الجمعة، 9 أكتوبر 2009

بالحبر السرى ..


بيقولو مصل أنفلونزا الخنازير بيسبب السرطان
خلاص نخلينا فى انفلونزا الخنازير
***
بيقولو منعو النقاب من المعاهد الازهرية والمدن الجامعية
طب طلعو الرجالة اللى بيشتغلو فى المعاهد والرجالة اللى بيشتغلو فى المدن الجامعية
***
فى عز الأزمات الإقتصادية فى العالم
المسئولين بيصرحو بارتفاع معدل النمو وارتفاع مستوى المعيشة
***
فى عز الزبالة
المسئولين بيصرحو بنضافة دماغهم
***
كوستاريكا الضعيفة ؟؟
احنا مالنا ومال الكورة خلينا فى عصام كاريكا
***
ان غدا لناظره قريب
لو عندك أمل اعمل لزامبيا عمل
***
وفوق كل ذى علم عليم
انا اعلم منك ومن اللى خلفوكى
***
لو عايز تعرف مستوى المعيشة بجد؟
اتصل على خط الفقر لو محدش رد يبقى تحته
***
هانى هلال وزير التعليم العالى بيقول:- اللى عاجبه ييجى المدينة الجامعية بقواعدنا ييجى
عفوا يا سيادة الوزير البلد دى بتاعتنا مش بتاعة .......
***
المحاصيل الزراعية بتتشحت
طب فين المقابر الجماعية؟؟
***
نرفض اختزال القضية الفلسطينية فى المسجد الاقصى
***

كفاية تنغيص كده .
*
*


هناك 98 تعليقًا:

عاشقة الأحزان يقول...

ممممممممممم

اول تعليق يا جرعااااااااااااان

هع هع

عاشقة الأحزان يقول...

ممممممممممم

التاريخ هيحكى وهيتكلم عنى وعن مرورى عندك

انت تحمد ربنا انى هنا

هههههههههههههههههههههههه

عاشقة الأحزان يقول...

يامسهل يارب

مافيش حد معبرك يعنى

تلاقى لسه الخبر متنشرشى ولا حاجه
اصبر بس ومتزعلش نفسك ربنا فرجه قريب يا برنس

عاشقة الأحزان يقول...

بالحبر السرى

انا هقر اهو يااااااااااااااه

كل دى تعليقات

ماشاء الله ماشاء الله

انا مش بحسد انا بقر

عاشقة الأحزان يقول...

يلا عشان تعرف انى عملت الواجب وبزياده كمان

اى خدعة ياعمونا

عاشقة الأحزان يقول...

المهم
خليك فاكر الجمايل دى

ها

خليك فاكر

عاشقة الأحزان يقول...

اروح اقرء وارجع تانى


فاصل نوسه النوسه كونوسه
ثم نواصل البث الحى

عاشقة الأحزان يقول...

مممممممممممم

بصراحه انت اتكلمت ولخصت مشاكل البلد
ربنا يرفع عنا البلاء

وربنا يكرمك يارب

بس نسيت تتكلم عن تحسين رغيف العيش ونسيت تتكلبم عن المغلاة فى المعيشه مش دا برده من مشكلنا
منغصتش ليه علينا فى دى كمان
بصراحه ربنا يكون فى عون الشعب المصرى لانها غلبان ومش بيقول غير يارب

عاشقة الأحزان يقول...

مع الشعب المصرى مش حتقدر تغمض عنيك


رغم كل اللى بيحصله بيضحك وقنوع وعايش وراضى وساكت ولو اتكلم بياحد على دماغه بيفضل يسكت وخلاص

وعظيمة يامصر

ولنا الله
تحياتى

ستيته حسب الله الحمش يقول...

تصدق بالله
هي قفلت زي الدومينو
والفرج لازم يكون قرب قوي
وفوق كل ذي علم عليم

شاب فقرى يقول...

