الأربعاء، 23 سبتمبر 2009

حنين الماكينات


اتحركو يا عالم
اتحركى ايتها الحكومة النائمة فى العسل الاسود
اتحركو يا ناس وانقذو الشعب
الشعب خلاص لساله ابره ويضرب
فى ظل إحكام الغلق على كافة الفئات
من الناحية الاقتصادية
من لدن الحكومة الالكترونية .

تحرك الحديد وبكى وحن لهذا الشعب الغلبان
ماكينات الصراف الالى فى المهندسين فى الجيزة
بدأت فى رشق الناس بالفلوس
نظرا للظروف المالية
التى يمر بها الشعب الغلبااااان
بس مش لاقيه غير المهندسين يعنى؟؟؟؟؟
بس مش عارف بردة مازل الشعب أمين أوى
الأمن فكرو ان دى غلطة من ماكينات الصرف
ورجّعو الفلوس وعملو محاضر بالوقائع
" اصلهم اكتر من ماكينة "
(شعب فقرى)
طب ده اسمه كلام؟؟
يا جماعة انتو مش فاهمين حاجة
دى خطة حكومية
بدأت بمحافظة الجيزة
وتتوالى المحافظات
(وكمان احنا فى العيد)
بس طبعا مينفعش يعلنو عنها عشان الزحام الرهيب
اللى ممكن يحصل خوفا على أرواح الغلابة
من أنفلونزا الخنازير

والبقية تأتى

*
على الهامش

نسيت ابارك لمصر فاروق حسنى
قاعد على قلبكو
ونسيت ابارك للزملكاوية بردة فاروق
قاعد على قلبكو وعماد كمان

*



هناك 92 تعليقًا:

♥نبع الغرام♥♪≈ يقول...

بسم الله نفتح الجلسه

♥نبع الغرام♥♪≈ يقول...

اول تعليق والتانى كمان يامسهل

اكمل احتلالاتى
وسع منك له
ده على اساس ان فيه حد غيرى

هههههههههههههههههههههههه

♥نبع الغرام♥♪≈ يقول...

ممممممممممممم

كلام سليم
ياناس ياشر كفايه ار ايه العالم دى

ربنا يسمحك
ياشيخ روح وتعالى بسرعه
هههههههههههه
اى خدعه يا عمونا

♥نبع الغرام♥♪≈ يقول...

الله اكبر من عينيك يا صاصا

خمسه وخميسه
هى الخرزة ما جبتش نتيجه ولا ايه
عااااااااااااااااا

اغيرها وحط اقوى منها

♥نبع الغرام♥♪≈ يقول...

شوف ازاى

ولا اى حد معبرك

الناس لسه ماعرفتش الخبر

ربنا يسهل وتتفضح والكل يزورك ياعم
دعوة حلوة من وليه ساعه فجريه
اى خدعه

♥نبع الغرام♥♪≈ يقول...

ممممممممممممممم


طيب

مش عارفه

لو عرفت ابقا قولى

هههههههههههههههههههههه

♥نبع الغرام♥♪≈ يقول...

طيب اروح اقرء وارجع

اشوف البوست ده بيقول ايه

♥نبع الغرام♥♪≈ يقول...

بص ياض انا هقولك على حاجه احنا كده فقرين وهنفضل كده والنبى لوعملت ايه

ادن من هنا لاخر بلاد العالم ولا حد هيعبرك

دى حكومه
يعنى كوسه وسلطه
والله المستعان

♥نبع الغرام♥♪≈ يقول...

تعرف انا بشتغل والحمد لله

موظفه

وكمان الحكومه قال ايه مخلينا نفتح محو اميه كمان لكده يشيلو التعاقد الحكومى زى ما انت فاهم
ولحد الوقتى من يوم ماروحت محو الاميه ومعانا الفيزا كارد
ولا قبضت منها ولا مليم بقاليا اكتر من 8 شهور مش ده ظلم

لوعرفت اخبار عارفنى
يلا افوتك بعافيه

adel يقول...

هههههههههه

ياريتني كنت معاهم

عملوها الوحوش في المهندسين
ههههههههههههههههههههه

بس اكيد انت فهمت غلط
خطة حكومية مين ياعم
هي الطاوسة بترمي كتاكيت (اكيد حكومتنا مش حداية)

وبالنسبة لفاروق
انا كنت ضده اكيد
ياعم مش كفاية 22 سنة و زيادة بوظ اثارنا و دمر ثقافتنا
عاوزه كمان يدمر العالم !!!!!

