الأحد، 8 نوفمبر 2009

بوست التفاصيل عشان خاطر عيونكم..



اولا كان يوم جميل اوى ولقاء ممتع

واليكم التفاصيل :-

فى تمام التاسعة و40 دقيقة كنت وصلت عند المستشفى ملقيتش

حد . قلت استنى شوية وبعدين اتصلت بصبرنى قالتلى احنا اساسا

جوه المستشفى دخلت لقيتها ولقيت سول ولقيت بنت خال سول 

ودخلنا سول عند التبرع وقلتلها لا اله الا الله وسيبناها وخرجنا 

نستقبل الناس وتوافد الجميع تباعا مش فاكر الترتيب بس طبعا كل

اللى ييجى اخده واروح اسلمه لحبل التبرع واهرب اقصد واخرج

تانى اجيب وفود جديدة. وبصراحة صبرنى يارب بذلت مجهود

خارق دا كفاية الكيك والرد على التليفونات .


الساعة 10 ونص كلنا دخلنا جوه بقى وقلت هتبرع وامرى لله  

" ربنا يتقبل " وعملت التيست وهاتك يا حسد ما علينا "دى اول 

مرة اتبرع"

وبدأت ألم فى العصير والميلك والبسكوت والشوكولاتة استعدادا 

للتبرع وسيبتهم أمانة مع عاشقة "أماااانة" بس مين ضيعت 

الامانة . المهم حطو رقبتى تحت المقصلة قصدى نمت ع السرير

بتاع التبرع ولقيتها حاجة سهلة خالص وشيما الله يكرمها جابتلى 

العصير بس قالت كل متبرع وحدة بس . طب لييييه؟؟

بعدين بعد التبرع مخلص رحنا مسجد السلاب صلينا الجمعة 

وكانت خطبة حلوة اوى وزى منا قلت"  بضم الخاء " مش 

بكسرها محدش يفهمنى صح .

بعدين خرجنا رحنا على كوك دور وجابو المنيو طبعا انا ومحمد الغرباوى وعاشقة وغلبانة وساسو كنا على ترابيزة وحدة وجبنا 

الشنغهاى بناء على رغبة عاشقة اللى كانت بتحاول تنسينى الامانة

بس مستحيل انساها . ده  عصير وميلك وبسكوت وشكولاتة 

كمااان يا ناس . دى حاجة تتنسى؟؟!!

بصراحة كان سندويتش كبير اوى مكنتش قادر عليه بس الحمد لله

  وبعد عناء خلصناه وروحنا على نادى الاطباء قعدنا على 

ترابيزة المؤتمرات " اللى كان فى اولها ميشوفش اللى فى اخرها". 

احمد حسن البنا " اتكلم فى موضوع مهم اوى عن المدونين 

والموضوعات اللى بيناقشوها على مدوناتهم بس بردة عشان العدد

كبير ومش سامعين بعض مقدرناش نواصل ونسترسل فى الحوار

وكملناه نميمة .
 

وبعدين اقترحت خيخة وصبرنى وداليا قوس قزح انهم عايزين 2

شباب من المنصورة يروحو يجيبو مركب وأنا طبعا بما إنى شاب

من المنصورة قعدت ادور على 2 شباب من المنصورة يروحو 

يجيبو مركب .

بس على مين؟ قالو انت واحد منهم . ماشى .

ورحت الحمد لله انا وابراهيم العدوى وجبنا المركب هيه مش 

سياحية اوى يعنى بس يلا اهى حاجة تفرح عمر .


ودى المركب . طب دى وحشة؟!


وقضينا وقت ممتع اوى على المركب وخالد همس الاحباب اتبرع

بلم الفلوس وعينك متشوف الا النور .

وفيه ناس هربت ومكنتش عايزة تدفع المرة التانية مش هقول

عليهم. 


والحمد لله تمت على خير ودفعنا الـ 100 جنيه من سكات من 

غير اقسام شرطة ولا تنضيف مركب ولا حاجة .