عزيزى مسدس صغير


كلها حاجات تحرق الدم

لكن بلدنا هنعمل لها ايه

مينفعش نكرهها ولا نزعل منها حتى

بس نقول يارب

وحسبى الله ونعم الوكيل


تحياتى

شاب فقرى

adel يقول...

ملحوظة صغيرة (شوفي مين بيقولهالك بقي) :):)
قرار شيخ الازهر بمنع النقاب بس في اي حتة فعلا مفيش فيها عاميلن من الرجالة مش بمنعه نهائيا مع اي حد
القرار ده نزل امبارح و انا قريت تفاصيله في كذا حتة

وهو حاول يصيغوا صح عشان الضجة اللي عملها مش اكتر

غير كده ...لاتعيقم

norahaty يقول...

وضيف عندك
كمان يامسدس
نرفض اختزال القضية
الفلسطنية فى الصلح
بين حماس وفتح أو فى
فك الحصار عن
غزة وأهلها

آه وكفى يقول...

ااااااااااااي
ليه تقليب المواجع ده عالصبح
انا محروقة من حكاية كوستاريكا دي
ده ايه حرقة الدم دي في يوم الاجازة

انا اتخنقت من العيشة والمواصلات والجامعة ودكاترتها ووزير التعليم و ابو مازن و أفففففففففففففففف بئى

ঔღঔ نـــوارة ঔღঔ يقول...

اقووول ايه بس

ربنا يفرجها علينا

واله النس تعبت وكرهت عيشتها خلاص

لا حول ولا قوة الا بالله

تحياتي

المعتصم يقول...

ابوصلاح حبيب قلبى
تحياتى
الله يسامحك
يعنى الواحد راجع من الجامع وعاوز يتغدى
يشوف البوست اللى زى الفل
يبقى اكيد يشبع من كتر الحاجات الحلوة اللى فيه
بقى كده ياصلاح
طب انا هعمل تحذير واعلان عن مدونتك
واكتب فيه ممنوع دخولها للجعانين ومرضى القلب والضغط والسكر والشاى هه

ياعم الانفلونزا نقدر عليها انما المصل هنقدر عليه منين؟؟ خلينا فى اللى نعرفه
.....
سهله وبسيطه مش هنودى بناتنا لا المعاهد الازهريه ولا المدن الجامعيه
مالكش حجه
.....
يعنى هو الراجل المفلس لما تتسرق محفظته هتفرق معاه
ياعم ماهى كده كده فاضيه
.....
اهو تصريح النظافه ده اكتر تصريح عاجبنى بصراحه
لانه فعلا دماغهم نظيفه جدا من اى تفكير ممكن ينفع البلد
....
والله ياصلاح كنت عارف ان كوستاريكا هتغلبنا
....
وحتى لو عملت العمل مافيش برضو امل
....
مش هعلق على الاسطى عبدالعليم
....
النمرة كام؟؟؟؟؟
...
امك هه(ويحصل اللى يحصل)
...
موجوده واكتر من المحاصيل الزراعيه
دى اسرع حاجه عملوها فى مصر
وظبطوها جير حى من النوع الفاخر يامعلم
....
نرفض اختزالها
فى مجموعة كلمات
فى صلح بين جماعتين
فى اشياء كتير وكل حاجه فيهم بنتخيل انها هى القضيه
....
ســــلام انا شبعت

daloo3a يقول...

هع

اصلاا الدنيا متلخبطه فوووووووق تحت

و كل شي مختبص فيها

smilyrose يقول...

اخبارك يا مسدس

عارف بعد كل اللى قولته دا

الواحد تعب من كتر الازمات

وبندعى ربنا يفرجها

يا مفرج الكربات يارب

يارب

smilyrose يقول...

هو الحبر بتاعك سرى ظاهر

دايما متميز يا مسدس

ريمان يقول...

