السبت، 5 ديسمبر 2009

لماذا سويسرا




تتسائل وسائل الاعلام المختلفة والمنظمات الدولية المختلفة عن اى ردة فعل عربية رسمية تجاه ما حدث فى سويسرا من الاستفتاء الذى اجراه الشعب السويسرى والذى تقرر فيه منع بناء المآذن للمساجد التى تبنى فى سويسرا .
عجيب جدا أن يسأل سائل عن أجابة واضحة وضوح البتاعه فى كبد السماء .


400 مليار دولار هى حجم الاموال العربية المعلنة " وأنا أؤكد المعلنة " فى بنوك سويسرا وما خفى كان اعظم .

ينفع واحد يعض الايد اللى مخبياله فلوسه؟!
مش معقول يعنى ..

وأقولها صريحة لن نسمع أى رد رسمى إسلامى أو عربى تجاه هذه القضية .

وأتصور لو أن المباراة التى كانت بين مصر والجزائر كانت بين مصر وسويسرا . هل سيكون هناك نفس رد الفعل المصرى تجاه سويسرا ؟؟!! مستحيل أن يتصور ذلك .
ولكنى أقول من وجهة نظرى الشخصية أن الامر لا يستدعى كل هذه الضجة التى يحدثها الاعلام والمثقفين والمهتمين بالشئون السياسية والاسلامية .
فماذا كنا ننتظر من سويسرا مثلا ؟ وماذا ننتظر من استفتاء الشعب السويسرى ؟
هل ننتظر أن يصوت الشعب السويسرى لبناء الكتاتيب فى أرجاء سويسرا ؟
أم هل ننتظر فرع جامعة الازهر فى سويسرا ؟؟
أم هل ننتظر إقامة مصنع سويسرى لصناعة المصاحف وتوزيعها صدقة جارية على روح الشهداء السويسريين فى حرب 73؟
عجيب فعلا هذا الموقف

أضيف أن كل دولة حرة فى قانونها الداخلى خاصة مع الأقليات.

ودعونا من الشعارات الزائفة التى يطلقها الغرب بعدم العنصرية الدينية وعدم التفرقة والحرية وحرية الاعتقاد .
لأن ما يحدث فى دول أوروبا الشقيقة يختلف كليا عما تنادى به هذه الدول .

 *




هناك 58 تعليقًا:

همس الاحباب يقول...

انت كده جبت من الاخر
ما ينفعش نعض ايد اللى ماسك خزائن اموالنا
بس ممكن نمنع تهريب اموالنا الى سويسرا وشوف سويسرا هتعمل ايه
مع الاسف المسلمين اصابهم الوهن
ولا حول ولا قوة الا بالله
تحياتى

adel يقول...

بص الموضوع انت قولته مينفعش نتدخل في سياسة دول تجاه الاقليات

مع ان ده مش صحيح
لان حقوق الاناسنان تمنع الانسان حق العقيدة و ممارستها بالشكل اللي يحبه

بس حتي بعيدا عن الفلوس
قبلني لو حد اتحرك
مش هاقولك الجزاير ياعم
هاقزلك هو حد اتحرك ساعة الدنمارك ؟؟

القدر و انا يقول...

صاصا
ازيك
عامل ايه
يارب تكون بخير
وكل سنة وانت طيب
انت فعلا قلتها دى سياسة بلد ضد الاقليات
ومش لازم نامل فىحاجة
اما الاموال عندها دى قضية تانية خالص وتحيى الامة الاسلامية

خواطر شابة يقول...

هذه القضية لاأعرف سبحان الله لما مرت مرور الكرام لارد فعل لارسمي ولاشعبي طب لو الحكومات مخبية فلوسها في سويسرا الشعوب بقه مخبة هناك ايه
انه الوهن يأخي الذي اصاب هذه الامة اننا الان نتصرف مصداقا لقول الرسول صلى الله عليه وسلم لاصحابه يوشك ان تتداعى عليكم الامم كما يتداعى الاكلة الى قصعتها فسألوه أمن قلة نحن يا رسول الله قال لا بل انتم كغثاء السيل
هذا هو بيت القصيد أخي بالله عليك ماذا تنتظر من غثاء السيل
تحياتي لك

Unknown يقول...