وللزمالك
ده الطبيعي
ربنا يتولكم براحمته
الدفنة امتي ؟؟
ههههههههههههه

سفروتة يقول...

اممممممممممممممممممم
نبدأها من تحت

الزمالك
مليش في الكورة وبكرهها عمي

فاروق حسني
الخبر مفرح ومحزن في نفس الوقت
مفرح لانه لو تزعم اليونسكو هيغرق العالم والثقافة هتتمحي للابد
ومحزن لانه هيستمر في تغريقنا هنا اكتر واكتر


انفلونزا الخنازير
ابشروا يا ناس
لسة من شوية قريت تقرير من منظمة الصحة العالمية عن محاولات حقيرة بتتعمل في اللقاح من قبل الشركة المنتجة
ده غير انهم شاكين ان الفيروس نفسه يكون مخلق معملياااااا
وبلاوي كده متلتلة لا يسع المجال لذكرها


اما عن الموضوع الاساسي
نو كوووووووووووووومينت
لسة هنشوف كتيييييييييييييييير يا ابو صلاح
التقيل جاي ورا
خليك قدهااااا

D:

mimi يقول...

من بكره هعزل واقنع بابا وماما نروح نعيش في المهندسين


ووحدوه يا جماعة ...

♥نبع الغرام♥♪≈ يقول...

يا حرام


هما دول بس
كفايه عليك

يلا بقا اقعد بالعافيه انا كنت جايا ار وامشى

صبرني يارب يقول...

تصدق يا اخي انا كان نفسي ابن ال ...............

ينجح عشان يحل سماناااااااااا

يلا مش مهم خليهم يتبطوا برضه

انا ليا رجاله ياكلوا الزلط فى المهندسي يا ابنى كنت قوووووووووولي
لا اله الا الله

ما علينا احنا شعب فقري برضه

غير معرف يقول...

كل سنة وانت طيب ياابو صلاح
صحيح ايه موضوع المهندسين ده
وعلى راى عادل هى الحداية بتحدف كتاكيت
بالنسبة لفاروق ربنا استجاب لدعواتنا
الا ينالها ويتنكد ويتغم
بالنسبة للزمالك عمك ابو مالك زمالكوى
كبير وكل اللى اعرفه عن الزمالك انه دايما بيتهزم وهو دايما زعلان
ده احمد ابنى الاهلاوى اللى بيقولى كده
ابقا اساله عن اللى انت قايله
تحياتى ياصلاح

قلم رصاص يقول...

مكن بيمطر فلوس

الله .. طب على أساس ايه طيب ؟!

هو الدعم بقى مباشر من الحكومة ؟

والله فكره كويسه بجد يا صاحبي

بس يستمروا فيها وتوصل لنا زي التليفونات والنت وخلافه

وبخصوص فاروق حسني

فشهادة حق الراجل رفع اسم مصر

بس بعد كده نزل بيها الأرض

وهيفضل برضه واضع يده على الأرض

ههههههههههههههههههههههه

ومين الزمالك دي

انا متهيألي سمعت الاسم ده قبل كده

دا كان على اسم فريق بيلعب عندنا زمااااااااااااااااان

ههههههههههههههههههههه

دمت على خير ياصاحبي

غير معرف يقول...

يا عم الحاج ومصر مالها بس

مصر فيها الاهلي


وفيها رجالة

مش حسني ابو فاروق

وبعدين الحكومة عاملة الواجب وزيادة

عمالة تنهب في الشعب بكل الطرق والكباري


يقطعوا نفسياتهم يعني

noon kiko يقول...

هههههههههههههههه
هاخد اول قطر من الصعيد وعلى المهندسين هوا
بس يارب القطر مايولعش ف السكه
هههههههههه

غير معرف يقول...

يارب يفرجها علينا جمييييييع ,,
بحق هذا العيد تتغير الأوضاع و نبدء من جديد ,,
و نقطة التغيير هيا احنا ,,

عيدك سعيد ^^

daloo3a يقول...

الله بيفرجها

اممممم

ماعندي شي اقوله =(

ساره يقول...

