الأحد، 26 يوليو 2009

القانون فوق الجميع والرشوة فوق القانون


القانون فوق الجميع

لا أحد فوق القانون

لا شئ فوق القانون

سيادة القانون

القانون قانون

شرف المهنة فوق كل اعتبار

ويا آآه يا آآه


كلها كلمات تطلق اذا كان الغلبان هو الغلطان

اما لو كان القوى والغنى هو الغلطان يُلغى القانون


اذا قَتل الغنى نرى الفتاوى تقول بأنه من قتل عمدا يجوز له ان يدفع الدية ويخرج منها زى الشعرة من العجينة

اما لو قتل الفقير فيعدم لأنه مجرم شديد الاجرام ويُخشى على الشعب منه


النبى صلى الله عليه وسلم كان بيقول " انما اهلك من كان قبلكم كان اذا سرق فيهم الشريف تركوه واذا سرق فيهم الضعيف اقاموا عليه الحد وأيم الله لو أن فاطمة بنت محمد سرقت " مش لدفع محمد الدية "( لا ) لقطع محمد يدها " أو كما قال. هذا هو النبى

اللى خللا القانون مش قانون هيه الرشوة وخراب الذمم وانعدام الضمير


زمان كنت كتبت بوست عن حالات دفع الرشوة فى الاوساط الرسمية المصرية خدوها اهى كلاكيت تانى مرة :-


1-فوت علينا بكرة يا سيد

2-مشكلتك دى ملهاش حل ويهرش فى دماغه

3-الموضوع ده هياخد وقت " ويبقى عارف انك مستعجل "

4-يفتح الدرج ويقفله

5-يقلع النضارة ويلبسها تلات اربع مرات قدامك

6-الموظف المختص مش موجود وهاييجى بعد(من يوم ل 3 سنين)


7-مشى حالك

8-شغل دماغك

9-عايزين نفطر

10-هات الشاى

11-هات الدمغه هو انا يعنى هدفعها من معايا

12-اخلص

13-ابجنى تجدنى

14-ورقك ده اصبح مسئوليتى تستلمه منى

15-يحاسب بتاع القهوه قدامك

16-يديلك ملف فاضى

17-يديلك رقم تليفونه ويقولك رن عليّه قبل ما تيجى

18-يصعب المسأله ويقولك والله موضوعك ده ولا الوزير يقدر يخلصه ويقول بعنيه بس انا أقدر
*******

فى الحالات دى انت بقى شغل دماغك واخلص واديله الدمغه عشان يفطر ويشرب شاى ومشى حالك بدل متفوت علينا بكره يا سيد..!!!


هناك 74 تعليقًا:

خالد فوده يقول...

اول تعلييييييييييييق

خالد فوده يقول...

بص يا باشا دي حاجه عاديه جدا ..ابتسم ياعم انت مصري
وبعدين سؤء الحاله المعيشيه اللي احنا عايشينها برضو من ضمن الاسباب

وبرضو ان الموظف ده متعلمش انه صلى الله عليه وعلى آله وصحبه وسلم- أنه قال: "لعن الله الراشي والمرتشي

يمكن احنا علينا اننا نغير ثقافتنا وثقافه شعبنا
اولا لانك انت السبب الرئيسي ف انه يطلب رشوه ..انت عاوز تخلص ..يبقي لازم تشغل دماغك زي ما انت قولت

فتاه حالمه يقول...

انا التاني
عااااااااااااااااااااااااا

فتاه حالمه يقول...

انا مليش دعوه بقي
البوست ده انا اول تعليق
عاااااااااااااااااااااا
لا مش عااا هيييييييييييييييه
انا اول تعليق
مبروك علي التاريخ
لولولولولولولي
هقراء وقت تاني بقي

*البت المشمشية *حلوة بس شقية * يقول...

لالالالالالالا انتا مناوى تجبها لبر
وشكلك عايز تتحبس
اهو بركة
نترحم منك خالص
وتبقا كدة الجريمة كاملة

*البت المشمشية *حلوة بس شقية * يقول...

انتا بجد عندك حق
كلو ماشى دلوقتى بلمحسوبيات
والرشوة
تدى اى حد فلوس كدة فى ايدو المصلحة تمشى حلاوة

EMMY BABY يقول...