حمدلله على السلامة
ياأستاذ صلاح
اقولها الاول
وأرجع
أقرأ
وأعلق براحتى ماشى
خضتنا عليك يارررراجل
قلنا اتجووزززززززززززززز
ولا حاااااااااااااااااااااجة
من غير ما يقول علشان ما يجبش
لنا الحلااااااااااااااااااااااوة

saadeddine يقول...

مرحبا أخي
سرني أني وجدت مسدسك الصغير )
أنا معك في هذا الكلام ففعلا لا يستطيع الواحد من دولنا العربية عض اليد السويسرية.

Cute Kitty **sookra يقول...

تحيا مصر
تحيا الامه العربيه
تحيا الدول الاسلاميه
شعارات شعارات
وموش بناخد غير شعارات
-------
يارب ارحمنا
وابقى قابلنى على اى مكان لو حد اتحرك
سلامات يامسدس مايه
هههههههههه
مختفى ليه ياواد
خالتك هتغضب عليك

♥نبع الغرام♥♪≈ يقول...

وأقولها صريحة لن نسمع أى رد رسمى إسلامى أو عربى تجاه هذه القضية .
***********
حتى وان سمعنا فهذه ليست بلد عربيه ولا تحب الاسلام والمسلمين فهل المشكله حاليا منع بناء المأذن

هناك مسلمين فى الغرب عانوا من كل انواع القذف فى الاسلام والعقيده
ومنعهم من اساسيات تخصهم


*****
أضيف أن كل دولة حرة فى قانونها الداخلى خاصة مع الأقليات.

ودعونا من الشعارات الزائفة التى يطلقها الغرب بعدم العنصرية الدينية وعدم التفرقة والحرية وحرية الاعتقاد .
لأن ما يحدث فى دول أوروبا الشقيقة يختلف كليا عما تنادى به هذه الدول .

****
هنا اجبت انت على مايدور بخاطرك
فالموضوع اكبر من مأذن وغيرو
تحياتى اليك

ريمان يقول...

والله شىء عجيب


بس الاعجب من كده صمت الدول الاسلاميه


هما ساكتين ليه

مفيش رد فعل ليه؟

غير معرف يقول...

خبر يدل على مدى ضعف تأثير الدول الاسلاميه

تحياتي

أبو العريف يقول...

البدايه في سويسرا

وايطاليا نفكر

والبقيه تأتي

ولن نحرك ساكنا

لاننا وبكل اسف

ليس لنا اي تأثير دولي

ليس فقيرا من يحب يقول...

معلش يا مسدس يا اخويا

دى ظاهرة صحيه جدا فى سياسه

ودن من طين وودن من عجين

قلم رصاص يقول...


عزيزي مسدس افندي

أين أنت يارجل .. النت حلو من غيرك بصراحه
ههههههههههههه .. واخبار ست ابوها ايه؟
ياترى حلوه؟ ههههههههههههههه

تبقي خيبه تقيله يابني لو اتعلمت نوشو!

المهم

انا اتفق معاك تماما في ان الموضوع ماهو الا سياسة دولة مع أقلياتها

فاحنا لو نظرنا للموضوع سياسيا ..فهذا حقهم في تنظيم شئونهم داخليا .. وان كان ذلك يتنافر مع حرية العقيدة اللي كفلته الاعلانات والعهود والاتفاقات الدولية بل والدساتير الوطنيه عندهم ..لكن الاسلام مش بس بالمأذن ياابوصلاح .. خلينا واقعيين مره في حياتنا .. احنا مش بنتكلم عن الاسلام في بنها ولا الشرقية .. دي سويسرا!

وبعدين احنا بجد محتاجين نغير لغة خطابنا مع هؤلاء الناس .. يااخي اقسم بالله احنا اللي عاطيين صورة سيئة بسلوكياتنا وحتى بطريقة توصيل المعلومة عن الاسلام . العيب داخليا فينا احنا مش في متلقي المعلومة .. العيب في ناقل المعلومة .