وبعدين نزلنا وركبنا التكوسة ونورتو مصر ودفعت لشيما اجرة 

التاكسى اللى مش هتنازل عنها ابدا .


اولا مدونين القاهرة :-


فاتيما :-  الوردة الروز

خيخة :- قلب خساية

خالد همس الاحباب :- ابن بلد وحبيته اوى 

داليا قوس قزح :- اى خدمة مركب عشان خطرك

ميرا :- فعلا امرأة بعقل رجل 

ضياء :- بيوتيفل مايند

عسقول :- ابن حجر العسقلانى ياريت نشوفك دايما

كينج توت وبوبو :- نورتونا والله 



ثانيا باقى المدونين :-


صبرها يارب :- التبرع حلو كنتى اتبرعى

ابراهيم العدوى :- على راى شيما فين السهوكة؟

شيما :- اقول؟؟ غير كده فين الفلوس اللى عليكى؟

محمد الغرباوى :-  شخصية محترمة جدا وبشوشة اوى 

عاشقة وغلبانة :-  مش غلبانة خالص

ساسو :-  حكم السن . داليا وانا لأ؟

سول :- اتبرعتى؟ محدش شافك

رحيل :- بنت بلد وجدعة وبشوشة اوى


ايناس :- عاشقة الاحزان


بنت المنصورة :- مستعجلة على ايه

اميرة على كوكب مهجور :- ولا مهجور ولا حاجة 


قلب الاسطورة :-  مجيتيش ليه ؟  مفروض انها جاية  وراحت كوك دور لوحدها

احمد حسن البنا :- شخصية محترمة جدا

روح طفلة :- نورتينا

مجرد حلم :- صغنتوت ليه؟


حلم كان :- ولسه الحلم
 

ليساندرا :- مش ع الهامش ابدا

سما مصر :- حمد الله ع السلامة

مصطفى محمد :- فك زنقة متفهمهوش غلط

بلاد السحر والخيال :- ولا خيال ولا حاجة



وفى النهاية لو نسيت حد ميزعلش حكم السن بقى وال زهايمر
فكرتونى .. 
بدراوى كلمنى فون وكان زعلان انه مجاش بس تتعوض ان شاء الله
بوست التفاصيل ده عملته بسبب البهدلة اللى اتبهدلتها فى البوست اللى فات
تعالو زورونا ونورتونا

*
كان نفسنا تكونى معانا يا دكتورة ستيته


بالغيظ فيك يا قلم رصاص







هناك 74 تعليقًا:

فاتيما يقول...

مين دا
ما عاش و لا كان اللى بيهدلك ؟!!!
احنا بس كنا عاوزين نسمعك تانى و تانى
بوست طيب زيك
انت يا بنى طيب بشكل خرافى
صبرنى اتبرعت على فكرة و دلوقتى تدخل تعملك قلق .. انت حر بقى
منتحرمشى منك يا صاصا
يا مسدس صغير و قلب كبير يساع الدنيا

غير معرف يقول...

السلام عليكم
كنت بتابع المواضيع الخاصه حضراتكم كلكم
( كل اللي إتنشر بخصوص اللقاء )
لسه بت خيخه كاتبه بوست رائع عن يوم اللقاء
وزي ما قلت عندها
كان نفسي أكون في مصر عشان أشارك معاكم
بس هوالنصيب بقي
ربنا يوفقكم كلكم مجموعة شباب رائعة بتتشارك في الخير

بالتوفيق دائماً

رحــــيـل يقول...

ههههههه ايوه كده ناس ما تجيش غير بالعين الحمرا
ما كان م الاول
انا بقى شوفت اللى حصلك وعدلت عن الفكرة المختصرة
تفاصيل مش تفاصيل هو اليوم مالووووش حل بصراحه وكانت كانت حلوه جدااااااااااا
وكفايه انك طلعنا بلديات
:))

حلم بيعافر يقول...

ماكفاية بقى تغيظوا فينا بقى
طب المرة الجاية انا هاجى اول واحد

ساره يقول...