صلاح انت ظلمت الحكومه
اصلهم كانو يفرقوا عيديات :)

ستيتة يقول...

وهم اللي ساكنين في المعادي اوغاد يعني؟
وليه ماكينات المعادي تمتلك ندالة لا يعادلها الا ندالة الحكومة ووزرائها العتاقي
مش عارفة يا صاصا
اظن سمعت البهبهاني في فتواه بيحلل فلوس المكن لأنه مكن الحكومة المنشار

يارب افرجها على الناس يارب لحسن فعلا ضلمت قوي

صاصا الله يكرمك تبلغ عمو القلم الرصاص اني مش بعرف اعلق عنده خالص لسبب مجهول
قول له يشوف مدونته كارهاني ليه الاهي يبقى قلم بسنون سبعة مللي

تحياتي

اللى موش عارف يتغير يقول...

كل سنة وانت طيب ياصلاح

ميمى واحمد يقول...

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا

مسدس صغير يقول...

عاشقة الاحزان
ههههههههه
جلسة؟؟
مالك انتى ومال الجلسات؟

مسدس صغير يقول...

عاشقة الاحزان
بتعايرينى يعنى؟؟
عشان انا غلبان ومعنديش تعليقات وانتى عندك بال 200 تعليق؟

مسدس صغير يقول...

عاشقة الاحزان
هتأرى هنا على ايه
مفيش غيرك
هههههههههه

مسدس صغير يقول...

عاشقة الاحزان
خرزة ايه؟
هو انتى حاطة خرزة؟
ههههههههههه

مسدس صغير يقول...

عاشقة الاحزان
دعوة حلوة
بس مش من قلبك
ههههههههه
هحطلك انا كمان خرزة بس اما ربنا يفرجها
هههههههههه

مسدس صغير يقول...

عاشقة الاحزان
لو عرفت اقو علطول
وانا اخبى ليه يا بيه؟؟
هههههههه

مسدس صغير يقول...

عاشقة الاحزان
كمان لسه مقريتيش؟
امشى يلا من هنا

مسدس صغير يقول...

عاشقة الاحزان
هههههههه
شعب فقرى صحيح
فلوس بتتحدف عليكو؟
ترجعوها؟؟

مسدس صغير يقول...

عاشقة الاحزان
يعنى مدونة
وعندك 200 تعليق
وكمان موظفة؟؟
هههههههههههه
وكمان زعلانة انك مبتقبضيش؟؟
هو انتى عايزة تقبضى كمان؟؟
ايه الجشع ده؟
مش كفاية معاكى فيزا
هههههه
خديها واهربى على سويسرا
هههههه
اشكرك على الفرح
نورتينى

مسدس صغير يقول...

دولا حبيبى
ياريتنى انا كمان كنت معاهم
بس مطلعوش وحوش ولا حاجة
دول راحو رجعو الفلوس؟
يبقو وحوش؟
ههههههههههههه

اما روقة المثقف فالحمد لله اللى انقذ العالم من ثقافته
بس احنا نستحمل بقى
ههههههه
والزمالك الدفنة بعد العصر
هتيجى؟؟
هههههههه
سلام
نورتنى

مسدس صغير يقول...

سفروتة
ملكيش فى الكورة؟
احسن
هههههههه
روقة المثقف فعلا محزن لأنه قعد على قلبنا
بس يلا احنا نتحمل
لو اهله متحملهوش مين اللى هيتحملهه؟؟
ههههههههه
كويس اوى البشرى بتاعة انفلونزا الخنازير دى
نو كومنت بردة
اشكرك على التعليق
نورتينى

مسدس صغير يقول...

ميمايا
خلاص المهندسين خدت حصتها وخلصت
انتى ونصيبك بقى
ههههههههههههههههه
انتى ساكنة فين وانا اقولك
هههههههه
اشكرك على التعليق
نورتينى

مسدس صغير يقول...

عاشقة الاحزان
امشى بقى من هنا
سيبينا نشوف مصالحنا
ههههههههه
حرام عليكى
كفاية ال 200 تعليق اللى عندك
ههههههههه

مسدس صغير يقول...

صبرنى يارب
احنا اهله نستحمله
ههههههه
ربنا يستر علينا
هههههههه
خلاص المهندسين خدت حصتها
خلصت
ههههههههه
نشوف بقى الدور على مين؟
يمكن يكون ع المنصورة؟
ههههههه
اشكرك على التعليق
نورتينى

مسدس صغير يقول...

