الأحد، 9 أغسطس 2009

غلطة المدونين التى لا تغتفر ..

بالترتيب من اليمين ( المعتصم - محمد غالية - عادل - مصطفى حسان - دكتور ياسر - انا ابو بنى ده - رامز اللى قاعد )

كان ممكن اغفر للمدونين اى غلطة



بس عمرى مكنت هغفرلهم غلطة ان ميبقاش فيه لقاء



وتحديدا يكون يوم 8/8 اللى هوه امبارح يعنى



مش عشان نشوف بعض



لأ وألف لأ



انما لأن النت بتاعى جه ووصل خلاص يا رجالة الى ارض الوطن



فى نفس يوم اللقاء بعد انقطاع دام لأكتر من شهرين



الهى لا يخسر ولا يكسب



يفضل كده فى الافسايد



المهم



نتكلم بقى فى اجمل يوم فى حياتى التدوينية



يوم بصراحة رائع جدا جدا



من اوله لأخره



ناس جميلة جدا



ناس لذيذة جدا



واعية جدا



مثقفة جدا



اتكلمنا فى حاجات كتير مش هقولكو عليها عشان اللى مجاش يفضل كده فى الافسايد

برغم ان الجو كان جميييل

كان هواااااااا ولذيييذ (امال لأا .. امال طبعاً)

الا انى بجد سعيد برؤية الناس كلها فى اللقاء

وكنت اتمنى يبقى العدد اكتر من كده بكتير زى مكنت متوقع

الا اننا بجد كنا سعداء جدا ومحسيناش بالوقت


عمنا فشكول رأس الحكمة


الدكتورة ستيته (امال لأا امال طبعا)


فاتيما الوردة الحمرا


دكتور ياسر ما اروعك


مصطفى حسان مفيش


ميمايا بوخارست


المعتصم بيقول عن نفسه سنترال


عادل الشوق الشوق


مايو فتاة حالمة


احمد ابو العلا المهندس


محمد غالية السعيد دائما يارب


كيكى فكك منها


خالد فودة المصوراتى


رامز عباس فاكهة


بدراوى هدؤ العاصفة


ايمى بيبى غلطة حلوة


هانى نط فى مارينا


رنيم ربنا يديم ابتسامتك


هند دموع الملايكة بالفرنساوى


اينو الهدؤ الجميل


**

حفل توقيع ديوان "حدوتة الشاطر .. ما فيش " للشاعر مصطفى حسان صاحب مدونة هرتلة ولازم كله ييجى مستنينكو كلكو واهو لقاء للى معرفش ييجى اللقاء اللى فات .. يوم الخميس القادم في مكتبة البلد بوسط البلد بجوار الجامعة الأمريكية الساعة السابعة مساءا





هناك 52 تعليقًا:

adel يقول...

أول نحليق باذنك يارب

فوووووووووووووووووو

بجد كان يوم تحفة

و سيبك كتبتلك كلمتين عجب :)
ههههههههههههه

د. ياسر عمر عبد الفتاح يقول...

عم الناس
ازيك يا صلاح بيك
تصدق بالله
وحشتني يا عم من امبارح

بقي النت وصل؟
ده حدث عظيم من أحداث القرن الواحد والعشرين
فالتهنأ الشبكة العنكبوتية بوصول جنابك

زي ما اتفقنا بقي
بينا ألوهات إن شاء الله

hend mossallam يقول...

hii sala7 2zayak yarab tekoun tamam
ana mabsouta awii 2ni da5alt hena 3andak 3ala 2l blog w akiid hhafdal ad5ol
w ana 2mbasat awii w kan yoom gamed a5er 7aga

ستيتة يقول...