اللـــــــــــه
ايوه كذا عشان نعيش الاحداث
يومكم كان جميل
وانا ابنسطت عشانكم كثير
وان شاء الله دائما متجمعين على الخير
ويارب يتقبل منكم وفي ميزان حسناتكم جميعا امين

وردشان smilyrose يقول...

السلام عليكم

بجد نت سعيدة وانا بكلم سول

وكان نفسى اكلمكم لولا البرد مطلع عينى

بس ان شاء الله ملحوقة معاكم فى اول تجمع

وربنا يوفقكم

Cute Kitty **sookra يقول...

لا والنبى دا انا هاسيحلك هنا
ياجماعه الواد دا موش اتبرغ غير لما حرمته من البسكوته اللى كانت فى ايده وقلتله انها للمتبرعين بس فقوم ايه جرى وراح اتبرع
ياطفس
وطبعا بحكم سنك لسه صغيره فداليا اه وانت لا ومن هنا لازم تقولى خالتو ساسو موش ساسو كدا حاف
ههههههههههههههه
كان يوم جميل شكرا على مجهودكم يابنات وولاد المنصوره

KING TOOOT يقول...

أجمل حاجة إنك واصف الرخلة بالظبط
خصوصا المركب
هي بالظبط إللي كنا راكبينها
ياااااااااااه
صورتها إزاي دي
هههههههههههههه
تحياتي يا أجدع شاب منصوري
عمر بيسلم عليك
KING TOOOT

Darsh Basha يقول...

تسلم على التفاصيل يا صلاح
وانا اتشرفت بمعرفتك
وتسلم على المركب اللى جبتهولنا دة

وان شاء الله اتشرف بيك بعد كدة ..تانى

قلب ارهقته الاحلام يقول...

ماشي ياصلاح

لازم يعني الفضايح دي :D

مش انتوا ال مشيتوا بدري مش اروح أكل انا يعني :))

حب لأخيك ماتحب لنفسك وبلاش كده ياشنغهاي ههههههه

بعدين اتصرف اعملي لقاء تاني قريب وانا هاجي

بس مش يوم جمعة بأة


المركب دي انا شفتها فين قبل كده ؟؟ هههههههه

قلب ارهقته الاحلام يقول...

واتبرعت بعد التهديد بالحرمان من الطعام

ههههههههه

وكنت عامل بطل قوي وتقول الجري نص الجدعنة:D

دة طلع الجدعنة كلها :)

Lady E يقول...

المنصورة واللقاء كانوا منورين بيكو يا صلاح

وبعدين نورتكم على اساس اني لمبة ولا على اساس ان المنصورة مفيهاش كهربا :)

الشعب لابد له من حكومه تشكمه يقول...

فعلااااااااااااااا انا من موقعى هذا بقول ان هى دى المركب بعينها وهو ده الدى شىىىى..الا مصورتش الدى شىى ليه صلاح:)

وبطل تعمل الحركات دى باه اعترف انك اتبرعت بسسسسسسسسسس علشان العصير..:)

تقول؟؟؟؟؟؟ متقول انت بتهددنى بايه ؟؟؟!!!!!!!
تكونش مضتنى على شيك وانا مش حاسه:(انا اصلا مكنتش عاوزه امضى شكلى مضيت على حاجه تودى فى داهيه..
بالنسبه للـ تووو باوند,انا فعلا بفكر فى اقترح قلم رصاص انى احولهم على حساب سرى فى سويسرا...
انا مش ناقصه شغل محامين ويرفع عليا قضيه ومش بعيد يجيبلى اعدام وادفع 200 الف حنيه تعويض...

اليوم كان فعلا جميل بس برضه نستثنى ترابيزة المؤتمرات:)
والناس كلهاااا كانت جميله بجد وفى ناس انا حسيت انى اعرفهم كويس جدااا..

عاشقه وغلبانه يقول...

