الخميس، 8 يناير 2009

حسن افندى


انا لا انكر الدور الذى يجب ان تقوم به مصر ولا انكر تقصيرنا شعبا وحكومة تجاه الشعب الفلسطينى وخاصة اهل غزة المحاصرين... ولكن برغم ذلك نحن لا نقبل الوصاية اللبنانية على مصر وتصرفاتها واصطياد الاخطاء من اجل اظهار العنترية السياسية .. فهذا حسن افندى نصر الله قد اجرى منذ بدء الحرب الاخيرة على غزة حوارين كان معظم حديثه فى الحوارين على الدور المصرى المعدوم وعدم فتح المعابر واوصى الشعب المصرى بالانقلاب على الحاكم كما حرض الجيش المصرى ان يخرج ليقاتل فى غزة دون اذن من رئيس الدولة وانا اعتبر هذا التحريض من باب الغباء السياسى لحسن نصر الله . وبخلاف ذلك أود ان اسأل الاخ حسن نصر الله سؤالين.. لعلكم اخوانى الاعزاء ان تجيبونى عليهما . اين اسلحتك الجبارة وصواريخك الفتاكة لمساعدة الشعب الفلسطينى وخاصة حماس والسؤال الاخر . اراك دائما فى خطبك الرنانه تأتى متخفى خلف هذه الشاشة العملاقه فى هذه الساحة الكبيرة .. فمع كل هذه الشجاعة وهذه القوة التى نراك عليها .لماذا لا تظهر عيانا بيانا للناس وتعلمنا هل انت حقيقى ام صورة مركبة على اجهزة الحاسوب المختلفة بصوت مستعار......

- كل الدول العربية ارسلت خطابات شكر الى فنزويلا الصامده شكرا لهم على مجهوداتهم الجبارة فى عملية الردع لاسرائيل ونشكرها على سحب السفير الفنزويلى من تل ابيب اعتراضا على الحرب على غزة ..

هناك 25 تعليقًا:

قلم رصاص يقول...

مسدس صديقي العزيز اين انت؟
لعلك بخير

بخصوص موضوع البوست

انا أرى ان تحرك حسن نصر يتم وفق أجندة إقليمية هو نفسه لايفهمها ، لأنه يتحرك بأيدي الأخرين واعني بالتحديد إيران

لأنه إيران رغم كونها دولة اسلامية ، الا انها لاتريد لمصر دورا كبير على حسابها في الشرق الأوسط ، لذلك تلجأ باستخدام أدواتها القذرة للنيل من مصر عبر التنكيل السياسي الغير مباشر

فخد عندك مثلا بخصوص تساؤلك عن أين أسحلة حزب الله الفتاكة اللي دوشنا بيها ليل نهار؟

طبعا هي أساسا أسلحة ايرانية وموجودة أياكان شكلها وحجمها ونوعها ، لكن الهدق الاستراتيجي الايراني من وراء تحفيز حزب الله لاستخدامها هو شيئ وحييييييييييييييد

وهو عدم فتح جبة جديدة في شمال اسرائيل تلهي اسرائيل في الضغظ على الجنوب من ناحية مصر وهو قطاع غزة .....والهدف واضح وهو احراج مصر

النقطة التانية ، الخاصة بجزئية ظهوره في العلن من عدمه ..فاعتقد دي مش نظرية او ملهاش اهمية في الوقت الراهن
خصوصا

الاهم هو المضمون والهدف

بس عن حق موضوعك متميز

بارك الله فيك ياصديقي

وابقى اسأل علي ياواد يا أستاذ مسدس
هههههههههههه

في حفظ الله

وردشان smilyrose يقول...

الأخ الصغير مسدس صغير

فى البداية اهنئك على موضوعك

فهو موضوع جميل جدا واسعدنى

رغم صغرك انك اثرت تلك النقطة

حتى يتنبه الجميع لما يحدث

وان كان حسن نصرالله وهو لا ينصر الله

واسم على غير مسمى اداة ايران

او غيرها من الدول

فيجب علينا نحن كشعب وجيش وامه

ان نعلم الجميع ان مصر لا يحركها خائن

او متخفى وراء ستار

واننا وقت ان يحين دورنا سنتحول جميعا

الى مسدسات فى ظهر العدو اى كان

تقبل تحيتى ايها الصغير

smilyrose

روح الحب الصادق

حروف يقول...