ام مالك
وانت بخير وصحة وسعادة
اما بقى موضوع المهندسين ده موضوع الدعم المباشر على رأى قلم رصاص
هههههه
والزمالك
ربنا يكون فى عون ابو مالك
يعتزل احسن
هههههه
ربنا يكرم احمد اهلاوى
هههه
ويكرمكو جميعا
اشكرك على التعليق
نورتينى

مسدس صغير يقول...

قلم رصاص
هههههههههه
حلوة حكاية الدعم بقى مباشر دى
هههههههه
فعلا فكرة حلوة بس ياريت تتعمم
ربنا كريم
روقة اتروق عليه فى اليونسكو
والزمالك اتروق عليه فى القاهرة
اشكرك على التعليق
نورتنى

مسدس صغير يقول...

مصرى جدا
هههههه
فعلا مصر فيها رجالة كتير
والله وعملوها الرجالة
ههههههه
حلوة اوى الحتة دى
عمالة تنهب في الشعب بكل الطرق والكباري
هههههههه
اشكرك على التعليق
نورتنى يا استاذ

مسدس صغير يقول...

وحدة من الناس
هههههههههههههههه
مقدرش اوعدك فاروق رجع
وهوه بتاع الحرايق
ههههههههه
بلاش تيجى الدعم هيجيلكو الصعيد فى الماكينات متقلقوش
ههههههه
اشكرك على التعليق
نورتينى

مسدس صغير يقول...

اسيرة اللوحة
فعلا لازم التغير يكون مننا الاول
معاكى حق
ربنا يكرمك
ويجعله عيد سعيد عليكى وعلى الاسرة الكريمة
نورتينى

مسدس صغير يقول...

دلوعة
ههههههههه
ربنا يفرجها
كفاية اوى
ربنا يكرمك
سعيد بتعليقك
نورتينى

مسدس صغير يقول...

سارة
ههههههههه
فعلا بيوزعو عيديات
ههههه
بس انا مخدتش
هههه

اشكرك على التعليق
عيد سعيد
نورتينى

مسدس صغير يقول...

ستيته
هههههههه
فين فى المعادى بالظبط وانا ابعت عليكو مباشرة
ههههههههه
نعمل ايه بقى
حتى فى توزيع الفلوس تفرقة عنصرية
ههههههه
ابلغه ان شاء الله
ونخليه يعمل مدونة جديدة عشان خاطرك يا دكتور
هههههههه
اشكرك على التعليق
نورتينى

مسدس صغير يقول...

اللى موش عارف يتغير
كل سنة وانت طيب
عيد سعيد عليك
نورتنى

مسدس صغير يقول...

ميمى واحمد
ماشى لو عرفت حد هقول عليه
اوك
نورتونى

Unknown يقول...

معرفتش الا النهاردة
ان فاروق حسنى قاعد
تصدق انى زعلت اهــ
والله زعلت كان نفسى
ينكشح لكن يظهر مفيش
فايدة(لابد فيها ومش طالع)

*البت المشمشية *حلوة بس شقية * يقول...

اللى قاهرنى وحازز فى نفسويتى
ان فاروق هيرجع يقرفنا تانى

أبو العريف يقول...

كل سنه وانت طيب يا صاصا

وعيد سعيد عليك

معلش جيت متأخر

بس غصم عني

تحياتي

maha zein يقول...

ايه ده
انا مش فاهمة حاجة
اه وربنا

هو ايه اللى حصل و انا صايمة و مش مركزة

بقولك
هي الناس دي بتقولك يا صاصا ليه
هي شتيمة دي يا كابتن

عموما كل سنة وانت طيب و ابقه فهمني في ايه يا حاج يسترك ربنا

ليس فقيرا من يحب يقول...

ايه ده يا جدعان

هو فى ايه فلوس

هيا السما كانت بتمطر فلوس فى المهندسين

طب ماتعرفش هو ده ممكن يحصل فى البحيرة

ولا لا وامتى اصل اختك مفلسه على الاخر

وقربت تشحت

بالنوسبه لفاروق حسنى فطبعا اللى حصل

ده علشان حظنا اللى بيضرب نار دايما

اصل احنا بنحبه ومنقدرش على بعده

يا اخويا مش تركز كتير فى اللى بيحصل

لاحسن البرج اللى باقى فى الدماغ يطير

هو كمان

هههههههههههههههههههههههههههههه

كل سنه وانت طيب يا ابو صلاح

شوكولاتة يقول...