آلو ازيك يا عمدة؟
عملت إيه بعد الجو الربيعي بتاع امبارح
انا والله اتنورت واتشرفت بمعفتك وشا لوش يا صاصا
ومؤكد ها أشوفك في افطار رمضان
مش صايم برضه وألا؟؟؟؟؟؟؟؟؟؟؟؟؟؟؟
ههههههههههههههههههههههههههههههههه
كل سنة وانت بخير وبعد العيد تعزمنا على خطوبة محترمة نلبس فيها سواريننننننن

mohamed ghalia يقول...

صلاح باشا
الشرف لينا إننا قبلناك
ربنا يكرمك ويسعدك ياصاحبى

EMMY BABY يقول...

هههههههههههههههههههههههه بتقلدنى علشان كتبت مسدس طويل تروح كاتب غلطة حلوة

ربنا يكرمك ياسيدى

بجد سعيدة انى اتعرفت عليك اووووى

مبروووووك عودة النت وشنا حلو عليك

عايزين تورتة بقى هدية

تحياتى

ايمى

كيكى عوووووو يقول...

نحم نحم!!!!
والله انا من ساعه ماشوفت تشريفة المترو!!
وانا عارفه انك مضهدنى!!
ال كيكى فكك منها!! اتكلم ع الناس كلها وجاه عندى جاله صدمه قلبية!!!
***سوء سمعتنا بقى
اييييييييييييه دنيا
لو سمحت انا عايزة الكلمتين الى كتبتهم فى كشكول المحاضرات
خلااااااااااااااااص زمن ال تثصتايفلعغ خلاص انتهى
!!!

سفروتة يقول...

ههههههههههههههههههههههه
شوف يا ابو صلاح
انا بعون الله مش هبقي في الافاسيد
انا وكالات الانباء العالمية نقلتلي كل اللي حصل
(وش مطلع لسانه)

جميل انكم انبسطم ويارب دايما تبقوا مبسوطين

دمت بخير
:)

سفروتة يقول...

صحيح
مبروك عودة النت
بعد وصلة التشرد اللي كنت بتاخدها في سيبرات البلد
والحمد لله اتلميت في بيتكم
هي المسدسات ليها ايه غير بيوتها
D:

*البت المشمشية *حلوة بس شقية * يقول...

ايه يبنى الصورة المنمنة دى مشوفتش منها حاجة
وبعدين انتا طلعت اوزعه ليه
دولا اطول واحد فيكو

الشعب لابد له من حكومه تشكمه يقول...

اولا سؤال صغنن بس:
مين المدون(انا ابو بنى ده) قعدت اعصر دماغى مين المدون ده ومدونته اى واحده متوصلتش :)انا ابو بنى,هبابه احلى كلمه سمعتها فى حياتى:) مضلم اقصد منور ياصاصا والله..
المره الجايه اباه خدنى فى ايدك:) دحنا من ابناء منصوره واحده:)

خالد فوده يقول...

صلاح باشا

كان يوم جميل علشان انت فيه يا باشا
وبعدين انا مصوراتي
تصدق انا اكتشفت فيا الموهبه دي
سبحان الله

ساره يقول...

مبروك عوده الندله
اقصد النت يا صلاح

واللي ماجي يكون في الاوفسايد حرام عليك يا صاصا ... انا مش في الاوفسايد انا برا المرما خالص

بس والله سعيده عشانكم يارب تتجمعوا دائما على خير :)

ليس فقيرا من يحب يقول...

السلام عليكم

الف حمد الله على سلامه النت

الحمد لله ان اللقاء كان جميل

ان شاء الله تتعوض فرصه تانيه

وكل سنه وانت طيب يارب

فى حفظ الله

تأثير الفراشة يقول...

ما شاء الله
كل لقاء و انتم طيبين و بإذن الله كل لقاء يكون جميل و مثمر بالخير

بجد سعيدة جدا باللقاء ده كإنى كنت موجودة فيه

ربنا يبارك فيكم كلكم

تحياتى لكم جميـــــــــعا

قلب ارهقته الاحلام يقول...