ااااااااااااه بجد والله دلوقتى كله بقى ماشى كدة

بس انا بقى بركب دماغى ومبرداش ادى لحد اى حاجة بالهدف ده حتى لو اضطريت اتخانق او استنى

بجد والله احنا اللى عملنا فى نفسنا كدة لاننا رضينا واعتبرناه امر واقع متمسكناش بحقنا وادناهم على دماغهم

تحياتى

ايمى

ليس فقيرا من يحب يقول...

يبقى انت اكيد
اكيد
اكيد
اكيد فى مصر

تقبل تحياتى

just dream يقول...

والله انا شايفه ان فوت علينا بكرة ياسيد اهون بكتير
لا واللى يغيظ اكتر ان الاخ على جمعه المفتى حلل ده وقال طالما ان مصالحك مش هتمشى غير بكده يبقى مشيها وخلاص
واضح ان الشعب كله بقى بيشرب شاى بالياسمين على راى عادل امام
لا وحلى حاجه بقى لو اخدت معاك مثلا وكيل نيابه ولا حاجه والله بيعملولك الواجب وزياده على ماتشرب قهوتك تكون اللى انت عاوزة اتظبط وبقى تمام هههههه هى دى مصر اللى مش عارفين هى امنا ولا بقت مرات ابونا
يلا ياريت تعزم الاخوة المدونين على شاى بالياسمين هههههه

بنجاواتى يقول...

استنى بقى استنى

ما تظلمش المصالح الحكومية والموظف الحكومى
انا من يومين كده كنت فى الشهر العقارى ومادفعتش رشوة ....ايه رأيك بقى؟؟؟؟

بس انت عارف يا بو صلاح ما دفعتش ليه علشان مكنتش قريت البوست بتاعك ده

وكنت مستغرب فى كل مرة بدخل فيها مكتب الاقى الموظف او الموظفة يقولوا اتفضل استنى برة خمس دقايق ...اقوم اطلع دقيقة وادخل الاقى الورق خلصان وساعات كنت بستنى على اى كرسى قدامه الاقيه راح ماضى امضى ع الورقة ويبقى الموضوع خلص واقول لنفسى امال كان عايزنى اقعد خمس دقايق ليه؟؟؟!!

المهم الحمد لله وساعات بيكون الجهل نعمة ..وخلصت المهمة بنجاح من غير اكراميات هع هع

تحياتى

سفروتة يقول...

زمن عجيب
وبلد اعجب
ولتستمر دائرة الفساد في الاتساع
يعني احنا ورانا ايه
احسن ناس

دمت بخير يا ابو صلاح
:)

saragebaly يقول...

قانون ايه بس؟؟

الكلمة دي اتلغت من القاموس

او بتتطبق على الغلابة
او بالاخص لما المجرم الجاني هو الي يكون غلبان

زي ما انت قولت كدة


كل حاجة دلوقتي بقت ماشية بالفلوس
كل الناس بقت تعاملتهم كدة
الا من رحم ربي

يمكن نسيو ان الله لعن الراشي والمرتشي

بس الي يغيظ ان في ناس كتير بتبرر الي بتعمله
وتقول لاء دي مش رشوة
طريقة تحايل
بس لو تحايلو على القانون
هيتحايلو على ربنا؟؟!!

ربنا يرحم الجميييع


تحياتي لك
سارة

غير معرف يقول...

عادي .. وماله ؟؟

رشوه؟؟
محسوبيه ؟؟
سرقه عيني عينك ؟؟
استغلال ؟؟
او حتي يعني ابتزاز ؟؟

وماله ؟؟ .. اركب الموجه ومشي حالك بدل ما تفوت علينا بكره .. و ياريت تشغل دماغك بقي :))))))))

Kiara يقول...

والله انت جبت الخلاصة

الحل بقي ايه ؟؟

mohamed ghalia يقول...

