الأربعاء، 2 فبراير 2011

لا ترحموا عزيز قوم ذل ..



تنازلات لم نكن نتخيلها فى ظل قمع دام لسنوات طوال .
 ولم ينته الأمر عند هذه التنازلات ..
اتركنا حقناً لدمائنا وإنقاذاً لنا ولذوينا
فلترحل بكل شياكة وتترك لنا البلد نفعل ما نريد
- حريق عام ولا حريق 30 عام -
سيادة الرئيس شكراً
كفاكم ما كان وكفانا فساد وبطالة ورشوة وجوع وفقر
كفانا أزمات خبز غاز وطعام
نعم سيحكم البلد فرافير الفيسبوك لا شأن لأحد
اذا كان فرافير الفيسبوك تاريخيين هكذا كما نراهم
فلماذا لا يحكمنا أى فرفور منهم؟؟!!
إذا كان عرابى وسعد وفرافير الفيسبوك سيكونون فى صفحة واحدة فى أعرق ثورات التاريخ المصرى الحديث .
فلماذا أعطينا عرابى صلاحيات أكثر بعد ثورته . ولماذا أعطينا سعداً صلاحيات أكثر بعد ثورته .
إذاً لابد لهؤلاء الفرافير أن يخلدهم التاريخ فقد فعلوا ما لم تفعله أجيال سبقت ولابد من أن نعطيهم صلاحيات أكثر وأكثر
فلقد فعلوا ما لم يفعله عرابى ولا سعد ولا العفريت الأزرق .
نعم تغير الحال فقد تغيرت الوزارة التى لطمنا على خدودنا لتغييرها ولكن لا حياة لمن تنادى.
 - وليس معنى هذا أننا راضون عن الحكومة الشفيقية الجديدة - .
فقد تعين نائبا لرئيس الجمهورية الذى شربنا المر علقما خوفا من التوريث .
وسيتغير الدستور وسيتغير التاريخ
وسنرسم أجمل صورة لأجمل وطن
- فقد رحل عز وهذا غير كاف .
- ورحل العادلى وهذا غير كاف .
 - ورحل يوسف بطرس غالى وهذا غير كاف .
- ورحل أحمد نظيف - والقطنة مبتكدبش - وهذا غير كاف.
فلابد من محاكمتهم جميعا محاكمة علنية نرضى بها وتفشى غليلنا .
مللنا شعارات
مللنا تغير اسماء الشوارع والمحطات والميادين والمدن الجديدة والكبارى والقطارات فأصبحت جميعها ما بين - السلام ومبارك -.
اتركوها لفرافير الفيسبوك
ولنحاكم الجميع على ما ضاع من عمرنا
ولنحاكمهم على من مات فى ساحة الشهداء ميدان الشهداء ( ميدان التحرير )
ولنغير أسماء كل المدن والساحات والموانى والكبارى والشوارع والمحطات والقطارات الى :-
مدينة الفرافير
ساحة الفرافير
ميناء الفرافير
كوبرى الفرافير السلام
شارع الفرافير
محطة مترو الفرافير
قطار الفرافير
**
S.N
*



هناك 11 تعليقًا:

شمس النهار يقول...

ياريت النت مايقعدش الشباب في البيت
مكانك مش في البيت مكانك في ميدان التحرير
شكرا

مسدس صغير يقول...

معاكى حق بس كل الطرق الى القاهرة مقطوعة

أحمد الدكروري يقول...

لا حول ولا قوة إلا بالله
دي بقى ثورة غضب ضد سياية مبارك و لا ضد شخص مبارك .... لأنه لو كان ضد السياسة الراجل غير الحكومة و قال أنه مش هيترشح و اعتقد أنه قال كدا أمام العالم كله يعني أكيدمش هيطلع عيل و يرجع في كلامه و إن كان ضد شخص مبارك فكلامك لا يمسه بشئ لأن الراجل وطني جدا و يريد الخير للبلد و يكفي أن حفظ للبلد 30 سنة أمان خارجي و حقق أنجازات كتير لا يختلف عليها أثنين ....
ثم حضرتك كدا بتغير في الحديث و الأسس التربوية اللي بنانا عليها الرسول الكريم
و لا حول ولا قوة إلا بالله

واحد من الناس يقول...