يابختكم :((

خياااااااانه هههه

وبعدين ايه الصورة ال من بعيييييييد اوي دي :-p

لا بجد كان نفسي اكون معاكم اوي

إن شاء الله يكون فيه مرات جايه ^^

منور النت ياصاصا والوثلات اخيرااا

اتاري البلد كلها بتزغرط ههههههه

الف مبروووك رجوع النت

وردشان smilyrose يقول...

حمدلله على السلامة

والف مبروك وعقبالى ما يشتغل عندى

ههههههههههههههه

كان لقاء جميل ياريت يتكرر

عشان نقدر نتعرف على بعض

غير معرف يقول...

اولا مبروك عودة النت
ثانيا تم التعليق على اللقاء
فى البوست الماضى ولكن اكرر
شكلك طيوب ياصلاح وملكش فى موضوع المسدسات ده ولكن زى مكتبت عندى
طلقاتك مميزة
مادام النت جه ليك سؤال عندى ادخل جاوب عليه
تحياتى

قلم رصاص يقول...

دا انت عدت تخصص لقاءات بقى

ههههههههههههههههه

طب ماتحاول تقابل فتح بحماس وتلم الدور

ده بقى أصله بوخ اوي وشكلكم بقى مش تمام

ادام المجتمع الدولي

ههههههههههههههههه

ملاحظ ان كل اللي مراحش يعلق ويقول :

الحمدلله انكم انبسطوا ..!

هههههههههههههههههه

هو انتوا كنتوا رايحين عشان تنبسطوا

طب ما انا ماروحتش ورغم كده انا

مبسوووووووووووط جدا

هههههههههههههههههه

عموما هقولها برضه زي الجميع : الحمدلله

انكم انبسطوا وان شاء الله يكون فيه

لقاءات اكتر واكتر

عاوز اقولك كلمة سر ياريت تقرب لي ودنك شوية عشان محدش يسمعني :

انا بحقد عليكم

دمتم في حفظ الله

mimi يقول...

أبو صلاح ... إزيك ... مبتجيش ليه ؟

ههههههههههههههههه

بجد اليوم كان حر أوي ... أأأقصد حلو اوي

وبجد مش حسينا بالوقت خالص

وكنا كلنا أخوات ،، في أسرة واحدة

تحياتي يا ابو الصلح

وأعزمني علي الخطوبة وهتلاقيني قدامك علي طول

ههههههههه

كتبت لكم التعليق ...

ميمي أبو العافية بوخارست

هههههههههههههه

mimi يقول...

في المدونات المجاورة بيسموني ميمي أحتلال

يا كونفرانساتك يا جونينة

فين باقي الصور؟

Remas يقول...

ازيك يا صلاح عامل ايه

انت مصمم يعنى تغيظنى علشان مش جيت

بجد ربنا يديم المحبة اللى موجودة دى واللى فعلا بتحسسنى ان الدنيا فيها ناس حلوة اوى

مش في صور تانية ولا ايه

مش المفروض تعملو حساب الناس اللى زيي ومش جت والفضول هايقتلها وعاوزه تعرف كل حاجة بالتفصيل

فاتيما يقول...

يا صلاح انا متفاجئة من كم الطيابة و البراءة اللى فيك و فيكم كلكم يا شباب الأيام دى ...
إنتا و عادل و مصطفى و رامز و الكل
حاجة تفرح و تشرف إنى بعرفكم و حظى من السما بيوم زى دا
إن شاء الله أشوفك على خير يوم الخميس
كل الود ليك
آه قبل ما أنسى ..
لينك التمبليت اللى بقترحه عليك أهو
مجرد إقتراح مش اكتر يعنى
http://btemplates.com/2008/12/31/wild-west/

مسدس صغير يقول...

عااااااادل
مبروك دخلت التاريخ
بجد انت من اجمل الحاجات اللى خرجت بيها فى اليوم ده
اما بقى عن الكلمتين انا هنشرهم فى البوست الجاى على المدونة ان شاء الله
وتعليقات الناس كلها
اشكرك على التعليق
نورتنى

مسدس صغير يقول...