بقي انا مش غلبانه
اهئ اهئ
ليه ياصاصا عملت فيك ايه يامفتري
ده انا حتي اتبرعت بدمي الشربات وضحكوا عليا بشويه لبن
بذمتك مش غلبانه اهو
مين اكلك الشنغهاي..؟؟
اعترف
هو انا صحيح اخترته علشان سبايسي ولا طلع حراق ولا نيله

عموما يابني انا في فتره نقاهه ومش عايزه اتخانق حاليا لما اشوفكوا في لقاء تاني فكرني ازعقلك
ياوحث

انا حبيت الناس كلها من التجمع ده ونفسي بقي اشوف ستيته

همس الاحباب يقول...

با جدع انت طلعت رغاى رغى
هههههههههه
احنا كده ما يعجبناش العجب ولا صيام فى رجب
بس بجد سعدت جدا جدا بمعرفتك
وعلى فكرة انت الوحيد اللى اخدت رقم موبيلك
بيس يا متر
انت من الاحرار يا صاصا
ههههههه
والله وانت كمان دخلت قلبى من اول لقاء
تحياتى يا مان

كرسي أعتراف يقول...

تمنياتي للجميع بقضاء أوقات جميلة وسعيدة

تقبل مودتي

قلم رصاص يقول...

انت بتحقد علي اني مجيتش

بطلوا حقد بقى يافلاحين (قصدي مدونين)

ههههههههههههههههه

وعاوزين بقى اللقاءات الجديدة تكون مختلفه

عاوزينها لقاءات فكرية وليها هدف بدل ما

نختزلها في التعارف ياعم مسدس فقط

طب ما الكل عارف بعضه اهه .. ايه الجديد يعني بقى ؟

عاوز يكون ليكوا دور في المجتمع من خلال التدوين .. مش مجرد اننا كل واحد فينا عنده مدونة وفرحان لي بيها وبس.. عاوزين نعمل حاجة زي رابطة او ماشابه تجمع مدوني الدقهليه مبدأيا لحين ما الفكرة تكبر وتكون في يوم من الايام منظمة من منظمات المجتمع المدني ويبقى لها دور في أي حاجة ان شالله في الردح

هههههههههههههههههه

حط كلامي في دماغك ونعمل اللقاء الجاي في جنينة بيتنا .. وتبقى فضايح زي ما انت قولت لي ههههههههههههههههههه

سلام ياصاحبي

ريمان يقول...

غيظنا بقى غيظنا



عااااااااااااااااا


بس المركب حلوه


مش اوى يعنى

هههههههههههههههه

لا بجد حلوه بهزر


بقولك ايه موضوع انكم تختارو يوم الجمعه ده لاااااااااء


المره الجايه ابقوا اختاروا يوم مناسب


يلا سلام

بقايا انسانه يقول...

كفايه بقا حرام عليكوا

دانا خلاص حفظت اللي انتوا عملوه

الواحد بيعد زعلان مع نفسه

ههههههههههههههههههههههههه

الحمدلله انكوا انبسطوا واناوالله مبسوطه عشانكوا

اسماء واحلام فى وجدانى يقول...

اول مرة ازورك فيها والسبب انى جاى اشكرك لانك ضحكتنى من قلبى بجد

من دقيقة دخلت عند ايناس لاقيت حضرتك محتل المدونة ضحكتك اوى لانى حسيت انى وقعت فى كمين وكمية الاسلحة اللى مرفوعة فى وشى كتير جدا بس يا ترا المسدسات دى عيار كام

احمد

ليس فقيرا من يحب يقول...

ايون كده برافو عليك

عايزاك تتعلم فن التفصيل الملل

هههههههههههههههههههههه

وحلوة المركب دى بجد

كلمة صدق يقول...

السلام عليكم ياريتنى كنت معاهم اسمحلى امر على مدونتك واكسبك صديق وابقى زرناوشكرا

أميرة علي كوكب مهجور يقول...

يعني لازم نهدد علشان تكتب بالتفاصيل ما كان من الاول

بجد انتم ناس ذوق اوي وطيبين اوي وكان بجد يوم تحفه يارب يتكرر ونجمع في الخير دايما

مجرد حلم صغنتوت يقول...