اه يا صلاح


شوفت مووضع النقاب ده


انا مش عارفه ماله حارقهم كده ليه


زى ما يكونوا شايلينه فوق راسهم


عالم دماغها تعبانه


وعارف


كل مره يشددوا فيها على الموضوع ده ويضطهدوا النقاب اكتر كل ما عدد المنتقبات بيكتر اكتر والحمد لله

reem يقول...

انت بجد متميز اوى

في اسلوبك وطريقتك

بس مش حرام عليك

ادخل اشوف بوست الاستاذ صلاح الاقي كل الحاجات المتعبة دى

بس عندك حق والله كل الاخبار الايام دى كدا محبطة

غير معرف يقول...

أبو صلاح

كلمتين وبس ... في الصميم جدا

برافو والله ... والعنوان ملوش حل

تحياتي

ميمي اللي مش عارفة تدخل علي الأكونت بتاعها

عاااااااااااااا

فتاه من الصعيد يقول...

ايه الطلقات المؤلمه دي

بس اشكرك .... ضغطي كان واطي .... بعد كلامك هو كده اتظبط خلاص

تحياتي

سفروتة يقول...

مسدس بيه
هما دول الكام طلقة اللي كانوا متحوشين من يوم 6 أكتوبر؟؟

أنفلونزا الخنازير لعبة حقيرة حقيرة حقيرة هبقي احاول اجيبلك اللينك بتاع تقرير منظمة الصحة العالمية

النقاب بصراحة انا بستعجب علي اللي بيحصل
الاية اتقلبت ياناس
عشنا وشفنا شيخ الازهر بيقول الكلام ده
اول يوم كنت خارجة من الكلية وطبعا كليتنا لازقة في المدينة علطول ولقيت الشارع مسدوووووووووووووووووووووووود
ماسورة بنات منفجرة
فيه ايه يا جماعة
مانعين التسكين حاليا الا للي جايين من محافظات بعيدة ومانعين دخول المنتقبات كماااااااااااااااااااااااااان
بجد هزُِلت

بدراوى يقول...

جميل يا صلاح باشا
:-)
و حلو طريقة المزج و التجميع ديه

صبرني يارب يقول...

كفايه ليه يا راجل

كمل كمل

كمل يعنى جت عليك

اااااااااه يا بلد

فاتيما يقول...

أه كفاية يا صاصا
كله ضرب ضرب
مفيش شتيمة خالص ؟
الطلقات المرة دى فى مكانها تمام
و صابت الهدف اللى اتصور إنك عاوزه
نكدت علينا يا شيخ و فكرتنا باللى بنحاول ننساه طول النهار مش عارفين
بس برضو لن أنسى أن اسجل اعجابى بالموضوعات المطروحة
و طريقتك فى صياغتها
و كمان العنوان
بوست حلو فعلا

غير معرف يقول...

السلام عليكم
عيد الراجحي
مش هعلق علي مووضع معين لان الكم الهائل ده عايز مدونه لوحدي ابرطع فيها علشان ارد علي كل خبر فيها
انا هعلق علي التطور الرائع لكتاباتك ف المدوهنه بطريقه كلمتين وبس وبايجاز ( خير الكلام ما قل ودل) وهذا يدل علي مدي قوتك في اختيار كلامتك سواء ف الشعر او الاخبار
*بتفكرني ببرنامج 25 ساعه للعملاق ابو حفيظه اخبار متنوعه وقويه باسلوب سلس وسهل والتنقل من خبر لخبر بتوازن

shaimaa samir يقول...

اوجعتنى
اختزلت فاجملت فاوجعت

شوكولاتة يقول...

طيب أقول غيه حرام عليك والنبي ارحموني مش كل ما أدخل مدونة ألاقي حاجة تغكمني أكتر ما أنا مغمومة لحد إمتى هنفضل نقول البلد حالها يغم ونقول بلدنا أنا بجد اتخنقت قوي مش قادرة استحمل أكتر من كده قرف
بصراحة البوست مؤلم قوي لأنه صريح قوي

تحياتي

الشعب لابد له من حكومه تشكمه يقول...