كده برضو تزعلني منك وتتريق على الزمالك أنا لا أقبل
الزمالك ويل نيفر داي
شكلك أهلاوي
بكره نردلكم الستة واحد
هههههههههههه
ويومها هانزل أكبر بوست في تاريخ البلوجر وأقول والله وعملوها الردالة

تحياتي

غير معرف يقول...

السلام عليكم
عيد الراجحي
مووضع فاروق حسني اثبت بالدليل القاطع اننا عايشين ف كوكب اخر,
موضوع الانتخاب اساسه يعتمد علي الشخصيه المرشحه وقوة دولته وقوة علاقتها بالدول الاخري (شغل الخارجيه يعني)
الاخ فاروق حسني اتهاجم طبعا بسبب تصريحاته مع ان الراجل متأخرش ورجع ف كل كلمه قالها عن الكتب الاسرائيلي وكمان كان مستعد يعمل اي حاجه مشروعه او غير مشروعه علشان اسرائيل ترضي عنه ( حتي التنازل مش نافع معاهم)
العلاقات الثنائيه بين مصر والدول الاخري وخصوصا ال 58 دوله من لهم حق التصويت في اليونسكو
والخارجيه المصريه دايما يكون لها الصدااره ف قائمة الفشل كالعاده لانها اعتبرت ان معظم دول التصويت اصدقااااااااااااء وحلفااااااااااء وبينا مصاااااالح مشتركه وكانت النتيجه التصويت للمنافس او مساعده ودعم المنافس بقوه كما حدث ف صفررررر المونديال
وال كان ورء خساره فاروق حسني اميركاواسرائيل المتمثل ف اللوبي الصهيوني المؤثر والاتحاد الاوروبي ال المفروض اننا علاقتنا بيهم علي اعلي مستوي فضلو يقولو تحركات الخارجيه وتحركات رجال الدوله والنتيجه صفرررر
بس حسني ارحم من علي الدين هلال
علي الدين = صفر
حسني = 27
( فاروق حسني اكيد مش بابا حسني بابا حسني مش بيعرف الاصفار بيعرف التنسيق المرحله الاولي اكتر من 95%
ده دايما ناجح ومتوفق)
اسف علي الاطاله

مسدس صغير يقول...

نوراهاتى
سعد قالها ومات
مفيش فايدة
قاعد على قلبنا
ههههههه
اشكرك على التعليق
نورتينى

مسدس صغير يقول...

البت المشمشية
يلا
الامر لله
اشكرك على التعليق
نورتينى

مسدس صغير يقول...

ابو العريف
كل سنة اونت طيب
عيد سعيد عليك
ولا يهمك
نورتنى

مسدس صغير يقول...

مها زين
ههههههههه
انا اللى مش فام حاجة
بيدلعونى
هههههههه
بيوزعو فلوس فى المهندسين بمناسبة سقوط فاروق حسنى
ههههههه
اشكرك على التعليق
عيد سعيد
نورتينى

مسدس صغير يقول...

ليس فقيرا من يحب
اه هتحصل فى البحيرة
بس امتى تحديدا؟
مش عارف مقدرش اوعدك
هههههههه
استنى عن الصراف من بكرة
وربنا يسهلك
ههههههه
حظنا وحش اوى
ربنا يستر
هههههههه
كل سنة اونتى طيبة
عيد سعيد عليكى

مسدس صغير يقول...

شوكولاته
بكرة امتى؟؟
الضهر؟؟
هههههههه
هتردولنا الستة واحد ازاى؟
الاهلى هيبقى فين ساعتها؟؟
ههههههههه
خلاص
طالما انتى زملكاوية مش هتكلم فى الكورة تانى
ههههههههه
والله وعملوها الردالة
اشكرك على التعليق
نورتينى

مسدس صغير يقول...