اذا قَتل الغنى نرى الفتاوى تقول بأنه من قتل عمدا يجوز له ان يدفع الدية ويخرج منها زى الشعرة من العجينة


لا ثوانى يا صاحبى
موضوع القتل العمد أيوه فى دية واسأل اى فقيه بتابع معاه أو شيخ مهتم بالمذاهب
فعلا انا سألت كنت معتقد زبك انى الدية فى اخطأ بس لكن لا فى دية فى العمد بس فى فرق طبعا
فى الخطأ أن تدفع الدية وتفتدى نفسك
ويدفعها العائلة كاملة
أما فى العمد
فأنت فقط من تدفع الدية وحدك ولابد من موافقة اهل المقتول
ولكن الفرق المهم بقى
يبقى حق المجتمع وحق أولى الأمر الى هو متمثل فى القضاء
بمعنى تانى مش معنى انى دفعت الدية يبقى لا اتفضل كدهع انت كده تمام واروح أموت واحد تانى
لا بكون فيه عقوبة جنائية ولكن لا تصل لحد القصاص
لأنى أول الأمر ليهم ده
يعنى مثلا 20سنة مع الأشغال الشاقة المؤبدة
10سنين كده يعنى

تقبل مودتى
ويارب أكون قدرت أوصل الفتوى هى على فكرة قديمة جدااااااا
وبصراحة مش فاكر انه مذهب الظبط بس انت ممكن تتأكد لو تحب
عايز انبه تانى انى العقوبة لا تسقط ولكن القصاص هو الذى يسقط

قلم رصاص يقول...

هههههههههههههههه

أستاذ من يومك بصحيح يا ابوصلاح

بس باعتباري المتابع الأول لأعمالك الجليلة على صفحات المدونة عشان انت اخويا وصاحبي وحبيبي ، فأنا فاكر ليك حتة حلوة أوي كنت بتقول فيها بخصوص الرشاوي إن الموظف أصبح أكثر تأدبا مع المواطن وبدل ماكان بيقول له : فوت علينا بكره ياسيد .. أصبح بيقول له :
فوت علينا بكره يا أستااااااذ سيد !

ههههههههههههههههههه

فمشي حالك يابطل عشان المركب توصل بسلام .. والله انا من اشد الناس سخطا على الاوضاع الروتينية زي اللي انت اتكلمت عنها النهاردة .. لكن بكل أسف أصبحت ثقافه مصرية غير قابله للصنع خارج حدودنا

يحضرني قول أحد المفكرين البريطانين في معرض حديثه عن مصر ومقارنتها بما يحدث في بريطانيا على سبيل المثال ، فقال الرجل :

لو كشف النقاب عن عملية فساد واحدةمثل الموجود في مصر مهما كان حجمها في بريطانيا او اي دولة غربية ، لاهتزت الدنيا ، وأُسقطت الحكومات ويصبح نظام الدولة مهدد بالإنهيار !

لكنننننن بلد مثل مصر ، بيتم نهبها منذ 7000 سنة من أيام عهد الفراعنة ، ومازالت تقف على قدميها .

ههههههههههههههههه

شوفت بقى احنا جامدين أد ايه ومعادش يحوق معانا رشاوي وفساد ، لأنها لو كانت بتحوق فينا ، كان فاتنا زي الصومال بالظبط دلوقتي
هههههههههههههههه

اه والله

فقول ياباسط

لكن اللي بجد مزعلني جدا حتة التفرقة العنصرية بين المحكوم عليهم بالاعدام ، غني وفقير .. وزير وغفير..رقاصة ومفكر سياسي !

لنا الله من قبل ومن بعد

دايما مبدع ياصاحبي

في حفظ الله

وطيبتم وطاب سعيكم وممشاكم

Me7'o يقول...

مش فاكر أنا قريت الجملة دى فين الصراحة ولا حتى فاكر مين اللى قالها

"فى الدول التانية ممكن تدفع رشوة علشان تاخد حاجة مش من حقك إنما فى مصر لازم تدفع رشوة علشان تاخد حقك"

تحياتى

وردة يقول...

ايه الطلقة الجامدة ديه
شكلك حتوقعنا في الكلام وبعدين تسيبنا وتقول انا مالي
هههههههههههههه
المصيبة ان نفس الناس ديه هي الشعب المفروض الغلبان المطحون
انت عارف المشكلة في ايه
الغلبان في بلدك بيفضل غلبان ومقهور اديله سلطه ولو صغيرة
موظف في مكتب بيخلص مصالح الناس
ده لو مش حيراعي ربنا
اتفرج بقي علي المصايب
كأنه اصبح رئيس الوزارة
ونسي انو من شوية كان واح من الناس اللي واقفه ادامه
الكلام كتبيير والمشاكل بقت اكبر مننا
والحل
no comment
سلام
سلام
سلام

Unknown يقول...