البوست ده عجبنى اوىىىىىىىىىىىىىىىىىىى...
لدرجة انى مش عاوزه اعلق لابوظه بكلامى سيبه كده زى ماهو...بقولك عاااااااااجبنى..

اللى موش عارف يتغير يقول...

"نرفض اختزال القضية الفلسطينية فى المسجد الاقصى"
ده على اساس ان احنا عرفنا نفك اسره
او قدرنا نصلى فيه خلاص
او حلينا مشاكله ولسه بقيت المشاكل
وبعدين سيادتك بتقول احنا ونرفض هو احنا عملنا حاجة فى اى مشكلة من مشاكل القضية الفلسطينية
يا رجل دا كل اللى بيحصل ده ومافيش حد اتحرك الا سكان القدس يبقى احنا ايه بس واختزال وبتاع
بصراحة انت موفقتش فى فقرة المسجد الاقصى الاخيرة

يــوم جــديد يقول...

وما اليوم إلا ابن الأمس
فلماذا لا يشبهه ؟
دا حتى يبقى ابن مش تمام

ليس أمامنا سوى الأمل في غد يحمل جينات وراثية معدلة

هو في حاجة في الكورة الناس كلها بتتكلم عنها بحرقة دم بس أنا مش عارفاها
ايه موضوع كوستاريكا ده

طالبه الفردوس يقول...

السلام عليكم

جزاكم الله خيرا على الكلمات المؤلمه

ربنا لا تؤاخذنا بما فعل السفهاء منا

ان شاء الله الحال هيتصلح بينا
ان الله لا يغير ما بقوم حتى يغيروا ما بانفسهم

فتاه حالمه يقول...

انت فظييييييييييييع
بجد ما شاء الله عليك يا صاصا
وربنا يستر بردون
ههههههههههه
يسلم عقلك وقلمك يا سدس

مسدس صغير يقول...

عاشقة الاحزان
ههههههههه
مبروك لمصر
عاشقة اول تعليق

مسدس صغير يقول...

عاشقة الاحزن
دا انتى اللى دخلتى التاريخ
سجل يا تاريخ اسمها

مسدس صغير يقول...

عاشقة الاحزان
ههههههه
لا انا زعلان
اعمل ايه فى نفسى يعنى
عندك التعليقات فى لحظة بتبقى 200
يالهوى
هههههه

مسدس صغير يقول...

عاشقة الاحزان
ههههههه
بتحسدى على ايه
قال على رأى المثل بيحسدو الاعمى على جمال عنيه
ههههه

مسدس صغير يقول...

عاشقة الاحزان
اعملى انتى الواجب بس ومش عايزين زيادة بدال متتمدى كل يوم فى الطابور
هههههه

مسدس صغير يقول...

عاشقة الاحزان
فاااااااااااكر

مسدس صغير يقول...

عاشقة الاحزان
كمان لسه مقريتيش
طب امشى من هنا ومتقريش كمان
هههههه

مسدس صغير يقول...

عاشقة الاحزان
هههههه
نعمل تحديث للعيش؟؟
هههههه
عشان خاطرك مش عامل
انا كنت هتكلم عليه
بس طالما انتى قلتى خلاص
العيش كبييييير
وابياااااض
وكتيييييير
ومفيش طوابييير
ههههههه

مسدس صغير يقول...

عاشقة الاحزان
فعلا الشعب المصرى شعب وديع
واليف
هههههههه
لنا الله
هنعمل ايه بس
ربنا يستر عليه فى الجاى
اشكرك على التعليقات كلها
منورانى كتير

مسدس صغير يقول...

ستيته
هههههه
والله تعبير روعة
فعلا قفلت زى الدومينو
ربنا يستر
متشكرين جدا يا دكتور على التعليق السهل الممتنع
نورتينى

مسدس صغير يقول...

