السبت، 1 أغسطس 2009

اجبارى لمدونين المنصورة والمحافظات القريبة ..


فرصة لمدونين المنصورة والدول المجاورة ان احنا نشوف بعض ونعتبره لقاء مدونين مصغر يوم الخميس الجاى الساعة 7 مساءً

ياريت كلنا نيجى ونجيب عشرة جنيه معانا عشان نشترى ديوان الراجل ده ونشجعه واللى معهوش العشرة جنيه . ديوانه على حسابى وموقع منى كمان..( واللى عنده اقتراحات نخلّيه يوم من أوله مثلا يقولنا ياريت ).. بس على فكرة الحفل ده اجبارى لكل مدونين المنصورة خاصة المنصورة والمدن القريبة منها .. ياريت كلنا نبقى متواجدين والغايب يقول للحاضر.واللى عايز ييجى من بعيد يبقى العشا على حسابنا كمان. ياريت. ويبقى صاحبى وحبيبى وكفاءة ..


التفاصيل :-


حفل توقيع ديوان: " حدوتة الشاطر .. مافيش ". للشاعر الجميل مصطفى حسان يوم الخميس القادم 6/8/2009 الساعة السابعة مساءً بمكتبة بوكس اند بينز، 7 ش جزيرة الورد - المشاية السفلية - أمام نادي الجزيرة - المنصورة.
.......................


أماكن التوزيع
القاهرة:-
البلد
دار ليلى
عمر بوك ستورز
الديوان - الزمالك
السندباد
الكتب خان - المعادي
سنابل
الإسكندرية:-
دار أكمل مصر
المنصورة:-

بوكس آند بينز

هناك 40 تعليقًا:

رحــــيـل يقول...

اممممممم احنا اصلا كنا بنعمل لقاءات لمدونين الدقهليه فى بوكس اند بينز بس اخر لقاء عاملناه كان فى نادى الاطباء من اسبوع ههههه من الواضح ان احنا مقصرين عشان مفيش ناس كتير تعرف ان احنا بنعمل لقاءات بقالنا سنه وكمان لينا جروب على الفيس بوك اسمه مدونين الدقهلية
انا ان شاء الله هحاول احضر يوم الخميس
وبالنسبه لان اليوم يكون من الاول فده كويس جدا انا كنت بفكر نعمل يوم زى مدونين بورسعيد او القاهره بيكون نص اليوم الاول عمل خيرى وبعد كده بنكمل اليوم سوا
يعنى مثلا ممكن نعمل الصبح يوم للتبرع بالدم فى مستشفى الاورام واللى يقدر يتبرع يتبرع وبعد كده نطلع على اى نادى نكمل اليوم سوا وفى المدونين من محافظات تانيه عايزين من زمان يجوا يحضروا لقاء فى المنصورة بس الافضل انه يكون جمعه اوسبت عشان الناس تكون اجازه
دى مجرد فكره كانت فى بالى بقالها فتره
تحياتى لك

قلم رصاص يقول...

السلام عليكم

فكرة حلوة حلوة حلوة ياابوصلاح

وانا مبسوط لمصطفى حسان

قابلته مرة واحدة بس يوم ماكنا سوا في

نادي أدب الكلية

والحقيقة شخصية محترمة وواتمنى له التوفيق

احتمال كبير اكون معاكم ، بس حسب ظروفي

كلك زوق وواجب ياصاحبي ولافته كريمة منك

اكيد تحسب ليك والراجل يستاهلها برضه

دمتم في حفظ الله

أمل حمدي يقول...

ربنا معاكم ويوفقكم ان شاء الله

جميل قوي تشجيعك ازميلك

ربنا يصلح حالك

خالد فوده يقول...

جاااااااااااي يا باشا

بس اوفي بوعدك والعشا علي حسابك
هههههه

ستيتة يقول...

عندي كذا عشرين سؤال
أولا هو مش ها يعمل حفل توقيع في القاهرة خالص؟
ثانيا لو يعني يعني عرفت أجي أركب إيه منين؟
ثالثا هو بعد حفل التوقيع ألاقي اتوبيسات نازلة القاهرة وألا أضطر أبات حداكم ومن ثم أتخلع رسمي؟
رابعا لو اتخلعت توعدني بصفتك محامي قبل ما تكون مسدس صغير تخليني اعرف ارجع الراجل رسمي تاني؟
شفت انا اسئلتي سهلة ازاي
هههههههههههههههههههههههه
ألف مبروك لمصطفى حسان وربنا يديه كل اللي يتمناه ونشوف له عشرين ديوان كده .. ونفسي فعلا اكون حداكم بس حاسة انه موضوع صعب قوي .. ياريت يعمل حفل توقيع في القاهرة علشان نصيح له

أبو العريف يقول...