عيد الراجحى
وزارة الخارجية دورها مع الدول دى ضعيف
وزير الثقافة ثقافته لا تؤهله للحوار مع هؤلاء
ووقع فى اول حوار
فكر ان التودد ليهم هييجى بفايدة
اتقلب عليه
تعليقك مفصل ومش محتاج رد
جميل اوى
اشكرك على التعليق
نورتنى

Soul.o0o.Whisper يقول...

مممممممممممممم
يا راااااجل

يااااااه اد ايه الحكومة بتاعتنا طيبة
و قلبها رقيييييييييييييق

شايف خايفة ازاى على الناس من الانفلونزا
ففكرت فى الفكرة الرائعة دى

دايما عظيييييييييييمة يا مصر :)


دمت بخير

الشعب لابد له من حكومه تشكمه يقول...

طايب اجهز الخيمه واروح اقف عند بنك مصر يمكن المكنه اللى هناك تعملها وتطلع قماش قصدى دنانير,اشوفك هناك ياصاصا:))

سيبك انت الذمالكايه كانوا بيموتوا امبارح,شفت حازم امام فى المقصوره,؟حزومه صعب عليا موووت والله..
يلا اكفل اخوك الذملكاوى بجون ومن قجم شئ التقاه وهنيالك يافاعل الخير ..
وانت عامل ايه دلوقت؟

mohamed ghalia يقول...

ياحينى
يابنى معلش هدى أعصابك

غروب يقول...

الاول

كل سنه وانت طيب

ثانيا : هو الكلام ده بجد ولا تريقه ولا ايه ؟؟؟؟؟؟

عموما لو بجد نروح نشوف

هههههههه

جايز تكون لسه مستمره

وطبعا عمو فاروق يستحق ايه الحقد ده

قلم رصاص يقول...

بقى تبقى معايا امبااااااااارح

النهاردة تضم الررررررررز

واخد بالك انت طبعا

هههههههههههههههههههه

mahasen saber يقول...

اسكت يا صلاح من ساعة ما ضد التيار قالتلى امبارح على البوست بتاعك ده وانا هتجنن
اتخبطت فى عقلى انا مكنتش اشوفلى ماكنه ااقعد جنبها بشوال

بس صحيح شعي فقرى من كتر ما بيتسرق بئا بيشر امانه صحيح

Ahmed يقول...

هههههههههههههههه

عسل يابوصلاح
ايوه ايوه
حركه الماكينات ديه طبعا مفهومه ياجميل
هههههههههههه

مسدس صغير يقول...

سول
شفتى اد ايه مصر عظيمة؟؟
ثابت تحية العلم بقى
ههههههههه
كله عشان خاطرنا
ميرسى جدا على التعليق
نورتينى

مسدس صغير يقول...

الشعب لابد له من حكومة
بصراحة يا شيما مش عارف ارد عليكى بسبب الزحام الرهيب اللى ادام بنك مصر
انا بالفعل قاعد فى خيمة
معتقدش انك ممكن تلاقى ماكن تنصبى فيه خيمتك
وحطى خيمتى على خيمتك
تطلع خيمة كبيرة اوى
دى ناس خايمة خيامة
هههههههههههههه
اما الزمالك خايم بردة
ربنا يرحمهم
هههههه
اشكرك على التعليق
نورتينى

مسدس صغير يقول...

محمد غالية
اهدى اعصابى ازاى؟
مفيش وقت
الماكينة ممكن تطلع فلوس فى اى لحظة
هههههههه
نورتنى

مسدس صغير يقول...

غروب
كل سنة وانتى طيبة
عيد سعيد عليكى
اة الموضوع بجد طبعا
هتروحى هتلاقينى هناك
هههههههه
روقة اتروق عليه
اشكرك على التعليق
نورتينى

مسدس صغير يقول...

قلم رصاص
فضحتنى على كافة الاصعدة وتقولى واخد بالك؟
مش انا بس اللى واخد بالى
دى اسرائيل كلها اخدت بالها
ههههههههه
بلغ بيجن احتجاجى الرسمى على ضم بلدكو للشمس
ههههههههه

مسدس صغير يقول...

محاسن صابر
هههههههههه
دا انا فضيحتى بقت بجلاجل
هههههه
شفتى بقى
بس فعلا شعب فقرى
اميييييييييييييين للغاية
ههههههه
اشكرك على التعليق
نورتينى

مسدس صغير يقول...

احمد ابو العلا
هههههههه
دا انت اللى عسل
اشكرك على الكلام الحلو دهاشكرك على التعليق
نورتنى

EMMY BABY يقول...