د/ياسر
والله والله منسيتك
وبفكر فيك
وواحشنى
انت انسان تتحب بصراحة
انا مشفق على اى حد يشوفك ويسيبك
هيقدر يعيش ازاى؟
والنت وصل بالسلامة الحمد لله
وطبعا لينا الشرف ان نتواصل معك يا دكتور ياسر المحترم جدا
بجد سعيد بمعرفتك نورتنى

مسدس صغير يقول...

im the crazy one
انا اللى مبسوط جدا والله انك موجوده
انا سعيد جدا انى اتعرفت عليكى
يارب نشوفك هنا دايما
اشكرك على التعليق الجميل
وبجد نورتينى

مسدس صغير يقول...

دكتورتى ستيته
طبعا انا اللى اسعد والله
مش قادر اقولك كم السعادة اللى انا فيها انى اتعرفت عليكى
وان شاء الله اما نصوم هنيجى نفطر اعتقد
بس يا ترى هندفع؟؟
ههههههههه
على حسابى بس فى الخطوبة ان شاء الله
ربنا يخليكى
اشكرك على التعليق
الجميييييييييل
نورتينى

مسدس صغير يقول...

محمد غالية
والله انا اتشرفت جدا بمعرفتك
شخصية وقورة ومهذبة وصاحب مبدأ
اشكرك على التعليق
نورتنى

مسدس صغير يقول...

ايمى بيبى
هههههههههه
اة غلطة عمرى
هههههههههه
لا طبعا انا سعيد بجد انى اتعرفت عليكو
متشكر جدا على الكلام الحلو ده
طبعا وشكو حلو بس التورته عليكو
ههههه
نورتينى

مسدس صغير يقول...

كيكى
اوعى تفهمينى صح
راسى ساحت من الشمس
بس بردة منقدرش نستغنى عنك
طبعا مقصدش حاجة بفكك منها دى
اقصد بدال فكك منى فكك منها بس كده
اما بقى لو عايزة تزعلى عادى
متقدريش تزعلى لأنى هضربك رصاصة وخلاص
هههههههههه
متشكر جدا على التعليق
بجد نورتينى

مسدس صغير يقول...

سفروته
عرفت طبعا مين وكالات الانباء
اول حرف من اسمها ايمى بيبى صح؟
لو عرفتى اسمها بقى خليه فى سرك
وبردة فى الافسايد

مسدس صغير يقول...

سفروته
ههههههههههه
طبها ملناش غير بيوتنا
الحمد لله
اشكرك على التعليق
نورتينى

مسدس صغير يقول...

البت المشمشية
انا كده اوزعة؟
امال انت عايزة ايه
الناس بيقولو عليه مسدس طويل وانتى تقولى اوزعة
وطالما عادل
يبقى فى بيتها
العز واحد
ههههههه
اشكرك على التعليق
نورتنيى

مسدس صغير يقول...

الشعب لابد له من حكومه تشكمه
هههههههههه
ابو بنى ده
مدونته اسمها ابو بنى
عرفتيه؟
هههههههه
ماشى
اشكرك على النور
والكهربا ام شحن كمان
والمرة الجاية اتفقنا
اشكرك على التعليق
نورتينى

مسدس صغير يقول...

خالد فودة
يا باشا انا اللى سعيد بمعرفتك
واتشرفت بيك
مصوراتى هايل
اشكرك على التعليق
نورتنى

مسدس صغير يقول...

سارة
والله كان نفسنا تبقى معانا
بس تتعوض المرة الجاية ان شاء الله
اعملى حسابك بقى
ربنا يخليكى
اشكرك على التعليق
نورتينى

مسدس صغير يقول...

ليس فقيرا من يحب
ان شاء الله تتعوض
يارب تبقو كلكو معانا ا شاء الله
فعلا كان يوم جميل
والنت رجع وهخليكو تقفلو مدوناتكو
ههههههه
اشكرك على التعليق
نورتينى

مسدس صغير يقول...