يــــاخبر ياصاصا!
يارجل القانون والحق والعدل
بتقول كده!امال أحنا عامة الشعب
الغلبان نقول ايه؟لناالله ربنا يستر(:

ستيتة يقول...

هي دي بلدنا يا فرد منك ليه

بنزرع القمح من أيام الفراعنة وبيطرح كوسة وقرع في ثواني

بس بوست عمرو بدر صاحب الحبشتكانات الفلسفية بيدي امل ان لسه فيه بقايا شرف في زمن انحطاط البشر

الجميل بقى لما تقرطس المرتشي
آه والله واهم شيء القرطاس يكون على مقاسه صح

ياما شفت زوجوجي بيمنيه "بس انت خلص بس وانا ها أروح فين" وبعد ما ناخد حقنا يقول له أمشي يا حرامي ياابن الحرام ياللي عيشتك حرام
ولأن هذا الموظف على راسه بطحة والله ما بيرد
بس مش اي حد للأسف يعرف ياخد حقه كده

ولا أنا كمان اعرف

لنا الله

جحا المصرى يقول...

بلد بتاعت شهادات صحيح
ياريتها كانت بتاعت شهادات

عاشقه الرومانسيه يقول...

فساد وبيع ضمائر وغش عينى عينك
هى دى بلدنا؟
لا حول ولا قوه الا بالله
لنا رب

موناليزا يقول...

لا نملك سواها
حسبى الله ونعم الوكيل

MǿиY El-Shreef يقول...

يبقى انت اكيد ف مصر يابوصلاح

مشي امورك ياعمي وانجز

وازيك انت عامل ايه :)

اللى موش عارف يتغير يقول...

مره فى رمضان موظف قلى عايزين نشرب شاى
المشكلة ان الرشوه فى طريقها ان هى تصبح عرف
والله حاجة من الحاجات المقرفه فعلا بس ابشروا موش فى مصر بس

explosion يقول...

hiiiiiii
ينفع كدا اجي متاخره كل ده
ماشي يا صولاح
لا وانت الصادق الحياه ماشيه دلوقتي بحاجتين يا وسطه يا رشوه
وياريتهم بيعملو حاجاه قويه لا ده يدوب عشان يعاملو الانسان كا بني ادم وبردو مش بيعاملوة
ربنا يرحمنا يا رب من العالم ده بقي
تحياتي وضرب نار للصباح الباكر
ههههههههههههههههههه
تشاو

explosion يقول...

نسيت حاجه
هههههههههههههههههه
فتاه حالمه مبروك التعليق الاول مكرر
هههههههههههههه
الا فين قلب ارهقته الاحلام
مش جت خالص يعني
يا رب تكون بخير
لما اروح ازورها بقي
سلام

مسدس صغير يقول...

خالد فودة
مبروووك
دخلت التاريخ

مسدس صغير يقول...

خالد فودة
دى ثقافة شعب ومحتاجين نغيرها
ونبدأ بنفوسنا
اشكرك على التعليق
نورتنى

مسدس صغير يقول...

فتاة حالمة
ههههههه
اللى سبق اكل النبأ

مسدس صغير يقول...

ماشى ياستى
انتى اول تعليق مكرر
هههههههه
اشكرك على التعليق
نورتينى

مسدس صغير يقول...

البت المشمشية
جريمة كاملة
وسجن
دا انتى بتعزينى بشكل؟
هههههههههه

مسدس صغير يقول...

البت المشمشية
ربنا يستر
كله ماشى
اشكرك على التعليق
نورتينى

مسدس صغير يقول...

ايمى بيبى
مجبر اخاك لا بطل
احيانا فعلا بتكونى مجبرة انك تدفعى عشان تخلصى
هنعمل ايه بس
ربنا يرحمنا
اشكرك على التعليق الجميل
نورتينى

مسدس صغير يقول...

