السبت، 20 سبتمبر، 2008

الدنيا صيام

الدنيا صيام والناس ماشيه مش طايقه بعضها رغم ان المفروض العكس بس ما علينا كل حاجه تفرح من اول
ما تصحى من النوم لحد ماتنام تانى.اول حاجه تصحى من النوم تفتح التليفزيون تصطبحلك ببرنامجين هيفين وللا باعلانين
ملهمش لازمه "اصل الشبكه القديمه راحت زامبيا تصيف"والقرد راح معاها بعدين تسمع الاخبار اللى تسر انهيارات
صخريه والمقطم اتقطم وموت له 90 واحد ودا قضاء وقدر والمغنى الفلانى مش عارف بيروح الخيمه
الرمضانيه ب40 الف" دورار"والمغنية الفلانيه ما بتغنيش فى رمضان عشان تحافظ على صيام الناس "ونعم الناس"
والاهلى يرفض التشفير ولكن بيحب الشعير والشخير والزمالك يرفض بيع عمرو زكى لغزل دمياط وخط محمول فى قطر
متباع ب2 مليون و750 الف دورار قال ايه اصله مزاد خيرى طب واللى خللى خيرى يعمل المزاد ده ايه هما مش
منبهين عليه وشويه يقولك "حسام ابو الفتوح" فاكرينه؟؟! اه هوه ده بيقول انا امنت بالقضاء المصرى بعد البراءه الاخيرة
ونحن نؤمن بالله وبالقضاء والقدر ووزير الاسكان بيقولك ان الفقر هيبقى 12% بس سنة 2015 يا هنا من يعيش!!
اللى اقدر اخرج بيه النهارده من الكلام ده ان فيه علاقه وطيده بين الناس المواطنين يعنى وحسام ابو الفتوح
والدويقة.العلاقه هيه القضاء
"فالناس تؤمن بالقضاء والدويقه تؤمن بالقضاء وحسام ابو الفتوح يؤمن بالقضاء"

هناك تعليق واحد:

قلم رصاص يقول...

الدنيا صيام
والحكومة نيام
والناس قرفانة ل100 سنة أدام
وياسلام ياسلام ياسلام

هههههههههههههههههههه

بوست رائع المرة دي يابوص

وياسلام على الخط ابو 2.75 مليون دولا ده
ههههههههههههههه

دا انا اتشجع بقى وانزل خطي المزاد
انا شخصيا مش عاوز فيه زياده عن مليون بس
ههههههههههههههه

ولا الخا حسام .. يلا على دينا .. لأ أقصد الدنيا .. السلام

اما بقى الاخ المحترم وزير التنية الاقتصادية الدكتور عثمان .. والله يا اخي عنده رؤية ثاقبة جدا .. وهيقدر يقلل الفقر بنسبة 12% في 2015

قال يعني صحيح هيحصل
ههههههههههههههه

تقبل مروري ياحبيب قلبي