شاب فقرى
خلاص
يارب
حسبنا الله ونعم الوكيل
وبردة مش هنكرهها
هنحبها لحد متحبنا
ههههههه
اشكرك على التعليق
نورتنى

مسدس صغير يقول...

عادل
متشكرين جدا على التوضيح
بس مش دى المشكلة صدقنى
المشكلة ازاى كلام زى اللى حصل ده يصدر من اكبر راس دينى فى البلد بل المفترض انه فى العالم؟؟
هى دى الحكاية
اشكرك على التعليق يا دولا
نورتنى

مسدس صغير يقول...

نوراهاتى
والله فعلا معاكى حق
وكأن القضية الفلسطينية بقت الصلح بين فتح وحماس
او غزة وفتح معابر وقفل معابر

مسدس صغير يقول...

اه وكفى
هههههههههه
دا انتى شايلة هموم بلد بقى؟؟
ننسى كوستاريكا بقى
كويس اننا غلبنا زامبيا
وموضوه الدكاترة والجامعة
الظاهر انتى بتدرسى ومتعذبة من الناس دى
هههههههه
يلا ربنا معاكى
اصبرى ولكى الجنة ان شاء الله
اشكرك على التعليق
نورتينى

مسدس صغير يقول...

نوارة
فعلا الناس خلاص
ربنا يستر علينا ويفرجها
لا حول ولا قوة الا بالله العظيم
اشكرك على التعليق
نورتينى

العزة فى طاعة الله يقول...

بتضرب نار على مين و ف مين يا ابو صلاح

ما انا قولتلك بلاش حرقة دم

و تتعب فى نفسك على الفاضي

الموتي الاحياء مبيتأثروش .. مبيحسوش

مبيتكلموش

بياكلوا فى بعض و فى نفسهم
بس


احلى حته يا ابو صلاح

هانى هلال وزير التعليم العالى بيقول:- اللى عاجبه ييجى المدينة الجامعية بقواعدنا ييجى
عفوا يا سيادة الوزير البلد دى بتاعتنا مش بتاعك .......


هو انتا لسه بتحترمة و بتقوله يا سيادة الوزير

و الله اما انك مؤدب صحيح

البوست عجبنى جدا و حرق دمى جدا جدا
تحياتي ليك

مسدس صغير يقول...

المعتصم
خلاص بلاااااش
انت هتسوأ سمعة المدونة
هههههه
هجيبلك اكل خلاص
ههههه
بجد انت عملت تفصيل رائع للبوست
كووووول اللى انت قلته جميل
اتصل على اى رقم يخطر على بالك وانت هتلاقيه خط الفقر
ههههههه
يلا ربنا يستر علينا
اشكرك على التعليق الجامد جدا اوى
والحلو كمان
نورتنى

مسدس صغير يقول...

دلوعة
فعلا كل حاجة متلخبطة
ربنا يصلح الحال
اشكرك على التعليق
نورتينى

مسدس صغير يقول...

سمايلى روز
ربنا يخليكى
متشكر على السؤال
فعلا ننتظر ربنا يفرجها
عن قريب ان شاء الله

مسدس صغير يقول...

سمايلى روز
ههههههه
هو انتى شفتيه؟؟؟
ازاااى؟؟؟
ده سرى
ههههه
ربنا يبارك فيكى
متشكر على الكلام الحلو ده
ومتشكر على التعليق
نورتينى

مسدس صغير يقول...

ريمان
فعلا والله كل ميشددو على الموضوع ده يزيد
"ويمكرون ويمكر الله والله خير الماكرين"
معاكى حق
اشكرك على التعليق جدا
نورتينى

مسدس صغير يقول...