ماعندك الصحفية الانجليزية(إيفون رايلي )اللي اعتقلتهاالطالبان ايام حرب افغانستان .. هي وكل الدنيا كانوا متوقعين ان طالبان هتسيئ معاملتها باعتبار الفكرة السيئة المسبقة عن الاسلام .. ولكن حدث العكس ..واحسنوا معاملتها وبناءا عليه .. أعلنت اسلامها لما لاقته من حسن معامله وهو جوهر الدين بتاعنا

باختصار عاوز اقول : الدين المعامله

بس

وبخصوص الفلوس .. انت لخصت .. مينفعش اعض الايد اللي بتخبيلي فلوسي .. طب تقدر انت تعملها مع بنك القرية حتى .. بالله كان خيري ولع فيك
هههههههههههههههههههه

نورت من تاني يابني بأمانه
وطمني عليك .. واوفي بوعدك وتعالى نقعد شوية مع بعض .. بس على فكرة مفيش عندي حشيش ولا تييييييييت .. ابقى حشش مع نفسك مليش انا في الكلام ده .. انت هتبوظني هههههههههههههه

في امان الله

يلا

وردشان smilyrose يقول...

السلام عليكم

اخبارك اخى الصغير

على فكرة الموضوع بالاضافة للى قولته

اننا اصلا معندناش القادة اللى

تتخذ قرار للدفاع او للرد

ودى مشكلة المسلمين

ودى اصعب

الشعب لابد له من حكومه تشكمه يقول...

ياسلااام واشمعنى احنا اللى اقليات....؟

لو واحد يهودى هناك يقدروا يهوبوا ناحية اى معبد؟؟؟؟؟؟؟؟؟؟
لا طبعااااااا...وياسلام لو يهودى واسرائيلى..

احنا اقليات لاننا احنا اللى عملنا نفسنا اقليات وملناش صوت.

ياصلااااح اسرائيل هتمنع ادان الفجر فى القدس علشان بيزعجهم وهم نايمين وبعدها بشويه همنعوا اى ادان فى القدس انت عارف ده معناه ايييييييييه؟

واهو اتفرج كله ساااااااااااكت ودى القدس وساكتين ومحدش بيتكلم,

عاوزهم يتكلموا عن المأذن فى سويسر وتقولى احنا اقليه!!!!!

احنا مش اقليه ,احنا اخترنا اننا نسكت وبمزاجنا ولما تقبل تاخد على دماغك مش من حقك تقول اى..

كلمات من نور يقول...

أقولك على حاجة يا مسدس صغير؟
الأوروبيين بيعلنوا إسلامهم كل يوم بالعشرات..
ادخل كده عالبالتوك فيه مجموعات تعريف الأجانب بالإسلام يعمل عليها شباب ربي يبارك فيهم وكل يوم تقرا إعلان الدخول لغرفتهم لسماع إعلان هؤلاء الأوربيون إسلامهم..داه مربط الفرس والقلق علشان الأوربيوون ومنهم دولة عدم انحياز عندهم قلق علشان الإسلام حيكون في ازدياد في بني جلدتهم..وقادر ربي ينصر الإسلام في كل زمان ومكان.ولا تنسى حديث رسول الله صلى الله عليه وسلم عن قرب يوم القيامة وغدرهم بالمسلمين اقرا معايا كده:
قال صلى الله عليه وسلم : " لا تقوم الساعة والروم أكثر الناس " ..
أعتقد أن هذه العلامة يمكن ملاحظتها بكل وضوح ! وسيغدر بنا بنو الأصفر .. وسيقاتلوننا ..
قال عليه السلام : " أعدد ستاً بين يدي الساعة .. فذكر منها هدنة تكون بين بينكم وبين بني الأصفر ( الروم) فيغدرون ، فيأتونكم تحت ثمانين غاية راية تحت كل غاية اثنا عشر ألفاً " .
نحن الآن نعيش نهايات عصر الهدنة مع الروم .. ولسوف يغدرون .. وستكون ملحمة عظيمة تنتهي بإذن الله بنصر المسلمين .. تحت قيادة المهدي ..

ستيتة يقول...

مساء الفل يا صاصا باشا

ردا على هذا الجزء

هل ننتظر أن يصوت الشعب السويسرى لبناء الكتاتيب فى أرجاء سويسرا ؟
أم هل ننتظر فرع جامعة الازهر فى سويسرا ؟؟
أم هل ننتظر إقامة مصنع سويسرى لصناعة المصاحف وتوزيعها صدقة جارية على روح الشهداء السويسريين فى حرب 73؟
--------------------------

الحقيقة يا صولاح لو كنا شعوب محترمة
بنظهر صورة حضارية لديننا العظيم
لو كنا مسلمين بحق
صدقني السويسريين كانوا صوتوا بكل حرية وديموقراطية - لأنهم شعوب عدلة - على بناء القباب والمآذن