صغنتوت علشان لما بيكبر اوي مني بيتكسر!!

سعيدة جدا بمقابلتك اللي ملحقتش اقول فيها اي حاجة دي
متعوضة مرة تانية ان شاء الله :)

mohamed ghalia يقول...

ياعم بلاش بقى تغيظوا فنا
عاااااااااااااااااااا

مسدس صغير يقول...

فاتيما
الله يخليكى يا قمرنا
ربنا يكرمك يارب
انا اللى طيب دا انتى اللى اخترعتيها
ربنا يارب يبارك فيكى ويرجعلك يوسف بالسلامة وتيجى المنصورة انتى وهوه زى موعدتى
يارب منتحرم منك ابدا
يا رافعة روحنا المعدنية
شكرا جدا على التعليق
نورتينى

مسدس صغير يقول...

blackshwak
وعليكم السلام
تتعوض ان شاء الله
المرة الجاية تكون رجعت بالسلامة
ربنا يكرمك
اشكرك
نورتنى

مسدس صغير يقول...

رحيل
ههههههههه
اه اصل انا اهلاوى
شفتى بقى مين اللى ميجيش غير بالعين البيضا المخططة احمر؟
هههههههههه
زملكاوية يعنى
هههه
يوم جميل جدا
مبسوط اوى انى اتعرفت عليكى واننا طلعنا بلديات
اشكرك على التعليق
نورتينى

مسدس صغير يقول...

حلم بيعافر
هههههه
هنغيظكو كده
المرة الجاية مش جاى بسببك
هههههه
ان شاء الله
تنور
اشكرك
نورتنى

مسدس صغير يقول...

سارة
ربنا يكرمك يارب
فعلا كان يوم جميل
وان شاء الله اما تنزلى مصر نعمل لقاء عشانك
ربنا يخليكى
اشكرك على التعليق الجميل
نورتينى

مسدس صغير يقول...

سمايلى روز
مجيتيش ليه؟؟
يلا تتعوض ان شاء الله
نشوفك على خير
الف سلامة عليكى
اشكرك على التعليق
نورتينى

مسدس صغير يقول...

ساسو
هههههههه
بقى كده الفضايح دى على شاشات التلفيزيون؟؟
ههههههه
ماشى
بس مكلتش البسكوتة انا اعمل ايه دالوقتى؟؟
هههههه
بس انا لازم احذو حذو داليا
هههههه
اشكرك على التعليق
نورتينى

مسدس صغير يقول...

كينج توت
هههههههه
بالظبط صح؟؟
هههههه
حتى صورة المركب
هههه
ربنا يبارك فيك
ميرسى اوى على الكلام الحلو ده
سلملى على عمر كتير اوى
وعقبال منشوفه اكبر مدون ع الانترنت
ههههه
اشكرك على التعليق
نورتنى

مسدس صغير يقول...

درش باشا
نورتنى والله
العفو على ايه
بجد سعيد بمعرفتك
اشكرك على التعليق
نورتنى

مسدس صغير يقول...

قلب ارهقته الاحلام
ههههههههه
هنعمل لقاء تانى يوم الجمعة الجاية
هههههه
انتى اللى طفسة ورحتى تتغدى وسيبتينا
اة هيه دى المركب اللى كنا راكبينها
ههههه

مسدس صغير يقول...

قلب ارهقته الاحلام
هههههههههه
فضحتنى
الله يسترها
ههههههه
اشكرك على التعليق
نورتينى

مسدس صغير يقول...

ليدى
نورتينا وخلاص
ههههههه
على اى اساس
انتى نورتينا
بجد كنت سعيد بوجودك
اشكرك على التعليق
نورتينى

مسدس صغير يقول...

الشعب لابد له من حكومه
ههههههههه
اه هيه دى المركب بالظبط
والدى شى جوه مش بيبان من برة
واللى عايز يتأكد يدخل المركب من جوه وهوه يعرف
هههههههه
مش هقول بردة بلاش فضايح
ههههه
والاتنين جنية بتوعى مش هسيبهم
سويسرا سويسرا بس اخدهم
هههههههه
اة انا ممضيكى مش فاكرة وللا ايه؟؟
ههههههه
هتشوفى هعمل ايه
ههه
اشكرك على التعليق جدا
نورتينى

مسدس صغير يقول...