ريم
ههههههه
ربنا يكرمك علىالكلم الحلو ده
مستاهلوش
فعلا حاجة تحبط بس هنعمل ايه
انا بنقل الصورة بس
مش انا اللى مصورها
ههههههه
اشكرك على التعليق يا ريم هانم
نورتينى

مسدس صغير يقول...

ميمايا الغير معرفة
هههههههههه
متشكرين على الكلام الحلو ده
وطالما العنوان عجبك كده
انا حلفت مهو راجع
ههههههه
اشكرك على التعليق
نورتينى
وربنا يرجعك للأكاونت بتاعك تانى بخير

مسدس صغير يقول...

فتاة من الصعيد
ههههههه
خلاص
طالما اتظبط ده خير الحمد لله
مهيه الحكومة بتشتغل بنفس السياسة
بس للأسف بتنسى ان فيه ناس ضغطها عالى
اشكرك على التعليق
نورتينى

مسدس صغير يقول...

سفروته
ماشى يا ستى
انا مستنى اللينك وابقى شاكر
شفتى بقى حتى شيخ الازهر بقى كده
ربنا يهدى
والمدينة كمان مش راضية تسكن الطالبات المنتقبات؟
لهم الله
حسبنا الله ونعم الوكيل
اشكرك على التعليق
نورتينى

مسدس صغير يقول...

بدراوى
اشكرك يا حبيبى على الكلام الحلو ده
بجد نورتنى

مسدس صغير يقول...

صبرنى يارب
ههههههههه
لا كفاية كده
عشان الضغط
هههههههه
نعمل ايه بس
ربنا يستر علينا
اشكرك على التعليق
نورتينى

مسدس صغير يقول...

فاتيما
ربنا يكرمك يارب
دا انا هاخد نوبل فى التدوين
هوريهم الشهادة دى بس
هيدوهالى على طول
بجد سعيد جدا بمرورك وتعليق
واسفين على كورس التنغيص
هههههه
انا بنقل صورة بس
مش انا اللى بصورها
ههههه
اشكرك على التعليق جدا
نورتينى

مسدس صغير يقول...

عيد الراجحى
ربنا يكرمك يا باشا
كلام كبير اوى علينا
ربنا يبارك فيك
اشكرك على التعليق
نورتنى

مسدس صغير يقول...

شيماء سمير
ههههه
نعمل ايه بس
موجوعين خلقه
اشكرك على التعليق جدا
نورتينى

مسدس صغير يقول...

شوكولاته
هنعمل ايه بس؟
الامر لله
نتحمل بقى
اصبرى وانا كمان اصبر الجنة احسن
ربنا يكتبهالنا
اشكرك على التعليق
نورتينى

مسدس صغير يقول...

الشعب لابد له من حكومه
يسلام
دا انا دخلت التاريخ كده
هههههه
سعيد جدا انه عجبك لان انتو يا بنات اليومين دول مش بيعجبكو العجب ولا الصيام فى رجب
هههههههه
بجد متشكر جدا على الكلام الحلو اوى ده
نورتينى اوى

مسدس صغير يقول...

اللى موش عارف يتغير
اصبر بس
افهم انا بقول ايه وبعدين علق
هههههههه
انا اقصد فى اللى بيتكلمو عن القضية الفلسطينية كلها فى صورة المسجد الاقصى بس او غزة بس
احنا لازم نتكلم عن فلسطين كلها
اقصد ان فلسطين كل لا يتجزأ بس كده
دا انتى ناقص تضربنى
هههههههههه
حبيبى يا بيبو
واحشنى
اشكرك على التعليق
نورتنى

مسدس صغير يقول...

يوم جديد
فعلا هنعمل ايه اذا كان هذا الاسد من هذا الاسد؟
ربنا يفرجها من عنده
فيه امل
ربنا ينصرنا
كلامك حلو
اشكرك على التعليق جدا
نورتينى

مسدس صغير يقول...

طالبة الفردوس
فعلا والله
معاكى حق
"إن الله لا يغير ما بقوم حتى يغيروا ما بأنفسهم"
اشكرك على التعليق
نورتينى

العزة فى طاعة الله يقول...

