الثلاثاء، 19 أكتوبر 2010

بث القنوات الدينية من إسرائيل..

بعد وقف بث القنوات الدينية تباعا 
(الناس والخليجية وصفا ووصال ثم الحكمة ونسائم الرحمة)
دون سابق إنذار .. 
 فأقترح علي أصحاب القنوات المغلقة البحث عن دولة ديموقراطية
 لكى تبث هذه القنوات من استديوهاتها وعلى أقمارها ..
اليهود لما أرادوا غلق قناة الرحمة رفعوا قضية أمام القضاء الفرنسى
لغلق قناة الرحمة وذلك لتطاول قناة الرحمة على اليهود 
-على حد قولهم-
فصدر الحكم بغلق قناة الرحمة
وأرسلوا الى المسئولين عن القمر الصناعى لغلق قناة الرحمة .
فرغم فزعنا فى هذا الوقت من أن يُحكم اليهود سيطرتهم
حتى على قنواتنا ونوعية المواد التى نشاهدها
 إلا أننى تأكدت اليوم واليوم فقط أن اليهود أصحاب ديموقراطية
أمامنا أعوام كثيرة حتى نسير على خطواتهم الديموقراطية .
أناشد أصحاب القنوات الفضائية الدينية  أن يطلبوا بث قنواتهم من إسرائيل
عشان الحكومة المصرية ترتاح 
**
*
S.N


هناك 9 تعليقات:

حلم بيعافر يقول...

يارب يروحوا كلهم اسرائيل وبالمرة ياخدوا معاهم استوديوهات التحليل بتاعت الكورة وقناة النيل للاخبار ومذيعات التلفزيون المصرى وتامر امين بالمرة

فتاه من الصعيد يقول...

لا اسرائيل ديمقرتطيه بمزاجها وبس ..

واما مصر فمش ديمقراطيه خاااالص بقا :)

تحياتي

شمس النهار يقول...

:))
كنت لسه هكتب ياريت ياخدوا استوديوهات تحليل الكورة

لاقيت حلم بيعافر كاتبها
:))

بس كان تايه عني تامر امين
ياله ونبقا بلاينا اسرائيل بيهم وارتحنا منهم

:)

BNT ELISLAM يقول...

عجبى وياما هنشوف

قلم رصاص يقول...

قول لهم ياعم

ندى الياسمين يقول...

صلاااااااااااااااح جه يا ولاد

ازييييييييييك

ايه رايك اسرائيل هاترحب بيهم وانا اتفق بشده مع حلم بيعافر وشمس النهار

يارب ياخدوهم كلهم هناك خلينا نخلص

eng_semsem يقول...

انا معاكم ان مصر مفيهاش ديمقراطيه واللي عملته غلط وبتحارب الدين
بس مفيش دوله عربيه او اسلاميه تعرف تبث القنوات ده ولا لازم من مصر
فين باقي الدول الاسلاميه؟؟؟؟

كلمات من نور يقول...

مش عارفه أعلق ...حيكون تعليقي إيه اكتر من اللي بيتقال هنا وعالفيس والمدونات والمواقع ....العجيب ان الكل بيتكلم ويكتب وبعدين؟

يارب غيرنا ولا تستبدلنا يارب

الفقيرة إلى الله أم البنات يقول...

بيقولوا قطر هتطلق قمر صناعى...واحتمال تستقبل هى المحطات دى..ويبقى خلى ام الدنيا تورينا هتعمل ايه لما دويله صغيره بتسعى بكل شكل تبقى مكانها وبتصرفاتنا الغير مسؤله بنديها الفرصه
ولا يغيب عن الكل ان قطر مقدمه فروض الطاعه والولاء من زمان