عاشقة وغلبانة
هههههههههه
خلاص غلبانة
ولا تزعلى نفسك
هههههههه
بس فين الامانة يا غلبانة؟؟
ههههههه
شفتى بقى
وانتى عرفتى منين ان دمك شربات
مفيش عندهم تحليل ش را بات
هههههه
عرفتى منين بقى؟؟
ههههه
الحسنة الوحيدة اللى عملتيها انك اكلتينا شنغهاى
بس من ساعتها وانا عنيه اضيقت كده مش عارف ليه؟
ههههههه
بجد سعدت جدا بمعرفتك
اشكرك على التعليق
نورتينى

مسدس صغير يقول...

خالد همس الاحباب
ههههه
بيس يا مان
دخلت التاريخ
هههه
بجد انا طلعت رغاى رغى
هههههههه
بجد والله انا سعيد انى اتعرفت عليك جدا
وسعيد انى اخدت تليفونك
هههههه
مش سرقته
ده الرقم
ههههههه
اشكرك على التعليق
نورتنى

مسدس صغير يقول...

كرسى اعتراف
اشكرك على الكلام الحلو ه
نورتينى

مسدس صغير يقول...

قلم رصاص
ههههههههه
فلاحين؟؟
اها طمعا
هههه
نعمل لقاء فين انت كمان؟؟
فى بيتكو؟؟
طب ونركب مركب فى النيل ازاى؟؟
ههههههه
بس ايه حكاية الفكر والههدف والكلام الكبير ده
احنا مهيسين يا عم ومش ناقصين
هههههه
فاتك نص عمرك
فاتك نص عمرك
فاتك نص عمرك
هههههههههه
يلا تتعوض ان شاء الله
اشكرك على التعليق
نورتنى

مسدس صغير يقول...

ريمان
ههههههه
حلوة انا عارف
ههههههه
تتعوض ان شاء الله
وان شاء الله يكون اللقاء التانى مش يوم جمعة عشان نشوفك
تتعوض
اشكرك على التعليق
نورتينى

مسدس صغير يقول...

بقايا انسانة
ههههههههه
وهنغيظكو كمان
هههه
ان شاء الله تكونى معانا المرة الجاية
تتعوض ان شاء الله
اشكرك على التعليق
نورتينى

مسدس صغير يقول...

اسماء واحلام فى وجدانى
هههههههه
ولا كمين ولا حاجة
على رأى ساسو مسدس ميه
هههه
اشكرك على التشريف
بجد سعيد بزيارتك
نورتنى

مسدس صغير يقول...

ليس فقيرا من يحب
هههههههه
ادينى اتعملت
اتفضلى المركب
متغلاش عليكى
هههه
اشكرك على التعليق
نورتينى

مسدس صغير يقول...

كلمة صدق
طبعا ليا الشرف اتفضل
اشكرك على التعليق
نورتنى

مسدس صغير يقول...

فتاة من الصعيد
معلش كنت بحذف تعليقات مش مناسبة حذفت تعليقك غصب عنى والله
ما اخدتش بالى
متشكر جدا على تعليقك
نورتينى بجد
واسف

مسدس صغير يقول...

فتاة من الصعيد
وكمان تعليق عشان متزعليش
ههههههه
نورتينى

مسدس صغير يقول...

اميرة على كوكب مهجور
بجد فعلا كان يوم تحفة
انتى اللى انسانة محترمة
وبشوشة
اشكرك على الكلام الجميل ده
سعيد انى اتعرفت عليكى
اشكرك على التعليق
نورتينى

مسدس صغير يقول...

مجرد حلم
والله انا اللى سعيد انى اتعرفت عليكى
كان يوم جميل
اشكرك على التعليق
وع الكلام الحلو ده
نورتينى

مسدس صغير يقول...