حاجة نست اقولهالك و بما انك هنا ندردش شوية مع بعض

الموضوع مش فلسطين برضه و بس
الموضوع كل الارض العربية و المسلمة المغتصبة و كل المسلمين المضهدين فى كل بقعه من العالم

فلسطين
الجولان
لبنان
العراق
افغانستان
الشيشان
تركستان الشرقية ( الايجور المسلمين )
و غيره كتير

تعرف حاجة عن النيجر ؟؟
بورما ؟؟

مسدس صغير يقول...

فتاة حالمة
اشكرك على الكلام الحلو ده
كلام كبير
ربنا يكرمك
متشكر عليه
بجد سعيد بوجودك
نورتينى

غير معرف يقول...

مشيت و لا ايه ؟؟؟

مسدس صغير يقول...

العزة فى طاعة الله
انا عارف ان انا بنفخ فى رماد
بس اهو هنعمل ايه يعنى
نفضفض احسن مننفجر
ههههه
اه هانى هلال بيقول كده
وانا لسه بحترمه مش عارف ليه؟
يمكن عان انا محترم؟؟
ههههههههه
هنعمل ايه بس
الناس دى عايزه مننا ايه؟؟
ربنا يستر
اشكرك على التعليق جدا
مليتو المدونة نور

مسدس صغير يقول...

العزة فى طاعة الله
فعلا القضية كل لا يتجزأ
مينفعش طبعا نتكلم عن المسجد الاقصى بس ونسيب فلسطين مثلا
احنا عايزين فلسطين بكل ذرة تراب فيها
وكمان كل البلاد المحتل او المضطهدة او اللى المسلمين بيُحاربو فيها
فلسطين
الجولان
لبنان
العراق
افغانستان
الشيشان
تركستان الشرقية ( الايجور المسلمين )
و غيره كتير

النيجر
بورما

اشكرك على التعليق الرائع
بجد سعيد بالمرور الكريم

مسدس صغير يقول...

غير معرف
لا انا هنا
ههههههه

مسدس صغير يقول...

العزة فى طاعة الله
انا رديت اهوه
ازاى انا اقدر
بس الكهربا قطعت وجت علطول
هههههههه
نورتنى

اللى موش عارف يتغير يقول...

نرفض اختزال القضية الفلسطينية فى المسجد الاقصى
ده اللى انت كتبته واخده كوبى
هات واحد من البصايلة حكما بيننا
وقله ايه معنى الكلام ده ؟
واضح ان حضرتك اللى مقدرتش تعبر عن اللى فى دماغك اللى انت وضحته فى ردك عليه
او عالاقل لخصت عالاخر فنقص المعنى
العيب موش فى قلة فهمى يا فهمى
وبعدين فكرتنى بشفيق ياراجل !!
هو عارف شفيق .. بس الناس موش عرفاه

تامر علي يقول...

كلام في الجون بصراحة .... خير الكلام ما قل ودل ... بس بلاش سيرة شيخ الأزهر علشان خلاص بقى بيجيبلي حساسية وحالة من الغثيان تستمر يومين :)

تحياتي :)

قلم رصاص يقول...

ايه الكلام الجميل ده ياصاحبي

دمت مبدعا يابطل

وان شاء الله الجي أحسن وان غدا لناظره قريب زي مابيقال

---

صالح بيبو بسرعة .. زعله وحش انا اعرف اكتر منك ههههههههههههه

وانت ياعم بيبو خف شوية على صاصا الراجل فكرته واضحه جدا .. وارجووووووووك أرجوووووووك دي قضية وطنية خالصة متدخلش فيها حد من البصايله ههههههههههههههههههه

كده انت بتحتمي بالخارج وهيتهموك بالعمالة والخيانة ههههههههههههههه

دمتم على خير يارجالة

مسدس صغير يقول...