لكن صورتنا للعالم تنقسم الى قسمين
صورة بشعة وربنا ياخد المتطرفين المفخخين المبندقين المقنبلين

وصورة معتمة زائغة لأمة غاب أعلامها واكتفى بحب الرقاصين

العيب مش على سويسرا
ولا مفروض ناخد اجراء ضد سويسرا
ولا نشجب ولا ندين
مفروض كل واحد منا يضرب اللي جنبه قلم
ثم نجتمع على جزمة رجل واحد ونرميها على اللي مخبين فلوسنا المسروقة هناك
ثم نجاهد ونجتهد علشان نعلى تاني داخليا ثم نبان على حقيقتنا السمحة المتحضرة خارجيا

سلاموز

غير معرف يقول...

السلام عيلكم
عيد الراجحي
شكرا لاثاره موضوع الاذان ف سويسرا بكل احتمالاته

Unknown يقول...

عارف ياأستاذ صلاح
أنا رايى قلته قبل
كده فى مدونة صديقة
لكن مفيش مانع اعيده
هنا أن كثرة الأستفتاءات
والموانع والمحاذير ومش عارفة ايه وايه وايه ما هو الا دليل خوف من الأسلام الحقيقى اللى الناس فعلاً هناك بتدخل
فيه برغبتها وبيكتروا شوية بشوية
انت ما بتصدرش مانع لمجهول أو ما بتمنعش مجهول لكن لما بتمنع بتمنع شىء معلوم خايف أنت منه.......صح؟

mohamed ghalia يقول...

متفق معاك فى كل كلمة ياصاحبى
حريتهم وتحضرهم ده مع بعضهم أوك لكن عند المسلمين انسى ياصاحبى

Mahmoud Ahmed يقول...

يا استاذي الفاضل عدم العنصريه ده لالا يشمل المجتمع العربي نهائيا
عدم العنصريه ده لكل المجتمعات ماعدا العرب و بالأخص المسلمين
واحنا السبب صدقني
المسلمين هما الى مخلين شكلهم وحش
انزل وسط البلد بس كده
و لا روح ميدان رمسيس
و اتفرج على (( المسلمين ))
انا حطيتهالك بين قوسين
اتفرج بس انت على المسلمين كده
وشوف هما كده اصلا مسملين ولا لأ؟؟

اللى موش عارف يتغير يقول...
أزال المؤلف هذا التعليق.
اللى موش عارف يتغير يقول...

سياسة دولة ايه ياد انت وهو دك داء فى صباعك
امال الغرب قارفنا ليه على الاقليات فى بلادنا المسلمة
دول قاموا بسبع حملات صليبة من اسبابها من وجهة نظرهم حماية الاقليات وموش راضيين يدخلوا تركيا الاتحاد الاوربى عشان من وجهة نظرهم بهدلوا الاقليات
صلاح انا متفق معاك فى كل كلامك الا انك تقولى هم احرار وان ده شأن داخلى
تعالى كده وخلى مصر تعمل كده ان ممدونا فى الطابور بتاع المدرسة
ياراجل دا قطر البلد المسلمة اللى كل سكانها مسلمين بنوا كنيسة
وعشان تعرف يا اخ صلاح ان المآذن جزء لا يتجزأ من المسجد ورمز يارمزى
اسيبك يومين اجى الاقيك متسوسر

غير معرف يقول...

قصدك انهم ماسكين ذلة على الحكام العرب؟

مليارات الذلل


والشعوب في البلالا


كلامك لحد بعيد جدا

صحيح

وحطيت ايدك على الدمل بتاعهم

zikooooo يقول...

السلام عليكم
لا بجد الواحد خلاص دماغه هتتفجر من كتر اللي بيشوفه اشي سويسرا واشي الجزائر واشي الحجاج واشي الدنمارك واسي اذان الفجر اللي هيتلغي في القدس
تعرف في مثل حلو اوووي مقتنع بيه

اخويا وابن عمي عليا ,وابن عمي والغريب علياااااااااااا

بس في حاجه انا مستغرب ليها اوووي
لو في اي حاجه حصلت ليها علاقه بالكوره تلاقي الناس قامت مقعدتش

اما الدين تلاقي الناس تقعد ما تقمش

nody يقول...

اولا لو على الاعتراض
ا}كد لك لو حتى ساحل العاج مش سويسرا محدش هايتحرك
لأن هما لايعنيهم مأذن ولا كلام من ده
فى اهتمامات اكبر

ثانيا سويسرا

وهى بتحاول تاخد حقها اهدرت حقوق غيرها

mimi يقول...

