الأربعاء، 29 أكتوبر 2008

فيلم سوزان تميم

سوزان تميم اتقتلت. مين اللى قتلها؟ منعرفش.
طب مين اللى متهم فى قتلها ؟نعرف " هشام طلعت مصطفى ومحسن السكرى بيه ضابط الشرطه "
حياتها الفنيه كانت فى حدود أد ايه؟ سنتين .
كانت حلوة؟ ايوه.
كان ليها فى السياسه؟ لالالالالالالا بس هيه كانت مصاحبه شوية سياسيين
طب انت سمعت عن الفيلم اللى عايزين يعملوه لسوزان تميم؟ طبعاً سمعت .
طب ايه رأيك ؟ خلاص ماهى بقت بوظه كل اللى يغنى اغنيه ويموت نعملله فيلم بل ومسلسل كمان لأنه اثرى حياتنا وأثر فيها بالطبع والدليل على كده ان اسمهان حياتها الفنيه كلها لاتتجاوز سنتين وكمان عدد الافلام اللى مثلتها لا تتعدى 3 افلام على كام اغنيه كده وعملولها مسلسل 30 حلقه وقيل انها كانت جاسوسه على مصر وبرده خلدنا زكراها..الغريب ان انت ممكن تلاقى واحد بجد عمل كتير جدا للبلد دى وعمر ما حد اتكلم عليه مجرد كلام ما بنقولش فيلم وللا مسلسل ولا حتى مسرحيه ولا يعملو كليب ويهدوه لروح الفقيد.. زى محمد فريد واحمد شوقى وسعد زغلول ومحمود سامى البارودى واحمد عرابى ومحمد على من غير ترتيب وغيرهم وغيرهم وغيرهم.. مسدس

هناك تعليقان (2):

قلم رصاص يقول...

والله يامسدس لو قدعنا نحكي 3 سنين في الفاضي
هههههههههههههههههه

البلد بايظه يابني والله

وسعد باشا قالها : مفيش فايدة
هههههههههههههههههه

يلا خد بالك من نفسك

سلاموووووووووز

غير معرف يقول...

هههههههههههههههههه يا رافع راسى اشكرك على التعليقات اليذه واشكر زيارتك تقبل منى خالص التحيه