اللى موش عارف يتغير
مكنش العشا ولا الغدا
وانا اللى مراهن عليك
هههههه
يعنى 40 تعليق فهموه ومحدش علق
انت بقى اللى مش فاهمه وعايز تعرفنا بنظريات سيادتك المفتكسة؟؟
ههههههههههههه
عثل يا بيبو والله
قول اللى انت عايزة
لو قلت ريان يا فجل هحبك بردة
بصايلة؟؟
يعنى ايه؟؟
ههههههههه

مسدس صغير يقول...

تامر على
ربنا يبارك فيك يا باشا على كلامك الحلو
اشكرك على التعليق
ومش هجيب سيرة الشيخ تانى عشان ضغطك
هههههه
نورتنى

مسدس صغير يقول...

قلم رصاص
هههههههه
عارف انك بتهدى النفوس
اة منكو
ههههههههه
ثم لو جبنا محكم دولى من دولة البصايلة الشقيقة ميقدرش يفصل فى القضية لانها قضية متشعبة
هههههههههه
شفت بقى يا بيبو قلم ناصح ازاى؟؟
فهم وبسرعة كمان
ههههههههههه
اشكرك يا صحبى على التعليق التمام
نورتنى

اللى موش عارف يتغير يقول...

الحكم موجود
الاستاذ حسام
يعنى " لجنة حسام"

أبو العريف يقول...

ازيك يا ريس

وليه الحبر السري

الحكايه محتاجه سري

مهي مكتوبه قدامنا طول الوقت

وبالخط العريض

بوست رائع

قلب علينا المواجع

خلينا قربت اقول مش راجع

عاشقة الأحزان يقول...

مممممممممممممممممم

مممممممممممممممممممممممم


ممممممممممممممممممممممممممم


كوووووووووووووووووووووول دى تعليقات
الله الله
ولسه ياما هنشوف

عاشقة الأحزان يقول...

انت عارف لو شفتك عندى تانى من غير نظارة

هيبقا فيها كلام تانى
اصلا النظارة بتحجز القر والحسد من عينيك الفحلقى دى يا سباعى

وربنا يجعله عامر بشعب مصر
ودمتم
هع هع هع

عاشقة الأحزان يقول...

ده التعليق

رقم

89

عاشقة الأحزان يقول...

يووووووووووووووة
غلط فى العد

يبقا دا

89

واللى قبله 88

معلهش ياعمونا

عاشقة الأحزان يقول...

ناخد بقا


90


ونقول مبروك

كسبت بنطلون مرقع من غير وسط بيتلبس بس لحد الركبة

ههههههههههههههههههههههههههه

مسدس صغير يقول...

اللى موش عارف يتغير
ههههههههههه
موافق
اتفقنا

مسدس صغير يقول...

ابو العريف
هوه انت شوفت البوست؟؟
ازاى؟؟
هههههههه
اشكرك على المتابعة والتعليق
ربنا يكرمك
ويسعدك
اسفين على التنغيص
نورتنى

مسدس صغير يقول...

عاشقة الاحزان
ههههههههه
اعتبر ده حسد وللا أر؟؟؟

مسدس صغير يقول...

عاشقة الاحزان
اعذرينى اصل النضارة اتكسرت
هههههههههه
هاجى بردة

مسدس صغير يقول...

عاشقة الاحزان
89
مش 289؟؟؟

مسدس صغير يقول...

ولا يهمك
اغلطى براحتك
هههههههههه

مسدس صغير يقول...

عاشقة الاحزان
هههههههههههه
ههههههههههههههه
يلا يعنى جت فى البنطلونات
مرقع مرقع
هلبسه بردة
هههههههههه
اشكرك على التعليقات يا حسادة
نورتينى

تأثير الفراشة يقول...

حضرتك قلت الخلاصة فعلا

ربنا يرحمنا برحمته

تحياتى لحضرتك