الثلاثاء، 11 نوفمبر، 2008

على رأى المثل مش اللى فات...


دي شوية امثال عجب يا رب تعجبكوا
من طلب العلا يتفضل فى كابينه رقم واحد
اللى بيته من‏ إزاز ميغيرش هدومه فى الصالون
‏ فاقد الشىء يدور عليه
اقلب القدره على فومها الفول يقع منها
‏ تأتى الرياح محمله بالأتربة
‏ ياخبرالنهارده بفلوس بكره ينزل عليه أوكازيون
اللى معاه قرش محيره يجيب‏ حمام ويحمره
جت الحزينه تفرح شغلت شريط حكيم وقعدت ترقص
‏ قال‏ يامحشحشين يكفيكوا شر الكمين

‏ اللى ياكل لوحده يشبع
لاتبكى‏ على اللبن فى البسكوت
‏ اقطع عرق و حته بتلو
اطبخى ياجاريه الأنبوبه فاضيه يا سيدى‏
‏ لو حبيبك عسل ما تحطلوش طحينة
اللى‏ يتلسع من الشوربه يتصل بالمطافى
وبكره ترجع ريما من عند خلتها فى‏ مارينا
ياداخل بين البصله وقشرتها حط قطرة علشان هادمع من‏ ريحتها
‏ اصوم اصوم وافطر على المدفع
القرش الأبيض بيعوم فى‏ البحر الأحمر
ضربوا الأعور على عينه قالهم كسرتوا النضاره

اللى ميشفش من الغربال يكشف نظر
المال السايب يعلم الطلبه
نام وارتاح وكل عسل نحل التمساح
‏ من خرج من داره مينساش يأخد المفتاح معاه
‏ الباب اللى يجيجلك منه الريح شيله وركب قبنورى
‏ المضطر‏ يركب التاكسى
‏ رب صدفة خير من ألف ليلة و ليلة
‏ اللى يخاف من‏ العفريت يعمل عبيط
‏ المركب اللى فيها رايسين يلعبوا طاولة
‏ اللى خدتوا الأرعه تخدو ام‏ الخلول
أكل العيش يحب الطعميه
قالوا للحرامى أحلف قالهم وحياة قلبى وأفراحوا

هناك 3 تعليقات:

اللى موش عارف يتغير يقول...

هو فيه حكى بعد حكاياتك

كلام موزون

ههههه

قلم رصاص يقول...

ههههههههههههههههههههههههههه

يخرب بيت أبو مسدساتك دي يا أخي

ههههههههههههههههههههههههههه

حلوة جدا الأمثال الفظيعه دي

سير على بركة الله

واخترناك اخترناك

هههههههههههههههه

سلامووووووووووز

jacker يقول...

gucci vintage
gucci online
gucci fashion
gucci uk
gucci bags