تاثير الفراشة
يارب تبقى معانا المرة الجاية
وكل سنة وانتى طيبة
اشكرك على التعليق
نورتينى

مسدس صغير يقول...

قلب ارهقته الاحلام
ان شاء الله تكونى معانا المرة الجاية
اشكرك على التواجد
متشكر على التعليق
نورتينى

مسدس صغير يقول...

سمايلى روز
هيتكرر ان شاء الله
بس تكونى معانا ان شاء الله
ربنا يكرمك
اشكرك على التعليق
نورتينى

مسدس صغير يقول...

ام مالك
ربنا يخليكى ويبارك فيكى
اة انا طيوب جدا
ههههه
مسدس مية او حتى صوت
فشنك يعنى
طبعا ادخل اشوف السؤال مدخلش ليه صغير؟
هههههه
ربنا يكرمك
اشكرك على التعليق والكلام الجميل
نورتينى

مسدس صغير يقول...

قلم رصاص
حبيبى
اة انا تخصص لقاءات
خليك انت نايم فى العش بتاعك
سألو عليك على فكرة قلتلهم متغيرو السيرة احسن
ههههههههه
بجد كنت مفتقدك
والنت جه وهقرفك من هنا ورايح
اما فتح وحماس سيبهملى
تمام كده؟
اشكرك على التعليق
نورتنى يا غالى

مسدس صغير يقول...

ميمايا
ههههههههههه
هاجى
ههههههه
والله شربات
والله انا سعيد جدا باليوم ده
وسعيد انى اتعرفت عليكى
كان يوم جميل
وان شاء الله لو فيه خطوبة هتبقو موجودين
بس ايه حكاية الخطوبة دى؟
هو حد سألكو عليه وللا ايه؟
هههههههه

مسدس صغير يقول...

ميمايا
انا بقى مسميكى ميمى بوخارست
حلوة؟
ههههههه
باقى الصور مع خالد فودة
اشكرك على التعليقات نورتينى

مسدس صغير يقول...

ريم
والله كان يوم جميل
كان نفسنا اكتر عدد من الناس ييجى وانتى طبعا كنا نتشرف لو اتعرفنا عليكى
خيرها فى غيرها
وان شاء الله باقى الصور هننزلها
عشان الكل يتغاظ اطمنو
ههههههه
اشكرك على التعليق
نورتينى

مسدس صغير يقول...

فاتيما
بجد انا اتشرفت جدا جدا بمعرفة اخت طيوبة اوى زيك كده
بجد انتى فخر الصناعة المصرية
ربنا يرجعلك يوسف بالسلامة
اما عن اللينك علم وسينفذ ان شاء الله بعد الدراسة
اشكرك على الهتمام والتعليق
بجد بجد نورتينى

اللى موش عارف يتغير يقول...

انا ابو بنى ده..
متاكد ؟
انت حلويت يا صلاح وادورت
هههههههههههه

مسدس صغير يقول...

اللى موش عارف يتغير
واحشنى والله يا حبيبى
يارب تكون بخير
اشكرك على التعليق
نورتنى

مصطفى حسان يقول...

بعد السلام والكلام ده كله....


كده تكتب عنوان الديوان غلط ..

ماشي يا سيدي

كل لقاء وانت طيب وان شاء الله اللقاء اللي بعده يكون اجمل واجمل

شجرة الدر يقول...

ياريت تنصحونا حتى نرتقي مع بعض في عالم التدوين
مدونة جديدة

مسدس صغير يقول...

درش
منورنى والله
سعيد جدا بوجودك
ان شاء الله حفل توقيع موفق
انا كتب اسم الديوان غلط؟
هشوف اهوه
وهصلحه
متشكر على التعليق
نورتنى

مسدس صغير يقول...

شجرة الدر
انا سعيد جدا ان مدونتى عابرة للحدود
ههههههه
متشكر جدا على التعليق
نورتينى