أستغربت وأدنت وشجبت موقف العرب من اللي بيحصل في سويسرا

إذا كان السويسريين ذات نفسهم بيقولوا فين حرية العقائد والديانات !!

ولما اتأكدت إنها مصالح بنكية سويسرية وخطة صهيونية

شربت شاي بلبن وأتخمدت

مسدس صغير يقول...

همس الاحباب
وهنمنعها ازاى؟
ههههه
منقدرش طبعا
لا حول ولا قوة الا بالله
اشكرك على التعليق نورتنى

مسدس صغير يقول...

عادل
انا مقصدش كده انا اقصد انهم بيتعاملو كده مع الاقليات اللى عندهم فملهمش دعوة بالاقليات اللى فى البلاد التانية
وعلى رأيك محدش بيتحرك مهما حصل
يلا ربنا يهدينا
اشكرك على التعليق يا دولا نورتنى

مسدس صغير يقول...

القدر وانا
الحمد لله انا بخير
كل سنة اونتى طيبة
ومش هنأمل فى حاجة
ربنا يهدينا
اشكرك على السؤال والتعليق
نورتينى

مسدس صغير يقول...

خواطر شابة
انا معاكى ان ده الوهن
فعلا كلمة جميلة
طالما ان الحكومات خايفة على فلوسها
احنا خايفين على ايه؟؟
هههههه
ربنا يعيد هذه الامة لسابق مجدها
اشكرك على التعليق الجميل
نورتينى

مسدس صغير يقول...

نوراهاتى
هههههههههههه
لالا لسه متجوزتش بس مستنى منكو الحلاوة
طالما المتجوز بيجيب حلاوة
يبقى اللى مش متجوز بياخد حلاوة صح؟؟
ههههههههه

مسدس صغير يقول...

سعد
اشكرك على التعليق
نورتنى

مسدس صغير يقول...

سكرة
تحيا مصر
تحيا الامه العربيه
تحيا الدول الاسلاميه
شعارات شعارات
وموش بناخد غير شعارات

ازيك يا خالتو
بقيتى تتكلمى فى السياسة اهوه
هههههههه
برافو عليكى

متخافيش عليه انا حى ارزق
اخبارك
نورتينى

مسدس صغير يقول...

ايناس
اشكرك على المشاركة الفاعلة
فعلا الموضوع مش موضوع مآذن
الموضوع اكبر من كده بكتير
معاكى
اشكرك على التعليق يا قمر
نورتينى

مسدس صغير يقول...

ريمان
همه كده وهيفضلو كده
ساكتين علطول
ربنا يهدى
اشكرك على التعليق
نورتينى

مسدس صغير يقول...

فتاة من الصعيد
تأثير؟؟
الله يرحمه
اشكرك على التعليق
نورتينى

مسدس صغير يقول...

ابو العريف
تأثير مين يا عم الحاج
هههههههه
ربنا يستر علينا بقى
والبقية تاتى
اشكرك على التعليق
نورتنى

مسدس صغير يقول...

ليس فقيرا من يحب
ودن من طين وودن من عجين
احسن حاجة
هههههه
اشكرك على التعليق
نورتينى

مسدس صغير يقول...

قلم رصاص
كلامك كله صح
دى سياسة بلد وهيه بس اللى تعرف تتحكم وتحكم اقلياتها
وفعلا لغة الحاور لازم تتغير
ومتفق معاك فى موضوع المعاملة وان الدين المعاملة
اما بقى موضوع طالبان ده
مليش دعوه اصل بحب كل الطلاب وكلهم عندى سواسيه
ههههههههه
اشكرك على التعليق يا صاحبى
نورتنى

مسدس صغير يقول...

سمايلى روز
وعليكم السلام
الله يسلمك
انا بخير
يارب انتى كمان تكونى بخير
فعلا الموضوع عايز قيادة
وقادة وهمه اللى يتحركو
اشكرك على التعليق
نورتينى

well يقول...

ردود الفعل العربية ...تعلمت فن الصمت منذ زمن
تحياتى

مسدس صغير يقول...

