الأحد، 18 نوفمبر 2012

ملامح حسن ..

 
ملامح حسن
*********

ضاعت ملامح حسن
والدم طق شرار
والظلم يعبد وثن
واخرته فى النار
***
كان لسه سايب رسمته
"راجل ملوش ايد"
اول خطاوى سكته
الشمع يأبى يإيد
خارج معاه أمانيه
عايزيكمل فرحته
والشنطة والكراس
تعويذة من جدته
عشان عيون الناس..
***
ضاعت ملامح رسمته
واللمة والأصحاب
ومراجعة الكتّاب
والصوت يهز الباب
اتوبيس يعدى بلاد
ويفرح الاولاد
علشان حسن يتعلم
والشمس تشوى قفاه
واقرالنا يا شيخ حسن
كله يقول اللااااااااااااااه
والصوت علا والقهقهة
لما حسن لخبط القراءات
دخّل قالون على شعبة
وورش وبن كثير
ونفسه يبقى وزير؟!!
***
اعقل بقى يا حسن
بص الطريق قدامك
باصص حسن
يصرخ حسن
حاسس بريحة موت
شايف قماش الكفن
60 حسن تحت العجل ينداس
تعويذه من جدتك
علشان عيون الناس
والقطر مبيرحمش
والقبر مبيندمش
وصراخ
عويل
واهات
علشان حسن
واخوات حسن
واصحاب حسن
كله اندفن ...
***
**
أبو براء

هناك 3 تعليقات:

maioya يقول...

الله يرحمهم جميعا وينتقم من المتسبب في كل ده
ويجعلهم ذخرا لاهاليهم ويبلغنا مكانتهم
اللهم امين

قلم رصاص يقول...

الله يرحمهم جميعا
وياخد كل مسئول فاسد
آااااااااااامين

راااااااااائعة جدا يا أبو براء :)

Unknown يقول...

بجد روعة تسلم ايدك يابو براء