اه يا قلوبنا متحملة كتيرة من بلاوى سودا مجتشى على فاروق حسنى

احسن ماكان يهز صورتنا برة

هههههههههههه ال خطة حطومية ال مين قال ان الحكومة ممكن تدي الناس فلوس

تفتكر لو ده حصل فى حتة شعبية مش المهندسين كنت هتلاقى ردة فعل غير دى

هو مش شعب فقرى هو شعب عنده مبادىء وضمير لحد الان

تحياتى

ايمى

جلال كمال الجربانى يقول...

حاجه غريبه
يعنى عايزين الحكومه تعمل ايه
أكتر من كده
ترشق الشعب فلوس
وبردو مش عاجبه حد !!
---
وكان نفسى فاروق حسنى ينجح بجد
عشان بصراحه نستريح منه
ويبقى حصل تغيير فى الصوره
اللى عمرها ماطلعت حلوه

وكل عام وانت بخير حال

اللى موش عارف يتغير يقول...

انا حصلى وموقف مع الصراف الالى
بص يا سيدى
الصراف خد الكارت ومرداش يرجعه (بلعه)
وانا اعيط هههههههه بس تانى يوم روحت خده
ربنا ستر

حلم بيعافر يقول...

ههههههههههههههههههههه
انا عايز اروح الجيزززززززززززززة
كل سنة وانت طيب

mostafa rayan يقول...

من حليم للزمالك
تانى تانى تانى
رجعنا للهم تانى
والخساره والاحزان
ولا فادنا ميدو بحاجه
ولا عمرو ذكى كمان
وده ميشال زي دي كستال
كلهم تعبان
وتانى تانى تانى
الجماهير متنكده تانى
والزمالك خسر كالعاده وربنا مايقطع له عاده
_________
كل سنه وانت طيب وبخير

مسدس صغير يقول...

ايمى بيبى
هههههههه
احنا اهله نستحمله انما الغلابة ذنبهم ايه
هههههه
شعب فقرى صحيح
ههه
كل سنة وانتى طيبة

مسدس صغير يقول...

واحد من العمال
شفت بقى
شعب فقرى صحيح
مش وش نعمة
هههههه
وروقة كويس انه سقط
يبقى جنبنا حتى نطمن عليه
هههههه
اشكرك على التعليق
كل سنة وانت طيب

مسدس صغير يقول...

اللى موش عارف يتغير
هههههههههه
احسن فرحان فيك
ارجع لارضك وبهايمك
هههههه
كووووووووول سنة وانت طيب يا حبيب قلبى
اشكرك على التعليق
نورتنى

مسدس صغير يقول...

حلم بيعافر
كل سنة وانت طيب
انا فى الجيزة من يوميها
هههههههههه
نورتنى

مسدس صغير يقول...

مصطفى ريان
هههههههههه
دا انت الظاهر اهلاوى فرحان شمتان
هههههه
كل سنة وانت طيب
عيد سعيد

Remas يقول...

ازيك يا صاصا

اخبارك ايه

فاروق عادى كان متوقع له كدا ومش متوقع لنا نفرح ويحل عننا

الزمالك بئا ماله

هو انت اهلاوى ؟

شكلك اهلاوى

well يقول...

اممممممممم ..
سيبك انت من فاروق ده وفاروق ده وخليك معايا ..علشان فاروق جويدة يكسب

مسدس صغير يقول...

ريم
الحمد لله بخير
اخبارك؟
كل سنة وانتى طيبة
طبعا كان متوقع لروقة
هو انتى زملكاوية؟؟
ههههههههههه
ربنا يكون فى عونك
شكلك زملكاوية
اشكرك على السؤال والتعليق
نورتينى

مسدس صغير يقول...

ويل
طبعا فاروق جويدة اللى يستحقها
بس نعمل ايه بس
ههههههههه
نورت

Remas يقول...

اه زملكاويه

في حاجة ؟

مالهم الزملكاوية بئا

هههههههههههههههه

كدا يا صلاح احنا حتى اخوات واصدقاء وفي الاخر تقولى كدا

مسدس صغير يقول...

ريم
خلاص انا عشان خاطرك زملكاوى
ههههههههه
بس دوا الضغط على مين؟؟