مبرووووووووووووووووك الديوان

وياريتني كنت معاكم كنت اكيد هجيب الديوان
والدوواين المجاوره

تحياتي

mohamed ghalia يقول...

بالتوفيق للكاتب الشاب وربنا يكرمه

الشعب لابد له من حكومه تشكمه يقول...

علم وينفذ:)

حلم بيعافر يقول...

مبروك لمصطفى حسان
وربنا يسهل واعرف اجى

بنجاواتى يقول...

يا ريتنى كنت قريب من المنصورة
بس للاسف انا من المحلة :P

ان شاء الله هحاول افضى نفسى يوم الخميس وربنا ييسر واقدر اجى

تحياتى

mimi يقول...

إحنا في القاهرة عاملين لقاء تدويني

وهنشر بوست عنه بعد اللقاء

كان نفسي أشوفك يا أبو صلاح

منور دايما

تحياتك

mimi يقول...

ايه حكاية الديوان ده معرفش عنه حاجة

ياريت تقوللي

شكرااااااااااا

تأثير الفراشة يقول...

ألف مبروك للأستاذ مصطفى

و بالتوفيق بإذن الله فى اللقاء التدوينى

لاسع افندى يقول...

مبروك ل...مصطفى حسان



تحياتى

مسدس صغير يقول...

رحيل
ياريت تتكرر اللقاءات دى بتبقى حاجة جميلة جدا
ولو عملتو لقاءات من دى ابقو عرفونا بس واحنا ان شاء الله نكون متواجدين
اما بقى بالنسبة لحفل التوقيع تنورينا طبعا
بس مش عايزك تيجى لوحدك
لو تعرفى تجيبى البلد كلها وانتى جاية يبقى خير
ههههههه
تنورى طبعا
ولو حد اقترح اى شكل لليوم ده انا موافق
وربنا يسهل
اشكرك على المشاركة والتعليق
نورتينى

مسدس صغير يقول...

قلم رصاص
انتى اساسى يا باشا
مستحيل اروح من غيرك
انت بتهزر
هتيجى يعنى هتيجى
وهتشترى الديوان كمان وكمان هتشترى النسخة بتاعتى على حسابك
وانا اللى هوقعلك نسختك
هههههه بالقلم الهدية بتاعك
هههههههه
فعلا بتبقى حاجة جميلة
ربنا يوفقه
اشكرك على المشاركة والتعليق
نورتنى
هتبقى حفلة حلوة اوى ان شاء الله

مسدس صغير يقول...

ماما امولة
حمد الله ع السلامة
يارب تكونى بخير
ثانيا بقى بورسعيد مش بعيدة وياريت تنورينا فى الحفل ان امكن
والله انا سعيد جدا بتعليقك
نورتينى عن جد

مسدس صغير يقول...

خالد فودة
انت اساسى فى الفريق يا باشا
بس مفيش عشا انا بقول للمتغربين بس
هههههههه
تعالى وبظروفها
هههههه
تنور طبعا
مستنيك
نورتنى

مسدس صغير يقول...

ستيته
هههههههه
الجواب الاول
هيعمل بعد العيد ان شاء الله او فى رمضان
الجواب التانى
المواصلات موجودة تركبى من عبود اى حاجة جاية المنصورة
بالنسبة للرجوع متقلقيش بردة
هههههههه
الجواب التالت
لو اتخلعتى لا قدر الله نرجعك بسهولة بس تورينا همتك فى الاتعاب
ههههههه
اسئلة سهلة خالص خالص
ههههههه
دا انتى تنورى البلد كلها
بس بلاش احنا منرضاش ليكى الخلع
ربنا يكرمك على الدعاء الحلو ده
مصطفى بصراحة حد يستاهل
ربنا يكرمه ويكرمك
اشكرك على المشاركة والتعليق
نورتينى

مسدس صغير يقول...

ابو العريف
ربنا يرجعك بالسلامة
كلامك ده خلانى احس بجد انك معانا
انت انسان محترم والله
اشكرك على التعليق
والتعليقات المجاورة
نورتنى

مسدس صغير يقول...