محمد غالية
ههههههه
ولسه
ههههه
اشكرك على التعليق
نورتنى

شاب فقرى يقول...

يااااااااااااه يابو صلاح

والله كان نفسى اوى احضر


:)

يارب دايما المنصورة عامرة بأهلها الحلوين والطيبين زيك كدا انته وشيما

تحياتى

فقرى :)

Soul.o0o.Whisper يقول...

"ودخلنا سول عند التبرع وقلتلها لا اله الا الله وسيبناها وخرجنا "

هههههه و أنا قمت بالعملية الانتحارية



اييييييييه دا يابنى .... حسستنى انى راحة أفجر نفسى ههههههههه

ما علينا

بجد اليوم كان رااائع
و بعدين دا الراجل كان هيعتزل المهنة بسببى عشان لقى دمى هربان هههههههه

الظاهر كان خايف شوية
ياللا عقبال المرة الجاية أكون عثرت عليه



دمت بخير

قوس قزح يقول...

هههههههههههههههه
بقى دى المركب ؟
هو احنا نظرنا كان ضعيف اوى كده ؟؟

و الله يا صلاح الواحد حس انه له اخ صغير كنت كل ما اتزنق انا و صبرنى ننده يا صلااااااح
ده معناه انك شخص اد المسئولية بالرغم من انك رفيع موت و كنت محتاج يتنقل لك دم مش يتاخد منك :))

و بعدين طبعا داليا اه و انت لا P:

صاحب رأى يقول...

باين انه كان يوم رائع فعلا
وليا حق ازعل انى محضرتش اليوم دا مع انى معرفش الا عدد قليل من مدوناتكم

بس ياريت تكون اكرمتهم عشان يعرفوا ان اهل المنصورة اهل كرم

Lyssandra يقول...

هههههههههههههه
حرام عليك بجد
بقي هي التيتانيك ؟؟

الناس كده تشك في مصداقية الصور بتاعتي :)
دي أكيد كانت كده قبل ما تغرق وينتشلوها عشان توصلنا .. مش كده ؟؟
:))

....

بجد كان يوم جميل جدا
شكراً لأهل المنصورة واستضافتهم الطيبة وكرم أخلاقهم معانا
بجد يوم ولا أروع :)

وشكرا لجهودك في الحصول علي السفينة الفخمة دي :)

وكمان شكراً لكلامك الطيّب

تحياتي ودمت بكل خير :)

Lyssa

محمد عبدالرحمن شحاته يقول...

مسدس صغير
انا سعيد جدا اني اتعرفت عليك
وياراجل ايه اللي هيدخل اقسام الشرطه والتنضيف في لم اجرة المركب
دا حتى القبطان صاحب الفلوكه من المنصوره
يعني زيتنا في دقيقنا
سعيد جدا بمروري على مدونتك وسعيد اكثر بالتعرف عليك
دمت بكل ود
تقبل مروري

قلم رصاص يقول...

نورتك ؟

ههههههههههههههههه

ازاي يعني

على اساس ان المدونة بتاعتك ومش بتاعتي

هههههههههههههههههههه

انت زي القطط .. امال لو مكنتش انا

عرفتك يعني ايه تدوين .. ولا التشطيبات

هههههههههههههههههه

انا بس فاتني نص عمري .. يلا اما الحق

النص التاني

اهم بكتيييييييييير ..فاهمني طبعا

ههههههههههههههههههههه


نورتني يابوصلاح .. ابقى كرر زيارتك

لمدونتي دي .. هنا يعني

ههههههههههههههههههه

يلا تمام

يووووووووه قصدي سلام

هههههههههههههههههه

د. ياسر عمر عبد الفتاح يقول...

ده إنت شردتهم يا راجل
بس فين الصور
متصورتوش ولا إيه؟؟

ايمان روحي يقول...