ليس فقيرا من يحب
يبقى انت اكيد فى مصر
طبعا
هههههه
ربنا يستر
اشكرك على التعليق

مسدس صغير يقول...

وكيلة نيابة
يا ستى دى مش فتوى على جمعة بس انما فتوى كتير من المشايخ
بس بشرط تكون بتاخد حقك ومش هتاخده غير بكده فيبقى مش حرام عليك وتكون الحرمة على المرتشى
اشكرك على التعليق الجميل
نورتينى

مسدس صغير يقول...

بنجاواتى
هههههههههه
اهمه الخمس دقايق دول حركة
بس انت طبعا عملت نفسك مش من هنا
ههههههههه
المهم انها خلصت على خير يا سيد بنجا
ههههه
اشكرك على التعليق يا دكتور نورتنى

مسدس صغير يقول...

سفروته
ومازال النيل يجرى
ربنا يستر
اشكرك على التعليق يا نور
نورتينى

مسدس صغير يقول...

سارة جبالى
على فكرة اللى انتى بتقوليه ده من علامات الساعة
ان الاشياء تسمى بغير مسمياتها
يعنى مثلا الرشوة تسمى اكرامية والخمر يسمى مشروبات روحية والرقص يسمى رياضة وهكذا
ربنا يستر
اشكرك على التعليق الجميل
نورتينى

مسدس صغير يقول...

هاجر زعبل
على رأيك بدل منفوت بكرة
نخلص النهاردة
ربنا يهدى
لنا الله
اشكرك على التعليق نورتينى

مسدس صغير يقول...

كيارا
مش خلاصه اوى
اما بقى عن الحل فده عايز بوستين هنبقى نجهز ليهم ان شاء الله
اشكرك على التعليق والزيارة
نورتينى

مسدس صغير يقول...

محمد غالية
اولا اشكرك على التوضيح
ولكن اتمنى ان تقرأ الكلام مرة اخرى
انا مقلتش انه ينفع او مينفعش
انا بتكلم على انطلاق الفتاوى فى هذا التوقيت خاصة
الاف الغلابة يعدمون من عشرات السنين ولم يتكلم مفتى واحد فى هذه المسأله اما الان انطلقت الفتاوى اسرع من البرق لأنقاذ هذا المسكين بأى شكل
ده اللى انا اقصده
اشكرك على التعليق
نورتنى

مسدس صغير يقول...

قلم رصاص
ماشى يا رافع معنوياتى
ههههههههه
فوت علينا بكرة يا استاذ سيد
ههههههه
قول يا باسط تلاقيها هاصت
مشى حالك عشان تمشى
ربنا يستر ع الجاى
منورنى دائما ومبدع فى ردودك كعادتك
اشكرك اخى الكريم على التعليق
حلوة اوى التعليقات بتاعتك دى
حلوة حلوة
نورت

مسدس صغير يقول...

me7o
هيه الرشوة كده
عشان تاخد حقك اكتر من اللى عشان تاخد حق غيرك
اشكرك على التعليق
نورتنى

مسدس صغير يقول...

وردة
فعلا
معاكى حق
ساعة ميتمكن يتجبر
وكان غلباااااان
بس نعمل ايه بس
فى الطبيعة الفرعونية المصرية
ههههههه
اشكرك على التعليق
نورتينى

مسدس صغير يقول...

نوراهاتى
ههههههههه
رجل القانون قال
هههههه
البلد كلها كده
ربنا يستر
اشكرك على التعليق
نورتينى

مسدس صغير يقول...

ستيته حسب الله
ههههههههه
حلو موضوع القرطسة ده
بس انا لازم اوضح لك نقطة مهمة
لو انا عملت كده فيبقى دى لازم تكون اخر تعامل بينى وبينى الشخص ده
امال بقى لو ليك شغل عنده كل يوم
هتعمل معاه الحكاية دى؟؟؟
مستحيل طبعا
بس فكرة
ههههههههه
اشكرك على الفكرة والتعليق
نورتينى

مسدس صغير يقول...

جحا المصرى
على رأيك ياريتها بلد شهادات
اشكرك على التعليق
نورتنى

مسدس صغير يقول...