انت فين يامسدس سالت عليك قلم رصاص يارب تكون بخير

مسدس صغير يقول...

قلم رصاص
اشكرك صديقى العزيز على تعليقك الموضوعى الرائع واوافقك الرأى فى مسألة ان ايران تريد اقحام مصر فى حروب لتنظر ما يتبقى لانها تريد زعامة شرق اوسطية ولا يمكن لها نيل هذا اللقب الا بالتخلص من دولة فى حجم مصر.... اشكرك على التعليق والبقاء والدوام لله فى وفاة جدتك..

مسدس صغير يقول...

smily rose
روح الحب الصادق
اختى الكبيرة قدرا وقيمة. لكى عظيم تحيتى وشكرى على تعليقاتك الرائعة التى انتظرها . حسن نصر الله هو فعلا اسم على غير مسمى فهو يريد ان يصعد على اكتاف الاخرين لان الشيعة يريدون زعامة هى ابعد من الشمس.. اشكرك اختى الغالية على المتابعة والتعليق الجميل والموضوعى

مسدس صغير يقول...

حروف
اشكرك يا غالية على السؤال وعلى التواجد بس بجد النت عندى فيه مشكلة بقاله فترة وان كنت برد على تعليقات فده بواسطة كومبيوتر احد الاصدقاء او سايبر ووكل سنه وانتى بخير ونورتينى

حروف يقول...

انت اللي منورني دايما وكمان ياجدعان انا متجوزتش من بقك لباب السما اهي بشرة خير ههههههه

البت المشمشية حلوة بس شقية يقول...

هيه هيه
انا جيـــــــــــــــــــت
كلو يوسع عامل بوست من غير ماتقولى
وكلو علق قبلى كمان
خلاص مافيش حكومة فى البلد دى
اخس عليك يازمان
وياحروف دلو
معلشى
معندوش نت
الفار كل السلك بتاعو
هههههههههههههه

البت المشمشية حلوة بس شقية يقول...

بلنسبة لحسن افندى
اعتقد ان الراجل ده مش عارف هو بيعمل ايه
لان اساساهو بيتحرك تبع لناس تانيا ومصالح تانية وطبعا انا بكلم على ايران
بس على فكرة
بردو انا بحب الراجل ده لسبب
ان لما اسرائيل ضربت لبنان الفترة الاخيرة هو والمقاومة بتاعتو قدرو يدو اسرائيل
على افاها

البت المشمشية حلوة بس شقية يقول...

بس خلاص مش لاقيه كلام تانى
هروح اكمل مذاكرة بقه
ولما تنزل بوست جديد ابقى رن الجرس عشان اقولك انا موافقه تنزل بوست جديد ولا لاء

مسدس صغير يقول...

حروف
منورانى دايما وشكرا على السؤال . وانتى زعلانه ليه خلاص ان شا الله انا اللى اتجوز يا شيخة ولا تزعلى نفسك..ههههههه

مسدس صغير يقول...

البت المشمشية
خلاص جيتى متأخرة انتى لسه جااااية الناس تعلق قبلك ؟ كده انا اديتك كارت اصفر والجاى طرد مفيش تهاون وشكرا يا ستى على التعليق . وغير كده انتى مالك ومال الفار اللى اكل السلك هتخليتى اوزيه عليكى؟ وبعدين شغل البلطجة ده مينفعش عندى مدونتى طاهرة وهتفضل طول عمرها طاهرة...ههههههههههه

dodda يقول...

ممكن افهم انت زعلان ليه ان الحاج حسن يقول ثوروا على الحاكم؟؟؟

كلنا نفسنا نقولها لكن ينخاف نقول او نعمل اى حاجه

اما موضوع الظهور عيانا بيانا ده بمنتهى البساطه افتكر الشيخ يس رحمه الله...
انها الخيانه التى تسقط الرجال...
رغم كده حسن نصر الله مش احسن من اى حد
بس لما يجى علينا الدور اتمنى نعمل ربع اللى عمله..والايام دول
وسمعنى بلام الدور الدور بتاع رايه وسكينه

Unknown يقول...

اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779
*&*&*&*&*

مسدس صغير يقول...

dodda
وجهة نظرك احترمها رغم ان انا مش معاكى اشكرك على الزيارة الكريمة ونورتى المدونة بتاعتى والمدونات اللى جنبها

مسدس صغير يقول...

نهر الحب
ربنا يسهل واعرف ارتب نفسى واجى معاكو وان مكنش يوم الجمعه احاول اروح يوم تانى ان شاء الله . اشكرك وربنا يجعله فى ميزان حسناتك

فشكووول يقول...

يا مسدس صغير
اولا عذرا على التأخير فى الرد لظروف السفر ولم اعود الا اليوم
ثانيا : انت بتقول على كنت فى افغانستان وبتسلط على المخبرين والعساكر واللى ما عندناش اكتر منهم .. انا كمان حسلط عليك كل مخابرات حسن نصر الله والمخابرات الايرانيه وكمان المخابرات والميلشيات العراقيه .. واحده بواحده .. بس من غير البادى اظلم

فشكووول يقول...

هو قلم رصاص متخرج من كلية ايه .. متهيأ لى من كليه التحليلات السياسيه العميقه والفاهمه .. تحياتى من عندك لقلم رصاص على تعليقه المتميز والعميق.. وخلاص

Lady E يقول...

طب ما يحرض اللبنانيين انهم يحاربوا اشمعنا مصر يعني اللي تتحط في وش المدفع وتبقى غزة التانيه

اسئلتك منطقية جدا وياريت نلاقي اجابة

Unknown يقول...

بص يا سيدي انا معاك جدآ
مش عارفه ليه محدش بيخليه في نفسه و ليه الكل بيحب يتحشر في امور غيره

ماشي مبارك قصر و كان يقدر يقدم الاكتر بس علي الاقل عالجنا مصابين مجانا و اتبرعنا بدم و اموال انت بقي يا نصر الله عملت ايه و قدمت ايه للمقاومه و غزه

الحرامي يقول...

مسدس ا
انت معك حق فكل من يهاجم مصر رغم تقصيرها لم يفعل شيئا سوي مهاجمتها
مع ان سوري مثلا ارضها محتله وعنها اسباب اقوي لكي تضرب اسرائيل
والباشا اللي بتتكلم عنه اول ما جنوب لبنان ضربله صاروخين
جري واعلن عدم مسؤليته
وعالعموم انت خدتني في سكه تانيه
انا مالي ومال السياسه
انا راجل حرامي علي اد حالي
بيس

مسدس صغير يقول...

فشكول
اشكرك على التعليق وحمد الله ع السلامة اما بخصوص المخابرات فانت متعرفنيش انا اساسا شغال جاسوس لصالح نفسى وعارف الفوله وممكن اكلمهم يتوصوبك.ههههههههه نورتنى وبخصوص الواد الاستاذ قلم رصاص فانت متعرفوش دا خبير استراتيجى قدين صاحب تحليلات اقتصادية وسياسية وفيرة عبر قناة الحصيرة...

مسدس صغير يقول...

lady E
اشكرك على التواجد والتعليق وانا مواقفك فى الرأى طبعا ونورتينى..

مسدس صغير يقول...

EMY
بشكرك على التعليق . وانا فعلا معاكى هما قدمو ايه لغزة عشان يسألو ماذا قدمت مصر؟ !!!!!!!!!!!!!! خليك فى نفسك ... اشكرك

مسدس صغير يقول...

الحرامى
انا طبعا عارف ان انت حرامى وملكش فى السياسة بس هرد عليك يمكن نستفيد من خبرتك فى مجالك. انت معاك حق سوريا مثلا من 1973 لم تطلق طلقه واحدة ولا حتى من مسدس صغير زيى كده مثلا وهما اولى بالضرب مننا لانهم محتلين اساسا... اشكرك يا عم الحرامى وصبحلى على البنك المركزى