جمعة الرحيل لا تنسوا

غير معرف يقول...

انا لست معاك يا صلاح لازم يكون ليك رؤيه اشمل من كده

BNT ELISLAM يقول...

اول مره اهتلف معاك
الرحمه
بنضيع وفى رئيس عاوزه يمشى وحنا الحراميه هيكلونا
اذا كان وهو موجود
سرقونا ونهبونا واغتصبوا اخوتنا
هتفرح لما بلد تخرب خالص لمده 60 يوم لما يستنوا يشوفوا رايس
فى 3 ايام
البلد اتبهدلدت
محدش حااسس بنار غير اللى لمسها وغير الى عايشها
ارحمونا نار مبارك ولا جنه حراميه
اعقلوا
الرسول قالك اعقلها توكل
فكر فى امان على اختك وامك وابوك وانت
عاوز تفضل ستين يوم بتحمى فيهم بشومه
وسلاح ابيض
هتستريح لما يطلع عليك حرامى ونت بتعارضه يوم مموتك
تفكير ايه ده
وعى اه
خبر لا
واسفه لاسلوبى بس كلام مستفز

eng_semsem يقول...

لازم يرحل بعد اللي قتلهم مفيش سكوت وكمان يستاهل الموت والصبر يا رجالة مصر بكره الفرج جي يجري يحضن الشجعان ويارب ما نشفش تاني الجبناء ولا نسمع صوتهم
وبعدين الاخ احمد الدكروري هو ما يعرفش كام وزير مستمر في الوزاره من المره اللي فاتت اصحى ومن احلامك فوق وافتكر دم اخواتك اللي قتلهم واللي لسه بيسلط عليهم كلاب الشوارع

مسدس صغير يقول...

سبحان الله
يا دكرورى
افهم قبل مترد عشان متردش رد ملوش علاقة بالبوست
وانا لم اتكلم فى اى حديث من قريب ولا من بعيد

المصرى الأصيل يقول...

إن شاء الله هتكون جمعة الرحيل لأمثالكم الفاسدين والمخربين فى البلد ، مصر بلد الحضارات وستظل آمنة عبر العصور ، لا للإرهاب ولا للتخريب وعاش كل وطنى مخلص أمين وفى محافظ لبلده .

شاب مصرى يقول...

حلوة فرافير الفيسبوك دى
طب كفاية كدة يا فرافير و كله يدخل جحوره بقى وبلاش هبل .
إنتم على ضلالة وجهل ولا تعرفوا يعنى إيه سياسة .
يا عم روح إتفرج على فيلم جنسى ودخن سيجارة ملفوفة ونفض .ده اللى نفهموا فيه يا فرافير .
وإبعدوا عن الدين وبلاش تحريف.

غير معرف يقول...

اتفق معك..
و بشده هذه المره!

مبارك سيرحل و لكن خلّف من بعده عمر سليمان و احمد شفيق و خمسة عشر عضو من الحكومه السابقه..
و المطالب التي "ستُغَيّر" لا احد يعلم متي و كيف!

طلبتم منه الرحيل.. فعمل علي تشكيل حكومة "توريث غير مباشر" ..

مبارك الانسان، ربما هو رجل مصري طيب..
و قائد بالرغم من النقاط القذره التي في تاريخه الا انه يحمل فعلا تاريخاً مقبولاً..
هو و غيره، و قادة بلدي أولاً...
أنا لست ضد مبارك الانسان، و لا اشعل الفتنه بين المصريين..
هي معادله بسيطه:
رجلٌ ظلم شعبه ٣٠ عاماً، شعبه يصحو الان و يطلب منه الرحيل.. لابد ان يرحل و يحفظ كرامته.. و يترك الشعب يقرر مصيره و يتحمل النتائج جميعها.. مرضيه كانت ام لا!

و ليس تخريباً و لا ارهاباً عندما نفوق و نقول: اجعلوها حرباً و غضباً!
و ليس ارهاباً عندما نقول: "إحنا جايين نموت" !



بصراحه قررت التعليق عندك علي اخر ٣ مواضيع لكي لا تظن ان موضوع قناة الجزيره هو الأهم لدي!
و هو فعلا ليس كذلك.. فالاهم هو مصر و ما يحدث لشعبها و لها..

فلسطينيه..