الشعب لابد له من حكومه
احنا بس اللى اقليات
لأن مفيش حاجة اسمها معاداة المسلمين
انما فيه حاجة اسمها معاداة السامية
والكل بيخاف انه يتسمى عدو السامية
مش عارف ليه يعنى
اما بقى عن الصمت الرهيب فحدث ولا حرج
ايه يعنى اما يتمنع الادان فى القدس يعنى دى وللا ان القدس بحاله رااااح
اللهم اعد المسجد الاقصى وفلسطين الى ايدى المسلمين
اشكرك على التعليق
نورتينى

مسدس صغير يقول...

كلمات من نور
هى فعلا كلمات من نور
تحمل بارقة أمل لعوده هذه الامة لسابق مجدها
نسأل الله ذلك
احييكى على التعليق الرائع
واشكرك عليه
نورتينى

مسدس صغير يقول...

الدكتور ستيته
فعلا والله العيب مش على سويسرا
العيب على الشعوب الاسلامية
هيه اللى ادت الصورة دى والانطباع ده عند الغرب ومنهم سويسرا

(لكن صورتنا للعالم تنقسم الى قسمين
صورة بشعة وربنا ياخد المتطرفين المفخخين المبندقين المقنبلين

وصورة معتمة زائغة لأمة غاب أعلامها واكتفى بحب الرقاصين)

فعلا والله صدقتى
دول اوضح صورتين لينا
ممكن اى بصير يشوفهم
بس احنا اللى حاطيين ايدينا على عنينا
ربنا يجمع شمل الامة
اشكرك على التعليق الشافى الكافى
نورتينى

مسدس صغير يقول...

عيد الراجحى
اشكرك على التعليق والمتابعة
نورتنى

مسدس صغير يقول...

نوراهاتى
فعلا انا معاكى 100 فى 100
الاسلام بينتشر فى بلادهم بسبب اللى بيعملوه ده
وده اكبر معرف بالاسلام فى بلادهم
فعلا والله
اشكرك على التعليق الرائع
نورتينى

مسدس صغير يقول...

محمد غالية
فعلا مع بعضهم
كلامك سليم
اشكرك على التعليق
نورتنى

مسدس صغير يقول...

المدونة الاسلامية
من يهن يسهل الهوان عليه
اشكرك على التعليق

مسدس صغير يقول...

موناليزا
عندك حق
اشكرك على التعليق
نورتينى

مسدس صغير يقول...

اللى موش عارف يتغير
انا معاك والله اننا هنتمد فى الطابور
بس بردة لازم نكون اصحاب موقف
موقف مصر يعنى
ثم انت مالك ومال السياسة
تعالى هنا
انت واحشنى
وحج مبرور وسعى مشكور
ربنا يتقبل منك
نورتنى

مسدس صغير يقول...

مصرى جدا
طب مين يقدر يتكلم قولى؟
مين ملوش فلوس فى سويسرا؟
يلا اللى ملوش يتكلم
اشكرك على التعليق جدا
نورتنى

مسدس صغير يقول...

زيكو
الكورة تختلف
انما الدين والامة عادى
ربنا يستر
اشكرك على التعليق
نورتنى

مسدس صغير يقول...

نودى
لا بيتهيألك
لو دولة غير اوروبية كنتى شفتى العجب العجاب
يعنى لو ساحل العاج
الازهر هيولع فيهم على الاقل
معاكى ان ده انتهاك لحقوق المسلمين فى سويسرا
اشكرك على التعليق
نورتينى

مسدس صغير يقول...

ميمايا
لازم كلنا نشرب من نفس الشاى بتاعك
ونفس اللبن بتاعك
وننااااااام
وكل عام وانتم بخير
ههههه
اشكرك على التعليق
نورتينى

مسدس صغير يقول...

well
الصمت ابلغ رد من العرب
حلو اوى
اشكرك على التعليق

الزنارى يقول...

السلام عليكم و رحمة الله و بركاتة
تحية طيبة و بعد
ان العيب ليس فى سويسرا العيب فينا
فلننظر لأنفسنا أولا قبل النظر الى سويسرا فلننظر كيف أهدرنا دماء بعضنا فى مباراة كرة قدم .
فلننظر كيف لا نسمح ببناء الكنائس فى بلادنا .
نعم هم مخطئون و لكن لنعترف نحن بأخطائنا أولا
مع خالص الاحترام و التقدير
أحمد الزنارى

مسدس صغير يقول...

الزنارى
وعليكم السلام ورحمة الله
فعلا الغلط عندنا مش عندهم
وانا مش بلومهم
اشكرك على التعليق نورتنى