عاشقة الرومانسية
فعلا ربنا يستر
لا حول ولا قوة الا بالله
حسبنا الله ونعم الوكيل
اشكرك على التعليق
نورتينى

مسدس صغير يقول...

موناليزا
حسبنا الله ونعم الوكيل
اشكرك على التعليق
نورتينى

مسدس صغير يقول...

مونى الشريف
انا بخير الحمد لله
مقطوع النت غلبان اشتحق الصدقة
هههههه
اشكرك على التعليق
نورتينى

مسدس صغير يقول...

اللى موش عارف يتغير
ههههههههه
فى رمضااان؟؟؟
ههههههه
يشرب شاى
ماشى
واديتله؟؟
اكيد
اشكرك على التعليق
نورتنى

مسدس صغير يقول...

اكسبلوجن
بردة ضرب نار
يعنى تفجير ومسدسات ورشوة
دى نار يعنى نار
هههههههه
اشكرك على التعليق المتأخر
نورتينى

مسدس صغير يقول...

اكسبلوجن
ههههههههه
ماشى فتاة حالمة تانى تعليق
وقلب ارهقته الاحلام محدش شافها
روحى بقى اسألى عليها وتعالى

تلميذة سلمان الفارسى يقول...

نفسى افهم هو الموظف الحكومى ده ملوش ورق يخلصه فى اى مصلحه حكوميه تانيه؟؟
ليه يعمل كده فى الناس ماهيتعمل فيه.
امبارح وقفت اربع ساعات فى الشمس عشان اخلص ورقه.!!!
حلو اوى العنوان

mimi يقول...

فوت علينا بكرة يا سيد


عرف أسم الدلع بتاعي منين؟؟؟؟؟

mimi يقول...

ابو صلاح

طول عمرك دماغ يا بو صلاح

الشعب لابد له من حكومه تشكمه يقول...

عمك المفتى قال طالما انكبتدفع الرشوه علشان تاخد حاجه من حقك فهى حلال حلال..:)
شفت انا حلوه ازاى؟؟

قلب ارهقته الاحلام يقول...

انا جييت اهو

بس هي الغيبوبة ال مساكاني هههه

كل يوم اجي هنا مقدرش وتقولي فوتي علينا بكرة ياسيدة ههههه

ده الطبيعي ف مصر ياصاصا مش حاجة جديدة

من واحنا حتي صغيرين واحنا بشوف مهازل ف المدراس ومكناش فاهمين

كل مرحله بتعدي علينا بنشوف اشكال جديد من كل ده والبقية تأتي ,,,,,,,

وفووووت علينا بكرة ياصلاح هههه

قلم رصاص يقول...

هههههههههههههههههه

معقوله انا اول تعليق

لالالالالالالالالا أكيد العدادات باظت عندك

شايف ايهاب بيقول ايه ؟!

في رمضاااااااااااااان !

ههههههههههههههههههه

يالهووووووووووووي علينا

فعلا المصري كريم العنصرين ومأبج الجيبين

الشماااااااااااااااااال ويمين

وعجبي !

هههههههههههههههههههههههههههه

والله لادفعك فاتورة كهربا كبيرة أااااد كده من كتر النور بتاعي المخيم على المكان ههههههههههههه

رافع معنوياتك ازاي يعني وانت رافع ضغطي هههههههههه

انا بقول الحق ياريس لو على رقبتي وانت بني آدم محترم ونضيف


وأكيد تستاهل عزومة على غدا

وساعتها تستاهل الدبح
هههههههههههههههههههههههه

فاهمني طبعا
هههههههههههههههه

مشكور ياريس على اتاحة الفرصة مرة تانية لدخولي التاريخ

بس انت اللي جبته للتاريخ بقى
ان ماحرفته وزحفته على التراب ومشيته على مزاجي مبقاش انا هههههههههههه

يلا سلام

تأثير الفراشة يقول...

حضرتك معاك حق ، ربنا يصلح الأحوال

على فكرة فيه حاجات من الإشارات اللى حضرتك كتبتها أنا اول مرة أعرفها

لنا الله جميعا

تحياتى لحضرتك، و أتمنى لك و لنا جميعا ألا نصادف هذه المواقف

أبو العريف يقول...