بجد احداث جميله اوي رغم بهدلتها
ههههههه
وحضرتك كاتبها كمان بطريقه جميله اوي
بس عارف يامستر ايه اللي بجد دحكني اووووي
احمد حسن البنا " اتكلم فى موضوع مهم اوى عن المدونين



والموضوعات اللى بيناقشوها على مدوناتهم بس بردة عشان العدد



كبير ومش سامعين بعض مقدرناش نواصل ونسترسل فى الحوار



وكملناه نميمة .
ههههههههههههههههههه
مودتي

Unknown يقول...

ربنا يتقبل
وعقبال اللقاء القادم

تحياتى

!!! عارفة ... مش عارف ليه يقول...

أهووو ده الكلااااااام

أيوة كده الواحد حس إنه كان معاكم

وعرفت تفاصيل جديدة من زاوية جديدة

وإن شاء الله يا رب مشرف المنصورة دايماً ورافع راسها

وجزاك الله خيراً عن مدونين المنصورة :)

وإن شاء الله تسمح الظروف بلقاء أشرف فيه بالتعرف على شخصك الكريم

تحياتي
وليد

مسدس صغير يقول...

شاب فقرى
تتعوض ان شاء الله
خيرها فى غيرها
نورتنى

مسدس صغير يقول...

سول
هههههههههه
بس بجد كان يوم جميل
كلنا استمتعنا بيه
سعيد انى اتعرفت عليكى
اشكرك على التعليق
نورتينى

مسدس صغير يقول...

داليا قوس قزح
ههههههههه
اه هيه دى المركب
انتى نسيتى وللا ايه؟؟
هههه
والله انا ليه الشرف انى اكون اخوكى
ومتشكر جدا على الكلام الحلو ده

بس اشمعنا انتى اه وانا لا؟؟
ههههههههه
نورتينى

مسدس صغير يقول...

صاحب رأى
الحمد لله كان يوم جميل
تتعوض ان شاء الله
اشكرك
نورتنى

مسدس صغير يقول...

ليساندرا
هههههههه
بجد ضحكت من قلبى اما قريت كلامك
فعلا دى التيتانيك بعد الانتشال
ده حتى بردة متنفعش ولا بعد الانتشال كمان
ههههههههه
والناس هتشكك فى مصداقية صورك؟
ههههههههه
حلوة والله
بجد كان يوم جميل
نورتونا بجد
سعيد انى اتعرفت عليكى
اشكرك على التعليق الجميل
نورتينى

مسدس صغير يقول...

محمد عبد الرحمن شحاتة
انا اسعد طبعا
متشكر اوى على الكلام الحلو ده
بجد كان يوم جميل
ربنا يديم الود بينا
اشكرك على التعليق
نورتنى

مسدس صغير يقول...

قلم رصاص
انت اللى معلمنى يعنى ايه تدوين؟؟
اذا كان انت لحد النهاردة متعرفش
هههههههه
طب يعنى ايه؟؟
بطيخ؟؟
بطيخ ايه يا شاطر
العب بعيد يلا عشان هنرش ميه
هههههههه
طبعا انا نورتك فى مدونتك
وشيل حكاية اللقاء اللى فى الجنينة بتاعتكو ده من دماغك بلاش فضايح
هههههههه
اشكرك على التعليق
منورتنيش

مسدس صغير يقول...

د ياسر
صور بسيطة اللى اتصورت انا عن نفسى مصورتش
بجد كنا مفتقدينك او على الاقل انا
واحشنى والله يا دكتور
كنت منور التليفزيون
اشكرك على التعليق
نورتنى

مسدس صغير يقول...

ايمان روحى
هههههههههه
اه احنا كملناه نميمة
اكدب؟؟
هههههههه
كلامك جميل اوىاشكرك عليه
ان شاء الله تكونى معانا المرة الجاية
اشكرك على التعليق
نورتينى

مسدس صغير يقول...

نهر الحب
ان شاء الله
وتكونى معانا
اشكرك على التعليق
نورتينى

مسدس صغير يقول...

عارفة مش عارف ليه
ان شاء الله تكون معانا المرة الجاية
شكرا على الكلام الحلو ده
سعيد بمرورك
نورتنى