محمد غالية
ربنا يبارك فيك
بس احنا مش عايزين مباركة ودعاء بس
احنا عاوزين الناس كلها تقول انا جاى
ربنا يكرمك
اشكرك على التعليق
وعلى الدعاء
نورتنى

مسدس صغير يقول...

الشعب لابد له من حكومة
علم ولابد ان ينفذ ان شاء الله
هههههه
تنورى

مسدس صغير يقول...

حلم بيعافر
لازم تيجى وتجيب الواد قلم رصاص معاك كمان ان شاء الله
اجبارى
اشكرك على التعليق
نورتنى

مسدس صغير يقول...

بنجاواتى
تنور طبعا يا دكتور
اتمنى انك تيجى
تنورنا والله
اشكرك على التعليق
نورتنى

مسدس صغير يقول...

ميمايا
هههههههه
هتشوفينى ان شاء الله
جاى بردة باذن الله
ان احيانا الله
ياريت انتى بقى اللى تيجى عندنا المنصورة

مسدس صغير يقول...

ميمايا
ديوان مصطفى حسان الجديد
شاعر جميل جدا ومتمكن
اتمنى انك تشترية وانتى تعرفى الاسم موجود فى البوست واماكن التوزيع موجوده بدة
اشكرك على المشاركة
والتعليق يا ميمايا
نورتينى
ولنا لقاء ان قدر لنا البقاء

مسدس صغير يقول...

تأثير الفراشة
الله يبارك فيكى
ربنا يكرمك
ويبارك فيكى
اشكرك على التعليق

نورتينى يا دكتورة

مسدس صغير يقول...

لاسع افندى
اشكرك على التعليق
ربنا يبارك فيك
نورتنى

ريمان يقول...

يا ريت اعرف اجى يا صلاح


بس صعب

Unknown يقول...

عاااااااا
ادعولي اعرف اجي
لأن عندي فرح بنت خالتي يوم الاربع ان شاء الله بره المنصورة
و شكلي كده هرجع مكسر و انام يومين زي اللي حصل من يومين !!!

قلب ارهقته الاحلام يقول...

فكرة جميله جدا :)

انا عملت الاعلان عندي خلاص

بس صعب اني اجي اوي بأة معلش بس

اول لما تمشوا رنولي وانا اروح اشتري الديوان هههه

غلاسه :D

عقبالك ياصاصا لما تنزل ديوان قريب إن شاء الله

mahasen saber يقول...

طب مدونى الشرقيه والمدونيين متتعددين الاعراق زى حالاتى

يروحوا فين

اعملوا حسلبكوا يا مدونيين النصوره لو حضرنا ان شاء الله

راسمين على عشا
ونشوف بئا كرم الضيافه



مبروك للشاعر الجميل على ديوانه
بالتوفيق ليه ان شاء الله

وردة يقول...

انا بقي داخله غلاسة
انا مش من المنصورة ولا من المحافظات القريبة
بس دخلت "متغاظة منكم"
هههههههههههههههه
طب تعالو اعملو الاجتماع ده عندنا
وبالمرة تصيفو
"اسكندرية ترحب بكم"
ههههههههه
ربنا يوفقك
عاوزين نعرف الاخبار بعد اللقاء
سلام

اللى موش عارف يتغير يقول...

بالتوفيق يا حبيبى

والى الامام دائما

مسدس صغير يقول...

ريمان
تنورينا
ياريت
ربنا يسهل
اشكرك على التعليق
نورتينى

مسدس صغير يقول...

المعلم محمد صاحب المطعم
هتيجى ان شاء الله حاول
ربنا يسهل
تنورنا
اشكرك على التعليق
نورتنى

مسدس صغير يقول...

قلب ارهقته الاحلام
هتيجى ان شاء الله بس صفى نيتك
ياريت تيجى
تنورى

مسدس صغير يقول...

محاسن صابر
مستنيينك ان شاء الله
ومعاناالعشا
هههههههه
ياريت والله
تبقى نورتينا
اشكرك على التعليق
نورتينا

مسدس صغير يقول...

وردة
هههههههه
خلاص نعمل لقاء عندكو فى اسكندرية بس المصيف على حسابكو بقى بالغدا والعشا والكلام ده
ههههههه
ربنا يخليكى
ان شاء الله نعمل فى اسكندرية بس خليه السنة الجاية
نورتينى

مسدس صغير يقول...

اللى موش عارف يتغير
ربنا يكرمك
ويبارك فيك
اشكرك على الدعاء والتواجد
نورتنى
مستنيينك فى المنصورة
هههههههههههههههههههه