هههههههههههههههه
هههههههههههههه

ايه الناس دي
انت جاي تعلمنا امتي ندفع الرشوه
تصدق الواحد كان مش بياخد باله من الحركات دي رغم انها بتحصل بجد
وحق وحقيقي كمان


تحياتي

فتاه حالمه يقول...

هالوووووووووووووووو
ازيكو ازيكو يالي احنا جينا عندكم

معلش بقي انت عارف الظروف اتاخرت سويه بص بردون التاريخ اتحجز اهون

اقولك انا بقي ايه انت عارف انا كان جيلي شغل ورفضته مع اني عايزة اشتغل بجد
بس كان الشغل ايه بقي
اشتغل سكرتاريه واخلص ورق وحاجات من دي
وانا عارفه نفسي ايون
يجي واحد يقولي الشاي هروح عامله عبيطه يا اتعصب عليه والموضوع موش ناقص
قولت مالها قاعده البيت ولا سيد ولا سيده
واوعي متفوتش علينا يا سيد يا سيد
نيهاهاهاهاهاهاهاها
حلوة
معلش مهيسه بقي ومش نمت
عاااااااااااااااااااااا

تامر علي يقول...

تقدر ما تدفعش ؟؟؟

حالك يقف ومصالحك تبوظ وحياتك تتحول لجحيم .... من اول بتاع الشاي لحد رئيس مجلس الادارة يرفع نفس الشعار

الرشوة هي المصدر الاساسي للدخل

تحياتي )

مسدس صغير يقول...

تلميذة سلمان الفارسى
ليه مصالح عند موظفين بردةبس هنعمل ايه يعنى
الطبع يغلب التطبع
اشكرك على التعليق
نورتينى

مسدس صغير يقول...

ميمايا
هههههههههه
بيعرفو
اصلهم مخاويين
هههههههه

مسدس صغير يقول...

ميمايا
اشكرك يا ميمايا على الكلام الحلو ده
دا انتى اللى دماغ
ههههههه
بجد سعيد بمرورك
نورتينى

مسدس صغير يقول...

الشعب لابد له من حكومه
مش عمى
ههههههه
وغير كده مش هوه المفتى
خلاص يقول اللى يقوله
انتو مزعلكو ايه
ههههههه
اشكرك على التعليق
نوريتنى

مسدس صغير يقول...

قلب ارهقته الاحلام
واللى يعيش ياما يشوف
انتى لسه شفتى حاجة
ههههههههه
ربنا يستر
وانتى اللى متقبضيش
ههههه
اشكرك على التعليق
نورتينى

مسدس صغير يقول...

قلم رصاص
اول تعليق ايه؟
تاريخ ايه؟
مفييييييش
لو فيه عزومة ع الغدا ؟
ممكن
هههههه
بس امتى؟؟
مش الدبح
العزومة
ههههههههه
منور دايما ومش شايفين من كتر نورك
اشكرك على الكلام الحلو اوى ده
واشكرك على التعليق
ونورتنى

مسدس صغير يقول...

تأثير الفراشة
حضرتك؟؟
ماشى
هههههههه
مبلاش حضرتك دى ونخليها سعادتك
ممكن؟
هههههههههه
خللى البساط احمدى
هتشوفى الكلام ده بس بعد التخرج
متقلقيش
ومتستعجليش
ربنا يستر
اشكرك على التعليق
وحضرتك نورتينى

مسدس صغير يقول...

ابو العريف
ههههههههههه
لا بعد كده تاخد بالك من الحركات دى
ههههههه
ادينى بعلمك حاجة للزمن
هههههههه
اشكرك على التعليق
نورتنى

مسدس صغير يقول...

فتاة حالمة
ههههههههه
كل ده بتقرى
ياااااااااه؟
دا الموضوع صعب اوى
هههههههه
اة بلاش تشتغلى عشان موضوع فوت علينا بكرة يا سيد احسن ميطلعش اسمه سيد تبقى كارثة
هههههههه
اشكرك على التعليق\نورتينى

مسدس صغير يقول...

تامر على
فعلا تقدر متدفعش؟؟
مقدرش
الرشوة فعلا هى المصدر الاساسى للدخل
لنا الله
اشكرك على التعليق
نورتنى