

مسدس صغير يقول...

غروووووووب
اتفضلى متغلاش عليكى
هو يعنى فيه كام غروب؟؟
بجد انا سعيد بمرورك وبتعليقك الجميل
تقبلى تحيتى
نورتينى

dr_samarmar يقول...

تحفة تحفة تحفة

لا بجد جامد اوى أوى أوى
تسلم اديك بجد

صفــــاء يقول...

جميل الزجل
ومتميز
مكناش نعرف ان عندك موهبه جميله زى دى
ونتمنى تستمر
تحياتى
.

مسدس صغير يقول...

dr samarmar
اشكرك على الكلام الحلو ده.
وبجد نورتينى
مودتى

مسدس صغير يقول...

صفاء
يا سلام
الكلام ده ليّه؟
انا سعيد جدا بالكلام ده.
اشكرك على التعليق والمرور
نورتينى

e_emy يقول...

//غنى بصوتك واملا الفضا

واطرب قمرنا

يمكن..

على ايدك يتهدى.

والطير عشانك

مستنى يسمع غنوتك يخشى القضا.//

ماشاء الله تحفة بجد

ربنا يوفقك

مسدس صغير يقول...

e_emy
متغنى يا كروان واطربنا
صدقنى يا كروان
سكوت عيونك يتعبنا
....
كلماتى اهديها ليكى
اشكرك على التعليق الجميل
ونورتينى

Lady E يقول...

عاجباني العصفورة اللي في الصورة مليش دعوة انا عايزااااااااها عاااااا

بصوت مفتول الآه

صوت مفتول يعني ايه صوت مفتول
مفتول دي جمع فتلة؟؟ولا مفتول دي لما العيش بيبات بنقول عليه مفتول :)

بجد تسلم ايدك

مسدس صغير يقول...

lady E
بالنسبة للعصفورة دى .هيه ملك ليّه لا يمكن التفريط فيها بأى مبلغ الا اذا كان 20 جنية.
اما لالنسبة للعيش المفتول قصدى لكلمة مفتول. المفتول يعنى بالبلدى كده اللى معمول على الايد يعنى المتقن وكده يعنى اما العيش بتاعكو اما يتفتل يبقى العصافير والفراخ اولى بيه.
هههههههه
وطالما القصيدة عجباكى يبقى العيش المفتول لا يفسد للفتله مفرد مفتول قضية..
نورتينى

Beram ElMasry يقول...

اخى . مسدس صغير
السلام عليكم ورحمة الله وبركاته
بارك الله فيك اخى وصديقى
شرفنى زيارتك واسعدنى تعليقك
كروان وغنى ...
دى هتبقى جنه
من غير كلام .
اسقى العوام
يا تمر حنه
لك تحياتى والسلام عليكم ، ولا سلام مع اليهود

Unknown يقول...

انجليزى ده ياااااااامرسى؟:)

Unknown يقول...

انت اللى كاتب
الحاجات الحلوة دى؟؟
اتوكل على الله
واشتغل شاعر
صدقنى حتنجح كتيرر

زى الهوا يقول...

جمييييييييييييييييل اوى بجد بحييك

مسدس صغير يقول...

بيرم المصرى
بجد انا سعيد جدا بتعليقك استاذى الكريم.
اشكرك على التعليق الجميل.
وبجد نورتنى

مسدس صغير يقول...

norahaty
اشكرك على الانجليزى اللى انتى كاتباه.
اة انجليزى.ادب انجليزى كمان.
هههههه
اة الشعر ده شعرى .
وللا انا مشبهشى يعنى؟؟
نورتينى
اشكرك على التعليق

مسدس صغير يقول...

زى الهوا
اشكرك اختى الكريمة على الكلام الحلو ده.
شكرا ونورتينى..

طوبه فضه وطوبه دهب يقول...

جميله اوى تسلم ايدك

مسدس صغير يقول...

طوبة دهب وطوبة فضه
اشكرك على الزيارة والتعليق اللى اسعدنى
نورتى

غير معرف يقول...

bape
paul george shoes
yeezy 700
off white outlet
goyard
nike off white
fear of god essentials
supreme new york
air jordan
chrome hearts